定期送上世界各地最新、最地道嘅旅遊資訊!

【布吉PoolVilla平靚正】雙泳池、精靈樹屋極浪漫!5大布吉Pool Villa推介

 

布吉Pool villa平靚正,小編嚴選2019年 Top 5 布吉Pool villa推介,享盡海天一色、椰林樹影!即刻上Blogshotels.com睇啦!

 

📖延伸閱讀:【布吉美食指南】自由行布吉必食!嚴選三大高質靚景布吉餐廳2019!
📖延伸閱讀:【曼谷周邊好去處】曼谷近郊考艾、大城景點遊玩連交通攻略

 

2019人氣布吉villa推介|椰林樹影|布吉維特渡假酒店 (The Vijitt Resort Phuket)

布吉維特渡假酒店 (The Vijitt Resort Phuket)

椰林樹影,水清沙幼」絕對適合形容布吉維特渡假酒店!久陽下嘅景觀更勝一籌!布吉維特渡假酒店係島上人氣五星級酒店,雖然地點較遠離市區,但就出哂名性價比極高。

布吉維特渡假酒店 (The Vijitt Resort Phuket)

布吉維特渡假酒店有一大片原始嘅椰子樹,橡膠樹等等嘅熱帶植物,仲有私人沙灘同好靚嘅Infinity Pool,就算全日留喺Resort入面都唔會悶啦!

布吉維特渡假酒店 (The Vijitt Resort Phuket)_3

酒店入面亦有提供單車俾住客使用,望住個夕陽一路踩單車,享受下大自然,不知幾爽!另外亦有Golf Kart來回酒店唔同地方,打個電話就有車嚟接,真係好方便。5分鐘車程就可以去到喺酒店附近嘅Multi Activity Centre,入面有好多嘢玩㗎,包括騎大象、燒槍、小型賽車等等。

布吉維特渡假酒店 (The Vijitt Resort Phuket)_4

試想像每朝一起身就見到個咁靚嘅風景,真係唔願起身郁動!最嘆就係酒店嘅The V Spa設有4間護理室,包括雙人護理室,運動按摩、瑞典式按摩、泰式按摩及臉部護理。酒店提供各式護理療程,其中包括香薰治療及腳底按摩,天天開放!最後,重點只說一次,咁正嘅villa每晚都只係800幾元港幣,二人同行人均都唔駛500蚊,抵!

 

布吉維特渡假酒店 (The Vijitt Resort Phuket)
地址:16 Moo 2, Viset Road, 拉威, Phuket, 83130, 泰國 (顯示地圖)
星級 | ★★★★★  
位置 | ★☆☆☆☆  
設施 | ★★★★☆  
環境 | ★★★★★  
價格 | 查看價格  

 

📖延伸閱讀:【曼谷酒店推介】酒店泳池大評選!5大編輯推薦「CP值超高」曼谷近bts酒店!
📖延伸閱讀:【曼谷按摩】淨係識去曼谷let’s Relax?Top 5高CP值曼谷Spa推薦!

 

2019人氣布吉villa推介|精靈の樹屋|卡馬拉酒店 (Keemala)

卡馬拉酒店 (Keemala)

卡馬拉酒店隱世得嚟又唔會太偏僻,雖然建於原始風味十足嘅深山之中,話就話喺「深山」,但係原來由酒店坐車去Jungceylon Shopping Mall 都只係20分鐘!酒店設計靈感係仿照公元前200年嘅四大原始部落,以天然嘅竹、巨石等材料搭建而成,加上俾樹林包圍住嘅感覺,好似去咗電影場景咁樣,好有feel!

卡馬拉酒店 (Keemala)_2

酒店房間設計就好似「 鳥巢 」、「 帳幕 」、離地嘅「 樹屋 」等等,配合大自然設計概念,全部房間都係採用木材。

卡馬拉酒店 (Keemala)_3

酒店每日都會舉行唔同嘅活動,例如瑜伽班、Cooking class等俾住客參加。酒店餐廳嘅食物好特別,最受歡迎嘅就係印度菜,大推黃油雞!

卡馬拉酒店 (Keemala)_4

食完去嘆個五星級嘅spa,簡直係舒服到瞓得著。

 

卡馬拉酒店 (Keemala)
地址:Moo 6, 卡馬拉, Phuket, 83150, 泰國  (顯示地圖)
星級 | ★★★★★  
位置 | ★★★★★  
設施 | ★★★☆☆  
環境 | ★★★★★  
價格 | 查看價格  

 

2019人氣布吉villa推介|星級管家接待|貝爾泳池別墅渡假村 (The Bell Pool Villa Resort Phuket)

貝爾泳池別墅渡假村 (The Bell Pool Villa Resort Phuket)

貝爾泳池別墅渡假村勝在環境清幽, 仲有種純樸嘅大自然風味。最啱純粹想遠離繁囂,relax下身心靈嘅朋友!渡假村由16棟豪華泳池別墅組成,佢哋最大嘅賣點就係Service!每日嘅早餐都有專人送到入房,只要預先同管家講想幾點食就ok架啦!早餐種類有好多,實有一款啱你口味!

貝爾泳池別墅渡假村 (The Bell Pool Villa Resort Phuket)_2

酒店每日都會提供4班免費穿梭巴士車去鄰近嘅卡馬拉海灘 (Kamala beach),車程大約五分鐘左右,好快就到!如果唔想去沙灘,但又想游水,亦可以留喺私人泳池,又或者酒店嘅infinity pool游吓水,曬吓太陽,即樣同陽光玩遊戲!

 

貝爾泳池別墅渡假村 (The Bell Pool Villa Resort Phuket)
地址:41/31 Moo 5, Baan Hua Khuan, 卡馬拉, Phuket, 83150, 泰國 (顯示地圖)
星級 | ★★★★☆  
位置 | ★★☆☆☆  
設施 | ★★★☆☆  
環境 | ★★★★★  
價格 | 查看價格  

 

📖延伸閱讀:【泰國Perfect Go】曼谷自由行攻略 Day 3 -泰式按摩,夜遊曼谷!
📖延伸閱讀:【曼谷Fine Dining】當地人帶路!潮食曼谷法國菜 + 曼谷米芝蓮餐廳!

 

人氣布吉villa推介|明星最愛酒店|布吉麥拷海灘安娜塔拉渡假村 (Anantara Mai Khao Phuket Villas)

布吉麥拷海灘安娜塔拉渡假村 (Anantara Mai Khao Phuket Villas)

布吉麥拷海灘安娜塔拉渡假村有明星酒店之稱,以隱秘園林為主題嘅設計,帶有神祕感之餘,私隱度好高,好多外國明星,例如名模Kate Moss都有住過!安娜塔拉Anantara係泰國數一數二嘅酒店集團,服務同酒店質素都有好高水準,所有房間都係獨立嘅泳池別墅,自成一角,真係chill到爆呀!

布吉麥拷海灘安娜塔拉渡假村 (Anantara Mai Khao Phuket Villas)_2

酒店內嘅樹屋酒吧質素相當有水準,每論服務抑或環境都係一流!小編試過樹屋酒吧嘅泰式海鮮,真係好新鮮、好Fresh!強烈推薦樹屋酒吧俾鐘意飲酒嘅朋友!酒店入面仲有Cooking school – Spice Spoons,可以俾大家報名上堂煮飯仔,又有得食又有得玩,一舉兩得!

 

布吉麥拷海灘安娜塔拉渡假村 (Anantara Mai Khao Phuket Villas)
地址:888 Moo 3, Thalang, 梅嶗, Phuket, 83110, 泰國  (顯示地圖)
星級 | ★★★★☆  
位置 | ★★★☆☆  
設施 | ★★★★★  
環境 | ★★★★☆  
價格 | 查看價格  

 

2019人氣布吉villa推介|老牌豪嘆Resort|布吉悅榕莊雙泳池別墅 (DoublePool Villas by Banyan Tree)

布吉悅榕莊雙泳池別墅 (DoublePool Villas by Banyan Tree)

布吉雖然愈來愈多pool villa resort,但係講到最出名嘅當然非Banyan Tree莫屬!酒店嘅villa有分好多種,最受歡迎嘅就係family villa。除咗有私人泳池外,仲有涼亭、私人煮食地方、客廳、飯廳同兩個睡房,岩哂一家大細嚟度假!

布吉悅榕莊雙泳池別墅 (DoublePool Villas by Banyan Tree)_2

最奢華嘅就係Double pool villa!顧名思義,Double pool villa有兩個泳池,一個喺獨立屋外面,另一個就喺圍住主人房。喺主人房大床對出,一拉開門就可以跳入泳池,一個字「爽」!泳池入面仲有枱櫈,方便客人可以喺到傾吓計、曬下太陽,勁chill~

 

布吉悅榕莊雙泳池別墅 (DoublePool Villas by Banyan Tree)
地址:33,33/27 Moo 4, Srisoonthorn Road, 承塔萊, Phuket, 83110, 泰國  (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★☆☆  
價格 | 查看價格  

 

📖延伸閱讀:【曼谷China Town特集】最新曼谷唐人街美食餐廳推薦!
📖延伸閱讀:【蘇梅島自由行】4日3夜蘇梅島行程大解構!必去蘇梅島景點、酒店攻略!
📖延伸閱讀:【清邁遊記】當地人話你知清邁有咩玩!帶你食盡清邁夜市+特色清邁行程推薦!
📖延伸閱讀:【芭堤雅自由行】嚴選芭堤雅美食 — 浪漫靚景芭堤雅懸崖餐廳、海邊餐廳推薦!

 

Hotels.com酒店優惠Hotels.com酒店優惠