定期送上世界各地最新、最地道嘅旅遊資訊!

【台北晚餐篇】秋冬之選!超人氣台北火鍋推薦 + 回本必食菜式!

去台北自由行,又點少得朝聖吓台灣人一年四季都會食嘅火鍋!台北火鍋湯底選擇有好多,有清淡嘅蔬菜湯底、有養生湯底、亦有麻辣等多款湯底,當中嘅麻辣湯底同內地嘅麻辣湯底係好唔同,相對冇咁辣、咁油,係比較易入口,可以話係冬天遊台嘅必食!小編已經為大家嚴選咗5間CP值極高嘅台北火鍋推薦,享受一個暖笠笠嘅台北晚餐

 

📖延伸閱讀:【快閃台北三日兩夜2018】台灣3日2夜食、玩、訓行程懶人包,酒店500蚊有找!

 

台北晚餐 | 台北火鍋推薦 | 台灣任食CP值最高 - 馬辣頂級麻辣鴛鴦火鍋

@ hiroshi_tanahashi

馬辣係台灣超熱門任食火鍋店,CP值極高,係台灣人同遊客必食之選,經常滿座,建議大家要先打電話訂位!

 

hayashimori_shoten_in_taiwan

呢度火鍋食材超過70種之外,質素仲好好㗎!豬牛羊嘅肉質鮮嫩,紋理分明!小編另推手打花枝丸同蝦丸,除左新鮮口感彈牙外,仲可以食倒一粒粒嘅花枝同蟹子!另外,仲有Häagen-Dazs、Mövenpick雪糕、統一布甸等甜品同埋水果任食,淨係食飯後甜品都可以食到回本!而且仲包埋飲品同酒精類飲品!係一個價錢滿足曬你三個願望!

 

馬辣頂級麻辣鴛鴦火鍋 信義分店
地址:台北市信義區松壽路22號3樓 (威秀影城旁、NEO19 3樓)(顯示地圖)
營業時間:平日:午市11:30-16:00,晚市 16:00-02:00,星期六日及假期 11:30-02:00 (最後入場時間24:00)
交通:台北市捷運淡水信義線至象山站,步行約7分鐘
聯絡電話:(02)2720-5726
網站:http://www.mala-1.com.tw
價格 (只供參考):平日午餐NT$598,平日晚餐NT$698,  周六日及假期NT$698, 小童半價(小一至小六生),另加10%服務費
備註:用餐時間為2小時

 

📖延伸閱讀:【台北親子遊行程2018】台北親子自由行行程 – 3日2夜懶人包!

 

台北晚餐 | 台北火鍋推薦 | 任食正宗四川麻辣火鍋  - 辛殿麻辣火鍋

rockai412

辛殿有紅鍋、白鍋同鴛鴦鍋,紅鍋係正宗嘅四川麻辣湯底,湯底所用嘅辣乾、花椒、多種中藥食材都係來自四川;白鍋用蔬菜同豬大骨長時間熬制而成,味道濃郁,但唔肥膩。呢度嘅火鍋食材超過50種,肉類大多數都來自美國同紐西蘭,質素有保證,小編就最愛美國Prime無骨牛小排,脂肪同肉分佈平均,仲會見倒有雪花㗎!另外,呢度嘅海鮮好有誠意,扇貝大粒又飽滿,白大蝦大大隻又彈牙,完全唔似任食嘅水準!仲有記得點辛殿嘅私房肥腸、牛肚、牛筋,出面食唔倒㗎!  

 

辛殿麻辣火鍋 信義分店
地址:台北市信義區松壽路12號 ATT4FUN 1樓 (顯示地圖)
交通:台北市捷運淡水信義線至101世貿站,步行約7分鐘
營業時間:平日:午市11:30-16:00,晚市 16:00-01:30,星期六日及假期 11:30-01:30
聯絡電話:02-2722-7667
網站:http://www.xindianpot.com.tw/store.htm
價格 (只供參考):平日午餐NT$538,平日晚餐NT$38,  星期六日及假期NT$638, 小童半價(身高 110-140cm),另加10%服務費
備註:訂位人數限制: 18:00 ~ 20:00 最少4人,用餐時間限定 2 小時,午餐無供應牛小排 ‧ 個人開鍋需加收100元

 

📖延伸閱讀:【台灣手信2018購物清單】Top 10 台北手信2018必買推介!

 

台北晚餐 | 台北火鍋推薦 | 台中起家 紅到台中 - 鼎王麻辣鍋

gofindalice

鼎王有麻辣、酸菜白肉湯底同鴛鴦鍋,麻辣鍋夠麻,但唔會辣到你食唔倒食材嘅原味,鍋內嘅鴨血同豆腐係無限任食,浸喺湯度,又彈牙又入味;酸菜白肉湯底係用自然發酵嘅酸白菜加上雞骨豬大骨熬制而成,湯微酸帶有蔬菜嘅甘甜味。

 

m45_celine

鍋內嘅酸菜可以免費任加,呢兩個湯底係連台灣人都讚好!火鍋食材多元化,仲會有期間限定嘅肉類同海鮮,為食客提供當季最新鮮嘅食材!  

 

鼎王麻辣鍋 光復分店
地址:台北市松山區光復北路89號 (顯示地圖)
交通:台北市捷運松山新店線至東門站,步行約9分鐘
營業時間:11:30-04:00
聯絡電話:02-2742-1199
網站:https://www.tripodking.com.tw

 

📖延伸閱讀:【台北聖誕節親子遊】感受台灣聖誕氣氛!台北聖誕燈飾打卡點大解構2018!

 

台北晚餐 | 台北火鍋推薦 | 養生之選 - 無老鍋

anthrophevik

無老鍋用大量中藥材熬制湯底,中藥味會相對比較濃,鍾意養生嘅朋友唔好錯過啊!無老鍋有兩款湯底,包括無老辣香鍋同麵包豆腐白湯鍋,口碑都唔錯,紅鍋係微辣嘅中國口味,白鍋係日本豬骨口味,打一次邊爐就可以同時感受曬兩種風味!

 


@zhiliwang8

白鍋入面嘅麵包豆腐係呢個鍋嘅賣點,佢好似麵包咁吸曬啲湯汁啲精華,好入味!另外,大家記得要點無老鍋先有嘅冰淇淋豆腐,口感細緻,仲做到入口即溶嘅效果!



無老鍋 台北市民店
地址:台北市市民大道三段143號 (顯示地圖)
交通:台北市捷運淡水信義線至東門站,步行約3分鐘
營業時間:11:30-02:00
聯絡電話:02-2731-7928
網站:https://www.wulao.com.tw

 

📖延伸閱讀:【米芝蓮追星地圖】台北米芝蓮星級餐廳潮聖攻略2018

 

台北晚餐 | 台北火鍋推薦 | 平價美味一人鍋 - 石二鍋

一個人去台北,又想食火鍋,點算好?食石二鍋啦!一個人就可以開爐啦!揀好湯底之後,就可以揀主套餐,主套餐連蔬菜拼盤,鍾意多菜少肉可以叫「愛呷菜」,鍾意多肉少菜可以叫「愛呷肉」。

 


@chechenng

石二鍋亦有多種鍋物可以追加,食材分量係一人份,所以就算係一個人都可以食好多種類嘅食材。套餐包埋飲品同飯面食,人均消費NT$300左右就可以食到捧住個肚走,絕對係一人或平民火鍋之選!

 

石二鍋   信義分店
地址:台北市大安區信義路二段72號 (顯示地圖)
交通:台北市捷運淡水信義線至東門站,步行約3分鐘
營業時間:星期一-星期四11:30~22:30 (最後點餐時間22:00) 星期五、周末及假日 11:30~23:00 (最後點餐時間22:30)
聯絡電話:02-2358-2776
網站:https://www.12hotpot.com.tw
備註:兩人共鍋需另加NT$30

 

📖延伸閱讀:【文青必去台北景點】打卡必去台北cafe、台北市集、旅店特集!

 

台北自由行住宿推薦 | 趣淘漫旅 台北

趣淘漫旅 台北

趣淘漫旅係2017年先開幕,係設施新淨、環境舒服嘅新式酒店!叫得「趣淘」就梗係有佢有趣嘅地方,裝修唔似一般酒店咁全白,分冷暖色主題,有一種似係家嘅感覺;趣淘善用電子check in 服務,慳番唔少時間可以去玩

 

趣淘漫旅 台北
地址: TWN新北市板橋區中山路一段 139 號 (查看地圖)
星級 | ★★★☆☆  
位置 | ★★★☆ ☆
設施 | ★★★★☆  
環境 | ★★★☆ ☆
價格 | 查看價格

 

台北自由行住宿推薦 | 闊飯店

闊飯店

闊飯店於2009年開幕,每一年都會獲得唔少設計獎,房間主打木色同深色色系,有一種低調自在嘅感覺,同時又帶有台灣慢活嘅情調,好啱係每日繁忙工作、想得到療癒效果嘅打工仔入住!  

 

闊飯店
地址:TWN台北松山區南京東路三段333號 (查看地圖)
星級 | ★★★★☆  
位置 | ★★★☆ ☆
設施 | ★★★★☆  
環境 | ★★★★☆
價格 | 查看價格

 

台北自由行住宿推薦 | 泡泡飯店

泡泡飯店

泡泡飯店係東區商圈嘅新地標,外牆係好醒目嘅紅色霓虹,係東區新嘅打卡熱點。酒店係以泡泡為主題,酒店內除左有好多泡泡嘅元素外,亦用左好多唔同色系嘅燈光,有一種喜愛夜浦嘅感覺,另外,亦有好多帶設計感嘅新式傢俬,帶型格嘅感覺!

 

泡泡飯店, 台北市, 陽台

泡泡飯店座落於台北大安區,樓下已經有唔少日式串燒、台灣早餐店等等,仲有近排大熱嘅清吧The Key Company,好方便!頂樓更加有露天位可以比住客一覽台北夜景,夜晚上嚟吹水傾計不知幾爽!

 

泡泡飯店
地址:TWN台北大安區市民大道四段 168 號 (查看地圖)
星級 | ★★★☆☆  
位置 | ★★★★☆
設施 | ★★★★☆
環境 | ★★★★★
價格 | 查看價格

 

台北自由行住宿推薦 | 台北大亞帝國酒店H

台北大亞帝國酒店H

台北大亞帝國酒店H位於台北車站嘅正對面,步行只需1分鐘,交通非常便利,慳番唔少交通時間;而且隔離就係新光三越百貨,去西門町亦只需要步行10分鐘,行完街掃完貨之後就可以即刻上酒店休息,絕對係舒適之選。   

 

台北大亞帝國酒店H
地址:TWN台北中正區忠孝西路一段 50 號 (查看地圖)
星級 | ★★★☆☆  
位置 | ★★★★★
設施 | ★★★☆☆  
環境 | ★★★★★
價格 | 查看價格

 

📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【台北酒吧推介】Top 3靚景台灣高空酒吧Rooftop bar!(含台北夜店推介)
📖延伸閱讀:【台北買衫】購物狂小編私心推!台北古著二手店尋寶地圖連講價貼士!
📖延伸閱讀:【台北天氣不似預期】落雨有咩好怕?四大台北室內景點推薦 (台北當代藝術館、寶藏巖國際藝術村)

 

Hotels.com酒店優惠