定期送上世界各地最新、最地道嘅旅遊資訊!

【2018台灣紅葉大全】台灣邊度睇紅葉?清境合歡山、南投景點逐個數!

紅葉季節將至,其實除咗日本、韓國之外,近近地嘅台灣都有紅葉睇㗎!今次小編就分享咗幾個台灣紅葉景點,包括合歡山、南投景點!睇台灣紅葉又近又方便,即刻約定親朋好友嚟個快閃遊啦!

 

📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 


@wenmike

台灣嘅紅葉期比日本同韓國遲少少,所以錯過咗日本同韓國嘅紅葉,又或者睇完都唔夠喉嘅朋友可以考慮下去台灣!無論係台北、台中、台南、台東,都有可以欣賞到紅葉嘅地方,而每個地方都有其獨特之處,台灣唔同地區嘅紅葉嘅賞花期都有少少唔同。台北至台中地區嘅紅葉期為11至12月,而台南同台東地區就橫跨12月至出年1月。

 

📖延伸閱讀:【台東自由行】台東景點懶人包!所有必去景點一次過話你知!

 

台灣紅葉2018 | 南投景點 | 奧萬大國家森林遊樂區


@lys.0304

奧萬大係台灣最出名嘅賞紅葉勝地。向來有「楓葉故鄉」美稱嘅奧萬大國家森林遊樂區,位於南投縣仁愛鄉親愛村。


@hn_wei


@chiang_min_chun

去奧萬大賞紅葉嘅最佳時期係11月至12月。係最佳時期入到楓葉區,會被開得火紅嘅紅葉樹包圍咁,好似仙景咁呀。除咗楓葉區,園入面仲有唔可以錯過嘅瀑布區、奧萬大吊橋,都好靚㗎!

 

奧萬大國家森林遊樂區
地址:台灣南投縣仁愛鄉親愛村大安路153號 (顯示地圖)
開放時間:8:00am – 5:00pm
網址:https://awdonline.forest.gov.tw/

 

📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!

台灣紅葉2018 | 台中景點 | 合歡山國家森林遊樂區

@Flickr

清境合歡山除咗出名睇雪之外,合歡山嘅四季都有唔同景色㗎!一到秋天,合歡山上嘅紅葉林就會變咗紅海咁,加埋啲雲海、夕陽,呢啲景真係唔係度度都有。合歡山主峰、武嶺、合歡尖山都係可以欣賞到紅葉嘅景點嚟㗎!

@Flickr

 

合歡山國家森林遊樂區
地址:台中市南投縣仁愛鄉仁和路合歡山 (顯示地圖)
開放時間:8:00am – 5:00pm (合歡山遊客服務中心,每周二休館)

 

📖延伸閱讀:【台灣自由行遊記】平溪、九份,十分行程懶人包!

台灣紅葉2018 | 台中景點 | 大雪山國家森林遊樂區

@Flickr

大雪山國家森林遊樂區位於台中市和平區,係台中另一個欣賞紅葉嘅熱門地方。園內嘅紅葉會由11月中下旬就開始轉紅。到12月中,就進入咗最佳賞紅葉嘅時段!行經嘅步道就會好似變咗紅地毯咁。而且園內植物生態好豐富,除咗楓樹之外,加埋其他種類嘅樹,會造出唔同層次嘅色彩,咁繽紛燦爛!


sisyphuschuang

 

大雪山國家森林遊樂區
地址:台中市和平區雪山路18號 (顯示地圖)
開放時間:6:30am – 5:00pm

 

📖延伸閱讀:【花蓮自由行】尋找花蓮海岸秘境—絕密花蓮景點大公開!

 

台灣紅葉2018 | 台中景點 | 福壽山農場

@Flickr

去台灣睇紅葉就一定不得不提福壽山農場喇。福壽山農場係台灣其中一個最有名嘅賞紅葉勝地,每年一到秋天就吸引好多人嚟朝聖睇紅葉。

@rung0107

福壽山農場入面獨有嘅田園設計,令人覺得好似身處外地,加上紅葉季節嘅秋紅山色,雲霧變化萬千,你就會明白點解福壽山農場有「台灣小瑞士」嘅美稱。


@chuan.kai

 

福壽山農場
地址:台中市和平區梨山里福壽路29號 (顯示地圖)
開放時間:6:00am – 9:30pm
網址:http://www.fushoushan.com.tw/

 

📖延伸閱讀: 【快閃台北三日兩夜2018】台灣3日2夜食、玩、訓行程懶人包,酒店500蚊有找!

 

台灣紅葉2018 | 台中住宿推薦 | 清境英格曼花園山莊 (Egmont Resort)

清境英格曼花園山莊, 仁愛鄉

清境英格曼花園山莊, 仁愛鄉, 露台

清境英格曼花園山莊, 仁愛鄉, 四人房, 客房

台中清境嘅歐式民宿出名有歐陸feel,影相打卡一流!呢間英格曼花園山莊有個好大嘅平台,季節啱又撞正好天氣嘅話,朝早可以睇到雲海,夜晚睇埋星星!

 

清境英格曼花園山莊 (Egmont Resort)
地址:台灣仁愛仁愛鄉仁和路 227 號 (顯示地圖)
星級 | ★★★☆☆  
位置 | ★★★☆☆
設施 | ★★★☆☆  
環境 | ★★★★☆
價格 | 查看價格

 

📖延伸閱讀:【台北親子景點】台北近郊茶園親子遊3日2夜行程及住宿推薦

 

台灣紅葉2018 | 南投住宿推薦 | 比佛利山莊 (Beverly B&B)

比佛利山莊, 仁愛

比佛利山莊, 仁愛, 六人樓中樓 , 露台

比佛利山莊, 仁愛, VIP四人房, 客房

呢間比佛利山莊成橦以木質素材做裝修,感覺分外簡樸同舒適。每個房間都設有露台,由露台望出去,山景一覽無遺。無論日間定夜晚係露台睇風景,都咪話唔chill!

 

比佛利山莊 (Beverly B&B)
地址:台灣南投縣仁愛鄉榮光巷23-1號 (顯示地圖)
星級 | ★★★☆☆  
位置 | ★★★☆☆
設施 | ★★★☆☆  
環境 | ★★★★☆
價格 | 查看價格

 

 

Hotels.com酒店優惠