定期送上世界各地最新、最地道嘅旅遊資訊!

【北歐自由行】法羅群島旅遊全記錄2018 (景點+餐廳+住宿+交通大全)

近呢一兩年,法羅群島呢一個位於冰島同挪威中間,一個僅僅五萬人口嘅隱世小島開始被受注目。法羅群島擁有近乎360度嘅山景同海景,曾經被國家地理雜誌評為「最被旅行者低估的小島」,係一個未被咁多人發掘同探索嘅一個仙景。如果計劃緊或者有意去北歐自由行嘅,小編推薦大家可以考慮去埋法羅群島旅遊,可以真正遠離煩囂,享受到擁有壯麗大自然嘅北歐隱世秘景!

北歐自由行|法羅群島景點推薦|托爾斯港大教堂 Tórshavn Cathedral

托爾斯港大教堂 Tórshavn Cathedral@bergbohm

托爾斯港大教堂位於法羅群島嘅首都-托爾斯港,座落喺一個小山坡上,係法羅群島第二大教堂,另一個法羅群島最著名嘅旅遊景點之一。托爾斯港大教堂亦係法羅群島最莊嚴嘅教堂之一。

托爾斯港大教堂 Tórshavn Cathedral@manos_choustoulakis

大教堂係建於1788年,已經有二百幾年歷史,期間亦曾擴建過,造就成今日擁有白色外牆,屋頂為藍色石板嘅大教堂,配合埋四周綠野嘅環境,你就會理解點解有咁多人容易法羅群島係仙景!

托爾斯港大教堂 Tórshavn Cathedral
地址:Bryggjubakki, Tórshavn, Faroe Islands (顯示地圖)

 

北歐自由行|法羅群島景點推薦|Múlafossur瀑布

Múlafossur瀑布@visitfaroeislands

Múlafossur瀑布位於法羅群島嘅Gásadalur村附近,喺法羅群島最西側嘅綠色山谷之上。法羅群島只係一個得五萬人居住嘅北歐小國,而Gásadalur村嘅人口仲要更加稀少,基於呢度係法羅群島上唯一一個冇公路相通嘅「絕境之地」。

Múlafossur瀑布_2@visitfaroeislands

Múlafossur瀑布經常出現喺雜誌上嘅靚景,係法羅群島經典景觀之一。呢個瀑布景非常壯觀,瀑布一瀉而下,由高處沖向喺幾十米下嘅玄武岩石壁上。法羅群島更係一個一年四季都有足夠雨水嘅地方,所以大部份時間都會睇到瀑布。

Múlafossur瀑布
地址:Múlafossur Waterfall, Gasadalur, Vagar Island, Faroe Islands (顯示地圖)

 

北歐自由行|法羅群島餐廳推薦|KOKS

Chef Poul Andrias Ziska@koks_restaurant
Chef Poul Andrias Ziska, Head Chef of KOKS

法羅群島唔似香港或者其他大城市週邊咁多餐廳,要搵間有質素嘅餐廳絕唔係易事!講到法羅群島餐廳,一定要同大家推介KOKS!KOKS喺2017年,以當地烹飪手法煮出新派料理而摘下島上第一粒米芝蓮星,夠晒巴閉!

扇貝@koks_restaurant

KOKS位於小漁村 Kirkjubøur,主要係提供海鮮料理,食材包括當地嘅龍蝦、扇貝等等,仲有用上島上飼育嘅羊肉做嘅料理,完全可以體驗到法羅群島食嘅文化。

KOKS
地址Frammi við Gjónna, Leynavatn, Faroe Islands (顯示地圖)
訂座:http://koks.fo/en/table-booking/
網址:http://koks.fo/en/

 

北歐自由行|法羅群島旅遊全記錄2018|交通攻略

法羅群島@visitfaroeislands

航線上,依家暫時只有Atlantic Airways可以去到法羅群島,直飛嘅航線出發地包括咗丹麥、蘇格蘭、冰島、英格蘭、挪威。

法羅群島_2@visitfaroeislands

而島上交通,好多人都會選擇自駕遊,因為通常景點與景點之間都係有段距離,所以自駕遊的確會比較方便!不過唔揀自駕遊嘅都唔需要太擔心,島上都設有唔同嘅公共交通工具,主要係巴士同船。喺首都托爾斯港有去各個主要城鎮嘅巴士,記得係機場,或者其他遊客中心拎埋免費嘅旅遊指南,旅遊指南會有晒巴士嘅班次時間,咁就可以預算到行程時間啦!

直升機@visitfaroeislands

另外,直升機係島上另一個主要嘅交通工具。千祈唔好以為喺法羅群島搭直升機好離地,基於有政府津貼,喺度坐直升機價錢都好貼地㗎!

 

北歐自由行|法羅群島住宿推薦|佛洛雅酒店

佛洛雅酒店

佛洛雅酒店位於首都托爾斯港,酒店望出去係托爾斯港嘅景色,加上酒店室內,包括酒店房同餐廳等公共地方都用咗好多大玻璃,喺酒店大部份角落都可以欣賞到法羅群島嘅景色。

佛洛雅酒店_2

酒店有提供免費早餐同泊車,名晒方便。而且,酒店喺正托爾斯港,即使唔係自駕遊嘅朋友出去搭車都好方面快捷。

佛洛雅酒店
地址:Oyggjarvegur 45, Tórshavn, Faroe Islands (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆
價格 | 查看價格

 

北歐自由行|法羅群島住宿推薦|哈威格里姆海濱 1948 酒店

哈威格里姆海濱 1948 酒店

哈威格里姆海濱 1948 酒店同樣都係位於首都托爾斯港,呢間酒店其中一個最大賣點就係每間房間都有望到好壯觀、好廣闊嘅海景!另外酒店有提供免費泊車,自駕遊人士都啱!

哈威格里姆海濱 1948 酒店_2

襯埋酒店以白色為主,同少許藍色點綴嘅風格,令人有一種好平靜嘅感覺。

哈威格里姆海濱 1948 酒店
地址:Yviri við Strond 14, Tórshavn, Faroe Islands (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★★
價格 | 查看價格

 

北歐自由行|法羅群島旅遊全記錄2018|基本需知

羊@visitfaroeislands

法羅群島又叫羊島,島上面羊嘅數量比人多好多,所以島上經常都見到好多羊食草,好得意!

法羅群島@visitfaroeislands

法羅群島嘅天氣長期都灰蒙蒙,一年365日有三分二嘅時間都會落雨。夏天嘅時候,平均氣溫都只係得十三度左右。所以要留意返,保暖衣物同雨具,都係去法羅群島嘅必備用品!另外,好多人去旅行都會特別關心入境需唔需要簽證。只要你係持有效香港特區護照(HKSAR),入境法羅群島都係免簽證㗎。不過,都要記得預早check吓自己嘅護照嘅有效期係6個月或以上呀!

 

📖延伸閱讀:【冰島自由行】冰島極光邊度睇?連冰島自駕遊租車攻略及住宿推薦
📖延伸閱讀:【希臘自由行】希臘蜜月嘆世界級日落!Top 9 聖托里尼藍白色民宿推介
📖延伸閱讀:【波蘭自由行】從維利奇卡鹽礦、奥斯威辛集中營探索東歐歷史
📖延伸閱讀:【法國自由行】慢活法國南部—尼斯、蔚藍海岸必食、行程懶人包
📖延伸閱讀:【聖誕旅行好去處2018】八大聖誕節旅遊推薦
📖延伸閱讀:【歐遊攻略篇】2018歐洲旅遊必讀!3大歐洲自由行路線及常見問題!

 

Hotels.com酒店優惠Hotels.com酒店優惠