定期送上世界各地最新、最地道嘅旅遊資訊!

【印尼自由行】吳哥窟feel!世界文化遺產—婆羅浮屠一日遊玩攻略連雅加達景點推薦!

位於印尼爪哇島嘅婆羅浮屠係世上現存最大嘅佛寺建築,與柬埔寨嘅吳哥窟同樣名列「古代東方四大遺跡」之一 ,亦都被譽為南半球最大、最古老同最壯觀嘅古蹟。絕對係人生必到之地!今次就等小編幫大家整合一個婆羅浮屠一日遊玩攻略,話埋比你聽必去雅加達景點同必食餐廳!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【香港聖誕搵食攻略】Top 5 香港米芝蓮餐廳搵食指南 2018

 

印尼自由行|雅加達景點|婆羅浮屠一日遊|婆羅浮屠寺 (Borobudur)


@Flickr

婆羅浮屠始建於公元780年,經過3個莎蘭達 (The Sailendra Dynasty) 王朝嘅國王,歷時超過60年而建成!婆羅浮屠之所以咁具代表性,唔單止係因為佢嘅歷史意義,而係佢整座建築嘅設計同比例,每一個細節都象徵著佛教嘅曆法、天文同宇宙觀!對研究印尼歷史、文化同藝術都極具價值!

@aladinbackpacker
由高空俯瞰,就清晰見到婆羅浮屠係曼陀羅形狀

 

婆羅浮屠係以代表佛教世界觀嘅圖象曼陀羅(Mandala)建築而成,有9層高,每一層都係用數以百萬計嘅石頭堆疊而成,冇門窗同樑柱,係一座實心金字塔建築體。9層塔亦被分為佛教大千世界中嘅「欲界」、「色界」同「無色界」三界。


@Flickr

婆羅浮屠嘅基層呈四方形,係曼陀羅形相中代表著「眾生平等」嘅意思。每一面都有一條石級通道,可以直通塔頂。由基層開始行,就會先穿越「欲界」同「色界」,呢兩界入面有1240幅刻工精細嘅浮雕,描繪咗佛祖嘅生平故事同佛經中嘅情節。

@Flickr

去到第7層就會到達「無色界」,係3層圓形台階,有72座鐘形小佛塔,每一座入面都有一個佛像,圍繞著中間嘅大舍利塔,非常宏偉!行到塔頂,就代表咗由脫離塵世修煉到去佛教最高境界嘅歷程,意義非凡!

 

印尼自由行|雅加達景點|婆羅浮屠一日遊|梅都 (Mendut)

@Flickr

同樣被列入為世界文化遺產嘅梅都 (Mendut) 同巴翁 (Pawon) 都係唔可以錯過嘅景點!梅都位於婆羅浮屠東面3.5公里以外,建於與婆羅浮屠同一時期,雖然唔及得上婆羅浮屠宏偉,但價值絕對唔低!寺廟保留咗極高嘅完整度,而且廟內嘅菩薩雕像雕工精緻細膩,好值得嚟朝聖!

 

印尼自由行|雅加達景點|婆羅浮屠一日遊|巴翁 (Pawon)

@Flickr

同樣屬於婆羅浮屠寺廟群嘅巴翁 (Pawon) 規模比較細,但地理位置剛好同婆羅浮屠,梅都3個寺廟連成一直線,後人推測係有特殊嘅意義,所以嚟婆羅浮屠都會去哂3個地方先為之完整!

 

印尼自由行|婆羅浮屠交通攻略

由爪哇島嘅日惹市去婆羅浮屠大概要1.5小時車程,而去嘅方法有兩個:坐市區巴士 (Trans Jogja)或者包車。

1. 市區巴士 (Trans Jogja)

由日惹市中心Malioboro Street站上車,坐3A線去到KH. Dah Lan轉車,再坐2B或2A線去到Jombor站。到達Jombor站之後,就會有小巴直接去到婆羅浮屠。

 

2. 包車

如果想去埋巴翁同梅都就建議大家包車啦,因為將幾個地方距離都唔近,包車就會舒服同方便好多。一般包車都係印尼盾Rp. 300,000到Rp. 350,000不等,行程大概係4-5小時。Malioboro Street有好多包車公司,大家可以因應以上價錢去選擇啱心水嘅公司。

 

婆羅浮屠 (Borobudur)
地址:Jl. Badrawati, Kw. Candi Borobudur, Borobudur, Magelang, Jawa Tengah顯示地圖
營業時間:每日 06:00-17:00
參考費用:Borobudur 成人$25USD;3-10歲小童$15USD
網址:http://www.borobudurpark.com/

 

婆羅浮屠住宿推介|普拉塔萊波洛布多度假溫泉酒店

@Facebook

嚟到婆羅浮屠呢個咁神聖嘅地方,正正係遠離煩囂,洗滌心靈嘅最佳時機!大家不妨入住普拉塔萊波洛布多度假溫泉酒店,享受呢間5星級豪華級店,做吓Spa,浸吓溫泉!俾自己一個完全放鬆嘅印尼之旅!呢間酒店除咗環境同服務都係一流之外,距離尼婆羅浮屠塔都只係幾分鐘車程,非常方便!

@Facebook

酒店房間分為爪哇傳統設計同現代設計,大家可以隨意選擇鍾意嘅房間!而且房間內嘅空間非常闊,四周圍都比靚景圍住,絕對係一流嘅享受!

 

普拉塔萊波洛布多度假溫泉酒店
地址:IDN婆羅浮屠Dusun Tanjungan Borobudur (顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★★  
價格 | 查看價格  

 

婆羅浮屠住宿推介|婆羅浮屠別墅

@Facebook

婆羅浮屠別墅係以印尼傳統房屋設計為主,而內部嘅藝術品、擺設同古董家具就係來自爪哇中部,好有特色!除此之外,四周圍都係靚景,可以望到Mount Merapi火山同Mount Merbabu火山,住過嘅旅客都對呢度嘅環境讚口不絕!

@Facebook

別墅有好多唔同嘅房型,而最受歡迎就係婆羅浮屠套房,因為可以望到婆羅浮屠,仲有私人泳池,真係正到不得了!

 

婆羅浮屠別墅
地址:Dusun Pete, Majaksingi, 婆羅浮屠, Central Java, 56553, 印尼 (顯示地圖)
星級 | ★★★★★  
位置 | ★★☆☆☆  
設施 | ★★★★☆  
環境 | ★★★★★  
價格 | 查看價格  

 

印尼自由行|雅加達景點推薦|縮影公園 (Taman Mini)


@Flickr

印尼係世上最大嘅群島國家,有超過17000個島嶼,想玩盡印尼真係唔容易!但想將印尼重要嘅建築物同民族特色盡收眼底,就一定要嚟雅加達嘅縮影公園 (Taman Mini) 啦!縮影公園將印尼30幾個省,包括爪哇、蘇門答臘、婆羅洲、巴布亞省等等嘅風土民情同名勝古蹟,全部濃縮哂喺一個公園入面!大家可以喺一個地方就一次過體驗哂印尼最重要嘅文化同藝術!


@Flickr

成個公園佔地120公頃,單靠行路真係好難睇哂所有嘢!所以公園亦設有纜車,比遊人可以由高空俯瞰整個公園!建議大家可以一去到就先坐纜車,將整個園區睇一次之後,再重點揀自己最有興趣嘅地方去玩!

 

縮影公園 (Taman Mini)
地址:Kota Jakarta Timur, Daerah Khusus Ibukota Jakarta顯示地圖
營業時間:每日 07:00-22:00
參考費用:3歲以上 印尼盾Rp. 10,000 (*園內遊樂設施需額外付費)
網址:http://www.tamanmini.com/pesona_indonesia/

 

印尼自由行|雅加達景點推薦|Pasar Baru 傳統市集

@JakataNews

要真正體驗一個地方嘅生活文化,就一定要去吓當地嘅市集!每次去旅行都一定會搜尋吓有咩特色市集行!Pasar Baru係雅加達最有名氣嘅傳統市集。市集入面乜嘢都有,由藝術品、服裝、家品、廚房用具到食店,真係多到令人眼都花!


@Flickr

市集內有好多賣傳統印尼服嘅店鋪。大時大節嘅時候,當地人都會嚟呢度買新衫或者係結婚禮服㗎!雖然遊客就未必會買,但佢嘅傳統服飾就好似藝術品咁,所以行過都不妨入去睇吓,欣賞吓啦!

 

Pasar Baru 傳統市集
地址:Pasar Baru, Jalan Pasar Baru, RT.15/RW.4, Pasar Baru顯示地圖

 

印尼自由行|雅加達餐廳推薦|Cafe Batavia

@cafe_batavia

講到雅加達必到餐廳,Cafe Batavia一定小編心中第一位!呢間Cafe係改建自一座已經有二百年歷史嘅建築物!Cafe仍然保留殖民時期嘅荷蘭建築風格,每一磚一瓦都充滿歷史氣息!1993年,澳洲人Graham James買咗呢度之後,就變為Cafe,將澳洲嘅咖啡文化同荷蘭傳統建築特色融合!令呢到成為有濃厚復古味嘅Cafe!絕對係文青必到打卡點!

@cafe_batavia

Cafe環境一流之外,食物亦都係非常之唔錯!佢地嘅食物集合咗印尼同西餐特色,創作出唔同嘅fusion菜!記得要試吓佢地嘅貓屎咖啡 (Kopi Luwak),同特色甜品椰糖鬆餅 Surabi Kuah Bandung呀!

 

Cafe Batavia
地址:Jl. Pintu Besar Utara No.14, RT.7/RW.7, Kota Tua, Jakarta顯示地圖
營業時間:星期一至四 09:00-00:00,星期五及日 08:00-00:00
網址:http://www.cafebatavia.com/

 

印尼自由行|雅加達餐廳推薦|Restoran Sederhana Masakan Padang


@Openrice

印尼飲食文化豐富,唔同地區都有特色菜,而當中最具代表性就係巴東菜!Restoran Sederhana係一間大型連鎖巴東菜食店,淨係喺雅加達都已經有30間分店,可以講得上係當地人嘅大飯堂!所以想食最正宗地道口味,就一定要嚟呢間啦!

@erwinlukmansyah

食巴東菜最大特色係一餐入面有十幾碟餸,而餸菜嘅口味都以香料重、辣同椰漿為主!餐廳係冇菜單嘅,當客人一坐低嘅時候,店員就會即刻送上十幾道菜,感覺就好似係皇帝食滿漢全席咁,非常過癮,一試難忘!

 

Restoran Sederhana Masakan Padang
地址:Jalan Kh. Abdullah Syafei No.2, RT.12/RW.5, Tebet Barat, Jakarta顯示地圖
營業時間:每日 08:00-22:00
網址:http://www.restoransederhana.id/

 

雅加達住宿推介|雅加達萊佛士酒店

@Facebook

雅加達萊佛士酒店位於雅加達市中心,旁邊就係Ciputra Artpreneur Centre中心同樂天購物大道,隨時隨地就可以shopping同搵食,地理位置無得輸!酒店環境同設施氣派豪華之外,呢度嘅Spa都非常有名氣,設有運動按摩、瑞典式按摩、香薰治療、水療等服務,一個字!正!

@Facebook

房間設計時尚,要採用暖色調,令房間感覺更加溫馨!最正嘅係浴室設有大浴缸,一邊浸浴,一邊嘆香檳就正啦!

 

雅加達萊佛士酒店
地址:IDN雅加達Jl. Prof. Dr. Satrio Kav. 3-5Ciputra World 1 (顯示地圖)
星級 | ★★★★★  
位置 | ★★★★★  
設施 | ★★★★☆  
環境 | ★★★★★  
價格 | 查看價格  

 

雅加達住宿推介|雅加達阿亞納米德廣場酒店

@Facebook

雅加達阿亞納米德廣場酒店係一間Cp值極高嘅酒店!有5星級嘅設備同服務,有健身室,又有室內外泳池!而且位於雅加達市中心最旺地帶,但價錢非常優惠!最啱想慳錢又想住得舒適嘅旅客!

@Facebook

房間設計簡單得嚟充滿現代感,而且每間房都有無敵大床褥,高床軟枕!非常舒服!

 

雅加達阿亞納米德廣場酒店
地址:IDN雅加達Jalan Jenderal Sudirman Kav 10-11 (顯示地圖)
星級 | ★★★★★  
位置 | ★★★★★  
設施 | ★★★☆☆  
環境 | ★★★☆☆  
價格 | 查看價格  

 

📖延伸閱讀:【窮遊柬埔寨攻略】4000蚊玩盡暹粒景點行程攻略-吳哥窟、Pub Street!
📖延伸閱讀:【緬甸自由行】緬甸旅遊行程規劃分享+緬甸手信精選!
📖延伸閱讀:【峇里島自由行】嚴選Top 5 峇里島 Villa 酒店住宿!
📖延伸閱讀:【宿霧自由行】超隱世!6間菲律賓宿霧海邊$800蚊有找Pool Villa推薦

 

Hotels.com酒店優惠