定期送上世界各地最新、最地道嘅旅遊資訊!

【2018台灣購物清單】Top 10 台灣手信必買推介 2018!

好多人都鍾意去台灣自由行,貪佢夠近之餘,仲有好多美食同埋手信,啲選擇多到眼花撩亂,任你點揀都揀唔晒!覺得台灣手信買嚟買去都係鳳梨酥、豬肉紙嗰啲?想搞搞新意思,小編今次就為你精選咗十大必買台灣手信2018!下次去台北買咩手信好?即刻睇睇啦!

 

📖延伸閱讀:【台北親子遊】帶著全家去旅行!台北親子酒店、餐廳、景點推薦!
📖延伸閱讀: 【快閃台北三日兩夜2018】台灣3日2夜食、玩、訓行程懶人包,酒店500蚊有找!

 

Top 10 台灣手信必買推介|維力炸醬麵

@Flickr

維力炸醬麵係台灣當地非常有名嘅食品,而且台灣本地人自己本身都好鍾意食,平靚正之餘,仲好有台式風味!維力炸醬麵嘅特別之處,在於佢有兩種食法任君選擇,除咗可以煮成撈麵,亦可以用附上嘅湯包煮成湯麵食,一樣都係咁好味㗎!

 

@icook.tw

如果你覺得即食麵好易碎嘅話,可以淨係買維力炸醬,亦都相當有特色!維力亦相當貼心咁為咗素食人士推出素食炸醬,啱晒用嚟送畀身邊食齋嘅朋友!

 

維力炸醬麵
參考價: NT$75 (51)、維力素食炸醬 NT$185 (罐裝)
購買地點:家樂福

 

 

Top 10 台灣手信必買推介|老天祿滷味


@Flickr

台灣人有幾鍾意食滷味,睇佢哋最鍾意食嘅嘢就知!滷肉飯、滷蛋、滷水鴨翼等美食周圍都可以見到佢哋蹏蹤影!所以講到台灣手信,又點可以唔買滷味呢?

 


@Flickr

而芸芸滷味店之中,老天祿滷味可以話係當中嘅佼佼者!擁有超過半個世紀歷史嘅老天祿滷味受到大量本地人同遊客嘅追捧,就連梁朝偉、劉嘉玲呢啲超級巨星都相當鍾意食,絕對值得一試!

 


@seewide

其中最出名嘅當然就係鴨舌、鴨翼、鴨舌、雞腳、百頁豆腐等經典滷味,味道濃郁之餘又充滿鴨味,好食到停唔到口。老天祿滷味有獨立包裝嘅滷水鴨舌、鴨翼同雞腳出售,要注意佢哋嘅滷味並冇添加任何防腐劑,所以存放日期唔會好耐,食唔晒記住擺入雪櫃啊!

 

 

老天祿滷味
參考價: 獨立包裝 NT$200-250
購買地點:台北市武昌街二段55

 

📖延伸閱讀:【台北自由行】Top 10 最新台北民宿推薦2018!

 

 

Top 10 台灣手信必買推介|阿聰師芋頭酥


@Flickr

每次提起台灣手信,相信大家都會諗起奶油酥餅。奶油酥餅始創人阿聰師今次又有新搞作,繼奶油酥餅之後推出咗芋頭酥,去到台北又點可以唔試下呢!阿聰師芋頭酥精選台灣大甲芋頭製作而成,而且有唔同口味可以選擇。如果你想一次過試哂幾種口味,綜合禮盒絕對係你嘅台灣手信首選!

 



阿聰師芋頭酥
參考價: NT$360
購買地點:台北市中正區鄭州路8 (B1地下一樓) / 台北機場捷運A1專櫃

 

📖延伸閱讀:【台北溫泉旅行】六大必去台北温泉酒店推薦(含陽明山、北投溫泉酒店!)
📖延伸閱讀:【台東自由行】台東景點懶人包!所有必去景點一次過話你知!

 

 

Top 10 台灣手信必買推介|一之鄉蜂蜜抹茶無蛋蛋糕

@Facebook

每個人身邊,都一定會有一個抹茶控,所以一之鄉嘅蜂蜜抹茶無蛋蛋糕就最啱佢哋喇!抹茶蛋糕配上紅豆餡堪稱一絕,一之鄉喺蛋糕入面加入咗台灣本地出產製造嘅龍眼蜜,好食得嚟亦相當滋潤!另外,呢個蛋糕並無雞蛋成分,就算係素食者亦相當合適,絕對係必買台灣手信之選!

 

一之鄉蜂蜜抹茶無蛋蛋糕
參考價: NT$200
購買地點:100 台北市中正區北平西路31樓大廳 (近南二門入口)

 

Top 10 台灣手信必買推介|北大黃金奶油酥條


@mibeautyforever 

黃金奶油酥條係花蓮當地嘅著名特產,而家喺台北好多嘅超級市場都可以搵得到,唔洗特登去到花蓮咁遠買喇!北大黃金奶油酥條有原味同埋蜂蜜兩種口味,小編自己就比較鍾意原味,因為一咬落口會有一陣超濃郁嘅奶香味,而且奶油酥條金黃酥脆,一食就停唔到口,而台灣當地人仲有一個特別食法,就係雪凍嘅先食,聽講雪凍咗嘅黃金奶油酥條會更加好味㖭!

 
北大黃金奶油酥條
參考價: NT$89
購買地點:家樂福

 

 

Top 10 台灣手信必買推介|御見輕烘培 凹蛋糕

@Facebook

深受台灣本地人歡迎嘅御見輕烘培凹蛋糕,淨係睇到中間嘅流心,就已經令人流晒口水啦!蛋糕一共有蜂蜜、蜂蜜檸檬、朱古力、黑糖桂圓同埋咖啡五種口味!加熱之後一切開,又香又濃,口感一流!另外,御見輕烘培除咗凹蛋糕之外,仲有好多蛋糕款式任君選擇,好似有彩虹蛋糕、原味純生乳霜捲、巧克力純生乳霜捲同埋澳洲經典重乳酪等等,款式之多令人垂涎欲滴!要注意,御見輕烘培並冇門市,目前只設有網店,去台灣自由行嘅話可以預先上網訂再送去酒店!

 


御見輕烘培 凹蛋糕
參考價: NT$240
購買地點:http://www.meetbakery.com.tw/凹蛋糕.html (依家仲未有門市,想買就要預先上網訂,送去酒店啦)

 

 

Top 10 台灣手信必買推介|原味巡禮菜脯餅


@Facebook

如果問到台灣人有咩經典零食,相信菜脯餅一定榜上有名!菜脯餅係陪住幾代台灣人成長嘅零食,基本上七成以上嘅台灣人都一定會食過!遵循古法製造嘅菜脯餅,啖啖嘅鹹香之中散發出濃厚嘅古早味,又香又脆,用嚟送啤酒一流!

原味巡禮菜脯餅
參考價: NT$39
購買地點:家樂福

 

📖延伸閱讀:【台灣自由行】當地人推介Top 10 台灣必食地道小食

 

 

Top 10 台灣手信必買推介|孔雀泡芙


@peggy_lifetime

好多香港人都鍾意食泡芙,喺香港見到嘅泡芙大都離不開朱古力味、牛奶味呢啲大路口味。嚟到台灣自由行,就可以喺台灣嘅超級市場搵到一啲比較特別嘅口味!其中,孔雀泡芙就係相當受歡迎嘅一個品牌,而且口味亦非常多樣,例如好多人都鍾意嘅阿華田同牛奶糖等嘅獨特口味,非常有新意,大家見到嘅話都不妨買啲做手信送畀朋友喇!

孔雀泡芙
參考價: NT$90
購買地點:家樂福

 

 

 

Top 10 台灣手信必買推介|阿舍食堂番茄麵


@sportygirlsaya18

獲選為全球十大最好食即食麵嘅阿舍食堂番茄麵,佢哋嘅醬汁係由天然蔬菜製造而成,蕃茄味非常之重。而阿舍食堂蕃茄麵所採用嘅乾麵係通過非油炸嘅方法製作而成,所以麵質相當彈牙可口,而且醬汁濃郁,充滿台灣特色!最緊要記得買多幾包翻屋企,唔係嘅話好快就食晒㗎喇!

阿舍食堂番茄麵
參考價: NT$135 (4)
購買地點:家樂福

 

 

Top 10 台灣手信必買推介|糖村 牛軋糖


@misskitb

雖然冇乜新意,但係又唔可以唔買嘅台灣手信,當然就係牛軋糖啦!糖村牛軋糖曾經入圍全球十大手信之一,出名到衝出國際咁好味,嚟得台灣又點可以唔買返兩包返屋企啊!糖村牛軋糖嘅製作過程一絲不苟,由原材料、烹煮溫度同時間控制都相當認真謹慎,所以唔少當地影星、主播以及名人都係糖村牛軋糖嘅忠實粉絲,絕對係必買推介!

糖村 牛軋糖
參考價: NT$160
購買地點:台北市大安區敦化南路一段 158

 

📖延伸閱讀:【獨遊好去處】獨遊台北玩法大解構
📖延伸閱讀:【台灣自由行遊記】平溪、九份,十分行程懶人包!

 

 

台北住宿推薦|二十輪旅店大安館

@Facebook

二十輪旅店 – 西門館位處西門町區,好多台灣手信店都喺西門町有分店,住呢度買手信就非常方便,唔洗特登兜路去買!另外,附近仲有一間二十四小時開放嘅家樂福,半夜瞓唔着都可以繼續買買買瘋狂血拼啊!



二十輪旅店 – 西門館
地址:台北武昌街二段 72 6 樓 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格

 

 

台北住宿推薦|易訂者復興107

易訂者復興107巷位處大安區,位置相當便利,唔少遊客鍾意去嘅Sogo同埋微風廣場等景點只需步行五分鐘就可以輕易到達,而且附近仲有好多特色食店,無論買定食都超級方便啊!

 

 

易訂者復興107
地址:台北忠孝東路四段 49 2 號 (顯示地圖)
星級 | ★★☆☆☆  
位置 | ★★★☆☆  
設施 | ★★★☆☆  
環境 | ★★★☆☆  
價格 | 查看價格

 

編輯推介
想知台灣有咩地道美食、必玩景點?最近HelloToby有個新嘅旅遊服務,只需要簡單三個步驟就可以幫你搵到合適嘅旅遊顧問,即刻去試下啦!

 

📖延伸閱讀:【台北美食系列】台北夜市推薦連人氣美食排名!
📖延伸閱讀:【米芝蓮追星地圖】台北米芝蓮星級餐廳潮聖攻略2018
📖延伸閱讀:【台北親子景點】台北近郊茶園親子遊3日2夜行程及住宿推薦

 

 

Hotels.com 酒店優惠