定期送上世界各地最新、最地道嘅旅遊資訊!

【伊勢龍蝦推薦】伊勢龍蝦季節又到啦!日本三重縣伊勢龍蝦餐廳列表大全

伊勢龍蝦向來喺日本都被視為其中一樣珍貴嘅食材,當中出產自三重縣嘅伊勢龍蝦品質尤其優秀。每年嘅年尾到第二年嘅四月都係品嚐伊勢龍蝦季節,肉質特別鮮甜彈牙,配合唔同嘅烹調方法都一樣咁正!小編今次就為你帶嚟三重縣必食伊勢龍蝦餐廳推薦,要搵最好食嘅伊勢龍蝦完全無難度!

 

📖延伸閱讀:【日本必食】終極嚴選京都、大阪、沖繩、東京必食特集2018!

 

三重縣伊勢龍蝦推薦 | 必食伊勢龍蝦餐廳 | 華月

華月
@kagetu.co.jp

華月係三重縣最出名嘅伊勢龍蝦餐廳之一,佢哋對食材選擇一絲不苟,只會選用來自附近鳥羽磯部魚市場嘅伊勢龍蝦,僅僅五分鐘嘅車程就可以將生猛嘅伊勢龍蝦從魚市場帶翻餐廳,新鮮程度爆晒燈啊!


華月_伊勢龍蝦@tabelog

華月_伊勢龍蝦_2
@gurunavi

咁新鮮嘅伊勢龍蝦就梗係攞去原隻清蒸啦!華月嘅原隻清蒸伊勢龍蝦唔單止保留咗佢嘅原汁原味,你仲可以品嚐到伊勢龍蝦獨特嘅鮮甜味同埋海水嘅淡淡鹹味,味道與別不同!當然,華月仲有其他伊勢龍蝦料理選擇,好似刺身、天婦羅同埋龍蝦湯等等,想一次過食勻晒就當然要叫翻個套餐啦!

 

華月
地址:16-3 Oaki Higashimachi, Toba, Mie Prefecture 517-0022日本 (顯示地圖)
營業時間:11:00-14:30;16:30-19:30
官網:https://kagetu.co.jp/

 

三重縣伊勢龍蝦推薦 | 必食伊勢龍蝦餐廳 | 倭庵 黒石

倭庵 黒石
@kuroisi.com

軟殼蟹我地就食得多,唔知你又有無興趣試下軟殼伊勢龍蝦呢?如果有興趣的話,倭庵 黒石呢間伊勢龍蝦料理名店你就一定要去啦!

倭庵 黒石_2
@jpname

由於伊勢龍蝦嘅身形每年都會增長,所以每年都會換殼一次,而啱啱換上嘅新殼有別於平時堅硬嘅龍蝦殼,係非常柔軟㗎!倭庵 黒石就憑著多年嘅經驗,掌握到伊勢龍蝦換殼嘅時間,佢哋會將啱啱換完殼嘅伊勢龍蝦急凍,成為非常特別嘅軟殼伊勢龍蝦!其中,佢哋嘅招牌菜牛油烤軟殼伊勢龍蝦外脆內軟,經牛油烤煮更加香氣四溢,令人食指大動,真係睇到都流晒口水啊!

 

倭庵 黒石
地址:125-2 Yamatomachi, Ise, Mie Prefecture 516-0032日本 (顯示地圖)
營業時間:11:00-14:00;17:00-20:30  (逢禮拜三休息)
官網:https://kuroisi.com/

 

三重縣伊勢龍蝦推薦 | 必食伊勢龍蝦餐廳 | 海老丸

海老丸
@lihkg

座落喺伊勢神宮隔離嘅海老丸係一間專門食海鮮嘅餐廳,設計古色古香,而且招牌上面印有大大隻龍蝦嘅標誌,包你一定唔會搵唔到佢啊!海老丸係一間CP值極高嘅餐廳,佢哋嘅海鮮天丼基本上2000日圓有找,甚至乎連伊勢龍蝦天丼亦都只不過需要1900日圓就食得到,所以經常都會吸引唔少人慕名而來㗎!

海老丸_2
@no surf no blog

薄薄嘅天婦羅炸漿為伊勢龍蝦增添咗一份鬆脆嘅口感,蘸埋海老丸特製嘅天婦羅醬汁,呢碗天丼絕對會令你一試難忘!

 

海老丸
地址:52 Ujinakanokiricho, Ise, Mie Prefecture 516-8558日本 (顯示地圖)
營業時間:11:00-17:00
官網:https://www.okageyokocho.co.jp/tenpo/ebimaru/

 

三重縣伊勢龍蝦推薦 | 必食伊勢龍蝦餐廳 | 鳥羽展望台 Haneyasume

鳥羽展望台 Haneyasume
@aitabi

鳥羽展望台係三重縣嘅一個隱世景點,唔少人都會特登嚟呢度睇日出同埋太平洋嘅無敵大海景!而Haneyasume餐廳呢間必食伊勢龍蝦餐廳正正位於鳥羽展望台,你可以一路嘆住伊勢龍蝦一路欣賞靚景,絕對係人生嘅一大樂事啊!

鳥羽展望台 Haneyasume
@skipps.jp

唔講唔知,鳥羽展望台裡面嘅Haneyasume原來有啲好特別嘅伊勢龍蝦料理食,其中最特別嘅就一定係伊勢龍蝦雪糕啦!Haneyasume將伊勢龍蝦融入雪糕當中,由雪糕機唧出嚟嗰陣已經會聞到陣陣嘅龍蝦香味,鍾意新奇有趣嘅朋友一定唔可以錯過!

伊勢龍蝦餅漢堡
@Jalan.net

另外,伊勢龍蝦餅漢堡亦都係Haneyasume嘅招牌菜,惹味嘅龍蝦餅配埋鬆軟嘅麵包絕對係Perfect Match啊!

 

鳥羽展望台 Haneyasume
地址:日本〒517-0031 Mie Prefecture, Toba, 国崎町字大岳3-3 鳥羽展望台 食国蔵王 (顯示地圖)
營業時間:09:00-17:00
官網:https://www.toba-tenboudai.co.jp/haneyasume

 

三重縣伊勢龍蝦推薦 | 必食伊勢龍蝦餐廳 | 伊勢網元食堂

伊勢網元食堂
@iseshinsen

伊勢網元食堂係由當地著名嘅高級溫泉旅館「伊勢神泉」所監督,食物質素當然有保證啦!呢度嘅菜式包羅萬有,其中佢哋嘅海鮮丼採用時令海鮮炮製,味道當然無得彈啦!

伊勢網元食堂_2
@Jalan.net

講到伊勢網元食堂最具人氣嘅菜式,就非伊勢龍蝦拉麵莫屬啦!呢度嘅伊勢龍蝦拉麵賣相一流之餘,湯底仲用上原隻伊勢龍蝦同埋豬骨等豐富材料畀足心機熬製而成,你一定會食到伊勢龍蝦嘅精華所在,配埋掛汁嘅拉麵簡直係一流啊!

 

伊勢網元食堂
地址:18-27 Honmachi, Ise, Mie Prefecture, 日本 (顯示地圖)
營業時間:11:00-15:00;17:00-22:00
官網:https://www.iseshinsen.jp/food.html

 

三重縣伊勢自由行 | 伊勢酒店住宿推薦 | 和之湯丸屋酒店

和之湯丸屋酒店

和之湯丸屋酒店係一間傳統日式酒店,位置相當之好,隔離就係JR二見浦站,好方便㗎!

和之湯丸屋酒店_2

呢度嘅房間設計同佈置都極具和風,而且更採用榻榻米,非常有風味!另外,酒店亦設有溫泉等設施,食完伊勢龍蝦翻到嚟浸溫泉relax一下就最好不過啦!

 

和之湯丸屋酒店
地址:JPN伊勢Chaya 277-2, Futami-cho (顯示地圖)
星級 | ★★☆☆☆  
位置 | ★★★☆☆  
設施 | ★★★☆☆  
環境 | ★★★☆☆  
價格 | 查看價格  

 

三重縣伊勢自由行 | 伊勢酒店住宿推薦 | 旅莊海蝶旅館

旅莊海蝶旅館

旅莊海蝶旅館嘅酒店房間非常寬敞,最正嘅係你可以喺度飽覽一望無際嘅蔚藍海景!

旅莊海蝶旅館_2

另外,酒店設施亦相當完備,其中佢哋嘅室外泳池面積好大,更設有兒童泳池,一家大細去玩水都得啊!如果你係嚟伊勢自駕遊嘅話,旅莊海蝶旅館呢度亦設有免費泊車,好貼心㗎!

 

旅莊海蝶旅館
地址:JPN伊勢1693-1 Matsushita (顯示地圖)
星級 | ★★★☆☆   
位置 | ★★★☆☆  
設施 | ★★★☆☆  
環境 | ★★★☆☆   
價格 | 查看價格  

 

三重縣伊勢自由行 | 伊勢酒店住宿推薦 | 伊勢站前三交酒店

伊勢站前三交酒店

伊勢站前三交酒店所座落嘅位置勁好,一出JR伊勢站就會見得到,而且附近仲有唔少商鋪、餐廳同埋便利店,要食嘢買嘢都完全無難度!

伊勢站前三交酒店_2

此外,伊勢站前三交酒店嘅大堂擺放咗各類型嘅日常用品畀住客使用,牙刷、枕頭等只要你有需要都可以隨時攞嚟用,CP值非常高㗎!

 

伊勢站前三交酒店
地址:JPN伊勢Miyajiri 1-1-1 (顯示地圖)
星級 | ★★★☆☆  
位置 | ★★★★★    
設施 | ★★★☆☆  
環境 | ★★★☆☆  
價格 | 查看價格  

 

📖延伸閱讀:【Hotels.com大使推介】日本名古屋3日2夜行程懶人包!
📖延伸閱讀:【Hotels.Com大使推介】日本大阪近郊-箕面景點行程懶人包!
📖延伸閱讀:【窮遊大阪-平價住宿篇】Top 5 大阪膠囊酒店!
📖延伸閱讀:【和歌山自由行】和歌山一日遊行程攻略連和歌山海鮮市場必食之選 兼探訪和歌山貓站長!

 

 Hotels.com酒店優惠Hotels.com酒店優惠