定期送上世界各地最新、最地道嘅旅遊資訊!

【坐首爾凌晨機】仲喺仁川機場過夜?Top 10 仁川機場酒店大評比!

每次搶到首爾平機票,起程同回程時間總係喺深宵時份,焗住要喺仁川機場過夜。其實機場附近都有好多酒店選擇,坐首爾凌晨機唔一定要咁辛苦喺機場苦等幾個鐘,瞓到腰酸背痛!早前小編同大家介紹咗Top 10 關西機場酒店大評比,今次小編帶大家去到另一個熱門旅遊勝地—首爾,一齊睇下仁川機場有邊間抵住嘅機場酒店啦!

 

仁川機場過夜攻略|仁川機場酒店Top 10|朗博王旅館

住宿相片集

朗博王旅館係平價之選嘅仁川機場酒店,酒店雖然冇華麗嘅裝潢,但房間佈置同擺設都比人一種家嘅感覺,相當溫馨,而且空間亦都夠大!岩哂平平地想喺機場附近住返一晚嘅朋友!房入面仲有微波爐同雪櫃,就算深夜時份落機肚餓又冇餐廳都唔怕!

 

朗博王旅館
地址:Sky world B/D 203, Gonghangro43beongil (顯示地圖)
星級 | ★★☆☆☆
位置 | ★★★☆☆
設施 | ★★★☆☆  
環境 | ★★★☆☆  
價格 | 查看價格

 

仁川機場過夜攻略|仁川機場酒店Top 9|仁川機場最佳住宅別墅酒店

住宿相片集

仁川機場最佳住宅別墅酒店係另一間鄰近仁川機場嘅平價酒店之選,酒店有接駁車送住客往返機場同酒店,就算搭的士去都只係大約4000₩,位置一流!最重要係酒店附近有好多餐廳選擇,亦有超市,深夜時分想醫肚都唔成問題!

住宿相片集

酒店房雖然唔算好大,但勝在基本設施都一應俱全!

 

仁川機場最佳住宅別墅酒店
地址:50, Gonghang-ro 424beon-gil Worldgate Building, Jung-Gu (顯示地圖)
星級 | ★★☆☆☆
位置 | ★★★★☆
設施 | ★★★☆☆  
環境 | ★★★☆☆  
價格 | 查看價格

 

仁川機場過夜攻略|仁川機場酒店Top 8|仁川機場迎賓旅館

仁川機場迎賓旅館唔單止地點好近機場,酒店位置亦都好好,附近有好多食店同大型超市,深夜落到機都可以食啲野先返酒店休息!

房間入面仲有一個小型廚房同洗衣機,亦都有微波爐可以喺樓下便利店買野食自行加熱,設備齊全,性價比好高!

 

仁川機場迎賓旅館
地址:72, Gonghang-ro 424beon-gil, Jung-gu (顯示地圖)
星級 | ★★☆☆☆
位置 | ★★★★☆
設施 | ★★★★☆  
環境 | ★★☆☆☆  
價格 | 查看價格

 

仁川機場過夜攻略|仁川機場酒店Top 7|仁川機場貝斯特韋斯特高級酒店

住宿相片集

仁川機場貝斯特韋斯特高級酒店距離仁川機場只有5分鐘左右路程,酒店亦有免費接駁巴士來往機場,交通非常方便。酒店客房亦都非常寬敞乾淨,就算擺2個大行李箱都仲有好多空間!

住宿相片集

酒店仲會提供歐陸早餐,早餐選擇好多,味道亦都唔錯!

 

仁川機場貝斯特韋斯特高級酒店
地址:48-27, Gonghang-ro 424beon-gil, Jung-gu (顯示地圖)
星級 | ★★★☆☆
位置 | ★★★★☆
設施 | ★★★☆☆  
環境 | ★★★★☆  
價格 | 查看價格

 

仁川機場過夜攻略|仁川機場酒店Top 6|奧拉仁川酒店

住宿相片集

奧拉仁川酒店對比其他仁川機場酒店,位置比較遠少少,但勝在裝潢型格,靠近機場跑道,可以睇到飛機升降落嘅美景!酒店房乾淨明亮又舒適,住得舒服又可以捕捉飛機升降嘅magic moment,啱哂一眾飛機迷或者鍾意攝影嘅朋友!

住宿相片集

酒店設計走型格路線,喺出面影相打卡一流!

 

奧拉仁川酒店
地址:345, Gonghangseo-ro, Jung-gu (顯示地圖)
星級 | ★★★☆☆
位置 | ★★☆☆☆
設施 | ★★★★☆  
環境 | ★★★★★  
價格 | 查看價格

 

👉即刻Click入嚟睇下Top 10 首爾仁川國際機場附近酒店住宿優惠!

 

仁川機場過夜攻略|仁川機場酒店Top 5|仁川機場轉運酒店 (第 1 航廈)

住宿相片集

如果你班機嘅時間非常差,瞓幾個鐘就要預備登機,咁呢間酒店就係你嘅明智之選!仁川機場轉運酒店正正位於第一航運大樓入面,岩哂想爭取每一分每一秒休息嘅人!

住宿相片集

房間雖然唔算好大,但簡簡單單,勝在地點夠方便,可以上機前充一充電!

 

仁川機場轉運酒店 (第 1 航廈)
地址:4/F, Gate 11, Terminal 1, Incheon International Airpor Duty Free Area (顯示地圖)
星級 | ★★★☆☆
位置 | ★★★★★
設施 | ★★★☆☆  
環境 | ★★★☆☆  
價格 | 查看價格

 

仁川機場過夜攻略|仁川機場酒店Top 4|仁川機場海濱酒店

住宿相片集

仁川機場海濱酒店顧名思義,係一間望到海景嘅機場酒店,因為酒店隔離就係Masian Beach,行過去都只係10分鐘左右,所以酒店房入面可以欣賞到海景!由於酒店靠近海邊,所以會離機場遠少少,不過酒店有免費機場接駁車,服務時間由04:00至01:00,方便搭凌晨機來往首爾嘅旅客!

住宿相片集

酒店入面仲有間coffee shop,味道都相當唔錯,朝早可以嘆返杯咖啡先出發!

 

仁川機場海濱酒店
地址:40, Masiran-ro, Jung-gu (顯示地圖)
星級 | ★★★☆☆
位置 | ★★★☆☆
設施 | ★★★★☆  
環境 | ★★★★☆  
價格 | 查看價格

仁川機場過夜攻略|仁川機場酒店Top 3|天堂城市

住宿相片集

天堂城市係比較新嘅仁川機場酒店,2017年先正式開幕。酒店設計走華麗典雅路線,入面裝潢都非常有氣派!酒店其中一大賣點係有2個豪華泳池—室內同季節性開放嘅室內泳池,就算唔識游水去打卡影相都一流!

住宿相片集

酒店房間闊落舒服,部分客房仲對住個無敵大海景!

 

天堂城市
地址:186, Yeongjonghaeannam-ro 321beon-gil Jung-gu (顯示地圖)
星級 | ★★★★★
位置 | ★★★★☆
設施 | ★★★☆☆  
環境 | ★★★★★  
價格 | 查看價格

 

仁川機場過夜攻略|仁川機場酒店Top 2|仁川君悅大酒店

住宿相片集

仁川君悅大酒店係一間五星級酒店,酒店裝潢豪華華麗,而且房間空間寬敞又舒服,窗台望出去嘅景色一流,可以見到飛機起飛同降落!最抵讚嘅係酒店有接駁車往返仁川機場,每15分鐘就有一班,夠哂方便!
住宿相片集
酒店仲有個超大嘅室內泳池,去到記得唔好錯過啊!

 

仁川君悅大酒店
地址:208, Yeongjong Haeannam-ro 321beon-gil, Jung-Gu (顯示地圖)
星級 | ★★★★★
位置 | ★★★★☆  
設施 | ★★★★☆  
環境 | ★★★★★  
價格 | 查看價格

 

仁川機場過夜攻略|仁川機場酒店Top 1|仁川鳥巢酒店

住宿相片集

仁川鳥巢酒店同樣靠近Masian Beach,房間裝潢帶現代設計感,窗邊仲可以睇到海景,賞心悅目!由酒店去機場大約需要10分鐘車程,酒店亦巴士送住客往返機場。酒店位置近海,所以比較寧靜,唔會有吵雜嘅人聲同車聲,夜晚仲可以睇到星星!

住宿相片集

泳池對住大海,望住咁嘅景色真係勁chill!就算唔游水淨係坐喺度望住大海同藍天,已經係一件賞心樂事啦!

 

仁川鳥巢酒店
地址:19-5, Yeongjonghaeannam-ro, Jung-gu (顯示地圖)
星級 | ★★★★★
位置 | ★★★☆☆  
設施 | ★★★★★  
環境 | ★★★★★  
價格 | 查看價格

 

hotels.com酒店優惠