定期送上世界各地最新、最地道嘅旅遊資訊!

【台場景點篇】編輯親浸!東京大江戶溫泉懶人包 (連台場必食、必買推薦)

台場景點篇 | 台場簡介

@tabiraijapan

台場係東京未來發展嘅一個核心區域,所以區內有唔少觀光景點同埋娛樂設施吸引遊客到臨。台場景點眾多,只要喺JR新橋站乘搭百合海鷗號列車(Yurikamome)就可以輕易到達台場區域各個觀光景點,往來台場其實非常方便!

 

台場景點篇 | 台場必去景點 | 東京大江戶溫泉

@tokyo-koryaku

去親日本都要浸溫泉?位於台場嘅東京大江戶溫泉絕對係你嘅不二之選!東京大江戶溫泉基本上一年四季都會開放,佢係全日本最大規模嘅溫泉主題樂園,溫泉之外仲有其他多元化娛樂設施,即刻睇下有咩玩啦!

@livejapan

一入到東京大江戶溫泉,職員會要求你換上佢哋嘅和風浴衣,款式都幾靚㗎!行出更衣室就係江戶大街,飲食同埋遊戲攤檔林立,你一定會享受呢度嘅氣氛!浸溫泉之前不妨先嚟消遣一下,體驗江戶時代特色!

 

@tokyo-koryaku

@tokyo-koryaku

嚟到東京大江戶溫泉嘅重點就梗係浸溫泉啦!佢哋嘅溫泉採用弱鹼性泉水,對於肌肉疼痛、關節痛以致消化系統問題都有一定幫助。另外,大江戶溫泉仲有專為女性而設嘅「Silk Yu」溫泉區,泉水加入超細氣泡,促進血液循環,貪靚嘅朋友又點可以錯過啊!

 

東京大江戶溫泉
地址:2 Chome-6-3 Aomi, Koto, Tokyo 135-0064日本 (顯示地圖)
營業時間:11:00-09:00
參考費用:
2720日圓 (18:00之前入場)
2280日圓 (18:00之後入場)
官網:http://www.ooedoonsen.jp/

 

📖延伸閱讀: 東京近郊溫泉之旅:箱根溫泉酒店推薦

 

台場景點篇 | 台場必食景點 | 豐洲市場

@東京都中央卸売市場

 

築地市場遷往豐洲市場呢件事講咗咁多年,今年終於成事啦!唔少原本喺築地市場營業嘅餐廳都一一隨市場遷移至座落於台場區域嘅豐洲市場啦!即刻睇下有邊啲餐廳!

 

豐洲市場必食推薦 | 大和壽司

@mrfatuncle

曾經被日本飲食雜誌評選為「築地場內第一壽司店」嘅大和壽司絕對喺你唔可以錯過嘅餐廳!大和壽司最有名嘅當然就係佢哋嘅手握壽司,壽司飯喺師傅純熟嘅手勢下捏製恰到好處,唔會太實或者太鬆,再配上師傅每日精選嘅刺身,鮮甜味十足,唔怪得經常大排長龍啦!

 

豐洲市場必食推薦 | 鳥藤

@tabelog

嚟豐洲市場食好西唔一定淨係得海鮮嘅!鳥藤呢間喺日本有超過100年歷史嘅老店,係當地人好鍾意嘅一間餐廳,而佢哋最出名嘅首推親子丼。鳥藤嘅親子丼特別之處在於佢哋採用產自日本嘅新鮮走地雞,肉質鮮嫩多汁,食過就知係正嘢!

 

豐洲市場
地址:東京都江東區豐洲6丁目5、7街區及一部分的6街區 (顯示地圖)
官網:http://www.shijou.metro.tokyo.jp/toyosu/

 

📖延伸閱讀:【東京海鮮之旅】仲去東京築地?三大新興東京魚市場連回本必食推薦!

 

台場景點篇 | 台場必買景點 | Diver City

@livejapan

@needs.com

經過一段時間嘅翻新,以一比一獨角獸高達作招徠嘅Diver City喺11月2日再度隆重開幕!翻新後嘅Diver City唔單止有日本首個VR機動遊戲設施「HexaRide」,而且仲有唔少新商店開幕,好似「CRAY TOKYO」同埋「Hollister & Gilly Hicks」總共大約50間人氣品牌商店,購物狂準備嚟瘋狂血拼啦!

 

Diver City
地址:1 Chome-1-10 Aomi, Koto, Tokyo 135-0064日本 (顯示地圖)
官網:https://mitsui-shopping-park.com/divercity-tokyo/

 

📖延伸閱讀:【東京高達出沒注意】一比一獨角獸高達進軍東京台場!

 

台場景點篇 | 台場住宿推薦 | 東京台場日航大酒店

東京台場日航大酒店

東京台場日航大酒店2

被顧客評獲9.2分高分嘅東京台場日航大酒店唔單止房間夠晒寬敞,設施亦相當齊備。喺酒店房裡面,你可以眺望彩虹大橋嘅壯麗景緻,尤其是夜晚嘅時候喺燈光嘅輝映下更加增添一份獨特嘅色彩!酒店位置非常便利,鄰近台場站,而且步行大約10分鐘就可以去到大江戶溫泉浸溫泉,絕對係你嚟台場自由行嘅住宿好選擇!

 

東京台場日航大酒店
地址:JPN東京Minato-ku2-6-1 Daiba (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格

 

 

Hotels.com酒店優惠