定期送上世界各地最新、最地道嘅旅遊資訊!

【去台中打卡】3日2夜文青遊!台中IG景點連型格Cafe及住宿推薦

 

台中IG景點超級多,而每年都有新冒出嘅台中打卡熱點,絕對係點去都唔會厭。今次小編就精心挑選幾個文青台中拍照景點、cafe同住宿,為大家帶嚟一個3日2夜充滿文藝氣息嘅輕旅行!

 

📖延伸閱讀:【台中親子遊】一家大細出遊!台中親子景點大全 + 清境住宿及日月潭溫泉酒店推薦!

 

台中IG景點推薦|夢幻秘境 – 中科落羽松

中科落羽松
@duddy10759

中科落羽松可以話係目前台中最熱嘅打卡地點,皆因每年嘅秋冬就係欣賞落羽松嘅最佳時機。由年尾開始,落羽松就會由原本嘅綠色漸漸咁轉變成紅色。落羽松森林漸層嘅色彩可以話係好震撼,吸引好多遊客慕名而來。除左陸上嘅落羽松,你仲可以走到水中木棧道上面,搭配水中落羽松嘅絕美倒影,影出極有詩情畫意嘅IG靚相。

 

中科落羽松
地址:台中市西屯區光明路257號 (顯示地圖)
交通:228、229、63路公車到廣興宮
開放時間:24小時
入場費用 免費

 

台中IG景點推薦|超級可愛米奇樹

超級可愛米奇樹
@watery725

唔知大家有無留意到最近係IG有棵好出名嘅「米奇樹」。其實呢棵樹係台中北屯萬坪公園嘅一棵百年芒果樹,佢喺一直無修剪嘅情況下,竟然生到好似米奇咁嘅樣,並吸引好多人嚟打卡。而係黃昏時後,呢棵「米奇樹」係陽光照射下,仲會呈現出心形嘅倒映𠻹!

 

台中北屯萬坪公園
地址:台中市北屯區旱溪舊道 (顯示地圖)
交通:19路公車到舊社橋頭站
開放時間:24小時
入場費用 免費

 

台中IG景點推薦|彩虹眷村

彩虹眷村
@臺中觀光旅遊網

彩虹眷村係一個充滿可愛塗鴉嘅特色景點,村入面所有嘅繪圖都係由「彩虹爺爺」黃永阜一手畫出嚟㗎。唔講唔知,原來「彩虹爺爺」係香港人,自2008年起為咗解悶而開始作畫。爺爺嘅畫風好童真同色彩豐富,吸引咗一批大學教授同學生嘅注意,仲成功將呢條曾經面臨被拆除嘅眷村可以以「彩虹藝術公園」嘅方式保留落嚟。彩虹眷村每年吸引超過百萬人參觀,仲被稱為係全球值得探訪景點之一,係咪好厲害呢?

 

彩虹眷村
地址:台中市南屯區春安路56巷號 (顯示地圖)
交通:公車27號到干城六村
營業時間:08:00 – 18:00
入場費用 免費
網址http://www.1949rainbow.com.tw/

 

台中型格Cafe推薦|GATE • 傑特曼紳士茶飲

GATE • 傑特曼紳士茶飲
@j7b0__1__8

台中實在有太多特別嘅cafe,如果你鐘意英倫風或者係哈利波特迷嘅話,就千奇唔好錯過呢間位於一中商圈邊緣嘅GATE • 傑特曼紳士茶飲。店嘅外觀就好似哈利波特電影入面斜腳巷嘅魔法商店咁,非常精緻,而店入面仲有斗篷、巫師帽同魔法杖借俾客人打卡影相!

 

GATE • 傑特曼紳士茶飲
地址:台中市北區錦新街30-2號 (顯示地圖)
營業時間:12:00 – 20:00

 

台中型格Cafe推薦|Goddess 女神聯盟

Goddess 女神聯盟
@wsp_1010

Goddess女神聯盟係一間好有型格嘅漫畫cafe。位於IKEA旁嘅大樓四樓,Goddess女神聯盟入面絕大部分嘅裝飾都係畫出嚟。簡單嘅線條令客人瞬間進入咗黑白漫畫世界,絕對係台中最新最潮嘅打卡熱點。

 

Goddess女神聯盟
地址:台中市南屯區大正街6號4樓 (顯示地圖)
營業時間:星期一至五13:00 – 17:00

 

台中型格Cafe推薦|感傷唱片行(卡帶 咖啡 甜點)

感傷唱片行
@bigapple1120

位於台中西區,傷心唱片行係全台灣唯一一間卡帶專賣店。老闆將咖啡同卡帶結合,變成一間懷舊、復古嘅特色cafe。當你推門入去果刻,望到成牆嘅卡帶,就好似穿越咗時空,返咗去80至90年代咁。文青們不妨去打個卡,一邊嘆咖啡,一邊懷愐過去。

 

感傷唱片行(卡帶 咖啡 甜點)
地址:台中市西區美村路一段564巷12號 (顯示地圖)
營業時間:13:00 – 21:00

 

台中文青住宿推薦|紅點文旅 (RedDot Hotel)

紅點文旅 (RedDot Hotel)
@Flickr

紅點文旅係一間富設計感嘅時尚酒店,入面有好多裝置藝術,而當中最出名嘅就係個條可以由一樓滑到大堂嘅旋轉滑梯。酒店位於中區,附近有中華夜市,十分方便。無論係一家大細,同朋友或者情侶嚟台中旅行,都好適合喺呢度住。

 

紅點文旅 (RedDot Hotel)
地址:台中中區民族路 206 號(顯示地圖)
星級 | ★★★☆☆  
位置 | ★★★★★
設施 | ★★★★☆  
環境 | ★★★★☆  
價格 | 查看價格

 

台中文青住宿推薦|承億文旅-台中鳥日子

承億文旅
@hotelday.com

台中鳥日子屬於連鎖型嘅文創酒店,鄰近有精誠商圈同草悟道等嘅藝文景點。酒店風格簡若,環境舒適。雖然個名聽落有啲奇怪,但其實當中包含「讓我們日子鳥鳥過、漫漫遊」嘅意思,非常適合啲想忘記煩惱、享受慢節奏的旅人。

 

承億文旅-台中鳥日子
地址:台中西區忠明南路 98 號 (顯示地圖)
星級 | ★★★☆☆  
位置 | ★★★☆☆
設施 | ★★★★☆  
環境 | ★★★★★  
價格 | 查看價格

 

台中文青住宿推薦|漂鳥草悟道 (Stray Birds)

漂鳥草悟道 (Stray Birds)

如果係一個人旅行或者想搵一啲預算低啲嘅住宿嘅話,可以考慮下呢間位於係西區嘅漂鳥青年旅館。呢間青年旅館其實係上年一月先新開,一共有四層(一層common area、一層女生專屬同埋兩層男女混合房間),每層嘅空間都非常之大。

漂鳥草悟道 (Stray Birds)
@straybirds.com

旅館仲周不時會舉辦唔同嘅藝文活動同獨立音樂小型演唱會,仲設有酒吧,係一個去認識新朋友嘅好地方。

 

漂鳥草悟道 (Stray Birds)
地址:台中西區公益路 201 號 7 樓 (顯示地圖)
星級 | ★★☆☆☆  
位置 | ★★★☆☆
設施 | ★★★☆☆  
環境 | ★★★☆☆  
價格 | 查看價格

 

📖延伸閱讀:【高雄新景點】 四大必去高雄私房旅遊景點推薦!(連高雄夜市美食攻略)
📖延伸閱讀:【台北文青景點】打卡必去台北文青Cafe、台北市集、旅店特集!
📖延伸閱讀:【台灣自駕遊】新手台灣自駕遊路線攻略懶人包 (連台北 + 台東自駕景點推薦)
📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!

 

Hotels.com酒店優惠Hotels.com酒店優惠