定期送上世界各地最新、最地道嘅旅遊資訊!

玩足成日,係時候充電抖吓:畀你尋找真我嘅5大時尚酒店Spa

徹底忘我暢遊固然係賞心樂事,但係出去玩足成日都會攰啦,有時候真係幾掃興。遊客喺外面成日咁多節目,唔係激流划艇就係去各大博物館參觀,好彩而家唔少酒店都有功能齊備嘅水療設施,返到酒店攰憊憊都可以去Spa輕鬆一下,充電再出發。


我哋以下為大家推薦嘅五個最豪華、最別樹一格嘅酒店水療體驗,最適合畀你喺出面到處暢遊後#尋找真我、恢復元氣。

 

印尼峇里金巴蘭  AYANA Resort and SpaSpa on the Rocks

AYANA Resort and Spa嘅得獎水療設施Spa On The Rocks座落喺石灰岩峭壁上,畀賓客一邊輕鬆享受峇里著名嘅按摩技術,一邊欣賞峭壁下面蔚藍一片嘅印度洋。賓客喺無敵海景包圍下盡享帝王級禮遇,一邊嗒住香檳,一邊欣賞採用鑽石、珍珠或者翡翠嘅水療設施材料。你亦可以去Spa裡面嘅特大水力按摩池感受一下,池水係直接由印度洋泵入。

 

意大利普利亞 Borgo EgnaziaVair Spa

臨海度假酒店Borgo Egnazia嘅Vair  Spa獲2017年度Condé Nast Traveller Spa Awards評為「最令生活煥然一新嘅體驗」,提供整全嘅身心療程,賓客喺Spa裡面除咗可以恢復體力之餘,亦可以喺情緒同靈性上得 到充電。呢間Spa提供多種療程,包括意大利薩滿道士嘅一對一療程、音樂治療同埋劍擊治療。

 

墨西哥墨西哥城 The Westin Sante Fe嘅冷凍療程

治療肌肉酸痛想要快速見效,就要試下The Westin Santa Fe酒店水療設施Heavenly Spa提供嘅-160°C超冷凍浸浴。冷凍療程最近喺水療界掀起一陣風潮,成為炙手可熱(有啲矛盾噃)嘅另類療法。冷凍療程已有幾百年歷史,相傳可以快速冷卻身體多個部位,達到鎮痛同復原效果。

 

捷克羅斯諾夫.波德.拉德霍斯滕Hotel Horal嘅啤酒Spa

各位啤酒發燒友請留意:你哋喺捷克Hotel Horal一定快活過神仙。呢間酒店嘅水療設施重點在於優哉悠哉享受生活,排毒消脂尚係其次。賓客浸喺暖暖啤酒泡泡浴池之中,既可以享受一大杯精製啤酒同埋豪華自助餐,又可以進行以新鮮啤酒酵母作原材料嘅面部或頭髮療程,所有煩惱同埋壓力通通冇哂。

 

印度烏代浦爾 Taj Lake PalaceJiva Spa Boat

印度城市烏代浦爾充滿浪漫情調,喺金光閃閃嘅湖水中央進行船上水療,真係冇得輸。船上嘅水療設備一應俱全,提供各式各樣嘅印度古法按摩療程,當中唔少療程係傳統上畀印度摔角選手用嚟舒筋活絡。

 

查看更多