定期送上世界各地最新、最地道嘅旅遊資訊!

【台北聖誕活動】台北聖誕好去處!必去台北聖誕市集、景點攻略!

聖誕節又嚟喇!咁多位計劃好聖誕節目未呢?除咗留喺香港過聖誕,其實聖誕節都係一個好時機出國旅行,感受異國聖誕氣氛!早前為大家介紹過大阪聖誕節活動,今次小編會同大家介紹另一個近距離之選—台北,即刻睇下有咩必去嘅台北聖誕景點啦!

 

台北聖誕必去景點:新北市歡樂耶誕城

@Flickr

要數每年最大規模嘅台北聖誕盛事,就一定非新北市歡樂耶誕城莫屬!今年會有三大燈區:市府魔幻燈區站前閃耀燈區同埋萬坪卡通燈區,包你每個燈區都可以睇到色彩繽紛嘅聖誕燈飾!今年各燈區會以三種顏色作為主色調,分別係代表夢幻純潔嘅白色、浪漫指數爆燈嘅櫻花粉紅同埋溫暖色系—橘子色。歡樂耶誕城嘅開放時間係由2017年11月24日至2018年1月1日,連續39日都有唔同嘅精彩活動,除咗睇聖誕燈飾之外,仲有民歌演唱會、聖誕市集等等,詳情可以上官網了解!

神之美💙✨

A post shared by ˢᴬᴺ (@bvw1201) on

呢條「藍色時光隧道」係其中一個必去打卡位!全長70公尺,總共用咗10萬粒LED燈,入到去好似瞬間置身銀河咁,超級夢幻!

另一個必去拍照位就係呢個「轉轉麋鹿森林」,企喺前面影相,真係點影都咁靚!

 

🏨Top10台北人氣酒店住宿推介HK$444起 *安心價格保證*
[德立莊酒店HK$444起,富驛時尚酒店台北南京東路館HK$472起,台北西門町意舍HK$751起]

 

新北市歡樂耶誕城—聖誕市集

@2017christmasland

當然唔少得每年都廣受好評嘅貨櫃聖誕市集啦,今年會以馬戲團為主題,攤位將會佈置成一個個馬戲團帳篷咁,非常得意!一個活動有齊聖誕市集、燈飾、美食等等,去台北過聖誕又點可以錯過呢!

 

台北聖誕景點|新北市歡樂耶誕城

地址:新北市市民廣場—新北市板橋區中山路一段161號顯示地圖
   板橋車站站前廣場—新北市板橋區縣民大道二段7號顯示地圖
開放日期:2017年11月24日—2018年1月1日
交通:捷運板南線 / 板橋站2號出口

 

 

台北聖誕必去景點:冰雪奇緣嘉年華

@Facebook

一到冬天就自然諗起漫天飄雪嘅畫面,然後腦海就會自動Loop「Let it go~Let it go~」!今年台北101會以「冰雪奇緣」為主題,打造全新台北聖誕景點—冰雪奇緣嘉年華!呢個聖誕盛事由華特迪士尼公司授權台北101舉辦,入面仿照「冰雪奇緣」佈置咗唔同場景,入到去就好似走入Elsa嘅冰雪世界一樣!

@Facebook

呢個聖誕市集由11月30日去到1月14日,為期46日。入面有一個12米高嘅聖誕樹,五顏六色嘅燈光打落半透明嘅葉片上,晶瑩剔透,非常夢幻!

 

冰雪奇緣嘉年華—聖誕市集

@Facebook

嘉年華入面有一個小鎮市集,呢個市集專門販售各式各樣嘅Frozen周邊商品,服飾、配件、玩具等等,同時亦有迪士尼其他系列嘅商品,Disney粉絲準備荷包出血!

 

台北聖誕景點|冰雪奇緣嘉年華

地址:台北市信義區信義路五段7號顯示地圖
開放日期:2017年11月30日—2018年1月14日
開放時間:星期四至日—13:00 – 21:30/ 星期五、六—13:00 – 22:00
交通:捷運台北101站4號出口

 

台北聖誕必去景點:桃園華泰名品城聖誕村

@Facebook

位於桃園市嘅華泰名品城係台灣一個大型露天Outlet,每年聖誕都會佈置成聖誕村,令遊客有得買平野之餘,又可以感受聖誕氣氛。今年會營造一個白色聖誕,入面一個高15米嘅大型聖誕樹會喺指定時間內噴雪!雖然噴出嚟並唔係真雪只係仿雪,但企喺巨型聖誕樹之下,再望住徐徐落下嘅白色雪花,聖誕氣氛爆棚啊!

 

飄雪時間:15:00 – 19:00(每逢搭正會飄雪10分鐘)

@Facebook

唔洗去芬蘭都可以見到聖誕老人!去到記得數下場內有幾多個聖誕老人,記得同佢影返張相先走!

 

桃園華泰名品城聖誕村—GLORIDAY聖誕市集

@Facebook

聖誕村入面緊係唔少得聖誕市集啦!今年係華泰名品城第一次舉行大型聖誕市集,佢哋邀請咗國內外超過20家人氣名店進駐,亦有美食供應,呢度有得玩、有得買又有得食,就算距離台北市中心遠少少都值得一遊啦!

 

台北聖誕景點|桃園華泰名品城聖誕村

地址:台灣桃園市大園區春德路189號顯示地圖
開放日期:2017年11月17日—2018年1月1日
聖誕市集地點:華泰名品城第二廣場噴水池
交通:高鐵桃園站6號出口

 

桃園市酒店推介:綠藤輕旅

@Facebook

華泰名品城聖誕村係一個可以由朝玩到晚嘅景點,如果唔想夜晚返去台北市中心咁趕,可以考慮喺桃園住返一晚。呢間綠藤輕旅距離華泰名品城只有750公尺,由酒店行去都只係10分鐘。雖然酒店裝潢唔係好華麗,但勝在性價比高,環境舒適!

綠藤輕旅

地址:大園中山南路二段 673 號            HK$476起

 

Hotels.com 酒店優惠

睇到呢度,喺咪想即刻book酒店去台北過聖誕呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!