定期送上世界各地最新、最地道嘅旅遊資訊!

【南怡島一日遊】首爾近郊 — 南怡島景點行程攻略 + 南怡島飛索Q&A!

2002年因為電視劇《冬季戀歌》喺南怡島拍攝,南怡島就一炮而紅,成為咗首爾近郊旅行必去嘅景點之一,今日小編就帶大家南怡島一日遊,有超詳盡嘅交通資訊,仲會細數南怡島上各個玩點比大家知!

 

📖延伸閱讀:【去旅行用韓國App】超實用!韓國旅遊app + 自由行首爾App推薦
📖延伸閱讀:【首爾落雪】一家大細必遊—首爾親子景點懶人包連小法國村交通攻略 (附首爾親子餐廳推薦)

 

南怡島一日遊 | 南怡島景點推薦 | 水杉大道

水杉大道

水杉大道係南怡島最有名嘅景點,係因為呢度係電視劇《冬季戀歌》嘅攝場地之一,連綿不絕水杉嘅整身就可以影倒好靚嘅相。

水杉大道_2
@lincomycin_

呢度嘅四時之景唔同,春夏綠油油、秋天綠葉會褪為黃色、冬天就一片雪景,喺唔同嘅季節到南怡島會欣賞不同嘅景色!

 

南怡島一日遊 | 南怡島美食推薦 | 戀歌之家 (연가지가)

戀歌之家 (연가지가)
@claire12_6

喺南怡島成日流流長,就梗係要食飯,南怡島上都有唔少嘅餐廳,其中小編就最推「戀歌之家」! 呢度冇豪裝,感覺似大學食堂,但都深受大家嘅歡迎,其中一個原因呢度係電視劇《藍色生死戀2》嘅攝場地之一,但最大嘅原因係呢度嘅鐵盒便當真係好正,呢度嘅飯盒帶泡菜、半溶芝士、半熟蛋,一個字「正」!

戀歌之家 (연가지가)_2
@traveler0212

鐵盒便堂係韓國人懷舊嘅回憶,以前韓國人番學就會用呢一種鐵盒帶飯番學,冬天時會將飯盒放到爐氣裝置隔離翻熱飯盒,食嘅時候會用手搖飯盒,將入面嘅材料搞勻。

 

戀歌之家
地址:198 Bangha-ri, Namsan-myeon, Chuncheon, Gangwon-do (顯示地圖)
電話: +82 31-582-2550

 

南怡島一日遊 | 南怡島行程推薦 | 水上活動/極限活動

水上活動/極限活動

大家對南怡島嘅印象仲停留緊係《冬季戀歌》,只適合慢悠悠咗遊山玩水,其實隨著南怡島係旅遊上嘅發展,南怡島碼頭上亦洐生咗好多新嘅活動!係呢度可以各式進行各樣極限活動、水上活動, 包括高空彈跳、fly fish、香蕉船、滑水、水上滑板等⋯其中running man成員李光洙亦係度玩過fly fish,睇李光洙玩到咁就知佢正啦!

 

首爾住宿推薦 | 首爾東大門喜普樂吉酒店

首爾東大門喜普樂吉酒店

首爾東大門喜普樂吉酒店靠近東大門設計廣場,行完東大門夜間市集、係東大門晚間血拼完番酒店都非常方便,酒店位於東大門歷史文化公園站,係呢個站可以搭2號綠、5號線外出,出入更方便。

 

首爾東大門喜普樂吉酒店
地址:226, Jangchungdan-ro Jung-gu, 首爾, Seoul, 04565, 南韓 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆
價格 | 查看價格  

 

首爾住宿推薦 | 東大門住宿酒店

東大門住宿酒店

東大門住宿酒店絕對係超方便大家去南怡島,因為佢就正正位於可以轉乘京春線、 ITX青春號嘅清涼里站,而且清涼里站係首爾地鐵嘅其中一個大站,呢度更有列車可以到釜山、光州、慶州!而且清涼里站更有樂天超市,掃貨都非常方便!

 

東大門住宿酒店
地址:KOR首爾188-5 Hoegiro Dongdaemun-gu (顯示地圖)
星級 | ★★☆☆☆  
位置 | ★★★★★  
設施 | ★★★☆☆  
環境 | ★★★☆☆
價格 | 查看價格  

 

南怡島一日遊 | 交通方法
南怡島不屬於首爾特別市,係位於江原道春川市,係首爾最近嘅地方出發都需要半個小時以上嘅交通時間,唔少人會選揀跟一日團,唔洗諗交通唔洗煩,但一日嘅大好時光就會比人限死曬,其實南怡島嘅交通並唔複雜!首爾到南怡島有2種方法,一係ITX青春號到加平站,二係搭乘地鐵京春線到加平站,到咗加平站後,再轉搭加平觀光巴士或的士就可以到達南怡島!

 

南怡島一日遊 | 交通方法 | ITX青春號 (ITX청춘열차)

ITX青春號 (ITX청춘열차)

ITX青春號係開往加平、春川一帶嘅列車,係最快直達加平嘅列車方式!

ITX青春號 停經車站
龍山(起點)>玉水>往十里>清涼里>上鳳>退溪院>思陵>坪內好坪>磨石>清平>加平(南怡島)>江村>南春川>春川(終點)

 

龍山、玉水、往十里、清涼里、上鳳站都屬於首爾范圍嘅車站,但建議大家於龍山或清涼里上車,因為唔係每一架車都會停經玉水、往十里、上鳳站,而且龍山(就近首爾站、明洞)同清涼里站(就近東大門、新設洞)就近一般旅客嘅活動范圍,較為方便!

 

購票方式
現場購票
龍山或清涼里站有自動購票機可以使用;唔識用自動購票機嘅話,亦有售票處可以人工售票。

網上預約
因為ITX青春號係划位購票,係http://www.letskorail.com/ebizbf/EbizBfTicketSearch.do 網頁預先購票可以確保係預定時間到達加平。完成購票程序就可以列印電子車票,到時要到櫃臺換票!

 

價格 / 所需時間
清涼里站-加平站:₩4,800 / 約35分鐘(途經7站)
龍山站-加平站:₩5,900/約55分鐘(途經10站)

 

南怡島一日遊 | 交通方法 | 地鐵京春線  (경춘선)

地鐵京春線 (경춘선)

如果唔趕時間想慳錢嘅朋友可以選擇搭地鐵京春線,只需要好似平時咁用t-money拍卡入閘,唔需要另行購票,但相對需要更多時間!

 

價格 / 所需時間
清涼里站-加平站:₩2,150/ 約1小時 (途經17站)
龍山站-加平站:₩2,150/ 約1小時45分鐘 (途經24站)
到達加平站之後,出一號出口,向右邊行就會有巴士站同的士站

 

南怡島一日遊 | 交通方法 | 加平觀光巴士 (가평관광순환버스)

加平觀光巴士 (가평관광순환버스)
@포토뉴스

加平觀光巴士係上車時直接向巴士司機買車票,憑票可以一日無限次乘搭巴士,觀光巴士亦會途經深受旅客歡迎嘅鱉島、加平鐵路自行車、小法國同晨靜樹木園等,係非常方便嘅一條巴士路線。

巴士行駛路線(循環線)
加平市外巴士客運站>加平站 (於此站上車)>鱉島二和園、露營場>加平鐵路自行車>南怡島高空滑索(於此站下車)>小法國>清平巴士客運站>清平站(新清平站)>晨靜樹木園

 

車費: 成人 ₩6,000、敬老(滿65歲以上)、身心障礙者(各級別皆適用)、青少年、兒童 ₩4,000 (3歲以下幼童免費)

 

班次
行駛時間 : 星期一 – 星期日
行車班次/所需時間 : 每30分鐘~1小時1班,共15班次/約1小時35分鐘
發車地點及時間(首班車) : 加平市外巴士客運站前 09:00
末班車: 從清平市外巴士客運站至晨靜樹木園的末班車(18:00出發)原本只行駛至清平站,但在冬季(12月~3月)延長行駛至晨靜樹木園;從晨靜樹木園至加平市外巴士客運站的第14班車(18:30出發)原本只行駛至清平市外巴士客運站,但在冬季(12月~3月)延長行駛至小法國

南怡島一日遊 | 交通方法 | 的士
其實加平觀光巴士係相當方便嘅交通公具,不過如果趕唔上末班車嘅話,咁就冇辦法就要搭的士,其實車程都係10分鐘左右,的士費用大約₩6000,如果整日行程只有南怡島,亦兩人或以上出發嘅話,其實的士出入嘅價格同搭巴士差唔多,亦慳番等車時間!

 

南怡島一日遊 | 門票資訊
落咗車之後,就要購票進島!分別有兩種票,係根據入島嘅方式唔同而有唔同嘅價格,可以搭船入島,同高空滑索兩種方式。

 

一般門票(乘搭渡輪)
一般門票包含進島、出島時共兩次船票及南怡島門票

 

費用:
一般 :₩13,000
國高中生 / 70歲以上長者: ₩10,000
36個月以上幼童~小學生、未滿36個月幼兒: ₩ 7,000

 

南怡島一日遊 | 南怡島飛索Q&A

南怡島飛索Q&A
@pixnet

好多人去到南怡島時,會發現有人係你頭頂「咻」一聲咁飛咗入島,其佢地唔係飛入去,係乘搭高空飛索入島啊! 唔少人對高空飛索都非常有興趣,但滿腦疑問,今次小編就整理咗4條大家最常問嘅問題,希望幫倒大家啦!

Q: 想以高空滑索入南怡島要幾錢?
A: 高空滑索門票價值 ₩44,000,包含進島時一次高空滑索,南怡島門票及離開時嘅船票

Q: 想使用高空滑索有冇身體上嘅限制?
A: 身高必須在140cm-200cm之間;體重必須在135kg-120kg之間

Q: 點樣買高空滑索門票?
A: 現場購票同網上預先購票皆可。建議於網上先行購票,因為網上可以預約日期同時間進行高空滑索,現場購票有可能要等好耐,同埋記得係去南怡島前一日網上購票,當日預約係用唔倒!

Q: 高空飛索係咪年中無休?
A: 原則上南怡島高空飛索係年中無休, 4-10月 09:00-19:00開放, 11-3月09:00-18:00開放;但亦會視乎天氧狀放決定是否開放,如果太大雨、太大風,會基於安全理由暫停開放

 

📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【韓國自駕遊】最強首爾自駕遊景點+餐廳攻略2019!(韓國租車必睇Q&A)
📖延伸閱讀:【首爾文青一日遊】首爾影相好去處!(附文青打卡必去首爾Cafe之選)
📖延伸閱讀:【首爾櫻花景點】首爾慶熙大學櫻花賞玩攻略!(連仁寺洞、三清洞cafe推薦)

 

Hotels.com酒店優惠Hotels.com酒店優惠