定期送上世界各地最新、最地道嘅旅遊資訊!

【台灣溫泉酒店】Top 6 台北溫泉酒店排行榜-附2019人氣台灣溫泉推薦

天寒地凍嘅天氣最啱就係去溫泉酒店歎世界,唔想請咁多日假?近近哋去台灣都大把台灣溫泉酒店選擇!等hotels.com為你介紹六間必去嘅台北温泉酒店,全部位於陽明山或者北投,交通夠哂方便!心急想知有咩台灣溫泉推薦?想知即刻上blogshotels.com睇下啦!

 

📖延伸閱讀:【台北美食推薦】必食!嚴選十大台北芋圓、台北蛋餅店2019!
📖延伸閱讀:【台北買衫地圖2019】5間必逛台北古著店!追上文藝輕復古混搭風

 

台灣溫泉酒店Top 6 台北溫泉酒店三二行館

三二行館

三二行館係一間提供大眾湯池嘅地方,住客亦可以預約私隱度比較高嘅獨立湯屋,齊齊浸又得,自私浸亦都得,得咗!

三二行館_2
@三二行館官網

三二行館距離捷運新北投站只需十分鐘程!而且靠近地熱谷、北投公園、露天溫泉等等嘅景點,順便去埋都唔洗搭太耐車

三二行館_3
@三二行館官網

三二行館_3

客房分別以日式庭院同歐陸風格為主題,簡約型格,入住嘅客人可以無限次享受房內嘅私人溫泉同公眾湯池。再配合大自然,成個環境極之relax同悠閒,最啱情侶二人世界!

 

三二行館
地址:台北北投區中山路 32 號 (顯示地圖)
星級 | ★★★★☆  
位置 | ★☆☆☆☆  
設施 | ★★☆☆☆  
環境 | ★★★★★  
價格 | 查看價格  

 

台灣溫泉酒店Top 5 台北溫泉酒店北投老爺酒店

北投老爺酒店又大又靚,客房設有露台或天井,夠哂舒適開揚。而溫泉池仲係北投特有嘅白磺溫泉,泉水嚟自硫磺谷,可以令皮膚更白滑㗎。

北投老爺酒店
@北投老爺酒店官網

另外,酒店高層仲有一個水療溫泉池,等你可以一邊望住台北景色,一邊享受北投白磺溫泉,盡情放鬆!

北投老爺酒店_2

酒店位於北投老區,所以去北投公園同北投溫泉博物館10分鐘左右就到;搭捷運去士林夜市、淡水老街同漁人碼頭等嘅景點都只係20分鐘,夠晒方便!

 

北投老爺酒店
地址:台北市北投區中和街二號 (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

台灣溫泉酒店Top 4 台北溫泉酒店加賀屋國際溫泉飯店

加賀屋國際溫泉飯店

加賀屋係一間日式傳統風格嘅溫泉酒店。最大嘅套房足足有成49平方米,隨時仲大過小編間屋!套房設計得非常華麗,超級大嘅大理石、私人spa、溫泉池浴缸,樣樣都咁吸引,打卡就啱晒喇!

加賀屋國際溫泉飯店_2

溫泉用嘅係白磺泉,溫度維持係42度,唔慣浸得太熱嘅朋友就啱哂喇。除咗每間房都有獨立湯屋,加賀屋仲有兩個大眾室內溫泉池 ,等你可以享受北投嘅琉磺溫泉。

加賀屋國際溫泉飯店_3

另外,由酒店行去附近嘅景點,例如北投溫泉博物館同北投公園露天溫泉只需要幾分鐘,交通好方便㗎!

 

台北北投日勝生加賀屋國際溫泉飯店
地址:台北北投區光明路236號 (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★★  
價格 | 查看價格  

 

台灣溫泉酒店Top 3 台北溫泉酒店倆人旅店

如果預算唔高,咁呢間倆人旅店就好適合你喇!倆人旅店有個特別故事,因為門牌「11號」睇上去好似兩個人,所以索性就改名做倆人旅店」。設計方面行台式純樸風,吸引咗好多年輕文青入住。

倆人旅店

房間用色樸素自然,擺咗好多小裝飾同盆裁。而且每間客房嘅名都改得好有心思,譬如甜蜜休息房、濃情客房、惟一客房,夠哂浪漫。其中一個最加分嘅位,就係每間房都用咗落地玻璃,大量自然光射入室內,可以輕鬆飽覽外面嘅景觀。

倆人旅店_2

旅店地點雖然唔算超方便,但就有安排專車接送客人來往捷運站,車程都只係大約5分鐘咋!

 

北投倆人旅店 (立德北投溫泉飯店)
地址:台北北投區幽雅路11號 (顯示地圖)
星級 | ★★★☆☆  
位置 | ★★★☆☆  
設施 | ★★☆☆☆  
環境 | ★★★★☆  
價格 | 查看價格  

台灣溫泉酒店Top 2 台北溫泉酒店北投麗禧溫泉酒店

北投麗禧溫泉酒店

北投麗禧溫泉酒店貴為台北北投唯一一間五星級嘅酒店,服務質素同設備都好高質,景觀就更加唔會令人失望啦!

北投麗禧溫泉酒店_2

每間客房都有落地玻璃加露台可以欣賞山景,最誇張嘅就係房入面嘅私人風呂非常之大,加上用正宗白硫磺溫泉水,簡直係台北溫泉酒店最頂級嘅享受!

北投麗禧溫泉酒店_2

另外,酒店仲有戶外風呂同露天風呂,室內仲包埋溫泉池、冰水池、蒸氣室、石板浴等,夠哂relax。

 

北投麗禧溫泉酒店
地址:台北北投區幽雅路30號 (顯示地圖)
星級 | ★★★★★  
位置 | ★★★☆☆  
設施 | ★★★★★  
環境 | ★★★★★  
價格 | 查看價格  

 

台灣溫泉酒店Top 2 台北溫泉酒店漾館時尚溫泉飯店

去得台北,梗係要出去掃街喇!漾館時尚溫泉飯店除咗有得比你喺房浸溫泉之外,距離新北投捷運站都只係8分鐘步程咋!

漾館時尚溫泉飯店

唔少住客都好滿意酒店嘅服務同整潔度,仲大讚客房嘅浴室夠哂寛敞,白磺湯池用嘅係自來泉水。而且酒店仲有個好貼心嘅服務,夜晚會送糖水湯圓上房,包你暖到入心。

漾館時尚溫泉飯店_2

加上酒店樓下就有便利店,附近又有小食攤檔,可以盡情品嚐台北地道美食!

 

漾館時尚溫泉飯店
地址:台北北投區溫泉路63號 (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★☆☆☆  
價格 | 查看價格  

 

台灣溫泉酒店Top 1 台北溫泉酒店長榮鳳凰酒店

長榮鳳凰酒店交通便利,距離湯圍溝溫泉公園同礁溪車站只需8分鐘步程,唔少去宜蘭玩嘅朋友都會選擇呢一間酒店㗎!

長榮鳳凰酒店

長榮鳳凰酒店_2

客房以日式禪風設計,空間感十足!客房入面仲有個超大湯池,可以齊齊享受温泉樂。房內仲有宜蘭嘅特產蜜餞、金棗軟糖等嘅小食免費享用,非常窩心!

長榮鳳凰酒店_3

長榮鳳凰酒店_4
@nippon.com

另外,酒店設有三間餐廳,包括半任食火鍋嘅煙波亭、提供自助餐嘅桂冠自助餐廳同竹芬中餐廳,任君選擇,唔怕浸完温泉會餓親個肚喇!

 

長榮鳳凰酒店(礁溪)
地址:宜蘭縣礁溪鄉健康路77號 (顯示地圖)
星級 | ★★★★☆  
位置 | ★★★☆☆  
設施 | ★★★☆☆  
環境 | ★★★☆☆  
價格 | 查看價格  

 

📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!
📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【旅行狗狗好去處】帶狗去旅行!台北狗狗餐廳、景點連可攜帶寵物酒店推薦
📖延伸閱讀:【台北夜景餐廳】拍住拖睇陽明山夜景!Top 3 靚景陽明山餐廳 + 浪漫情侶住宿推薦!

 

Hotels.com酒店優惠Hotels.com酒店優惠