定期送上世界各地最新、最地道嘅旅遊資訊!

【芽莊自由行】芽莊住宿景點攻略 2018(連芽莊 Villa、芽莊酒店推介)

想去一個又平又好玩嘅地方享受陽光與海灘,去越南芽莊啦!即刻上 Blogshotels.com 睇下遊芽莊嘅 Tips 同埋芽莊酒店優惠啦!睇完就知芽莊到底有咩咁吸引!

 

📖延伸閱讀:【芽莊住宿推薦】超隱世!最新最靚越南芽莊resort、芽莊villa逐個數!
📖延伸閱讀:【越嚟越舒服】越南按摩邊度有?Top 5 必住越南 Spa Resort!

 

越南自由行|越南芽莊景點|芽莊呃like酒店推介!

講起水清沙幼,椰林樹影,大家係咪淨係會諗起馬爾代夫、泰國布吉呢d度假勝地呢?等小編介紹你去一個又平又好玩嘅地方 – 越南芽莊。越南芽莊位於越南南部沿海,坐擁多個海灘同小島。加上芽莊氣候宜人,消費指數又低,所以近年就成為眾東南亞自由行旅客嘅度假勝地同旅遊熱點。

 

越南自由行|越南芽莊景點|佔婆寺 婆那加塔

佔婆寺 婆那加塔

圖片來源: Flickr.com

婆那加塔(Po Nagar Cham Towers)又叫做天依女神廟,係古代占婆王國的寺廟同埋印度教嘅代表建築。婆那加塔矗立於Cù Lao山上面,總共有三層,其中主塔更加有25米咁高!婆那加塔除咗建築引人入勝之外,其實裡面仲會有傳統歌舞表演睇,相當有特色!呢度就好似越南嘅小吳哥窟,雖然冇吳哥窟咁宏偉,但係就別有一番風味,如果你好鍾意睇歷史古蹟的話,婆那加塔絕對係你嚟芽莊觀光嘅不二之選!

 

佔婆寺 婆那加塔
地址:2 Thang 4, Nha Trang, Vietnam (顯示地圖)
票價:22000越南盾
開放時間:06:00-18:00
交通:撘的士 大約10,000 越南盾可到達

 

越南自由行|越南芽莊景點|四島遊

四島遊

圖片來源: Flickr.com

如果你係第一次來芽莊,四島遊就一定唔可以錯過。四島遊顧名思義,就係一日之內遊覽四個島,包括木島(Hon Mun)、銀島(Hon Tam)、妙島(Hon Mieu)及墨島(Hon Mot)。喺木島呢個浮潛聖地,你可以潛落清澈見底嘅大海,欣賞各式其式色彩斑斕嘅珊瑚以及熱帶魚等等。你亦可以喺銀島進行一系列好似海上降落傘等等刺激萬分嘅水上活動,鐘意水上活動嘅朋友一定唔可以錯過呀!而其餘嘅妙島以及墨島裡面都有唔少景點,好似有水族館、水上酒吧等等,值得你嚟體驗一番!

 

四島遊遊玩Tips:四島遊係芽莊最熱門嘅體驗,建議提前上網預訂

 

越南自由行|越南芽莊景點| 熱礦泥浴SPA

熱礦泥浴SPA
圖片來源: I- Resort Spa

去完四島玩咁攰,緊係要去Relax下啦!向大家推介呢間I-resort,體驗一下熱礦泥浴SPA啦!I-resort不只可以享受礦泥浴服務,景區優美舒適嘅環境都係一大特點,呢到獨特嘅建築風格同完美嘅服務質量,絕對值得你一探究竟!

 

I- Resort Spa
開放時間: 08:00-18:00
地址: To 19 – Xuan Ngoc – Vinh Ngoc – Nha Trang – Khanh Hoa
票價: 
01-03人/池     300,000越南盾/人
04-05人/池    250,000越南盾/人
06人以上/池    230,000越南盾/人
兒童:150,000越南盾/人
交通:I- Resort Spa有接送服務,單程每人20,000越南盾,如果需要電車接送,可打電話去自行聯繫,亦可以包車前往。

 

芽莊自由行|芽莊景點推薦|芽莊大教堂 Nha Tho Nui

芽莊大教堂 Nha Tho Nui@mafengwo

喺1928年建造嘅芽莊大教堂充滿法國殖民地特色,一系列嘅哥德式建築直到而家仍然屹立喺度,去到一見到令人不禁覺得神聖莊嚴。由於建築充滿濃濃嘅歐陸色彩,所以吸引咗唔少人慕名而嚟影相打卡。而喺每日嘅朝早同埋夜晚,芽莊大教堂都會舉行彌撒,有興趣嘅朋友不妨睇準時間去感受一下!

 

芽莊大教堂 Nha Tho Nui
地址:1 Thái Nguyên, Phước Tân, Thành phố Nha Trang, Khánh Hòa 650000越南 (顯示地圖)
官網:http://www.giaoxugiaohovietnam.com/NhaTrang/01-Giao-Phan-NhaTrang-ChanhToa.htm

 

📖延伸閱讀:【越南自由行】峴港行程攻略連峴港必食、必去景點懶人包
📖延伸閱讀:【越南遊記—獨佔迷人海灣】越南下龍灣、卡巴島3日2夜行程攻略

 

越南自由行|越南芽莊住宿攻略

芽莊海灘長達6公里,住係海灘區,一推開窗就可以見到大海,而且離市區很好近,生活設施同交通都好發達。呢到嘅住宿就以中高檔酒店為主,性價比全部都好高架!

 

越南自由行|越南芽莊住宿攻略|蘇荷公寓酒店 (Soho Hotel)

蘇荷公寓酒店 (Soho Hotel)

 

鄰近沉香塔嘅蘇荷公寓酒店好近陳富海灘,最啱就係去睇日出同日落啦!而且由蘇荷公寓酒店步行10分鐘左右就可以輕易到達芽莊夜市,你可以去個度掃街食當地特式小食,亦可以購買唔同嘅特產做手信,絕對係芽莊住宿嘅一個好選擇!

 

蘇荷公寓酒店
地址:90-92 Tran Phu Street, 芽莊, Khánh Hòa, 越南 (顯示地圖)
星級 | ★★★☆☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格  

 

芽莊住宿攻略|芽莊villa推薦|羅薩卡芽莊酒店

羅薩卡芽莊酒店

羅薩卡芽莊酒店有個Infinity pool,仲要好近海灘,所以係個泳池到望岀去,就好似同個海連埋一樣!係呢到同Honey影相,仲唔呃哂d like!羅薩卡芽莊酒店鄰近芽莊帆船俱樂部,鍾意睇人玩帆船喺海上迎風飄揚搖曳嘅你絕對唔可以錯過!

 

羅薩卡芽莊酒店
地址:107A Nguyen Thien Thuat, 芽莊, Khanh Hoa, 越南 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格  

 
芽莊住宿攻略|芽莊villa推薦|芽莊阿米亞娜渡假村別墅芽莊阿米亞娜渡假村別墅

芽莊阿米亞娜渡假村別墅喺芽莊最邊邊位置,完全遠離煩囂,最啱一啲想relax吓嘅朋友!最呃like嘅係呢間酒店有個私人沙灘,唔洗同人逼,全日喺度影相、曬太陽,玩水都冇問題!部分房間仲有露天浴室,可以浸住泡泡浴望住個星空,勁浪漫啊!

 

芽莊阿米亞娜渡假村別墅
地址:Nha Trang Bay, Pham Van Dong St., 芽莊, Khanh Hoa, 57000, 越南 (顯示地圖)
星級 | ★★★★★  
位置 | ★★★☆☆  
設施 | ★★★★★  
環境 | ★★★★★  
價格 | 查看價格  

 

芽莊住宿攻略|芽莊villa推薦|芽莊珍珠豪華度假村

芽莊珍珠豪華度假村

芽莊珍珠豪華度假村2

芽莊珍珠豪華度假村獨家村自成一角,附近並冇密集嘅建築或者其他酒店,令住客可以飽覽芽莊海灣景緻。度假村內設施多籮籮,健身中心、游泳池等等應有盡有。最正嘅係酒店仲設有水上樂園,咁就唔洗怕會悶親小朋友,啱晒一家大細一齊嚟芽莊親子遊渡假啦!

 

芽莊珍珠豪華度假村
地址:Hon Tre Island, 芽莊, Khanh Hoa, 越南 (顯示地圖)
星級 | ★★★★★  
位置 | ★★★☆☆  
設施 | ★★★★☆   
環境 | ★★★★☆   
價格 | 查看價格

 

芽莊住宿攻略|芽莊villa推薦|芽莊珍珠長灘水療度假村

芽莊珍珠長灘水療度假村1

芽莊珍珠長灘水療度假村2

入住芽莊珍珠長灘水療度假村絕對可以令你有一個豪宅式嘅體驗,一行出露台已經可以感受到海風嘅涼爽,而且芽莊珍珠長灘水療度假村嘅泳池同埋水療SPA設施可以話係冠絕芽莊!嚟到呢個咁出色嘅度假村享受假期,你一定可以放鬆一吓!

芽莊珍珠長灘水療度假村
地址:D6B2 & D7A1 – Cam Ranh Peninsula, 柑林, Khanh Hoa, 越南 (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★★  
價格 | 查看價格  

 

 

 

Hotels.com酒店優惠