定期送上世界各地最新、最地道嘅旅遊資訊!

【台北滷味大評比】為食小編嚴選 — 十大最強台北滷肉飯店!

台灣出名美食多,台北滷味台北滷肉飯你又食過未呢?一般北部滷肉飯係將滷過嘅豬肉碎或者豬肉條,澆係白飯上面製成。雖然睇落似肉燥飯,但肉燥飯用嘅係炒香咗嘅豬絞肉整成,而滷肉飯就係用滷過嘅豬肉粒,味道會較為油香濃郁。想知台北最強滷肉飯店有幾勁?即刻上Blogshotels.com睇啦!

 

📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選
📖延伸閱讀:【台北美食系列】台北夜市推薦連人氣美食排名!

 

台北滷味大評比|台北滷肉飯店推薦|司機俱樂部

司機俱樂部@thinkpada22p

司機俱樂部因為價錢大眾化,又開到凌晨4點,所以就成為咗當地人大力推薦嘅隱世食店。佢哋嘅滷肉飯香而不膩,入口即化,味道方面較為鹹香。怕肥嘅朋友可以試吓雞滷飯呢個組合,除咗令口感更加豐富之外,仲中和咗豬肉本身嘅肥膩感。

司機俱樂部_2
@marcosora

另一樣推薦嘅就係佢哋嘅滷豆腐同埋虱目魚肚喇,兩者都非常入味,魚肚鮮嫩之餘,仲去埋骨添!

 

司機俱樂部
地址:台北市松山區南京東路五段399之2號 (顯示地圖)
交通:捷運松山新店線 南京三民站3號出口
營業時間:星期一至五 11:30 – 14:00 ; 17:30 – 04:30,星期六 17:30 – 04:30

 

台北滷味大評比|台北滷肉飯店推薦|三元號

三元號@thinkpada22p

三元號係大同區一間好歡迎嘅食肆,當地人提到滷肉飯就會第一時間諗起三元號。

三元號_2@whizdonut

減緊肥嘅朋友你有福喇!三元號嘅滷肉飯採用咗豬後脾肉,所以瘦肉偏多,完全見唔到肥肉嘅蹤影,絕對係女士們嘅恩物。加上豬肉切得好細,軟冧入味,又帶有油香,真係令人忍唔住一啖接一啖!

 

三元號魯肉飯
地址:台北市大同區重慶北路二段11號 (顯示地圖)
交通:捷運淡水信義線 中山站5號出口
營業時間:星期一至日 09:00 – 21:20

 

台北滷味大評比|台北滷肉飯店推薦|金峰魯肉飯 

金峰魯肉飯 @mori.mhm000

金峰嘅滷肉飯曾經被聯合報評做全台灣五大必食之一,本地人甚至旅客都會專登去朝聖。由於豬肉採用咗切條嘅方法,食落非常有口感。不過,最特別嘅地方都係滷肉用咗長時間去燉,所以即使係肥肉部分都完全唔覺得肥,反而有種膠質漿口嘅感覺。

 

金峰魯肉飯
地址:台北市中正區羅斯福路一段10號 (顯示地圖)
交通:捷運淡水信義線 中正紀念堂站2號出口
營業時間:星期一至日 08:00 – 01:00

 

台北滷味大評比|台北滷肉飯店推薦|小王清湯瓜仔肉

小王清湯瓜仔肉@kenghao_chang

提起台北最強滷肉飯,小王一定榜上有名,皆因佢得到《2019台北米其林指南》點名推介佢哋嘅「黑金滷肉飯」。

小王清湯瓜仔肉_2@eat33_133_e33

店主為咗確保質素,堅持每日早一個鐘返去準備食材。佢哋嘅滷肉每日熬煮六個鐘頭以上,所以非常入味,顏色都比較深,有「黑金滷肉飯」之稱。加上,小王位於西門町附近,行過去都只係10分鐘步程,夠晒方便。

 

小王清湯瓜仔肉
地址:台北市萬華區華西街17之4號 (顯示地圖)
交通:捷運板南線(板橋線) 龍山寺站1號出口
營業時間:星期一至日 09:00 – 20:00 (星期二休館)

 

台北滷味大評比|台北滷肉飯店推薦|矮仔財滷肉飯

矮仔財滷肉飯@meidin_foodie

如果住北投區溫泉旅館嘅朋友,千其千其唔好錯過矮仔財嘅滷肉飯!矮仔財除咗每日中午準時出現人龍,就連電視節目、雜誌都爭住報導,皆因佢哋嘅滷肉飯被譽為「全台灣最好食嘅滷肉飯」。

滷肉肥瘦比例啱啱好,入口即溶,食落後勁帶甜,味道層次豐富,果然係有接近50年歷史嘅老字號。雖然人氣咁高,但老闆都堅持唔加價,認真良心。

 

矮仔財滷肉飯
地址:台北市北投區新市街30號436號攤位市場 (顯示地圖)
交通:捷運淡水信義線 北投站
營業時間:星期二至日 07:00 – 13:30 (星期一及四休館)

 

台北滷味大評比|台北滷肉飯店推薦|阿二麻辣

阿二麻辣@shin.star0516

阿二麻辣除咗麻辣鍋之外,滷肉飯都好值得一試。首先滷肉燉得好軟冧入味,白飯粒粒分明又有咬口,蔥花做到中和作用,令成個味道再上一層,食到台灣啖啖嘅古早味。無辣不歡嘅朋友仲可以試吓佢哋嘅麻辣滷肉飯,包你食唔停口!

 

阿二麻辣
地址:台北市北投區石牌路二段59號 (顯示地圖)
交通:捷運淡水信義線 北投站
營業時間:星期一至日 12:00 – 00:00

 

台北滷味大評比|台北滷肉飯店推薦|阿英台灣小吃

阿英台灣小吃@foodmategogo

阿英台灣小吃嘅係當地學生一定識嘅餐廳,每天都有唔少人流企係門口,為嘅就係佢哋嘅「中瘋滷肉飯」。「中瘋滷肉飯」係飯上面加咗兩隻半熟嘅流心荷包蛋,滷肉偏甜,帶有油光。

阿英台灣小吃_2@tabemakuripeko

食嘅時候撈埋濃郁嘅蛋黃一齊食,蛋黃同滷肉嘅香味一次過係口入面散發出嚟,小編可以早午晚三餐都只係食呢個!

 

阿英台灣小吃
地址:台北市大安區溫州街74巷5弄1號 (顯示地圖)
交通:捷運松山新店線 台電大樓站2號出口
營業時間:星期日至五 11:30 – 13:30 ; 17:30 – 20:00

 

台北滷味大評比|台北滷肉飯店推薦|金仙蝦捲店(松山店)

金仙蝦捲店(松山店)@mst125

金仙嘅滷肉用咗成本較高嘅黑毛豬,唔單止肉質滑啲,味道都相對濃郁啲。最特別嘅係成大煲嘅滷肉放喺店面熬煮,未踏入門口已經聞到好香。味道方面,豬肉味道好濃,滿口留香。滷汁都比得好大方,每啖飯都有滷汁,唔會話食到最尾得返白飯。

 

金仙蝦捲店(松山店)
地址:台北市信義區松山路473號 (顯示地圖)
交通:捷運板南線(南港線) 永春站
營業時間:星期一至日 10:30 – 20:30

 

台北滷味大評比|台北滷肉飯店推薦|黃記魯肉飯

黃記魯肉飯@qni93

黃記係一間有三十年歷史嘅老字號,如果想食台灣傳統地道嘅味道,黃記就係一個唔錯選擇喇。黃記嘅滷水用咗豬腳、五花腩等唔同部位熬製,質地濃厚唔油膩,好易入口。滷肉一樣後勁帶甜,唔會死咸,開業咁耐人潮都冇減少過。

 

黃記魯肉飯
地址:台北市中山區中山北路二段183巷28號 (顯示地圖)
交通:捷運中和新蘆線(新莊線) 中山國小站
營業時間:星期二至日 12:00 – 21:30

 

台北滷味大評比|台北滷肉飯店推薦|施家麻油腰花

施家麻油腰花@eiseisaito

施家滷肉飯行平民路線,價錢公道之餘,滷肉都好夠份量。滷肉飯味道鹹香,雖然肥肉比較多,但絕對唔會好油膩,加埋自製嘅辣蘿蔔乾,即時令成個飯冇咁單調。

 

施家麻油腰花
地址:台北市信義區松山路538-2號 (顯示地圖)
交通:捷運板南線(南港線) 永春站
營業時間:星期一至日 11:00 – 23:00

 

📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【台北居酒屋】台北串燒美食指南 — Top 3 台北居酒屋推薦懶人包!
📖延伸閱讀:【台北美食推薦】必食!嚴選十大台北芋圓、台北蛋餅店2019!
📖延伸閱讀:【台北買衫地圖2019】5間必逛台北古著店!追上文藝輕復古混搭風

 

Hotels.com酒店優惠Hotels.com酒店優惠