定期送上世界各地最新、最地道嘅旅遊資訊!

【日本拉麵篇】十大日本米芝蓮拉麵推介2019!

香港人一向都鍾情於日本菜,無論係日本拉麵、壽司、鐵板燒、居酒屋等等都大受香港人歡迎,而且仲愈食愈有要求。香港人咁識食,遊日搵食當然唔可以馬虎啦!一於等小編同大家介紹返十大日本米芝蓮拉麵推介啦!

 

📖延伸閱讀:【日本福袋情報2018】日本福袋入貨攻略大全2018 (東京、大阪必買福袋)
📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

日本米芝蓮拉麵推介 | 東京 | 一星米芝蓮 | 蔦

@stylebybru

蔦係全世界第一間摘米芝蓮星嘅拉麵店。雖然蔦已經早係上年登陸香港開分店,但係唔少人去到東京都會嚟總店朝聖吓㗎!蔦最出名鹽味拉麵同招牌醬油拉麵,去到東京總店當然要試吓啦!

@shigezo.m.0311
招牌醬油慢煮叉燒拉麵

招牌醬油湯頭用咗特製秘方醬油,再加入松露醬同松露油提味,香氣撲鼻,松露迷必試!

 

@yusuke_zemba
鹽味慢煮叉燒拉麵

鹽味拉麵湯底用上全雞同海蜆、魚乾等熬足9個鐘,再加啲松露油,入口鮮甜,香氣十足。拉麵、湯底同叉燒等都係每日新鮮即製,拉麵堅持以石臼研磨日本國產小麥製作,口感好順滑!

 

Japanese Soba Noodles蔦
地址:東京都豊島區巢鴨1-14-1 Plateau-Saka 1F(顯示地圖)
營業時間:11:00am – 4:00pm,6:00pm – 9:00pm (星期三休息)
交通:JR山手線巢鴨駅南口,步行2分鐘

 

📖延伸閱讀:【東京行程懶人包】Top 3東京築地市場必食拉麵店連住宿推薦!

 

日本米芝蓮拉麵推介 | 東京 | 一星米芝蓮 | 創作麺工房鳴龍

@alphakaityou

創作麺工房鳴龍係繼蔦之後第二間攞到東京米芝蓮一星殊榮嘅拉麵店。鳴龍位於JR大塚站附近,店嘅門面冇太明顯嘅招牌,係巷仔嘅轉角位,唔算太難搵。

@05yoon
招牌麻辣擔擔麵

麻辣擔擔麵係鳴龍嘅招牌拉麵,湯底好濃郁,自製嘅辣油加埋花椒、堅果、芝麻嘅香味再配上幼身拉麵,食落有層次得嚟辣味唔會太嗆,令人想一食再食!

@tas._.hiro
特製醬油拉麵

另外,特製醬油拉麵都好出色㗎!獨有嘅韭菜粒同麵條嘅口感好夾,配料唔多,係品嚐湯頭嘅一款拉麵。

 

創作麺工房 鳴龍
地址:東京都豐島區南大塚 2-34-4 (顯示地圖)
營業時間:星期三至星期日 11:30am – 3:00pm,6:00pm – 9:00pm;星期一 11:30am – 3:00pm (星期二休息)
交通:JR山手線大塚駅南口,步行約5分鐘;都荒川線大塚駅前站,步行約5分鐘

 

📖延伸閱讀:【快閃旅行】必去東京新景點—東京MIDTOWN日比谷 (連東京4日3夜行程推薦)

 

日本米芝蓮拉麵推介 | 東京 | 米芝蓮推介 | 饗 くろ喜

@yamatotsushin.com

@ramenboi.ebisu0123
招牌特製鹽拉麵

係東京秋葉原嘅呢間新派拉麵店,主打鹽味同味噌拉麵,而佢地所提供嘅配料同其他傳統嘅拉麵店好唔同。店主將義式料理元素融入去日本拉麵,創造出好多唔同風味嘅拉麵。例如招牌特製鹽拉麵,配料有豬肉叉燒、橄欖雞肉捲、餛飩、韭菜、風乾蕃茄等等,非常豐富!

@hut_pp_n
特製蠔湯拉麵 (special menu)

留意返,饗 くろ喜仲會不定時供應special menu,例如蠔湯、蝦湯、鴨湯等。

 

饗 くろ喜
地址:東京都千代田區神田和泉町2-15 四連ビル3号館 1F (顯示地圖)
營業時間:星期一二四六 11:30am – 3:00pm,6:00pm – 9:00pm;星期三 11:30am – 3:00pm (星期日休息)
交通:JR總武線秋葉原駅、淺草橋駅西口,步行7分鐘

 

📖延伸閱讀:【東京近郊好去處】鎌倉一日遊行程交通攻略!連必去鎌倉景點精選!

 

日本米芝蓮拉麵推介 | 東京 | 米芝蓮推介 | 金色不如帰


@ameblo.jp

金色不如帰已經連續4年入選為米芝蓮推介拉麵店,絕對係實力派拉麵店,建議想去朝聖嘅朋友早d去排隊!

@b22special
魚乾鹽味拉麵

@b22special
魚乾鹽味拉麵

拉麵店由2006年已經開業,早2年仲將主打嘅醬油拉麵、鹽味拉麵同沾麵嘅配方重新調配,湯底用上大量嘅蜆、海鮮、豚骨等熬製,令味道更有層次更豐富。另外,仲有2種限定口味,煮干(即沙甸魚乾湯底)同味噌拉麵會分別係星期四同星期五先提供。

 

金色不如帰
地址:東京都澀谷區幡谷2-47-12 (顯示地圖)
營業時間:11:30am – 3:00pm,6:00pm – 10:00pm (星期四、星期五分別為煮干、味噌專門店)
交通:京王新線幡ヶ谷駅北口,步行4分鐘

 

📖延伸閱讀:【東京攻略】東京清澄白河景點大全、文青小店cafe及半藏門線附近住宿推薦!

 

日本米芝蓮拉麵推介 | 東京 | 米芝蓮推介 | 中華蕎麥 三藤

中華蕎麥 三藤
@Facebook

三藤出名嘅係佢特製嘅麵條,由岩手縣產地直送嘅小麥粉製成,結合咗蕎麥同烏冬嘅特點,口感比較軟糯。食材都好講究,湯底用咗鳥取縣嘅丸雞、岩手縣產嘅特質豬肉,北海道產嘅羅臼海帶、魚貝類等熬成,再加入小豆島產嘅醬油,鮮甜而不膩!

@Mr.kazusun
叉燒味噌拉麵

 

中華蕎麥 三藤
地址:東京都目黑區綠が丘1丁目14-1 (顯示地圖)
營業時間:星期三至星期一 11:30am – 2:30pm;6:00pm – 10:00pm (星期二休息)
交通:東急大井町線自由之丘駅,步行10分鐘;緑之丘駅,步行5分鐘

 

📖延伸閱讀:【日本airbnb下架】編輯推薦五大高CP值東京平酒店!(連東京住宿方便選區指南)

 

日本米芝蓮拉麵推介 | 東京 | 米芝蓮推介 | Ginza Noodles むぎとオリーブ

Ginza Noodles むぎとオリーブ
@Facebook

係銀座區拉麵店多如繁星,而Ginza Noodles むぎとオリーブ有別於傳統嘅醬油、味噌、豬骨、雞白湯等湯底,而係憑蜆湯底嚟突圍而出,飲落唔會好鹹,而係淡淡滲出嘅鮮甜味,食落好舒服。

@posamasop
招牌蜆湯拉麵

最具代表性嘅拉麵配料會有雞肉叉燒、蜆、魚干、山藥、打咗結嘅魚板等,好豐富,CP值超高!

 

Ginza Noodles むぎとオリーブ
地址:東京都中央区銀座6-12-12 銀座ステラビル 1F (顯示地圖)
營業時間:星期一至五 11:30am – 10:00pm;星期六及假期 11:30am – 9:00pm (星期日休息)
交通:東京METRO及都營淺草線東銀座駅,步行5分鐘

 

📖延伸閱讀:【東京海鮮之旅】仲去東京築地?三大新興東京魚市場連回本必食推薦!

 

日本米芝蓮拉麵推介 | 大阪 | 米芝蓮推介 | ふく流らーめん轍本店 (FUKU流拉麵 轍 總本家)


@roku-web.com

@nagipii_pii
叉燒柚子雞白湯拉麵

@wadachi.gentei
叉燒柚子雞白湯沾麵

平時食拉麵食開醬油味、味噌味都覺得比較油膩。有機會要試下FUKU流拉麵嘅招牌柚子雞白湯拉麵,食起嚟就好清爽。打咗層泡沫嘅湯,飲落有d似cappuccino,仲有啖啖嘅柚子味同雞嘅鮮甜味,感覺好清新!叉燒係慢煮嘅,肥瘦適中,食落好滑,而且仲要唔貴,值得一試。

 

ふく流らーめん轍本店 (FUKU流拉麵 轍 總本家)
地址:大阪市西本町 1-8-2 三晃ビル旧館 1F (顯示地圖)
營業時間:11:30am – 3:30pm;6:00pm – 10:00pm
交通:地下鐵御堂筋線本町站,步行5 分鐘

 

📖延伸閱讀:【大阪好西攻略】食大阪海鮮點止黑門市場?編輯推薦Top 3必去大阪魚市場連必食之選

 

日本米芝蓮拉麵推介 | 大阪 | 米芝蓮推介 | 颯人

@mitsuwa-awaji.jp

颯人係2015年開業,用咗一年時間就已經得到米芝蓮推介。颯人最出名嘅係味噌拉麵,味噌湯底採用咗北海道嘅味噌醬,同一種叫浮米麴嘅味噌混合調製而成。最後會加上薑和胡椒提味,好濃郁惹味。而拉麵係自家製,彈牙!最後仲可以叫碗白飯撈埋湯食,一滴都唔好留!

@ramen_media
叉燒味噌拉麵

怕太重口味嘅朋友都可以選擇雞湯拉麵,湯頭比較清,但味道清而不淡,配上大蔥口感就更加清爽!

@ramen_media
叉燒雞湯拉麵

颯人
地址:大阪府大阪市北區南森町1-2-2 (顯示地圖)
營業時間:11:00am – 6:00pm (拉麵賣完就休息);星期一休息
交通:地下鐵谷町線、堺筋線「南森町車站」2號出口,步行約3分鐘

 

📖延伸閱讀:【你個野壞左】大阪難波夾龍蝦小店 (編輯推介大阪美食!)

 

日本米芝蓮拉麵推介 | 京都 | 米芝蓮推介 | とうひち (藤七)

とうひち (藤七)@Facebook

とうひち係日本搵食網Tabelog京都市內排名第一嘅拉麵店。雖然位置唔係市中心或者旅遊區,但係都有好多人特意去食個拉麵。

@tsutaya_ishikawa
雞醬油拉麵

拉麵店嘅招牌係雞醬油拉麵。湯底好清,飲落唔太鹹,有啲雞油,但唔算油膩。麵係自家製,偏身直細麵,咬勁不錯,配上雞肉、豬肉叉燒肉片,同超大片筍乾等配料,整體唔花巧恰到好處。

@yuji_6163
玉子雞白湯拉麵

とうひち (藤七)
地址:京都市北區大宮北箱ノ井町33-6 セルリアンハイツ 1F (顯示地圖)
營業時間:11:00am- 2:30pm;6:00pm – 9:30pm (星期二休息)
交通:地下鐵烏丸線北大路站,步行約25分鐘

 

📖延伸閱讀:【京都嵐山一日遊】必去京都景點、必去嵐山景點攻略!(嵐山竹林、嵐山小火車)

 

日本米芝蓮拉麵推介 | 京都 | 米芝蓮推介 | 猪一

@j-travelbook

猪一係另一間係京都要留意嘅人氣拉麵店。拉麵店有提供兩種湯底,分別係以鰹魚熬製,較清淡嘅白醬油湯底同以鯖魚熬製,較濃厚嘅黑醬油湯底。

@yonemoto.1025
黑醬油叉燒拉麵

兩款湯底都好清澈,即使係黑醬油湯底,食落完全冇油膩感,會不知不覺想飲晒成碗湯,無得頂!

@ramendb

猪一
地址:京都市下京區泉正寺町463 ルネ丸高1F (顯示地圖)
營業時間:11:30am- 2:00pm;5:30pm – 9:00pm (星期一休息)
交通:地下鐵河原町站,步行約6分鐘

 

 

 

Hotels.com 酒店優惠