定期送上世界各地最新、最地道嘅旅遊資訊!

【肉球來襲】Top 6大熱台北貓cafe、台北狗cafe推薦!

 

台北貓cafe
@xheavenarkx

小編成日都好羨慕台北有各式各樣嘅cafe,重點係唔使同人逼又唔使排隊等位。而寵物cafe一直都係小編嘅至愛,每次去都覺得好治癒,摸吓啲貓貓狗狗心情都特別開心啲!以下為大家介紹吓台北幾間非常熱門嘅貓cafe同狗cafe,各位貓奴狗奴絕對要留心啦!

 

台北貓cafe|角公園(Triangle Garden Cafe)

角公園(Triangle Garden Cafe)
@chiuchurch

角公園呢間cafe位於太原路上一間老宅嘅二樓。老闆同老闆娘都好年輕,兩個人辭咗原本心理師同公務員嘅工作,實踐兩人嘅咖啡夢想。小編超級鐘意呢間cafe嘅感覺,雖然係老宅入面,但採光高,空間感大。一啲都無陳舊嘅感覺,反而係懷舊得嚟又格外溫馨!

角公園(Triangle Garden Cafe)_2
@tingyunlin_xoxo

咖灰係角公園嘅店貓,好鐘意訓覺㗎佢,通常佢訓完晏覺就會出嚟散步。咖灰係有啲怕羞,但好乖好可愛!

 

角公園(Triangle Garden Cafe)
地址:台北市大同區太原路131號2樓 (顯示地圖)
營業時間:10:00 AM – 6:00 PM

 

台北貓cafe|元氣貓主題咖啡館(Genki Cat Coffee)

元氣貓主題咖啡館(Genki Cat Coffee)
@Facebook

元氣貓主題咖啡館位於士林區捷運芝山站附近,可能係台北市擁有最多貓貓嘅cafe!有幾多?店入面足足有成25隻貓貓!老闆絕對係愛貓人士,聽聞佢屋企仲有好多貓貓㗎,只係揀咗25隻比較鐘意人嘅貓貓係店入面。

元氣貓主題咖啡館(Genki Cat Coffee)_2
@zhangtinxx

元氣貓主題咖啡館唔係好大間,大約只可以容納20人左右。雖然店入面有成25隻貓,但好整潔㗎,完全無貓毛亂飛嘅情況。而呢25隻貓嘅品種大部分都係緬因貓嚟,又靚又高貴,鐘意大貓嘅朋友千奇唔好錯過啦!

 

元氣貓主題咖啡館(Genki Cat Coffee)
地址:台北市士林區德行西路93巷2弄13號 (顯示地圖)
營業時間:2:00 PM – 9:00 PM

 

台北貓cafe|路上撿到一隻貓(lechat)

路上撿到一隻貓(lechat)
@liaodziwei

路上撿到一隻貓係一間好有趣、好隨意同好有個性嘅cafe。店入面唔限時任坐,開到凌晨1:30,所以深受學生歡迎,絕對係趕deadline嘅好去處!路上撿到一隻貓睇落有啲舊同好亂,但其實呢個就係佢嘅特色所在,令客人可以無拘無束咁做自己野。

路上撿到一隻貓(lechat)_2
@wildbebe666

而呢隻肥肥哋嘅貓就係店貓小豹子,佢好鐘意以唔同嘅姿勢攤係咖啡機格離,好鬼馬㗎。

 

路上撿到一隻貓(lechat)
地址:台北市大安區溫州街49巷2號 (顯示地圖)
營業時間:1PM–1:30AM

 

台北狗cafe|奶油先生(Mr. Butter Café)

奶油先生(Mr. Butter Café)
@ooh_0729

奶油先生係一間以哥基為主題嘅小café。店門已經超可愛,而入面更加以大量哥基嘅卡通圖案為裝飾。奶油先生賣嘅麵包係以自製培養嘅天然酵母製作,每日新鮮出爐,深受大家嘅喜愛!除咗麵包外,店嘅手作甜點無論外表定味道都係非常出色!

奶油先生(Mr. Butter Café)_2
@Facebook

奶油先生最出名嘅當然係店狗布丁,腳短短嘅佢已經有一大班忠實粉絲,絕對係台北狗狗界嘅明星。店入面亦有好多布丁嘅手作商品賣,好似水杯、擺設、公仔、枕頭等等。

 

奶油先生(Mr. Butter Café)
地址:新北市板橋區松江街107號 (顯示地圖)
營業時間:週一至週五12:00PM-9:00PM;週六11:00AM-9:00PM;週日11:00AM-8:00PM

 

台北狗cafe|樓梯好陡(Steep Stairs)

樓梯好陡(Steep Stairs)
@Facebook

樓梯好陡係喺寧夏夜市附近一間幾隱蔽嘅cafe,位於喺一間老屋嘅二樓。樓梯好陡猶如其名,佢條樓梯真係斜斜哋㗎。有時候店狗「陳英俊」會係門口等你上嚟,看到佢個可愛樣,即刻warm哂,行幾多樓梯都值呀!

樓梯好陡(Steep Stairs)_2
@Facebook

樓梯好陡係一間好文青嘅cafe,店入面佈滿好多書,搭配各樣嘅懷舊家具,別有一番風味。cafe係唔限時,並提供網路同插座,非常適合一個人嚟享受一個寧靜嘅下午。

 

樓梯好陡(Steep Stairs)
地址:台北市大同區寧夏路92號2樓 (顯示地圖)
營業時間:1–9pm,週二休息

 

台北狗cafe|CHUN 純咖啡

CHUN 純咖啡
@Facebook

CHUN 純咖啡係一間好簡約但提供高質咖啡嘅cafe。老闆係拉花高手,亦常常推出創意嘅新飲品,例如:桂花拿鐵、香檸肯亞(檸檬與咖啡)、蔗杯(甘蔗汁加濃縮咖啡)等等,每次去都有驚喜!而店狗「桃桃」有點調皮又有點熱情,非常討人喜歡!CHUN 純咖啡係台北一個可以即刻令人放鬆心情嘅小天地。

 

CHUN 純咖啡
地址:新北市板橋區民權路260巷65號 (顯示地圖)
營業時間:9am–9pm,週二休息

 

介紹咗咁多間台北可愛寵物cafe俾大家,以下呢兩間可愛住宿都順便介紹埋俾大家!

 

台北可愛住宿|泡泡飯店(Hotel Poispois)

泡泡飯店(Hotel Poispois)
@Facebook

位於台北市市民大道嘅泡泡飯店係一間可愛夢幻風嘅酒店。pois pois 係法文指「點點」,發音近似中文嘅「泡泡」。飯店嘅整體概念係以點點同泡泡作為兩大設計核心,無論係酒店嘅建築定內部都充滿點點都泡泡的圖案,好有特色!

泡泡飯店(Hotel Poispois)_2
@Facebook

客房方面分為泡泡客房同豪華客房。泡泡客房嘅設計比較簡約,而豪華就比較高雅、現代化。泡泡飯店性價比高,絕對係台灣可愛住宿不二嘅選擇!

 

泡泡飯店(Hotel Poispois)
地址:台北市大安區市民大道四段 168 號 (顯示地圖)
星級 | ★★★☆☆ 
位置 | ★★★★☆ 
設施 | ★★★☆☆ 
環境 | ★★★★☆ 
價格 | 查看價格  

 

台北可愛住宿|蜂巢(Bee House)

蜂巢(Bee House)
@Facebook

蜂巢係由天成飯店集團同台北花園大酒店係2013年聯手打造嘅文創旅店。整間酒店都係以黃色為主色同以蜜蜂為主題,所以到處都可以見到小蜜蜂嘅裝飾。酒店位於台北火車站附近,交通便利,附近就係華陰街商圈,超多街邊小食。

蜂巢(Bee House)_2
@Facebook

酒店麻雀雖小,但五臟俱全,有交誼廳、健身房、自助洗衣等。房間小巧精緻,價格亦都好親民!

 

蜂巢(Bee House)
地址:台北市大同區太原路 57 號 (顯示地圖)
星級 | ★★★☆☆ 
位置 | ★★★★☆ 
設施 | ★★☆☆☆ 
環境 | ★★★☆☆ 
價格 | 查看價格  

 

📖延伸閱讀:【旅行狗狗好去處】帶狗去旅行!台北狗狗餐廳、景點連可攜帶寵物酒店推薦
📖延伸閱讀:【台北文青景點】打卡必去台北文青Cafe、台北市集、旅店特集!
📖延伸閱讀:【台北新餐廳推薦】最新開業!台北微風南山推薦餐廳一覽 + 必食Items
📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
Hotels.com酒店優惠Hotels.com酒店優惠