定期送上世界各地最新、最地道嘅旅遊資訊!

【倫敦景點地圖】倫敦遊玩必備London Pass攻略 (連London Pass景點大全)

去英國倫敦呢個充滿歷史名勝同藝術文化博物館嘅都市,有好多景點都係必去嘅地標,但呢啲景點入場費大多索價不菲!想錫住荷包之餘又可以玩盡倫敦?咁就一定要買返張可以參觀超過80個景點嘅London Pass啦!小編已經整合好一個London Pass攻略比大家,教大家點用最慳錢嘅方式買London Pass,仲話埋比你知必去London Pass景點!即刻上Blogshotels.com睇啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【Grad Trip玩到盡】歐洲之星倫敦、巴黎、布魯塞爾景點懶人包! (連票務行李全攻略)

 

London Pass攻略|London Pass種類

London Pass其實係一張景點通行證,只需要用一張pass就可以進入倫敦80個景點。雖然呢張只係景點通行証,但其實已經包含咗好多免費行程體驗同搭車優惠。最正嘅係,只要手持London Pass,有好多景點都可以唔洗排隊,直接入場!慳錢又慳時間!

 

London Pass分為1、2、3、6同10日pass,票價如下 (只供參考):

一般倫敦景點入場費都要£15-20,根據以上嘅票價,即係只要一日去超過4個景點,就已經值回票價!另外要注意嘅係,London Pass分為電子票同實體票:用電子票只需要下載London Pass App,付款之後就會即時收到電子票,入場出示App入面嘅QR就可以,非常方便。但如果想要附送嘅倫敦旅遊天書,就一定要買實體票。購買實體票需要比郵費,而且要預返至少兩星期寄送時間。又或可以選擇去到倫敦London Pass兌換處自取,但一定要預先列印London Pass購買收據先可以攞到張pass。

 

London Pass兌換處
地址:11A Charing Cross Rd, London WC2H 0EP英國 (顯示地圖)
網址:https://www.londonpass.com/

 

London Pass攻略|London Pass用法

London Pass喺進入第一個景點就會正式啓用,而啓用之後就必須連續使用!假設買咗3日pass,第1日用係1月1號,咁張pass就只可以喺1月1-1月3號期間使用。所以一定要預先plan好行程路線,先啓用張pass呀!

 

London Pass攻略|購買London Pass慳錢大法

@Londonpass.com
London Pass官網經常有推廣,對上一次限時優惠係10月

以為買咗London Pass已經慳咗好多?仲未慳到最盡呀!London Pass官網經常都會有限時優惠,最平可以高達8折!所以小編強烈建議大家不停留意London Pass官網,一有折扣就立即入手!如果遇唔到優惠期間都唔洗怕,大家只需要係Google搜尋「London Pass promotion code」,就會搵到好多唔同嘅折扣碼㗎啦!不過留意返,折扣碼都有限時段,所以搜尋嘅時候最好打埋年份。

 

📖延伸閱讀:【英國自由行】倫敦自由行必去三大掃貨outlet!
📖延伸閱讀:【倫敦自由行】三大必去倫敦美食市集連必食精選推介!

 

倫敦景點地圖|London Pass景點大全|西敏寺 (Westminster Abbey)

@Flickr

買咗張London Pass,梗係要用到盡啦!第一個要推介比大家嘅就係被列為世界遺產之一嘅西敏寺 (Westminster Abbey) 。西敏寺係一座歌德式建築風格嘅教堂,始建於公元960年,至今已有過千年歷史!呢座並唔係普通教堂,而係英國皇室專屬聖地!由1066年,哈羅德二世喺西敏寺加冕為國王開始,西敏寺就成為國皇加冕、皇室婚禮同國葬之地!英國史上重要人物邱吉爾、達爾文同牛頓嘅國葬都係呢度舉行,可見西敏寺對英國歷史極為重要!

@westminster-abbey.org
西敏寺主堂 The Nave

能夠成為皇室專屬教堂,絕對係非同凡響!內部建築設計宏偉壯觀,尖形拱頂,精緻石雕同玻璃彩繪花窗,將英國中世紀嘅建築美學完美呈現!嚟到西敏寺就可以完全體現到英國歷史、藝術,文化嘅發展!

 

西敏寺 (Westminster Abbey)
地址:20 Deans Yd, Westminster, London SW1P 3PA英國  (顯示地圖)
開放時間星期一、二,四及五 09:00-16:30;星期三 09:30-18:00;星期六 09:30-14:30
網址:https://www.westminster-abbey.org/

 

倫敦景點地圖|London Pass景點大全|倫敦塔 (Tower of London)

@Flickr

倫敦塔 (Tower of London) 原先係一座宮殿,但最後一位住喺呢度嘅統治者詹姆士一世已經係1625年之前嘅事!後來加建成有三重防禦嘅城堡設計,成為倫敦早期最堅固嘅軍事機地!時移世易,倫敦塔不停被改變用途,先後用嚟做鑄幣廠、刑場、天文台、避難所同專門關押貴族囚犯嘅監獄!呢座城堡唔單止係軍事要塞,當中仲發生過好多皇室黑暗同血腥嘅故事!英國有好多文學作品同傳說都係圍繞住倫敦塔發生!

@Flickr

城堡入面有好多烏鴉,有7隻係由政府飼養,相傳如果倫敦塔入面有烏鴉,英國就唔會被入侵。因為呢個迷信嘅想法,呢7隻烏鴉雙翼都被剪走,仲被當成吉祥物,真係好反映到呢座城堡嘅黑暗面。大家去到離遠望吓就好啦,唔好再帶太多嘅滋擾比佢地啦。

 

倫敦塔 (Tower of London)
地址:St Katharine’s & Wapping, 倫敦 EC3N 4AB英國  (顯示地圖)
開放時間星期二至六 09:00-17:30;星期日及一 10:00-17:30
網址:https://www.hrp.org.uk/tower-of-london/

 

倫敦景點地圖|London Pass景點大全|倫敦塔橋 (Tower Bridge)

@Facebook

倫敦塔橋 (Tower Bridge) 係一座橫越泰晤士河,連接住倫敦塔嘅高塔式鐵橋,係倫敦一大地標!倫敦塔橋最獨特嘅地方就係以鐵為支架,然後用花崗岩同波特蘭石嚟保護骨架,再喺連接橋身嘅鋼骨塗上淺藍色,令成條橋更有美感!好多電影同雜誌都以倫敦塔橋為背景,令人一講起倫敦就會諗起呢條橋!

@Facebook

橋嘅下層通車,上層設有兩條懸空行人步道,大家可以喺步道上俯瞰泰晤士河景色!步道有部分區域係透明玻璃,可以清楚睇到喺橋上穿梭嘅車,同駛過嘅船! 持有London Pass就可以唔洗排隊,直接去行步道,仲可以參觀埋倫敦塔橋博物館𠻹!

 

倫敦塔橋 (Tower Bridge)
地址:Tower Bridge Rd, London SE1 2UP英國 (顯示地圖)
開放時間每日 10:00-17:30
網址:http://www.towerbridge.org.uk/

 

📖延伸閱讀:【英國自由行】廢棄公廁改造人氣倫敦餐廳酒吧
📖延伸閱讀:【倫敦景點—倫敦市集精選】南倫敦布里克斯頓活化市集遊玩攻略

 

倫敦景點地圖|London Pass景點大全|泰晤士河遊船 (Thames River Boat Cruise)

@Flickr

嚟到倫敦當然要遊覽下泰晤士河啦!London Pass其中一項最吸引人嘅活動就係泰晤士河遊船 (Thames River Boat Cruise) 啦!泰晤士河係英國最長嘅河流,全長346公里,貫穿咗英國多個城市,亦係全世界水面交通最繁忙嘅河流之一,對倫敦經濟有非常重要嘅影響,被稱為「英國母親河」 ,絕對係倫敦必到!

@Flickr

大家只需要拎住London Pass去西敏寺碼頭、倫敦眼碼頭,倫敦塔瑪碼或者係格林威治碼頭其中一間City Cruises道可以換到 一日任搭船票。沿途除咗可以欣賞泰晤士河兩岸風光,介會經過倫敦塔橋、大笨鐘、西敏寺、倫敦眼等等多個重要英國地標,千祈唔可以錯過!

 

倫敦景點地圖|London Pass景點大全|莎士比亞環球劇場 (Shakespeare’s Globe Theatre)

@Flickr

莎士比亞係史上最卓越嘅文學家之一,亦係英國最傑出嘅戲劇家。嚟到倫敦就一定要去為大文豪莎士比亞而成立嘅莎士比亞環球劇場 (Shakespeare’s Globe Theatre) 啦!環球劇場初建於16世紀,專門上演莎士比亞所創作嘅戲劇,但不幸地因為一場大火而燒毀,直至1997年集合咗考古學家,戲劇家同建築師多方研究先至將劇場重新建造,還原最初面貌!直至現今都都不時有劇目上演㗎!

@Flickr

劇場內展出好多莎士比亞嘅劇作手稿、戲劇表演嘅道具同服裝。全部都非常華麗!

@Flickr

望住啲戲服,唔知大家會唔會不禁幻想莎士比亞名著《羅密歐與茱麗葉》、《仲夏夜之夢》、《第十二夜》等等嘅情節呢?

 

莎士比亞環球劇場 (Shakespeare’s Globe Theatre)
地址:21 New Globe Walk, London SE1 9DT英國 (顯示地圖)
開放時間每日 10:00-18:00
網址:http://www.shakespearesglobe.com/

 

倫敦景點地圖|London Pass景點大全|泰特現代藝術館 (Tate Modern)

@Flickr

泰特現代藝術館 (Tate Modern) 係由一間由廢棄發電站改建而成嘅藝術中心,係近年備受國際關注嘅藝術館之一。

@Flickr

館內主要展出由1900年至今嘅現代藝術品, 當中包括畢加索、馬蒂斯、達利、安迪沃荷等等知名藝術家嘅作品,可見呢個藝術館絕不簡單!

@archdaily

藝術館本身其實已經係一件藝術品!保留咗發電站嘅舊式工廠建築架構,再耗資2.6億英磅,由英國知名建築公司Herzog & de Meuron操刀,將工業化建築物同現代建築風格完美融合,令藝術館成為獨具一格嘅建築物,好多建築雜誌都報道過泰特現代藝術館,記得要嚟朝聖呀!

 

泰特現代藝術館 (Tate Modern)
地址:Bankside, London SE1 9TG英國 (顯示地圖)
開放時間星期日至四 10:00-18:00;星期五及日 10:00-22:00
網址:https://www.tate.org.uk/

 

📖延伸閱讀:【倫敦酒店推介】$600蚊有找!英國倫敦Zone 2至抵住宿推薦!
📖延伸閱讀:【倫敦必食精選】三大靚景倫敦餐廳推介!

 

倫敦酒店推介|倫敦市丘比克酒店

@Facebook

倫敦市丘比克酒店係一間玩味十足,風格獨特嘅酒店!酒店設計用心,充滿現代感,而且著重環保嘅概念!員工仲非常友善同熱情,酒店整體比人一種平和,輕鬆嘅感覺!酒店位於白教堂,附近就有地鐵站,行去倫敦塔都只係15分鐘,夠哂方便!

@Facebook

每間房都有獨特嘅主題,配搭英國本地同歐洲設計嘅傢俬同擺設,打造出活潑而溫馨嘅感覺!而且採用咗防過敏嘅Natural Mat床墊,包你住得舒服!

 

倫敦市丘比克酒店
地址:GBR倫敦42 Adler Street (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

倫敦酒店推介|貝爾格萊維亞公園大道酒店

@Snap361

貝爾格萊維亞公園大道酒店係一間倫敦市內中價位,但無論係設計,環境定係地理位置都好好嘅高CP值酒店!酒店行去維多利亞車站只需要5分鐘,亦好靠近機場巴士總站,交通便利!四周圍都係食肆,便利店同超級市場,夠哂方便!

@Facebook

酒店偏向公寓形式,但又不失酒店嘅設備同服務。房間用淡黃同白為主色調,比人一種柔和同溫馨嘅感覺,就好似喺倫敦嘅另一個家咁!

 

貝爾格萊維亞公園大道酒店
地址:GBR倫敦106-112 Ebury Street (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格  

 

倫敦酒店推介|倫敦福爾摩斯公園廣場酒店

倫敦福爾摩斯公園廣場酒店

座落於倫敦最旺地區貝克街嘅倫敦福爾摩斯公園廣場酒店,係一間風格典雅嘅4星級精品酒店。酒店最大特色係極富空間感,而且今年9月先至完成翻新工程,保證所有設備都係齊全新淨!而貝克街呢一區仲係倫敦時尚潮流同藝術文化集中之地,去大型百貨公司,畫廊同藝術館都係幾分鐘路程,地理位置極佳!

倫敦福爾摩斯公園廣場酒店2

酒店花咗好多心機佈置房間,每一件傢俬同飾品都經過精心配搭,非常有品味!如果一家人嚟,仲可以選擇入住連客廳套房,有更多活動空間!

 

倫敦福爾摩斯公園廣場酒店
地址:GBR倫敦83 Chiltern Street (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

倫敦酒店推介|聖馬丁巷酒店

@Facebook

對自己好啲就一定入住5星級聖馬丁巷酒店!呢間酒店係由酒店之父Ian Schrager同法國著名設計師Philippe Starck共同設計,風格簡約得嚟非常前衛創新!每間房都設有變色燈,客人可以隨心意去調較主題色彩,令酒店喺夜晚變成五顏六色,閃爍於西區夜間,亦為四周圍古典建築物添上色彩!

@Facebook

酒店最吸引之處就係每間房都有全景落地大玻璃,可以飽覽整個西區嘅景觀!夜晚瞓喺床上又或者坐喺梳化欣賞夜景,真係爽到暈!

 

聖馬丁巷酒店
地址:GBR倫敦45 St Martin’s Lane (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★★  
價格 | 查看價格  

 

 

Hotels.com酒店優惠