定期送上世界各地最新、最地道嘅旅遊資訊!

【京都自駕遊】京都近郊秘境 — 滋賀一日遊景點行程懶人包!

 

京都係香港人嘅熱門旅遊勝地,但其實京都好玩嘅又點止得清水寺嵐山伏見稻荷大社等等呢啲著名景點!今次不如嚟個京都自駕遊,去被大自然環抱嘅京都近郊秘境滋賀,探索不一樣的京都啦!小編已經幫大家整合好一個滋賀一日遊景點行程懶人包,快啲bookmark定必去景點,餐廳同酒店啦!

 

📖延伸閱讀:【大阪去京都行程推薦】京都必買、必遊、必食行程攻略!

 

京都自駕遊|滋賀一日遊路線
滋賀懸好玩嘅景點其實唔少,要一日之內玩遍滋賀當然無可能,不過小編已經精選咗幾個滋賀必去景點比大家,只要跟著以下滋賀精華遊路線玩,就包你玩得盡興:

 

第一站:先由京都直接向東北邊嘅海津大崎進發
第二站:然後由海津大崎,沿琵琶湖向南邊玩返落琵琶湖觀景台
第三站:再由琵琶湖觀景台去比叡山延曆寺

 

京都自駕遊|滋賀一日遊景點推介|海津大崎

海津大崎
@ShigaBiwako

位於高島市東南部嘅海津大崎,係關西欣賞晚櫻嘅最佳地點,亦係「日本賞櫻名百所之一」,絕對係滋賀必到景點!每年春天四月中,延綿琵琶湖岸,長4公里嘅櫻花大道,有多達600棵染井吉野櫻都會盛開!最正係海津大崎嘅人潮並無京都咁多,大家可以舒服遊閒咁賞櫻!

海津大崎_2
@imamiya

除咗係賞櫻之地,海津大崎奇特嘅岩礁更加令呢度成為「琵琶湖八景之一」!想一次過賞櫻,遊琵琶湖同欣賞岩礁斷崖?咁就一定唔可以錯過乘坐屋形船啦!能夠置身於如詩如畫嘅美景中,吹著微微嘅海風,享受眼前一片絕景,人生幾何?

 

海津大崎 – 中村水產屋形船
營業時間:每日第一班船 09:10;最後一班船 15:30 ※會因季節而有所調整
費用 (只供參考)每位 ¥3,500 (小學生免費)
網址http://nakamura-suisan.com/?mode=f1

 

海津大崎
地址:520-1811 滋賀縣高島市牧野町海津 (顯示地圖)
交通:由京都市出發>途經三條通沿國道161號向大津市方向行駛>再向高島市方向行駛>喺海津轉入54號線>全程大概1小時30分鐘就會到達
網址http://www.takashima-kanko.jp/sakura/

 

京都自駕遊|滋賀一日遊景點推介|琵琶湖觀景台

琵琶湖觀景台
@TabiraiJapan

琵琶湖係全日本最大湖泊,清徹嘅湖水加上四周山巒,令呢度一年四季嘅景色都美不勝收!每年有唔少遊客都專程嚟一暏琵琶湖風光!而欣賞琵琶湖嘅最佳位置就梗係2016年開設嘅琵琶湖觀景台啦!喺呢度大家可以喺海拔1,174米高處,360度將琵琶湖景觀盡收眼底!而且設有cafe,比大家一邊嘆咖啡,一邊享受壯闊景色!

琵琶湖觀景台_2
@TabiraiJapan

小編建議大家可以開車去到琵琶湖山谷纜車嘅山麓車站,然後轉乘全日本最快速,以秒速行駛12公尺嘅登山纜車上山,喺纜車內唔單止可以望到不停變化嘅美景,仲提供導覽,絕對係唔可以錯過嘅體驗!

 

琵琶湖登山纜車
營業時間:每年12月至3月 08:30-17:00;4月至11月 9:30-17:00 ※會因季節而有所調整
費用 (只供參考)成人 ¥2,500;高中生 ¥1,000;中小學生 ¥600
網址http://www.biwako-valley.com/

 

琵琶湖觀景台
地址:滋賀県大津市木戸1547-1 (顯示地圖)
交通:由海津大崎出發>沿國道161號線向大津市方向行駛>去到荒川懸道轉入345號線>西近江路行558號線向琵琶湖纜車站行駛>全程大概50分鐘就會到達

 

京都自駕遊|滋賀一日遊景點推介|比叡山延曆寺

比叡山延曆寺
@Flickr

比叡山一向被視為守護京都嘅聖山,全因呢度有日本佛教發源地延曆寺!1994年被列入為世界文化遺產嘅延曆寺已經有超過1200年歷史,日本史上多位高僧都係出自此處。而延曆二字仲係778年日本天皇將自已嘅年號延曆賜比呢度,可見地位高崇!2015年仲被列入為日本遺產,無論你係唔係信徒,都好值得到此一遊!

比叡山延曆寺_2
@japan-magazine

延曆寺最值得去探訪嘅就係東塔內,有三盞1200年嚟從未熄過嘅「不滅法燈 」,加上殿內供奉著最澄法師親手雕刻嘅藥師如來本尊,真係好莊嚴神聖!

 

比叡山延曆寺
地址:滋賀県大津市坂本本町4220 (顯示地圖)
交通:由琵琶湖觀景台出發>沿國道161號線向大津市方向行駛>去到南志賀駛入30號線向比叡山行駛>全程大概45分鐘就會到達
營業時間:每日 09:00-16:00
入場費用 (只供參考)成人 ¥700;高中生 ¥500;小學生 ¥300
網址https://www.hieizan.or.jp/

 

京都自駕遊|滋賀一日遊餐廳推介|KADO萬 – 近江和牛

KADO萬 - 近江和牛
@kadoman

嚟到滋賀,一定要食日本三大和牛之一嘅近江和牛!其實喺滋賀隨處都有標榜食近江牛嘅餐廳,但小編推介大家必定要去日本近江牛百年老店KADO萬,一嘗最高級,最美味嘅近江和牛!

KADO萬 - 近江和牛_2
@kadoman
近江和牛壽喜燒 ¥8,000/150g;¥9,000/180g;¥10,000/210g

KADO萬有多種近江和牛食法,包括壽喜燒、燒肉、香煎等等,每種食法都各有風味!細緻肉質,滑嫩口感,香濃肉脂,諗吓都流口水!

 

KADO萬 – 近江和牛
地址:滋賀縣大津市中央1-7-35 (顯示地圖)
營業時間:星期一至五 17:00-21:00;星期六及日 11:00-21:00
網址http://www.kadoman.net/

 

京都自駕遊|滋賀一日遊餐廳推介|元祖阪本屋 – 鮒壽司

元祖阪本屋 - 鮒壽司
@sakamotoya

滋賀另一特產就係鮒壽司!無去元祖阪本屋食過鮒壽司,就等如無去過滋賀!元祖阪本屋呢間餐廳本身已經大有來頭!原身係江戶時代御膳餐廳,歷史悠史,而建築本身亦被列為日本國家有形文化財產,點可以唔嚟打卡?

元祖阪本屋 - 鮒壽司_2
@sakamotoya

而當中最著名嘅鮒壽司,係以琵琶湖產嘅天然鯽魚,加上近江米,用古法醃製而成,係滋賀獨有嘅風味壽司!鮒壽司特別之處係魚卵極多,味道帶微酸,食起嚟好有口感!不過就唔係個個人都鐘意醃製過嘅味道,但未試過又知啱唔啱自己?記得唔好錯過呀!

 

元祖阪本屋 – 鮒壽司
地址:滋賀縣大津市長等1-5-21 (顯示地圖)
營業時間:每日 09:00-18:00
網址http://www.sakamotoya.biz/

 

京都自駕遊|滋賀必買手信|三井寺力餅

三井寺力餅
@okeihan

想買到最有滋賀特色嘅手信,就要去由明治2年已經開始營業嘅傳統餅店三井寺力餅本家啦!呢度嘅三井寺力餅麻糬採用傳統製法,用純正峰蜜同黃豆粉炮製,無任何添加劑,買嚟自己食又或者做手信都唔錯㗎!

三井寺力餅_2
@50-s.jp
抹茶糰子 ¥540/5

三井寺力餅本家最人氣產品就係抹茶糰子,煙韌嘅麻薯配上濃郁嘅抹茶粉,抹茶控必買!

 

三井寺力餅本家
地址:滋賀縣大津市浜大津2-1-30 (顯示地圖)
營業時間:每日 07:00-19:00
網址http://www.e510.jp/tikaramoti/

 

京都自駕遊|滋賀必買手信|琵琶湖蝦煎餅

琵琶湖蝦煎餅
@facebook

滋賀人氣No. 1必買特產就梗係同琵琶湖有關啦!琵琶湖蝦煎餅係用咗琵琶湖嘅長臂蝦製成,蝦味濃郁,一打包裝,已經香氣四溢,加上脆香嘅口感,真係食到停唔到口!唔怕買多,只怕唔夠食!滋賀各大超市同手信店都有得賣㗎啦!要掃貨呀!

 

京都自駕遊|滋賀和式酒店推介|里湯昔話雄山莊日式旅館

里湯昔話雄山莊日式旅館
@hotel.com

里湯昔話雄山莊日式旅館係一間傳統和式酒店,位於大津市琵琶湖畔,由京都去都只係大概30分車程,去完一日遊太攰,不妨考慮入住呢度一晚,享受一吓溫泉同懷舊和式料理,成個人relax哂!第二日又可以輕鬆再開始行程啦!仲有埋免費泊車,啱哂自駕遊旅客!

里湯昔話雄山莊日式旅館_2
@hotel.com

房間有齊一般和式客房製修同設備,但最令人著迷嘅就係對住琵琶湖嘅全景窗!喺度飲返杯熱茶,欣賞吓美景,幾梳乎!

 

里湯昔話雄山莊日式旅館
地址:JPN大津1-9-28 Ogoto (顯示地圖)
星級 | ★★★★☆  
位置 | ★★☆☆☆  
設施 | ★★★☆☆  
環境 | ★★★★★  
價格 | 查看價格  

 

京都自駕遊|京都和式酒店推介|湯野宿昭榮酒店

湯野宿昭榮酒店
@hotel.com

湯野宿昭榮酒店係一間和洋合式嘅酒店,酒店保留傳統和式風格,但引入現代化設備,如果想體驗吓日式榻榻米,但又怕住得唔慣就可以入住呢度啦!酒店位置雖然唔係市中心,但好處係環境寧靜!行出去兩三條街就已經係商店同食肆,靜中帶旺!

湯野宿昭榮酒店
@hotel.com

房間設計簡約,無任何花巧裝飾,有一種傳統和式加上無印feel嘅風格!最重要係好夠空間感,就算一家大細入住都好舒適!

 

湯野宿昭榮酒店
地址:128 Nishishinyashiki Kaminocho, Shimogyo-ku, 京都, Kyoto, 600-8826, 日本 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【京都自由行】春日京都和服攝影,秘密景點大公開!(連京都櫻花必買手信)
📖延伸閱讀:【京都賞櫻2019】六大京都櫻花景點懶人包 (最新日本櫻花花期)
📖延伸閱讀:【慢遊京都秘境】京都租和服浴衣指南大全:夢館、夢京都、岡本、染匠
📖延伸閱讀:【京都必食】日本京都 Top 5 人氣抹茶店-一保堂、中村藤吉!

 

Hotels.com酒店優惠Hotels.com酒店優惠