定期送上世界各地最新、最地道嘅旅遊資訊!

【台中親子遊】一家大細出遊!台中親子景點大全 + 清境住宿及日月潭溫泉酒店推薦!

台中親子遊 | 台中親子景點 | 日月潭

日月潭@asiayo

嚟到台中親子遊,無理由唔去貴為「台灣八景」之一嘅日月潭欣賞湖光山色! 日月潭呢度除咗風景美不勝收之外,其實仲有好多適合親子遊嘅活動㗎!

 

日月潭_2@backend.cyclingtime

其中,小編建議你可以喺度租單車,一家大細漫遊獲CNN旗下生活旅遊網站CNNGO評選為「全球十大最靚單車道」之一嘅環潭自行車道!你可以由水社碼頭出發,沿著環潭自行車道圍繞日月潭踩一圈。途中你會經過十分特別嘅水上自行車道,踩著單車睇日月潭嘅湖光山色別有一番風味㗎!

 

日月潭
地點:555台灣南投縣魚池鄉 (顯示地圖)
官網:https://www.sunmoonlake.gov.tw/#1

 

 

日月潭纜車@ropeway.com.tw

如果想用輕鬆一啲嘅方法欣賞日月潭嘅壯麗美景,你可以同仔仔女女去到位於伊達邵嘅纜車站乘坐日月潭纜車橫跨卜吉山。乘搭纜車期間,你可以喺空中俯瞰到整個日月潭,景色一流!

 

日月潭纜車
地址:555南投縣魚池鄉中正路102號 (顯示地圖)
開放時間:平日 10:30-16:00; 假日 10:00-16:30
參考費用:300台幣
官網:https://www.ropeway.com.tw/

 

 

阿薩姆紅茶@bov77777b

唔講唔知,日月潭呢度原來係台灣著名嘅阿薩姆紅茶出產地。而芸芸咁多品牌當中,小編特別推薦你買日月老茶廠出品嘅台茶十八號,紅茶沖出嚟帶有淡淡肉桂香味,更獲得無數專家嘅讚譽,絕對係日月潭嘅必買手信!

 

日月老茶廠
地址:555台灣南投縣魚池鄉中明村有水巷38號 (顯示地圖)
開放時間:08:00-17:00
官網:http://www.assamfarm.com.tw/aboutus.htm

 

 

台中親子酒店住宿 | 日月潭溫泉酒店推薦 | 雲品溫泉酒店

雲品溫泉酒店

號稱「日月潭第一泉」嘅雲品溫泉酒店係日月潭當地一間高級酒店,佢哋嘅溫泉採用pH值8.6嘅碳酸氫鹽泉水,可以使皮膚更細緻光滑,所以喺當地亦有「美肌之湯」之稱!此外,酒店設施齊全,甚至乎水上樂園都有埋,絕對能夠令你舒緩身心疲勞!

 

雲品溫泉酒店_2

一家大細出遊最怕就係去玩嘅時候無人照顧小朋友,雲品溫泉酒店非常貼心,設有保姆、托兒服務同埋為細路仔而設嘅兒童泳池,咁樣家長就可以放心去玩啦!

 

雲品溫泉酒店
地址:TWN魚池日月潭中正路 23 號顯示地圖
星級 | ★★★★★  
位置 | ★★★★★
設施 | ★★★★★
環境 | ★★★★★
價格 | 查看價格

 

 

台中親子酒店住宿 | 日月潭溫泉酒店推薦 | 馥麗溫泉大飯店

馥麗溫泉大飯店

馥麗溫泉大飯店設有露天溫泉,非常特別,喺呢度一邊欣賞日月潭美景一邊浸住溫泉好正㗎!同雲品溫泉酒店一樣,馥麗溫泉大飯店都一樣設有兒童泳池等等專為兒童而設嘅設施,而且房間夠晒寬敞,就算小朋友幾咁好動都唔怕唔夠活動空間!

 

馥麗溫泉大飯店_2

 

馥麗溫泉大飯店
地址:TWN魚池水社村中山路 250-2 號顯示地圖
星級 | ★★★★☆  
位置 | ★★★★☆
設施 | ★★★★☆  
環境 | ★★★★☆
價格 | 查看價格

 

台中親子遊 | 台中親子景點 | 清境農場

清境農場@beyondtravel

清境農場係台灣著名嘅景點,而且係「台灣三大高山農場」之一,深受當地人同埋遊客嘅喜愛!其中,綿羊遍野嘅青青草原,你一定唔可以錯過!而呢度嘅景色更加會令你有如置身於北歐國家一樣。另外,青青草原呢度仲有「剪羊毛Show」表演睇,小朋友嚟到肯定會大開眼界!

 

小瑞士花園@ntbus.com.tw

名列「清境十景」之一嘅小瑞士花園係當地人熱門嘅打卡聖地,呢度童話般嘅風景唔講真係以為去咗瑞士啊,所以每逢假期都會有唔少人慕名而來感受一下北歐風情㗎!

 

清境農場
地點:546台灣南投縣仁愛鄉仁和路170號 (顯示地圖)
官網:https://www.cingjing.gov.tw/

 

 

伊拿谷景觀餐廳@flickr

喺清境玩到咁上下,當然要喺附近搵好嘢食醫下肚啦!小編推薦你去清境伊拿谷景觀餐廳呢間人氣餐廳品嚐地道嘅甕缸雞同埋擺夷餐!

 

伊拿谷景觀餐廳_2@135travel

呢度嘅招牌菜甕缸雞皮脆肉嫩,肉汁豐富,大人細路都一定會鍾意!另外,去之前記住打電話book位,唔係就有排等㗎啦!

 

清境伊拿谷景觀餐廳
地址:546台灣南投縣仁愛鄉信義巷36之1附1號仁和路 (顯示地圖)
營業時間:11:00-21:00
電話:+886 4 9280 3710
官網:https://www.inako.tw/

 

 

 

台中親子酒店住宿 | 清境住宿推薦 | 清境福爾摩莎時尚會館

清境福爾摩莎時尚會館

外型有如歐陸大宅嘅清境福爾摩莎時尚會館設有免費泊車服務,啱晒一家大細嚟台中親子自駕遊!

 

清境福爾摩莎時尚會館_2

另外,清境福爾摩莎時尚會館嘅房間佈置亦相當有心思,採用咗唔少充滿歐洲宮廷風格嘅設計,美輪美奐,絕對係清境住宿嘅一個好推薦!

 

清境福爾摩莎時尚會館
地址:TWN仁愛仁和路 223-1 號 (顯示地圖)
星級 | ★★★☆☆  
位置 | ★★★☆☆
設施 | ★★★☆☆  
環境 | ★★★★☆
價格 | 查看價格

 

 

 

台中親子酒店住宿 | 清境住宿推薦 | 頂代格拉斯莊園

頂代格拉斯莊園

頂代格拉斯莊園嘅位置相當優越,鄰近清境農場同埋小瑞士花園等等清境著名景點,好方便㗎!

 

頂代格拉斯莊園_2

雖然頂代格拉斯莊園佈置比較平實,但係服務相當貼心,除咗每日都提供免費自助早餐之外,更加會為客人提供機場接駁車服務,方便到不得了啊!

 

頂代格拉斯莊園
地址:TWN仁愛仁和路 218-1 號顯示地圖
星級 | ★★★☆☆  
位置 | ★★★☆☆
設施 | ★★★☆☆  
環境 | ★★★★★
價格 | 查看價格

 

 

 

台中親子遊 | 台中親子景點 | 台中貝兒絲樂園浪漫法國主題館
貝兒絲樂園@bearsworld

貝兒絲樂園係台灣著名嘅親子兒童樂園,佢哋參考德國嘅教育模式,旨在為小朋友提供一個安全同埋衛生嘅環境,好讓一班小朋友可以予學習於玩樂!

 

貝兒絲樂園_2@twobunny

另外,貝兒絲樂園設有親子館,提供一個空間畀一眾父母可以與小朋友有更多嘅互動,非常貼心!

 

貝兒絲樂園_3@貝兒絲樂園

位於台中嘅貝兒絲樂園以法國為主題,場內佈置亦好有童話故事風格。除咗一系列嘅遊玩設施之外,小編認為樂園裡面最特別嘅莫過於兒童剪髮服務,坐喺像真度十足嘅汽車造型凳上面剪頭髮,就算係唔鍾意剪頭髮嘅小朋友都一定唔會再抗拒!

 

貝兒絲樂園_4@貝兒絲樂園

另外,貝兒絲樂園週不時都會以環遊世界作主題舉行唔同嘅活動,過往嘅活動有如「親子料理DIY小教室」等等,可以令小朋友透過活動認識到不同國家嘅文化,嚟之前不妨上官網留意一下!

 

台中貝兒絲樂園浪漫法國主題館
地點:No. 120號河南路三段西屯區台中市台灣 407(顯示地圖)
開放時間:11:00 – 21:00
官網:https://www.bearsworld.com.tw/

 

 

📖延伸閱讀:【台灣手信2018購物清單】Top 10 台北手信2018必買推介!
📖延伸閱讀:【台灣小琉球自由行】五大必去小琉球景點、小琉球潛水攻略 (連小琉球民宿推薦)
📖延伸閱讀:【玩轉台灣外島】仲夏台灣綠島潛水之旅行程懶人包!(連綠島景點、住宿推薦)
📖延伸閱讀:【台北溫泉旅行】六大必去台北温泉酒店推薦(含陽明山、北投溫泉酒店!)
📖延伸閱讀:【台北九份十分自由行】九份、十分、平溪行程推介(附九份十分交通攻略)
📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!

 

 

Hotels.com酒店優惠Hotels.com酒店優惠