定期送上世界各地最新、最地道嘅旅遊資訊!

【野柳景點懶人包】最強台北野柳地質公園景點行程一覽表!(連來回台北野柳交通攻略)

 

唔少人去台灣自由行都係想遠離煩囂,到郊區享受賞心悅目嘅自然美景放空一下。其中,位於台灣北海岸嘅野柳地質公園景觀非常獨特,就連CNN都曾經報導過,望住咁靚嘅景色,你一定會讚嘆大自然嘅鬼斧神工!除此之外,小編今次仲為你帶嚟台北野柳景點好去處同埋來回台北野柳交通攻略,要玩盡野柳無難度!

 

台北野柳自由行 | 野柳景點 | 野柳地質公園

野柳地質公園
@taiwan.net.tw

位於台灣北海岸嘅野柳地質公園,最為人熟悉嘅當然就係「女王頭」呢個自然奇觀景點啦!「女王頭」本身只不過係一塊蕈狀石,然而經過長年累月嘅風化侵蝕,意外地形成了貌似女王般嘅外貌,亦因而成為野柳地質公園嘅地標,吸引唔少人慕名而去打卡留念㗎!

燭台石
@ylgeopark.org.tw

野柳地質公園其實仲有好多奇特嘅自然風貌一樣好值得遊覽,小編認為,除咗標誌性嘅「女王頭」,你一定唔可以錯過「燭台石」!據專家所講,「燭台石」比「女王頭」需要更多唔同嘅元素好似濕度等等嘅配合而形成,所以更為罕有!

野柳地質公園_3
@taiwan.net.tw

嚟到野柳地質公園除咗欣賞「女皇頭」同埋「燭台石」呢啲奇石之外,呢度一望無際嘅台灣北海岸蔚藍海景相信亦會深深嘅吸引你,令你目不暇給,絕對係野柳必到觀光景點!

 

野柳地質公園
地址:207台灣新北市萬里區港東路167-1號 (顯示地圖)
開放時間:08:00- 17:00
入場費用 (只供參考):新台幣80元
建議停留時間:1小時
官網:http://www.ylgeopark.org.tw/content/index/index.aspx

 

台北野柳自由行 | 野柳景點 | 野柳海洋世界

 野柳海洋世界
@klook

去完野柳地質公園,小編推薦你不妨去埋喺隔離有近超過30年歷史嘅野柳海洋世界!野柳海洋世界係全台灣第一間以海洋哺乳類動物為主題嘅展覽館,多年嚟都深受歡迎,你又點可以錯過啊!

 野柳海洋世界
@jfy0501

喺野柳海洋世界,你除咗可以睇到唔同種類嘅海洋生物之外,仲可以近距離接觸海獅同埋海豚!

 野柳海洋世界_3
@oceanworld.com.tw

另外,呢度嘅海洋劇場其實亦非常值得睇,皆因野柳海洋世界重金禮聘咗來自俄羅斯嘅世界級表演團,一系列高難度嘅表演好似高空跳水、水中芭蕾舞等等都會喺呢度欣賞到,一定會令你陶醉萬分!

 野柳海洋世界_4
@walkerland.com.tw

不得不提嘅係,野柳海洋世界亦都好適合一家大細嚟親子遊。呢度設有好多唔同類型嘅親子活動例如「海洋午茶趣」等等,你可以喺呢度同小朋友一齊動手整蛋糕,享受天倫之樂之餘亦可同時增進親子關係!

 

野柳海洋世界
地址:207台灣新北市萬里區港東路167-3號 (顯示地圖)
開放時間:09:00- 17:00
入場費用 (只供參考):新台幣450元
建議停留時間:2小時
官網:http://www.oceanworld.com.tw/

 

台北野柳自由行 | 野柳景點 | 萬里飛行傘基地

萬里飛行傘
@cn.mook.com.tw

如果你係鍾意刺激嘅朋友,距離野柳地質公園大約30分鐘車程嘅萬里飛行傘基地就最適合你不過啦!萬里飛行傘基地係一個專門為初學者而設嘅場地,喺專業嘅教練陪同下遨遊天際,睇盡海陸空靚景!

萬里飛行傘基地
@jkitent

喺萬里飛行傘基地呢度玩飛行傘,最正嘅地方莫過於可以喺空中高高在上咁飽覽野柳地質公園嘅自然奇觀以及台灣北海岸海天一色嘅景緻,想為你嘅野柳行程增添一份難忘嘅回憶就千祈唔好錯過啦!

 

萬里飛行傘基地
地址:207台灣新北市萬里區日光路太平洋翡翠灣溫泉會館 (顯示地圖)
開放時間:09:00- 15:00
飛行費用 (只供參考):新台幣2000元
建議停留時間:1小時
官網:http://mustangparagliding.com/

 

台北野柳自由行 | 野柳必食餐廳 | 柏榕美食活海鮮

柏榕美食活海鮮
@orange.idv.tw

喺野柳玩咗咁耐,梗係要食翻啲地道嘅美食醫下個肚仔啦!小編特別推薦你去柏榕美食活海鮮呢間連當地人都話正嘅餐廳食翻餐好嘅!佢哋嘅食材取自附近嘅北海岸,鮮味十足!佢哋嘅酥炸魷魚同埋釀魷魚係餐廳嘅招牌菜,幾乎檯檯都有叫,唔洗講都知好食啦!

柏榕美食活海鮮_2
@venuslin

另外,有「最好食嘅花蟹」美譽嘅萬里花蟹係柏榕美食活海鮮嘅鎮店之寶,肉質鮮嫩多汁之餘,萬里花蟹嘅蟹膏亦都非常鮮甜,你一定會鍾意!

 

柏榕美食活海鮮
地址:207台灣新北市萬里區港東路151之2號 (顯示地圖)
開放時間:11:30- 19:30
官網:http://www.ylgeopark.org.tw/content/index/index.aspx

 

台北野柳自由行 | 來回台北野柳交通攻略

台北巴士
@flickr

往來台北同埋野柳其實並唔係想象中咁麻煩,小編推薦你可以前往台北車站東三門出口乘搭國光客運1815號巴士,於野柳站落車,全程只需大約90分鐘。如果你係嚟台灣自駕遊的話,由台北出發沿著國道3號一路往北即可到達位於台灣北海岸的野柳,非常方便!

 

台北野柳自由行 | 野柳酒店住宿推薦 | 薆悅酒店野柳渡假館

薆悅酒店野柳渡假館

薆悅酒店野柳渡假館_2

毗鄰必去景點野柳地質公園嘅薆悅酒店野柳渡假館係當地嘅人氣酒店,呢度唔單止位置優秀,服務同埋設施亦都好齊備,餐廳、健身中心等等一應俱全。另外,薆悅酒店野柳渡假館仲好貼心咁設有一系列嘅親子康樂設施,就連籃球機都有,喺度住真係唔會悶親啊!

薆悅酒店野柳渡假館_3

酒店房間新淨得嚟面積亦相當之大,係野柳酒店住宿嘅好選擇!

 

薆悅酒店野柳渡假館
地址:新北市萬里區野柳里港東路 162-2 號 (顯示地圖)
星級 | ★★★☆☆
位置 | ★★★★☆
設施 | ★★★★★
環境 | ★★★★☆
價格 | 查看價格

 

台北野柳自由行 | 野柳酒店住宿推薦 | 白宮行館沙灘渡假村

白宮行館沙灘渡假村

白宮行館係一間座落於沙灘旁邊嘅酒店,呢度嘅設計同埋佈置都好有特色,唔少設施同埋房間都充滿濃濃嘅異國風情,令人感覺好放鬆。

白宮行館沙灘渡假村_2
@myfunnow.com
另外,白宮行館每日都會提供免費早餐予住客,等你每朝都可以有一個Good Morning!

 

白宮行館
地址:新北市萬里區瑪鋉路 264 號 (顯示地圖)
星級 | ★★★☆☆
位置 | ★★★☆☆
設施 | ★★★☆☆
環境 | ★★★★★
價格 | 查看價格

 

📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【台北晚餐篇】秋冬之選!超人氣台北火鍋推薦 + 回本必食菜式!
📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選
📖延伸閱讀:【台灣購物2018】小編私藏台北買衫地圖!台北古著二手店尋寶地圖連講價貼士!
📖延伸閱讀:【落雨有咩好怕】台北4日3夜親子遊2018!四大台北室內景點 + 台北市中心親子酒店推薦

 

 

Hotels.com酒店優惠Hotels.com酒店優惠