定期送上世界各地最新、最地道嘅旅遊資訊!

【必去台中購物點】必逛台中outlet — 麗寶outlet mall必買品牌 + 美食攻略

 

麗寶outlet mall
@lihpaooutlet.com.tw

佔地200公頃嘅麗寶outlet mall喺2017年正式開幕,嚟開台灣旅行梗係要到呢個極具規模嘅台中outlet購物血拼啦!麗寶outlet mall以意大利菲諾港為藍本建造,歐陸風情十足,而且呢度仲有一座全台灣最大嘅摩天輪,shopping之餘仲可以嚟打卡呃like!另外,麗寶outlet mall仲有為客人提供往來台中市區嘅免費接駁車,交通非常方便!

 

麗寶outlet mall
地址:421台灣台中市后里區福容路201號 (顯示地圖)
官網:http://www.lihpaooutlet.com.tw/

 

必去台中購物點 | 台中麗寶outlet mall必買品牌 | 孖人牌

孖人牌
@LIHPAO.OUTLETMALL

孖人牌_2
@LIHPAO.OUTLETMALL

大名鼎鼎嘅孖人牌廚具,毫無疑問當然係麗寶outlet mall嘅必買品牌啦!孖人牌嘅刀具、煮食器皿等廚具嘅口碑向來都相當之好,喺呢度以優惠價買翻啲返屋企用就最好不過啦!

孖人牌_3
@store.tomorrowland.com

孖人牌近年亦收購咗唔少米芝蓮大廚都鍾意用嘅法國鑄鐵鍋品牌Staub,而且仲推出咗唔少獨特嘅款式,就好似最近印有世界地圖嘅Tomorrowland鑄鐵鍋等等,實用之餘仲相當美觀!

 

孖人牌
地址:1樓戶外區1109號舖

 

必去台中購物點 | 台中麗寶outlet mall必買品牌 | ABC MART

ABC MART
@abc-mart.com.tw

ABC MART_2
@ABCMARTTAIWAN

ABC MART係一間來自日本嘅鞋履專門店,呢度基本上乜嘢牌子嘅鞋都搵得到,所以極受歡迎!另外,ABC MART仲有唔少獨家發售嘅品牌,當中包括美國頂級手工鞋品牌Danner同埋意大利著名皮靴品牌Stefanorossi,款式包羅萬有!

ABC MART_3
@UnityLighting

麗寶outlet mall嘅ABC MART同一般分店最大嘅分別當然就係價錢啦!呢間ABC MART嘅鞋大部分都係以折扣價發售,而且店內不時亦會特設期間限定優惠,慳慳埋埋隨時又可以買多一對新鞋,識買梗係嚟呢度買!

 

ABC MART
地址:1樓室內區1209號舖

 

必去台中購物點 | 台中麗寶outlet mall必買品牌 | Orobianco

Orobianco
@cityguru.com

嚟到麗寶outlet mall,你一定唔可以錯過近年備受注視嘅意大利手袋品牌Orobianco!Orobianco秉持著「100% Made in Italy」呢個宗旨打造產品,質素甚高,係唔少人嘅心頭好嚟㗎!

Orobianco_2
@Brand Bargain

Orobianco對於物料嘅選用非常嚴格,佢哋同唔少國際知名品牌例如Hermès一樣,都係採用Limonta尼龍供應商嘅物料,絕對係信心保證!另外,Orobianco亦只會選用產自意大利出產嘅天然皮革,所以佢哋嘅皮包相對唔易變形,而且更會隨著時間而越來越有光澤,女士們仲唔快啲嚟入貨!

 

Orobianco
地址:1樓戶外區1104號舖

 

必去台中購物點 | 台中麗寶outlet mall必買品牌 | 札幌藥妝

札幌藥妝
@flickr

貴為北海道最大連鎖藥妝店嘅札幌藥妝近年亦喺麗寶outlet mall開咗分店,想買日本正牌行貨藥妝就一定要嚟呢度喇!除咗常見嘅日本成藥,呢度仲有超多日本著名保健品牌DHC嘅產品,啱晒注重健康嘅你!

札幌藥妝_2
@yuuna1825

講到札幌藥妝嘅必買item,又點少得「白雪美精」嘅護膚品?「白雪美精」係一個來自北海道嘅品牌,佢哋以馬油製造嘅面膜、潤膚膏同埋唇膏等,都係最近喺日本人氣爆燈嘅美妝產品。據講由於馬油同皮膚嘅性質接近,所以滲透同埋保濕能力都較其他護膚品好,仲唔即刻嚟買返啲試吓?

 

札幌藥妝
地址:3樓室內區3102號舖

 

必去台中購物點 | 台中麗寶outlet mall必買品牌 | Eminent

Eminent
@eminent.tw

去旅行除咗要plan好行程,一個優質嘅旅行喼亦同樣重要。嚟開台中自由行嘅話,不妨順便去埋麗寶outlet mall嘅Eminent睇下有無啱心水嘅旅行喼!Eminent係一個著名嘅德國品牌,佢哋嘅旅行喼款式型格沉實,唔少德國國家足球隊嘅球員都好鍾意用㗎!

Eminent_2
@LIHPAO.OUTLETMALL

Eminent嘅旅行喼價錢相宜,而且以輕巧、堅固耐用見稱嘅Makrolon物料製造,性價比極高!另外,Eminent嘅旅行喼亦採用咗獲美國運輸安全管理局認證嘅TSA鎖頭,安全可靠!

 

Eminent
地址:1樓室內區1201號舖

 

必去台中購物點 | 台中麗寶outlet mall美食攻略 | T.R Kitchen Bistro

T.R Kitchen Bistro
@lihpaooutlet.com.tw

麗寶outlet mall除咗有超過100間唔同種類嘅商鋪,其實仲有唔少特色餐廳,喺度行到肚餓都無有怕!小編就特別推薦T.R Kitchen Bistro呢間專食波士頓龍蝦嘅餐廳,佢哋喺台中享負盛名,絕對值得一試!

T.R Kitchen Bistro_2
@zimedia.com

T.R Kitchen Bistro嘅招牌菜係一共3款口味嘅龍蝦漢堡,分別係松露味、明太子味同埋他他味,各有特色。另外,呢度每一份漢堡都用咗足足三分之一隻波士頓龍蝦嚟整,好足料㗎!

 

T.R Kitchen Bistro
地址:1樓戶外區1107號舖

 

必去台中購物點 | 台中麗寶outlet mall美食攻略 | 涓豆腐

涓豆腐
@niusnews.com

涓豆腐_2
@dubuhouse

鍾意食韓國菜嘅話,不妨喺涓豆腐開餐!涓豆腐主打經典韓國料理,經典菜式例如人參雞湯、牛骨湯、石頭鍋飯同埋韓式炸雞等一應俱全,一定有一款可以滿足你!

涓豆腐_3
@citylink.tw

數到涓豆腐最受歡迎嘅菜式,當然就係佢哋嘅韓式嫩豆腐煲。佢哋嘅嫩豆腐煲最特別嘅地方係選用非基因改造嘅純天然有機豆腐嚟整,口感更綿滑之餘,黃豆味亦更為濃香,好有水準㗎!

 

涓豆腐
地址:1樓室內區1214號舖

 

📖延伸閱讀:【台中親子遊】一家大細出遊!台中親子景點大全 + 清境住宿及日月潭溫泉酒店推薦!
📖延伸閱讀:【去台中打卡】3日2夜文青遊!台中IG景點連型格Cafe及住宿推薦
📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!
📖延伸閱讀:【花蓮自由行】尋找花蓮海岸秘境—絕密花蓮景點大公開!

 

 Hotels.com酒店優惠Hotels.com酒店優惠