定期送上世界各地最新、最地道嘅旅遊資訊!

【台北按摩特集】台北OL大推!超療癒台北spa館 + 台北按摩推薦!

去台北除咗行街、食嘢,攰攰哋仲可以嘆個spa或者按摩㖭!今次小編就推薦5間必去嘅台北spa館台北按摩館,間間性價都非常之高,一齊嚟睇吓有咩台北按摩推薦啦!

 

台北按摩特集|台北spa館 + 台北按摩推薦|悅禾莊園SPA

悅禾莊園SPA
@悅禾莊園SPA Facebook

悅禾係全台灣唯一一間用villa做主題嘅泰式spa館,店內擺放咗大大小小嘅熱帶雨林盆栽,充滿度假氣氛。悅禾喺正台北市中心,但環境就十分之幽靜,而且距離忠孝復興捷運站都只係2分鐘路程,行完東區地下街仲可以直接過嚟添,夠晒方便。

悅禾莊園SPA_2
@悅禾莊園SPA Facebook

除咗環境優美,呢度嘅私隱度都好高,可以選擇單人房或雙人房。技師嘅手勢都好好,力道夠但又唔會有痛嘅感覺。

悅禾莊園SPA_3
@akasa_forest_fairy

如果你想深層放鬆,就一定要試吓「泰式古法舒壓套餐」。 2小時嘅服務包括全身泰式古法舒壓、背部強化精油按摩、頭頸筋絡加強舒壓、肩頸背藥草球熱敷、面部spa同全身被動式瑜珈,共6組療程,仲免費送埋足浴㖭! 

悅禾莊園SPA_4
@悅禾莊園SPA Facebook

做完整套服務之後附送嘅homemade五穀曲奇同薑茶好加分,服務咁周到,難怪係台灣網民票選第一名嘅「紓壓SPA館」啦!

 

悅禾莊園SPA
地址:台北市中山區中山北路一段97號 (顯示地圖)
營業時間:星期一至日 10:00-03:00
官方網站:http://www.villa-like.com.tw/main.php

 

台北按摩特集|台北spa館 + 台北按摩推薦|6星集按摩會館

6星集按摩會館
@6星集會館官網

6星集會館除咗深受當地人歡迎之外,好多旅客都會特登去朝聖,事關呢到嘅店員精通多種語言,就連日本藝人渡邊直美都點名推薦!

6星集按摩會館_2
@6星集按摩會館Facebook

6星集喺台北有5間分店,當中嘅南京分店仲係全年無休,24小時營業。

6星集按摩會館_3
@6星集會館Facebook

店內環境舒適,好有自然小清新嘅感覺。

6星集按摩會館_4
@6星集按摩會館官網

佢哋嘅足湯加入咗12種中藥,有紓經活絡嘅功效。一邊浸住足浴,一邊享受佢哋提供嘅花茶,夠晒relax。

6星集按摩會館_5
@6星集會館Facebook

場內技師通過專業訓練同國際ISO認證,結合中國傳統指壓技法同運動科學,提供按摩、拔罐、刮痧等服務。按摩嘅時候,師傅會用按、 摩、推、拿、捏、揉嘅手法去刺激唔同穴道,仲會根據你嘅狀況調整力度,幫你通氣活血,徹底消除疲勞。

 

6星集按摩會館
地址:台北市南京東路五段76號 (顯示地圖)
營業時間:星期一至日 24小時營業
官方網站:http://www.footmassage.com.tw/

 

台北按摩特集|台北spa館 + 台北按摩推薦|森Spa足體養生會館


@森Spa足體養生會館官網

森SPA提供24小時服務,主打精油熱石按摩,奢華有格調嘅裝修絕對會一改你對「揼骨」嘅印象。

森Spa足體養生會館_3
@森Spa足體養生會館官網

呢到嘅技師非常細心,邊按會邊講解穴位對應嘅器官。值得一提嘅係呢度每間房都係獨立設計,有單人房同雙人房選擇,房內仲附設淋浴室,非常抵讚。

森Spa足體養生會館_3
@ultimatereflexologyboca

熱石按摩係「熱灸」嘅一種,師傅會首先配搭精油按摩全身,身體完全放鬆之後,就會用加熱咗嘅黑玉石來回滾動、熱敷,促進血液循環,釋放疲勞。

 

森Spa足體養生會館
地址:台北市中山區林森北路263號3樓 (顯示地圖)
營業時間:星期一至日 24小時營業
官方網站:https://www.forestspa.com.tw/

 

台北按摩特集|台北spa館 + 台北按摩推薦|La Pure Spa

La Pure Spa
@La Pure SPA官網

La Pure SPA嘅理念係為客人帶年嚟貼心嘅服務,令每位客人都可以深層放鬆,忘記所有嘅壓力同煩惱。

La Pure Spa_2
@La Pure SPA官網

La Pure SPA每間分店都有唔同嘅裝修風格,而位於仁愛路嘅旗艦店裝修簡約,空間寬敞,有種悠閒嘅感覺。

La Pure Spa_4
@naojudymary

按摩前店員會安排客人浸香氛浴,促進血液循環,加強按摩療效。

La Pure Spa_4
@La Pure SPA官網

呢到嘅技師全部擁有10年以上嘅經驗,配合埋天然有機嘅植物精油,按摩肩、頸、背、腹、手腳,令全身緊繃嘅肌肉符到放鬆。

La Pure Spa最大嘅賣點,就係房內有個超大嘅落地玻璃窗,按摩嘅同時仲可以享受室外照射入嚟嘅陽光,非常寫意。除咗按摩,呢到仲有面部保養、體態美學、季節養護、身體保養等等針對唔同需要嘅療程㗎!

 

La Pure Spa
地址:台北市仁愛路2段89號2樓 (顯示地圖)
營業時間:星期一至日 10:00-21:00
官方網站:https://www.forestspa.com.tw/

 

台北按摩特集|台北spa館 + 台北按摩推薦|泰晶殿

泰晶殿
@泰晶殿官網

開業10年嘅泰晶殿無論設備定服務都有一套嚴格嘅標準,目前喺台灣已經開咗9間分店。裝修方面亦都跟足泰國華麗嘅宮廷設計,帶有濃濃嘅泰國風情。

泰晶殿_2
@grand_thai_penza

泰晶殿嘅師傅沿用傳統古法泰式按摩嘅手法,力道同節奏都恰到好處。

泰晶殿_3
@泰晶殿官網

芳療師會先以杏仁牛奶去除足部角質,然後配搭天然嘅玫瑰精油乳液進行按摩。芳療師會用推、按、摸、拉、拽、揉、捏等手法按摩全身,活動關節,滋潤肌膚同時舒展筋骨,消除你身心上嘅疲倦。 

 

泰晶殿
地址:台中市三民路三段10號 (顯示地圖)
營業時間:星期一至日 12:30-01:00
官方網站:https://www.tgd.com.tw/

 

📖延伸閱讀:【肉球來襲】Top 6大熱台北貓cafe、台北狗cafe推薦!
📖延伸閱讀:【台北買衫地圖2019】5間必逛台北古著店!追上文藝輕復古混搭風
📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!

 

Hotels.com酒店優惠Hotels.com酒店優惠