定期送上世界各地最新、最地道嘅旅遊資訊!

【逛台北藥妝店】大熱新色!2019最新10大台北必買台灣藥妝、美妝Items!

講到台北必買,當然仲要大手咁入美妝產品喇!台灣嘅氣候同香港比較相似,好多台灣藥妝台灣美妝品牌會按照當地嘅氣候同亞洲人嘅皮膚情況研發美妝產品,所以好多產品都適合香港人用!以下10款係小編極推嘅台北藥妝店,大家去台灣時記得要入手呀!

 

📖延伸閱讀:【台灣手信2018購物清單】Top 10 台北手信2018必買推介!

 

台北必買 | 台灣藥妝美妝店必買推薦|Solone 異想追逐魅惑眼影

Solone 今年推出咗金屬光澤單色眼影,注入咗今年好流行嘅金屬、紫紅、粉紅等元素,顏色非常飽和,好易上色、掃開同層層疊加,同皮膚非常貼合,唔易飛粉、甩妝!Solone 嘅眼影都係單色購入,每一粒眼影下都有磁石,可以配置一個眼影盒,一粒一粒咗貼上去,組成一個自己專屬嘅眼影盒!

 

Solone 異想追逐魅惑眼影
參考價:NT$75
購買地點:屈臣氏、康是美

 

📖延伸閱讀:【台北一人遊2018】獨遊台北玩法大解構(連台北一人住宿推薦)

 

台北必買 | 台灣藥妝美妝店必買推薦|Heme – 玫瑰色系、奶茶色系緞光唇膏

Heme 新推出咗玫瑰粉色系、奶茶棕橘色系嘅7色緞面唇膏,係今年非常流行嘅大地色系,而且顏色非常飽和!緞面質地比霧面唇膏亮滑,帶輕微反光效果,比起一般霧面唇膏滋潤,做到修飾唇紋、不顯死皮嘅效果,亦有更強嘅持妝力!另外,呢款唇膏以按壓式設計,可以媲美歐美大牌嘅唇膏設計,但佢都係只係賣NT$269一支,平到笑!

 

Heme – 玫瑰色系、奶茶色系緞光唇膏
參考價:NT$269
購買地點:屈臣氏、小三美日

 

📖延伸閱讀:【台北親子遊】帶著全家去旅行!台北親子酒店、餐廳、景點推薦!

 

台北必買 | 台灣藥妝美妝店必買推薦|MISS HANA 妝素顏透亮賴床霜

最近美妝市場多咗一樣叫素顏霜嘅產品,搽咗之後就其他人會誤以為你素顏都咁好氣色,帶調和膚色不均、收毛孔、提亮功效,好適合落街買少少嘢,又唔想化個全妝落街咁誇張嘅朋友,亦適合遲咗起身番工番學化唔切妝嘅朋友用!而MISS HANA 嘅妝素顏透亮賴床霜帶有淡淡嘅玫瑰花香味,質地容易推開,薄薄一層搽上臉就可以,唔會有好厚重嘅粉感,做到真正嘅偽素顏,大家不妨買定一支看下門口!不過素顏霜始終都係化妝品,大家用完記得用完要落妝呀!

 

MISS HANA 妝素顏透亮賴床霜
參考價:NT$699
購買地點:86小鋪

 

📖延伸閱讀:【文青必去台北景點】打卡必去台北cafe、台北市集、旅店特集!

 

台北必買 | 台灣藥妝美妝店必買推薦|1028 眼部修修調色盤

1028 嘅眼部修修調色盤係一盒入面有兩隻色嘅遮瑕,一款係偏橙色,另一款係偏白色,可按個人膚色同黑色素嘅深淺情況自由選色,除咗遮瑕力強之外,仲好保濕,唔易會出乾紋!細細一盒,帶出街非常方便!

 

1028 眼部修修調色盤
參考價:NT$320
購買地點:屈臣氏

 

📖延伸閱讀:【台北酒吧推介】Top 3靚景台灣高空酒吧Rooftop bar!(含台北夜店推介)

 

台北必買 | 台灣藥妝美妝店必買推薦|永和三美人海綿

永和三美人海綿係台灣造型師們必備嘅化妝用具之一,除咗質地非常柔軟舒服、乾濕兩用、上妝貼服呢一堆原因之外,仲因為佢「大件夾抵食」!佢嘅海綿超大塊,直徑足足有9CM,一般都唔會整塊使用,會剪開4-8小份使用,而且價錢好平,即使只係用一次半次扔咗都唔會覺得可惜!

 

永和三美人海綿
參考價:NT$250 @ 1盒12個
購買地點:屈臣氏

 

📖延伸閱讀:【台北買衫】購物狂小編私心推!台北古著二手店尋寶地圖連講價貼士!

 

台北必買 | 台灣藥妝美妝店必買推薦|DMC黑裡透白凍膜

DMC凍膜係好多美妝Youtuber都讚好嘅凍膜,只要敷約30分鐘,就可以令黑頭浮曬出來嚟,之後再用暗瘡針輕輕咁刮一下就可以清乾淨曬啲頑固黑頭,比起一般撕貼式嘅黑頭貼唔刺激皮膚,亦唔會令毛孔越嚟嚟大,係性質非常溫和嘅清黑頭神器!

 

DMC黑裡透白凍膜
參考價:NT$620
購買地點:86小鋪、康是美

 

台北必買 | 台灣藥妝美妝店必買推薦|Timeless Truth 面膜

Timeless Truth (TT) 係台灣本地品牌,除咗喺台灣本地好受歡迎外,仲紅到去法國,皆因佢成份天然,功效好,重點係價錢好平民!TT嘅面膜紙係100%純綿制造,雖然比一般面膜紙厚,但同樣貼面,而且更適合與皮膚接觸!TT有多個唔同系列嘅面膜,適合各種人士嘅需要,其中,小編最推極輕絲系列,保濕、吸收、貼服度都好好,帶有抗老因子、維他命A、E,亦有修護同緊緻毛孔嘅功效,係一塊面膜就滿足曬你所有嘅願望!

 

Timeless Truth 面膜
參考價:NT$899 @ 15片
購買地點:屈臣氏

 

台北必買 | 台灣藥妝美妝店必買推薦|Lovemore 面膜

Lovemore係台灣本地品牌,品牌主打用台灣當地農產品提煉而成嘅面膜,其中包括蘆薈絲瓜、天山雪蓮、酒酵母等,天然又好用!另外,面膜紙用蠶絲制造,非常透薄,更以亞洲人面型作剪裁,非常貼面!敷完之後會覺得好水潤,唔黏笠,非常適合妝前使用!

 

Lovemore 面膜
參考價:NT$ 332 @ 5片
購買地點:屈臣氏

 

台北必買 | 台灣藥妝美妝店必買推薦|資生堂 豪華級嘉美艷容露

如果你嘅皮膚經常性出痘痘、粉刺,需要鎮定嘅暗瘡肌或油性肌膚的話,資生堂嘅豪華級嘉美艷容露就幫倒你啦,佢具備消炎祛痘、收縮毛孔、控油等功效,係台灣冇人唔識嘅平價神仙水!由於呢支神仙水有分層嘅情況,記得要搖一搖,確保入面嘅成份均勻後先好用呀!

 

資生堂 豪華級嘉美艷容露
參考價:NT$100
購買地點:屈臣氏

 

台北必買 | 台灣藥妝美妝店必買推薦|大目農田 苦瓜水、絲瓜水


大目農田係台灣竹生土長嘅品牌,除咗有新鮮蔬果同食品外,仲有天然保養產品!當中嘅苦瓜水同絲瓜水係小編好推嘅產品,好多品牌嘅保濕噴霧只有一款,未必適合曬所有人嘅皮膚,而大目農品嘅苦瓜水適合中油性肌、油性肌皮膚人士使用;絲瓜水則適合乾性肌、敏感肌皮膚人士使用!大家買咗之後記得唔好放係曬倒太陽嘅地方,曬咗太陽嘅話會出青苔㗎,不過咁樣就可以證明佢真係純天然產品!

 

大目農田 苦瓜水、絲瓜水
參考價:苦瓜水輕巧裝NT$160 、絲瓜水輕巧裝NT$130
購買地點:誠品

 

📖延伸閱讀:【台北九份十分自由行】九份、十分、平溪行程推介(附九份十分交通攻略)
📖延伸閱讀: 【快閃台北三日兩夜2018】台灣3日2夜食、玩、訓行程懶人包,酒店500蚊有找!
📖延伸閱讀:【台北親子遊】帶著全家去旅行!台北親子酒店、餐廳、景點推薦!
📖延伸閱讀:【文青必去台北景點】打卡必去台北cafe、台北市集、旅店特集!
📖延伸閱讀:【台北酒吧推介】Top 3靚景台灣高空酒吧Rooftop bar!(含台北夜店推介)
📖延伸閱讀:【台北買衫】購物狂小編私心推!台北古著二手店尋寶地圖連講價貼士!

 

Hotels.com酒店優惠