定期送上世界各地最新、最地道嘅旅遊資訊!

【台北甜品】十級邪惡!Top 5台北pancake店推薦!

台灣鄰近日本,又曾經係日本殖民地,所以除咗道地嘅台灣菜,日本菜都係一個唔錯嘅選擇嚟㗎。近幾年嘅pancake風潮又吹咗去台灣,台北甜品店引入咗唔少日式pancake店,非常值得一試,仲有當地人研發嘅特色台北pancake,以下小編就整理咗5個當地非常熱門嘅台北pancake店列表比大家參考。

 

台北甜品|Top 5台北pancake店推薦|杏桃鬆餅屋

杏桃鬆餅屋
@uznaomom

杏桃鬆餅屋喺2013年由東京引入到台灣,依家喺台北已經有5間分店咁多,夠晒方便就腳。

杏桃鬆餅屋_2
@uznaomom

杏桃屋主要提供梳乎厘同鍋煎兩種pancake,仲堅持選用北海道小麥粉、Nakazawa 鮮忌廉、土雞蛋等等,難怪商業週刊同食尚玩家都大力推介啦!

杏桃鬆餅屋_3
@utena0501

唔少人都因為呢個梳乎厘pancake慕名而嚟,皆因佢係「全台最厚鬆餅」,足足有8cm高!雖然話係梳乎厘,但佢哋嘅pancake主打「彈力鬆餅」,所以就唔係濕潤口感,而係比較厚實綿密,味道有啲似台灣雞蛋糕,蛋香味超濃!

 

杏桃鬆餅屋UZNA OMOM
地址:台北市大安區忠孝東路四段216巷19弄16號 (顯示地圖)
交通:板南線忠孝敦化站 3 號出口
營業時間:星期一至日  11:00-21:30
網址:http://www.uznaomom.com.tw/

 

📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!

 

台北甜品|Top 5台北pancake店推薦|屋莎鬆餅屋

屋莎鬆餅屋
@woosapancake

屋莎鬆餅屋由台灣人創立,雖然唔係嚟自日本,但佢哋嘅pancake真係一啲都唔輸洩㗎。老闆曾經喺法國攻讀藍帶課程,仲用自身嘅經驗研發咗「雲之鬆餅」。

屋莎鬆餅屋_2
@woosapancake

屋莎鬆餅屋_3
@woosapancake

雲之鬆餅有蜜糖、檸檬、芒果、朱古力等等味道,除咗選用咗日本神奈川小麥麵粉,水果仲會按季節轉換,夠晒新鮮!

屋莎鬆餅屋_4
@Facebook

當中受歡迎嘅就一定係呢款「蒙布朗鬆餅」,栗子蓉改良自法式甜品蒙布朗,質地幼滑,pancake口感柔軟,但仲保留到濕潤感,而且入口即溶,好似雲一樣。再配埋安格斯醬,層次非常豐富。

屋莎鬆餅屋_6
@taiwanxhk

唔止pancake,連乳酪沙冰都係雲做主題,外形吸引又消暑。

 

屋莎鬆餅屋Woosa
地址:台北市信義區忠孝東路四段553巷28號 (顯示地圖)
營業時間:星期一至日  11:00-22:00
網址:https://www.facebook.com/woosa.pancake/

 

台北甜品|Top 5台北pancake店推薦|九州鬆餅Café

九州鬆餅Café
@kyushu.pancaketw

九州鬆餅Café 除咗有日式嘅pancake之外,仲有法式pancake任君選擇,唔同季節同節日仲會有限定口味添。

九州鬆餅Café_2
@kyushu.pancaketw

「抹茶提拉米蘇鬆餅」一直係最熱賣嘅人氣菜式,京都宇治嘅抹茶粉中和咗tiramisu嘅厚重,所以食落濃郁又唔會覺得膩,令人忍唔住一啖接一啖。Pancake仲配有抹茶醬,抹茶控仲可以自行加強茶味,非常貼心。

九州鬆餅Café_3
@lo198905

第一次去嘅朋友可以試吓呢款「七穀原味鬆餅」,pancake用咗小麥、發芽玄米、黍、胚芽麥片、古代米等等,材料全部嚟自九州,仲要無添加農藥,天然得嚟,食落仲有好香嘅穀物味,口感鬆軟有彈性,非常獨特。

 

九州鬆餅Café
地址:台北市大安區忠孝東路四段216巷19弄16號 (顯示地圖)
營業時間:星期一至日  12:00-21:00
網址:https://www.kyushu-pancake.com.tw/

 

台北甜品|Top 5台北pancake店推薦|J.S. Foodies

J.S. Foodies
@muchmorejenny

雖然J.S. Foodies喺香港都有分店,但係台灣經常會推出限定口味,忠實粉絲一定唔可以錯過!好似呢款「黑糖珍珠奶茶梳乎厘鬆餅」咁,珍珠用柴火慢煮黑糖整成,加上紅茶忌廉,pancake好濕潤綿密,加埋有咬口嘅珍珠,口感豐富,仲充滿台灣味道。

 

J.S. Foodies
地址:新北市林口區文化三路一段356號2樓 (顯示地圖)
營業時間:星期一至日  10:30-22:00
網址:https://www.facebook.com/jsfoodiestw/

 

📖延伸閱讀:【台北夜景餐廳】拍住拖睇陽明山夜景!Top 3 靚景陽明山餐廳 + 浪漫情侶住宿推薦!

 

台北甜品|Top 1台北pancake店推薦|咖朵咖啡

咖朵咖啡
@mk9003012000

咖朵Café喺網上嘅評價唔錯,仲有非常當地人推薦。佢哋嘅梳乎厘pancake融合咗法式梳乎厘同美式pancake(hot cake)嘅精華,呢款「雙重乳酪鬆餅」嘅比例恰到好處,食落蓬鬆柔軟,仲有好濃嘅奶香同蛋香。

 

咖朵咖啡Caldo Café
地址:台北市大安區敦化南路一段190巷16-1號 (顯示地圖)
營業時間:星期一至五  11:00-22:00,星期六至日:10:00-22:00
網址:https://www.facebook.com/caldocafe/

 

台北住宿推介|台北凱達大飯店

台北凱達大飯店
@台北凱達大飯店官網

台北凱達大飯店_2
@台北凱達大飯店官網

台北凱達大飯店_3
@台北凱達大飯店官網

台北凱達大飯店_4
@台北凱達大飯店官網

台北凱達大飯店_7
@台北凱達大飯店官網

台北凱達大飯店啱啱喺上年落成,所有設施都好新。無論係餐廳定客房內採光度都非常足夠,景觀又開揚,難怪係「2019年台灣最美飯店」啦。

台北凱達大飯店_8
@sirikuling

酒店位於台北市中心,交通方便,距離松山機場同桃園國際機場都係半個鐘車程,而且步行5分鐘就有捷運站,方便去唔同景點。除此之外,酒店坐落嘅萬華區都有好多文化景點,好似艋舺公園、剝皮寮歷史街區呢啲等等,附近仲有華西街夜市同萬華夜市都可以步行去到添。

 

台北凱達大飯店
地址:台灣台北市萬華區艋舺大道167號10851 (顯示地圖)
星級 | ★★★★☆
位置 | ★★★★☆
設施 | ★★★☆☆
環境 | ★★★★★
價格 | 查看價格

 

台北住宿推介|citizenM臺北北門酒店

citizenM臺北北門酒店

citizenM臺北北門酒店位於台北車站同西門町中間,無論去邊個捷運站都只係5分鐘。雖然酒店係正市中心,但隔音做得非常好,旺中帶靜。酒店裝修行藝術感,房內仲有特大地玻璃,住高層仲有好靚嘅城市景,心礦神怡!

 

citizenM臺北北門酒店
地址:台北市中正區中華路一段3號 (顯示地圖)
星級 | ★★★★☆
位置 | ★★★★★
設施 | ★★★☆☆
環境 | ★★★★☆
價格 | 查看價格  

 

台北住宿推介|台北西華飯店

台北西華飯店

台北西華飯店_2

台北西華飯店鄰近松山機場,幾分鐘車程已經可以去到,適合公幹或者短暫停留嘅朋友仔。酒店氣氛非常閒適,裝修華麗,特別係玻璃幕牆嘅泳池同餐廳,佈置得好雅緻。

台北西華飯店_3
@hotels.com

客房內就比較素雅,但勝在空間同床夠大,非常舒適。

 

台北西華飯店 The Sherwood Taipei
地址:台北市松山區民生東路三段 111 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★★
價格 | 查看價格  

 

📖延伸閱讀:【台北晚餐篇】秋冬之選!超人氣台北火鍋推薦 + 回本必食菜式!
📖延伸閱讀:【台北居酒屋】台北串燒美食指南 — Top 3 台北居酒屋推薦懶人包!
📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!

 

Hotels.com酒店優惠Hotels.com酒店優惠