定期送上世界各地最新、最地道嘅旅遊資訊!

【台北居酒屋】台北串燒美食指南 — Top 3 台北居酒屋推薦懶人包!

 

台北居酒屋

台北食日本菜CP值高相信大家都知,唔少香港人去到台灣都會食吓壽司魚生等等。除咗食壽司,其實台北居酒屋都相當值得去㗎!小編精選Top 3 台北居酒屋推薦懶人包,介紹幾間人氣居酒屋俾大家,當然唔少得店家必食items啦!嘆完台北串燒,仲會介紹幾間台北型格住宿俾你哋,千祈唔好錯過喇!

 

📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)

 

台北居酒屋推薦|吳留手

吳留手
@dordorisdorespanol

喺忠孝復興站附近嘅本店,好有昭和時代日本懷舊風味。店面唔算大,座位偏細,門口掛住個燈籠,店內裝潢以木系傢具為主配上好多酒樽擺設,播住日文歌,好似去咗日本咁。

吳留手_2
@tastesinlife

吳留手喺台北好受歡迎,嚟之前記得要訂位,留意返有最低消費設定,每人500台幣。


吳留手_明太子雞肉串@connielovedessert
明太子雞肉串

吳留手嘅招牌菜,基本上係一致好評。多到滿瀉嘅明太子醬好香口,雞肉用咗雞胸肉但係食落一啲都唔柴口,肉質依然嫩滑,可見火喉掌握得非常好呀!


吳留手_明太子白醬炒烏龍@foodbomb.comm
明太子白醬炒烏龍

見到枱枱都叫一碟,小編當然都唔會走寶啦,結果係最令人回味無窮嘅一道菜,好有驚喜!濃郁嘅奶香配上彈牙烏龍麵,加上點睛嘅明太子,成件事好夾,係吳留手必食!

 

吳留手
地址:台北市中山區八德路二段312巷13號 (顯示地圖)
交通:近忠孝復興站往微風百貨方向走
營業時間:6:00pm – 1:00am
電話:+886 2 2776 1008

 

台北居酒屋推薦|吉利串燒

吉利串燒
@franlu33

吉利嘅裝潢低調得嚟好有質感,既保有台灣本土嘅古早風味,亦不失現今流行嘅時尚簡約風,唔講都估唔到係串燒店,而門口位置就係大家嘅No.1打卡位。


吉利串燒_2@jason5278

前籃球員王信凱開嘅串燒店,唔少藝人都係常客嚟㗎,好似彭于晏、余文樂等等。

吉利串燒_3
@herenowcity

吉利串燒咁有人氣,當然係好味道啦!秘訣就係有十幾年串燒功夫嘅大廚坐陣,堅持用最簡單嘅灑鹽為新鮮食材調味,而佢鎮店嘅秘密武器就係12年老醬汁!第一嚟嘅朋友,可以試吓「大吉大利組合」,由雞、豬肉、內臟部位等做搭配,八串ㄧ組,一次過品嚐唔同嘅好滋味!

吉利串燒_4
@吉利串燒Facebook專頁
醬燒干貝

選用可生食級日本干貝,肉質肥厚鮮甜,用火燒過表面,包裹住焦香醬汁,大滿足!

 

吉利串燒
地址:台北市基隆路二段39巷6號 (顯示地圖)
交通:台北101捷運站步行約10分鐘
營業時間:星期一至六 17:30-24:00
電話:02-2377-5801

 

台北居酒屋推薦|激安の食事酒場

激安の食事酒場
@lckai_1215

「激安」喺日文嘅意思係平價,激安の食事酒場就係台北好有人氣嘅平價居酒屋喇,價格實惠,最平嘅串燒只係台幣38蚊咋。位置喺捷運忠孝復興站同忠孝敦化站中間,就喺頂好名店城後面條巷。呢到嘅環境都係行日式風格,門口嘅霓虹燈好搶眼,牆上掛滿酒旗。店內座位唔算多,一般座位區有24個位,分六人座同兩人座,後面仲有包廂區。留意返喺繁忙時段會限時2.5小時,最後一個鐘就要last order,而每人嘅低消係台幣300蚊同加一服務費。

激安の食事酒場_2
@tiffanylu21

呢到嘅串燒出名抵食,但係小編覺得CP值最高嘅係佢哋嘅酒水!激安の食事酒場有限定放題暢飲,有梅酒、清酒、特調High Ball、啤酒及金箔清酒等,喜好杯中物嘅你就必定要嚟喇!

激安の食事酒場_3
@macaca0625
烤雞皮  

小編私心認為係神級好食,用最簡單嘅鹽烤,啲皮脆卜卜仲食到炭燒味,而且一啲都唔會肥膩,食多兩串都唔怕有罪惡感!

 

激安の食事酒場
地址:台北市大安區延吉街131巷27號 (顯示地圖)
交通:忠孝敦化站七號出口
營業時間:17:30-01:00
電話:+886 2 8771 0380

 

台北型格住宿|量子酒店 S Hotel

量子酒店 S Hotel
@S Hotel Facebook專頁

由大 S老公汪小菲開設,專誠聘請著名設計師PHILIPPE STARCK 親自操刀設計,充滿文化氣息,更曾奪得2017年中國最佳設計酒店大獎,備受肯定。

量子酒店 S Hotel_2
@酒店官網

客房以白色為主色,利用唔少鏡去增加空間感,感覺明亮。房間由300呎起,特別配備丹麥皇室御用音響品牌B&O、電動馬桶、有免費Minibar小食及汽水,仲有Nespresso咖啡機,非常貼心。

 

量子酒店 S Hotel
地址:台北松山區敦化北路 150 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格

 

台北型格住宿|阿樹國際旅店

阿樹國際旅店
@阿樹國際旅店 Facebook專頁

顧名思義,酒店以樹木為設計概念,結合「自然、手感、科技」三大主題,打造鬧市中嘅森林,極具特色。Lobby同房內Mini bar嘅水果同小食,皆可免費享用。 仲設有湯屋,引入外國能量溫泉機,隨時都可以浸個溫泉。

阿樹國際旅店_2
@artreehotel.com.tw

房間空間寬敞,二人房大約三百幾呎。仲可以欣賞到全台最高摩天大廈台北101,呢個景色冇得彈呀!

 

阿樹國際旅店
地址:台北松山區八德路三段 76 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格

台北型格住宿|二十輪旅店大安館

二十輪旅店大安館
@swiio.com

由設計師方序中操刀嘅酒店,以白色為主軸配上不規則窗戶,定位出SWIIO座落於大安區嘅極簡優雅座標。有別於富麗堂皇嘅大酒店,好有設計感,帶有寧靜嘅文藝氣息。

二十輪旅店大安館_2
@swiio.com

酒店內部空間由擅長電影美術嘅郭志達主理,以極簡約概念規劃整體空間,營造出強烈電影感嘅視覺效果。

二十輪旅店大安館_3
@swiio.com

房間以舒適為前提,冇多餘嘅繁複設計,以一貫嘅白色呈現出簡約形象。房內選用知品床具品牌Slumberland,一定有覺好瞓!

 

二十輪旅店大安館
地址:台北大安路一段 185 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格

 

📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選
📖延伸閱讀:【台北文青景點】打卡必去台北文青Cafe、台北市集、旅店特集!
📖延伸閱讀:【兩日一夜去邊好】台北浪漫餐廳 + 情人節餐廳燭光晚餐之選 (附台北情人節景點推介)
📖延伸閱讀:【台北酒吧推介】Top 3靚景台灣高空酒吧Rooftop bar!(含台北夜店推介)
📖延伸閱讀:【台北美食系列】台北夜市推薦連人氣美食排名!

 

Hotels.com酒店優惠Hotels.com酒店優惠