定期送上世界各地最新、最地道嘅旅遊資訊!

【精選台北民宿】Top 5台北近郊隱世民宿推薦2019!

 

好多人去旅行都鍾意跑景點,排隊食好嘢,但其實去台北近郊嚟一個慢活之旅都唔錯啊!喺呢啲台北隱世民宿住一兩晚,放慢腳步,先係真正洗滌心靈。小編就精選咗5間熱門嘅台北民宿比大家參考,即刻上Blogshotels.com睇啦!

 

📖延伸閱讀:【台北甜品】十級邪惡!Top 5台北Pancake店推薦!
📖延伸閱讀:【台北美食推薦】必食!嚴選十大台北芋圓、台北蛋餅店2019!

 

精選台北民宿 | Top 5台北近郊隱世民宿推薦 | 山城逸境

山城逸境
@1993_mkc

九份係台北民宿集中地之一,雖然屬於熱門嘅景點,但多數遊客都係嚟九份一日遊,夜晚嘅九份非常寧靜。想置身喺隱世秘景,遠離鬧市煩囂,九份的確係一個唔錯嘅選擇。山城逸境位於九份老街附近,一落樓就可以食到台灣嘅特色小食,加上鄰近金礦博物館、五番坑道紀念公園等景點,出入交通方便,自由行都話咁易。

山城逸境_2
@九份山城逸境Facebook

客房方面設有戶外露台同落地玻璃窗,等你可以盡情欣賞九份嘅山景同海景。

山城逸境_3

唔夠喉嘅仲可以去埋頂樓露台,同伴侶一齊迎接浪漫嘅日落。

山城逸境_4

客房各有唔同嘅主題風格,渡假風、現代風都有,加上地方寬敞,環境靜謐,絕對可以比都市人好好放鬆。

 

山城逸境
地址:新北市瑞芳區基山街 195 號 3 樓 (顯示地圖)
星級 | ★★★☆☆ 
位置 | ★★★☆☆ 
設施 | ★★★★☆ 
環境 | ★★★★★ 
價格 | 查看價格

 

精選台北民宿 | Top 4台北近郊隱世民宿推薦 | 瑞芳緩慢金瓜石

瑞芳緩慢金瓜石

瑞芳緩慢金瓜石_2
@緩慢金瓜石官網

金瓜石比九份更遠,交通雖然冇咁方便,但亦因為咁而更恬靜舒適。金瓜石近年就開咗唔少民宿。緩慢金瓜石由兩個女仔創辦,由於佢哋都非常欣賞北海道嘅慢活氛圍,所以就喺開咗呢間提倡放慢腳步生活嘅民宿,引入慢活文化,希望嚟投宿嘅人都可以遠離煩囂,享受生活。

瑞芳緩慢金瓜石_3

瑞芳緩慢金瓜石_4
@緩慢金瓜石官網

客房設計簡約,乾淨俐落,而且景觀開揚,被周圍壯麗嘅山景包圍。空氣清新之餘,仲可以望到九份同金瓜石一帶嘅山頭同海灣,非常寫意。

瑞芳緩慢金瓜石_5

房間選擇非常多,有別於一般酒店,分為2、3、4人房,無論係情侶、一班朋友定一家人嚟出走一個週末都非常適合。

瑞芳緩慢金瓜石_6
@edencat_foodtraveler

除咗房間出色,緩慢金瓜石都提供貼心膳食服務,可以選擇早餐或晚餐,菜式係精緻嘅台灣菜,唔少人都對呢個九宮格早餐讚不絕口,有興趣嘅朋友記得提前預約喇!

 

緩慢金瓜石
地址:新北市瑞芳區石山里山尖路 93-1 號 (顯示地圖)
星級 | ★★★☆☆ 
位置 | ★★★★☆ 
設施 | ★★★★☆ 
環境 | ★★★★☆ 
價格 | 查看價格

 

精選台北民宿 | Top 3台北近郊隱世民宿推薦 |貢寮逸閒居精品民宿

貢寮本身就唔算台北熱門旅遊區,如果你嘅旅遊目的係放鬆身心,嚟貢寮呢間隱世民宿就最適合不過。

貢寮逸閒居精品民宿
逸閒民宿主打海景房間,成個東北角小海灣盡收眼底。客房光猛闊落,設施齊全,有種家的感覺。

貢寮逸閒居精品民宿_2
@逸閒居精品民宿Facebook

用餐嘅大廳設計採用華麗古典風,除咗樓底高,仲有落地嘅開揚山景,喺到食早餐心情真係會靚足一日。

貢寮逸閒居精品民宿_3
@逸閒居精品民宿Facebook

貢寮逸閒居精品民宿_5
@逸閒居精品民宿Facebook

唔好以為民宿就淨係得房間同膳食服務,呢度仲提供家庭戲院、和式茶室、圖書館、桑拿室、觀星天台等服務,夠晒貼心。佢哋嘅圖書館仲有大量漫畫提供,如果唔好彩落大雨,淨係留喺民宿都可以充實咁過一日。

貢寮逸閒居精品民宿_6
@逸閒居精品民宿Facebook

除此之外,民宿所在嘅卯澳漁村出名海水清澈見底,海洋物種豐富,浮潛就最適合不過喇!喜愛戶外活動嘅你仲可以喺度觀星、釣魚、游水,甚至踩單車,親親大自然。

 

貢寮逸閒居精品民宿
地址:新北市貢寮區福連路 38 號228 (顯示地圖)
星級 | ★★★☆☆ 
位置 | ★★★★☆ 
設施 | ★★★☆☆ 
環境 | ★★★★☆ 
價格 | 查看價格

 

精選台北民宿 | Top 2台北近郊隱世民宿推薦 | 名流別墅

名流別墅

位於金山嘅名流別墅雖然位置比較偏遠,但勝在獨棟出租,私隱度極高。加上環境清幽,有超大個戶外庭園,同一大班朋友,甚至一家大小嚟放鬆吓、渡吓假都好適合。

名流別墅_2

除咗活動空間大,民宿仲提供溫泉設施,唔駛同人逼,唔再怕尷尬,喺呢到鍾意幾時浸都得。

名流別墅_3

房間方面行和式風格,淡雅樸素,無論係地板、牆壁、設施都採用大量原木素材,感覺非常舒適溫馨。

 

名流別墅
地址:新北市金山區名流路16巷14號 (顯示地圖)
星級 | ★★☆☆☆ 
位置 | ★★★☆☆ 
設施 | ★★★☆☆ 
環境 | ★★★★☆ 
價格 | 查看價格

 

精選台北民宿 | Top 1台北近郊隱世民宿推薦 |陽明山菁山遊憩區

嚟到台北,相信唔少人都會去陽明山睇日落,但係陽明山屬於近郊地區,天黑又要趕住落山轉車返民宿,搞到行程趕又浪費唔少時間。

陽明山菁山遊憩區
@陽明山菁山遊憩區官網

小編就建睇完日落直接入住陽明山菁山遊憩區嘅獨棟木屋,嚟個陽明山深度遊。

陽明山菁山遊憩區_2
@cash0800

附近有著名嘅冷水坑溫泉、絹絲瀑布同竹子湖呢啲咁靚嘅自然景色。春天嚟嘅話,仲有機會見到海芋同繡球花海。

陽明山菁山遊憩區_3
@陽明山菁山遊憩區官網

每間民宿都設有室內私人風呂,除咗精緻,空間都好大,仲有埋坐位,好抵讚!

陽明山菁山遊憩區_5
@starfountain2016

遇啱櫻花季仲有櫻花開正喺你門前。


陽明山菁山遊憩區_6@starfountain2016

你仲可以係民宿嘅露天看台俯瞰晒成個陽明山,好似置身喺世外桃源咁。

 

陽明山菁山遊憩區
地址:台北市士林區菁山路101巷71弄16號 (顯示地圖)
星級 | ★★★☆☆ 
位置 | ★★★★☆ 
設施 | ★★★☆☆ 
環境 | ★★★★★ 
價格 | 查看價格

 

📖延伸閱讀:【台灣溫泉酒店】Top 6 台北溫泉酒店排行榜-附2019人氣台灣溫泉推薦
📖延伸閱讀:【台北居酒屋】台北串燒美食指南 — Top 3 台北居酒屋推薦懶人包!
📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【台北美食系列】台北夜市推薦連人氣美食排名!

 

Hotels.com酒店優惠Hotels.com酒店優惠