定期送上世界各地最新、最地道嘅旅遊資訊!

【快閃台北三日兩夜2018】台灣3日2夜食、玩、訓行程懶人包,酒店500蚊有找!

台北一直都係香港人熱愛嘅旅遊勝地,撞啱有平機票嘅話,機票連住宿更加可能連一千蚊都唔洗!如果Plan得好啲,隨時可以禮拜五放工後出發,禮拜日晚夜機返嚟,真係連請假都慳番啊!想嚟個快閃台北3日2夜?小編已經為你一一計劃好行程同酒店,仲話埋比你知邊度打卡最吸Like,即刻一齊用盡3日2夜玩轉台北啦!

 

📖延伸閱讀:【台灣手信2018購物清單】Top 10 台北手信2018必買推介!
📖延伸閱讀:【台北親子遊】帶著全家去旅行!台北親子酒店、餐廳、景點推薦!

 

台北自由行|快閃台北三日兩夜2018|第一日:寧夏夜市

香港飛台北兩個鐘都唔洗,禮拜五晚放工即刻出發嘅話,落咗機隨時仲趕得切去食翻個靚宵夜𠻹!翻酒店擺低行李之後,就梗係去附近嘅夜市掃街搵好西食醫肚啦!小編強烈推介你去位於大同區嘅寧夏夜市尋覓美食,佢喺2015年台北市政府舉辦嘅「台北夜市之最」投票選舉之中奪得「最好逛夜市」、「最美味夜市」、「最有魅力夜市」、「最環保夜市」以及「最友善夜市」冠軍,絕對係台灣夜市嘅不二之選!

@Flickr

寧夏夜市深受台北市民嘅歡心並唔係冇原因嘅,因為豬肝榮仔、劉芋仔蛋黃芋餅同埋圓環邊蚵仔煎等小食攤檔都入選咗2018「米芝蓮必比登推薦」同埋「米芝蓮餐盤」,絕對係非一般嘅小食攤檔,好多台北人同遊客都蜂擁去到夜市搵食,難怪寧夏夜市咁受歡迎啦!

寧夏夜市
地址:台北市大同區寧夏路顯示地圖
開放時間:17:30 – 00:00
交通:捷運雙連站步行約8分鐘

 

📖延伸閱讀:【台北溫泉旅行】六大必去台北温泉酒店推薦(含陽明山、北投溫泉酒店!)

 

台北自由行|快閃台北三日兩夜2018 |第二日:金花碳烤吐司專賣 @Goldenflowertoast Facebook

一早起身就梗係即刻去金花碳烤吐司專賣食返件爆漿芝士吐司醒醒神啦!呢度嘅吐司麵包全部都係自家製作,好有heart㗎!而且老闆仲會放超級多份量嘅芝士落去,咬落啖啖都有拉絲嘅效果,真係極度邪惡啊!

@Goldenflowertoast Facebook

如果你唔鍾意食芝士嘅話,金花碳烤吐司專賣亦有其他唔同口味可以試下,想要食鹹定食甜都得,而且全部都非常足料,啲名仲好得意㖭,好食得嚟又有創意,正啊!

金花碳烤吐司專賣
地址:台北萬華區內江街17號顯示地圖
電話:+886 905 663 001
營業時間:08:30 – 15:00
交通:捷運西門站步行約5分鐘
Facebookhttps://www.facebook.com/pg/goldenflowertoast/

 

台北自由行|快閃台北三日兩夜2018|第二日:華山1914文化創意產業園區

 

食完個咁滿足嘅早餐之後,我哋就轉戰華山1914文化創意產業園區!不過點解要嚟呢度呢?因為無論你係真文青定偽文青都好,相信你都一定會鍾意呢度嘅氛圍。華山1914文化創意產業園區定期會舉辦唔同嘅展覽,例如之前嘅「顛倒屋」同埋「Sailor Moon展覽」都曾經喺呢度舉辦,咁多唔同種類嘅展覽,總有一個啱你心水,同時又可以吸收更多文化氣息,真係一舉兩得!

 

華山1914文化創意產業園區
地址:台北市中正區八德路一段1號顯示地圖
電話:+886 2 2358 1914
交通:捷運忠孝新生站步行約6分鐘
網址:http://www.huashan1914.com/index.php
📖延伸閱讀:【文青必去台北景點】打卡必去台北cafe、台北市集、旅店特集!

 

台北自由行|快閃台北三日兩夜2018|第二日:Power Beef烤牛肉專門店 
@barbieavecdelicatesse

華山1914文化創意產業園區行到咁上下,肚仔都應該開始有啲餓㗎喇,咁就係時候要搵嘢食喇!小編為你精選咗附近嘅人氣美食 — Power Beef烤牛肉專門店。呢間小酒館主打牛肉丼同埋紅酒,佢哋嘅招牌「烤牛肉丼」份量十足,堆砌成火山一樣咁高,睇見都令人口水直流!而佢哋最特別嘅地方在於牛肉丼嘅醬汁,自家特製烤肉醬汁喺出面食唔到,再加埋酸奶醬,兩者嘅味道真係超夾,如果你係食肉獸就一定會愛上!

 

Power Beef 烤牛肉專門店
地址:台北金山南路一段50號顯示地圖
電話:+886 2 2395 2583
營業時間:11:30 – 14:30 / 17:30 – 22:00
交通:捷運忠孝新生站步行約6分鐘
Facebookhttps://www.facebook.com/powerbeeftw/

 

台北自由行|快閃台北三日兩夜2018|第二日:Va Va Voom


@vavavoom

近期台北大熱嘅打卡熱點一定要數到 Va Va Voom,佢哋最出名嘅就係室內華麗嘅裝潢同埋一大片嘅花牆,淨係影相都有排影啊!小編推薦大家一定要試埋佢哋嘅 Cocktail,杯杯都靚到唔捨得飲!肚餓嘅朋友亦都可以試埋佢哋嘅食物,好多菜式都用上鮮花入饌,每一款賣相都好特別㗎!

 

Va Va Voom
地址:台北市光復南路346巷21號顯示地圖
電話:+886 2 2773 6006
營業時間:12:00 – 21:30
交通:捷運國父紀念館站步行約4分鐘
網址:https://www.vavavoom.cc/

 

📖延伸閱讀:【獨遊好去處】獨遊台北玩法大解構

 

台北自由行|快閃台北三日兩夜2018|第三日:陳根找茶 
@Flickr

蛋餅係台灣最具代表性嘅早餐選擇,所以離開台灣之前嘅早餐就當然要食蛋餅啦!小編介紹你去呢間被譽為「台北蛋餅之王」嘅陳根找茶,嘆返個正宗台式蛋餅,再飲埋老闆親手製作嘅愛心豆漿,開始一個 Good Morning!

 

陳根找茶
地址:台北市信義區莊敬路391巷7號顯示地圖
營業時間:06:00 – 12:30
交通:捷運世貿/台北101站步行約8分鐘
Facebookhttps://www.facebook.com/ChenGenZhaoCha/

台北自由行|快閃台北三日兩夜2018|第三日:七十二牛肉麵

@七十二牛肉麵 Facebook

嚟到台灣無理由唔食返碗牛肉麵先走!評鑑為四星高評價嘅七十二牛肉麵,佢哋嘅湯頭由大量牛骨熬製而成,香濃乳白色嘅湯底可以話係七十二牛肉麵嘅精髓啊!對比起紅燒牛肉麵,小編更推介佢哋嘅清燉牛肉麵,因為可以直接品嚐到湯底嘅濃郁滋味!

 

七十二牛肉麵
地址:台北市中正區濟南路二段71號顯示地圖
營業時間:11:00 – 14:30 / 17:00 – 21:00
交通:捷運忠孝新生站,步行約2分鐘
Facebook:https://www.facebook.com/七十二牛肉麵-212017308855472/

 

玩完食完就梗係要搵返個好地方落腳啦!小編嚴選咗幾間 CP 值超高嘅酒店,全部都係$500有找,即刻睇吓啦!
快閃台北三日兩夜2018|住宿推介|木藝居膠囊旅店

一班 friend 去旅行,最好可以住埋同一間房,膠囊旅店就最適合不過啦!四個人一齊有傾有講,好熱鬧㗎!由機場乘搭客運直達台北車站,步行五分鐘就到達木藝居膠囊旅店,非常方便!

 

木藝居膠囊旅店
地址:TWN台北中正區開封街一段 37 號 12 樓 (顯示地圖)
星級 | ★★☆☆☆
位置 | ★★★☆☆
設施 | ★★☆☆☆
環境 | ★★★☆☆
價格 | 查看價格

快閃台北三日兩夜2018|住宿推介|蘭庭商務旅店

同樣位於大同區嘅蘭庭商務旅店,步行5分鐘就可以到達台北車站,去邊度都好方便!想去西門町?行20分鐘就到啦!最啱鍾意Shopping嘅你喇!

 

蘭庭商務旅店
地址:TWN台北大同區太原路 64 號 (顯示地圖)
星級 | ★★☆☆☆
位置 | ★★★☆☆
設施 | ★★★☆☆  
環境 | ★★★☆☆  
價格 | 查看價格

快閃台北三日兩夜2018|住宿推介|囍門旅店

囍門旅店每一間房都畫有充滿台灣特色嘅壁畫,而且員工又親切,係一間非常有格調嘅酒店。酒店就喺北門站附近,呢度仲有四人房,方便同成班朋友一齊住啊!

 

囍門旅店
地址:TWN台北萬華區忠孝西路二段 38 號 (顯示地圖)
星級 | ★★★☆☆
位置 | ★★★☆☆
設施 | ★★★☆☆  
環境 | ★★★☆☆  
價格 | 查看價格

 

 

Hotels.com酒店優惠