定期送上世界各地最新、最地道嘅旅遊資訊!

【南美自由行】秘魯玻利維亞自由行食、住、行全記錄 2018 (秘魯自由行必買特色手信)

長假期諗去邊度玩諗到頭都大埋?唔知你又有無諗過去南美自由行呢?熱情奔放嘅南美洲一定會令你嘅假期絕無冷場!小編特別推薦你去秘魯自由行,到訪世界七大奇蹟馬丘比丘,順道前往鄰國玻利維亞天空之鏡打卡,嚟翻一次秘魯玻利維亞深度之旅!

 

南美自由行 | 秘魯玻利維亞深度之旅 | 注意事項 (地理、交通及簽證)

@estarte

位於南美洲嘅秘魯同玻利維亞接壤,所以好多前往秘魯自由行嘅朋友都會順道到玻利維亞觀光旅遊。不過,入境玻利維亞係需要預先申請簽證嘅,但係由於香港並無玻利維亞領事館,所以喺秘魯處理相關事項相對會比較方便。

 

@medium

申請玻利維亞簽證除咗Passport、機票、住宿證明之外,仲需要你喺玻利維亞嘅行程同埋接種黃熱針嘅證明文件,記住唔好帶漏啦!

 

@tnews.com

另外,香港其實並無直航到達秘魯,所以唔少人都會選擇先前往歐洲國家或者美國轉機。小編建議各位選擇於歐洲國家轉機前往秘魯,咁就可以免卻入境美國嘅簽證煩惱啦!

 

秘魯自由行 | 秘魯必去景點 | 馬丘比丘 (Machu Picchu)

@perurail

嚟到秘魯,你無可能唔去號稱「世界七大奇蹟」嘅印加帝國遺跡馬丘比丘。遊覽馬丘比丘除咗睇呢度一系列嘅古建築群之外,周邊橫跨南美洲多個國家嘅安第斯山脈都好值得欣賞㗎!

 

@photographyisfun

典雅不凡嘅古建築群同連綿不絕嘅安第斯山脈毫無遺和感,喺雲彩輕煙嘅陪襯下更令馬丘比丘有如仙境一樣,難怪被聯合國教科文組織選為文化以及自然雙料遺產啦!

 

馬丘比丘 Machu Picchu
地址:Aguas Calientes, Peru (顯示地圖)
官網:http://www.machupicchu.gob.pe/

 

秘魯自由行 | 秘魯必去景點 | 馬丘比丘交通攻略

@machupicchu4you

好多人都話前往馬丘比丘嘅交通好複雜,但係其實並唔係想像中咁麻煩嘅!只要喺Poroy火車站乘坐火車前往馬丘比丘山腳嘅Aguas Calientes,再轉乘巴士就可以到達馬丘比丘㗎啦!前往馬丘比丘嘅班次經常都會爆滿,小編建議你預先喺官網買飛,咁就唔怕上唔到車啦!

 

馬丘比丘巴士官網:
https://www.ticketmachupicchu.com/buy-bus-tickets-aguas-calientes-machu-picchu/

秘魯鐵路官網:
https://www.perurail.com/

 

秘魯自由行 | 秘魯必食餐廳 | La Mar Cebicheria

@ La Mar Cebichería Peruana Lima

秘魯由於毗鄰太平洋嘅關係,所以漁獲非常豐富。當地最著名嘅菜式Ceviche正正就係以新鮮魚生作為主要食材,用檸檬汁以及辣椒等調味料醃製,配上洋蔥碎同埋芫荽帶出一陣清新嘅味道,好有拉丁美洲特色㗎!

 

La Mar Cebicheria_2@ La Mar Cebichería Peruana Lima

想食秘魯最出色嘅Ceviche?小編推薦你可以去La Mar Cebicheria呢間喺秘魯出名排晒長龍嘅人氣餐廳!La Mar Cebicheria唔單止喺秘魯當地有名,而且更加連續幾年入選「全拉丁美洲50大最佳餐廳」,相當厲害!

 

@pickupthefork

曾經到西班牙馬德里學藝嘅秘魯名廚Andrés Rodríguez係La Mar Cebicheria嘅餐廳主廚,其菜式以創意見稱。Andrés Rodríguez喺傳統嘅Ceviche中加入新鮮海膽同埋蝦肉等海鮮,為呢道經典菜式畫龍點睛,提升到另一個層次,嚟到秘魯一定要試下啊!

 

La Mar Cebicheria
地址:Av. La Mar 770, Miraflores, Lima (顯示地圖)
營業時間:12:00-17:00 (禮拜一至四);12:00-17:30 (禮拜五至日)
官網:http://www.lamarcebicheria.com/en/Lima

 

秘魯自由行 | 秘魯必買特色手信 | 羊駝毛頸巾

@dosmanosperu.com

唔講唔知,貴為秘魯國寶級動物嘅羊駝其實就係我地平時熟悉嘅草泥馬!秘魯人自古以嚟就習慣取用羊駝毛製造衣物保暖。而近年嚟質地輕柔嘅羊駝毛更加由於獲得唔少國際名牌好似LV同Gucci嘅垂青而一躍成為高級毛料!

 


@alibaba

嚟到秘魯呢個盛產羊駝嘅國家,當然要買翻幾條羊駝毛頸巾做手信啦!有別於外間一般嘅羊駝毛頸巾,秘魯當地出產嘅頸巾除咗質素有保證之外,頸巾上所編織嘅圖案更充滿印加帝國特色,淨係喺秘魯先會搵得到,你無理由唔買㗎!

 

秘魯自由行 | 酒店住宿推薦 | 利馬達茲勒酒店

利馬達茲勒酒店

利馬達茲勒酒店_2

位處利馬米拉弗洛雷斯嘅利馬達茲勒酒店位置鄰近利馬國際機場,而且一落樓已經係機場巴士站,非常就腳。酒店房間十分寬敞,活動空間充足,去完馬丘比丘翻到嚟一定可以有高質素嘅休息時間!

 

利馬達茲勒酒店
地址:PER利馬MirafloresAv. Jose Pardo 879顯示地圖
星級 | ★★★★☆  
位置 | ★★★★☆
設施 | ★★★☆☆  
環境 | ★★★★☆
價格 | 查看價格

 

秘魯玻利維亞自由行 | 秘魯去玻利維亞 | 交通攻略

@ticketsbolivia.com

從秘魯去玻利維亞非常容易,小編建議你可以先到秘魯南部城市Puno乘坐過境巴士前往玻利維亞邊境小鎮Copacabana,然後再轉乘當地巴士前往玻利維亞首都La Paz就可以繼續你嘅旅程。如果旅費充足的話,當然你亦可以直接從秘魯搭飛機前往玻利維亞啦!

 

秘魯玻利維亞過境巴士官網:
https://www.ticketsbolivia.com/company/huayruro-tours.php

 

玻利維亞自由行 | 玻利維亞必去景點 | 烏尤尼鹽沼 (Salar de Uyuni)

@thriftynomads

位於玻利維亞西南部嘅烏尤尼鹽沼亦即係我地平時成日講嘅「玻利維亞天空之鏡」,唔少人都會為咗體驗呢個自然奇觀而慕名而來。面積多達10000平方公里嘅烏尤尼鹽沼係全世界最大嘅鹽沼,每年12月至3月適逢雨季時期,廣闊而平坦嘅烏尤尼鹽沼由於去水慢嘅關係而積水處處,偶然地成為咗聞名於世嘅「天空之鏡」。

 

@divisaoverland.com

而大部份遊客都好鍾意去烏尤尼鹽沼呢度睇日落,順便喺「天空之鏡」打埋卡,正啊!

 

烏尤尼鹽沼 (Salar de Uyuni)
地址:Salar de Uyuni, 玻利維亞 (顯示地圖)

 

玻利維亞自由行 | 玻利維亞必到景點 | 玻利維亞天空之鏡交通攻略

@erbol

由於首都La Paz交通較為發達同埋方便,所以小編建議你以La Paz作為起點前往「玻利維亞天空之鏡」。你可以選擇乘坐Amaszonas航空直飛烏尤尼鹽沼所在地Uyuni,不過價錢就相對較高。唔想洗咁多錢的話,你亦都可以前往La Paz嘅巴士總站(Terminal de Buses La Paz)乘坐Panasur巴士前往烏尤尼鹽沼,去之前不妨上官網睇睇!

 

Panasur巴士官網:
http://www.uyunipanasur.com

Amaszonas航空官網:
https://www.amaszonas.com/es-bo/

 

玻利維亞自由行 | 玻利維亞必食餐廳 | Popular Cocina Boliviana

@Popular Cocina Boliviana


想試下最地道嘅玻利維亞菜式?小編推薦你可以去Popular Cocina Boliviana。Popular Cocina Boliviana係玻利維亞近年新開業嘅一間餐廳,佢哋嘅套餐平均只需80蚊港幣就有3道菜式,仲有埋果汁同埋麵包㖭,性價比極高,所以餐廳經常坐爆㗎!

@Popular Cocina Boliviana

Popular Cocina Boliviana嘅特色在於喺傳統玻利維亞菜式上加入新穎元素,配合埋別緻嘅伴碟,令菜式有煥然一新嘅感覺,嚟到玻利維亞不妨試一試!

 

Popular Cocina Boliviana
地址:Murillo 826, La Paz (顯示地圖)
營業時間:12:30-14:30 (逢禮拜日休息)

 

玻利維亞自由行 | 酒店住宿推薦 | 薩爾宮酒店

薩爾宮酒店

去到玻利維亞自由行想遠離煩囂?座落喺烏尤尼鹽沼附近嘅薩爾宮酒店絕對係你玻利維亞酒店住宿嘅不二之選!用鹽磚打造而成嘅薩爾宮酒店非常有Gimmick,酒店除咗外牆,裡面嘅凳同埋茶几都同樣係由鹽磚所製造,非常有特色!

 

薩爾宮酒店_2

另外,薩爾宮酒店嘅設施一應俱全,健身中心、泳池等應有盡有,Plan緊行程嘅朋友不妨考慮一下呢間玻利維亞特色酒店!

 

薩爾宮酒店
地址:BOL烏尤尼Orillas del Salar de Uyuni查看地圖
星級 | ★★★☆☆  
位置 | ★★★☆☆
設施 | ★★★★★  
環境 | ★★★★★
價格 | 查看價格

 

📖延伸閱讀:【歐遊攻略篇】2018歐洲旅遊必讀!3大歐洲自由行路線及常見問題!
📖延伸閱讀:【黃金海岸沙灘】澳洲黃金海岸美食、景點、自駕遊手冊大全 (連黃金海岸餐廳推薦)
📖延伸閱讀:【意大利自由行】意大利五漁村遊記-必去景點彩色小屋逐個捉!
📖延伸閱讀:【悉尼藍山一日遊】悉尼藍山國家公園自駕遊行程攻略 2018
📖延伸閱讀:【尋找瑞士山區肺】瑞士少女峰一日遊—少女峰交通、住宿攻略!
📖延伸閱讀:【布拉格自由行】布拉格市內散步地圖連布拉格景點一覽 (布拉格必買小物推介)

 

Hotels.com酒店優惠