定期送上世界各地最新、最地道嘅旅遊資訊!

【2017德國啤酒節】慕尼黑啤酒節食、玩、瞓行程全攻略!

一年一度嘅德國慕尼黑啤酒節會係今年9月16日(星期六)展開一連18日嘅狂歡慶典!準備好參與呢場啤酒盛宴,一齊狂歡未呢?小編今次就為你準備咗慕尼黑啤酒節食、玩、行程全攻略!一齊盡情狂歡啦!

 

慕尼黑啤酒節起源於1810年,當年係為咗慶祝巴伐利亞王儲路德威希一世(Ludwig I)同特雷希亞公主(Princess Therese)嘅皇室婚禮而舉辦嘅活動,一直流傳到依加已經成為知名嘅嘉年華會,每年都會吸引無數旅客嚟呢度朝聖,感受下德國傳統文化,同埋熱鬧嘅氣氛!但係感受還感受,味夠18歲嘅就唔好飲酒啦,過咗18歲嘅記得都要適可而止呀!

 

慕尼黑啤酒節會場


@慕尼黑啤酒節官網


每年啤酒節都會係特雷希亞草坪(Theresienwiese)度舉行,會場佔地31公頃,差唔多有2.5個維園咁大!會場入面會搭起14個大型啤酒帳篷(Beer Tent),同埋21個細帳篷,總共有成差不多10萬個座位。每個帳篷代表不同嘅德國啤酒廠商,有獨立嘅舞臺,同啤酒櫃檯,比現場嘅參加者買酒同試酒。呢到地方咁大,但係年年都會爆場,可想而知到時會有幾熱鬧!

 

開放時間:9月16日(六)10:00至10月3日(一)23:30
地點:特雷希亞草坪(Theresienwiese)
交通:
U3 或 U6 到 Goetheplatz 和 Poccistraße 站
U4 或 U5 到 Theresienwiese(主要入口) 或 Schwanthalerhöhe 站

 

🏨特雷莎草地附近Top10人氣酒店住宿推介HK$451起 *安心價格保證*
[阿瑪羅經濟加值旅館HK$451起,里沃利酒店HK$538起,愛因斯坦埃爾丁汽車旅館HK$670起]

 

人氣必飲啤酒攻略|HOFBRÄU(HB皇家啤酒)

@Flickr

HB皇家啤酒-好多人都稱佢為「德國啤酒嘅心臟」,個名咁有霸氣就知佢有幾出名啦!HB皇家啤酒係1589年由威廉五世公爵下令製造,呢間酒廠亦係當時巴伐利亞王國嘅官方啤酒廠,所以可以話係德國最古老嘅釀酒廠之一,有成400年歷史!HB皇家啤酒比一般啤酒嘅釀造期長一倍,啤酒泡會白啲同埋會掛杯時間都會長啲,係最純正嘅德國啤酒,所以去到啤酒節理場,一定要去HB皇家啤酒嘅啤酒帳篷朝聖先!佢哋嘅帳篷入面有大約7000個坐位,日日都爆棚!仲有樂隊演奏,熱鬧到爆呀!

 

人氣必飲啤酒攻略|AUGUSTINER (奧古斯汀啤酒)

@Flickr

AUGUSTINER始於1328年,係慕尼黑最古老嘅釀酒廠。據說因為當時每年復活節前,修士都唔可以食肉,佢哋就任由「大麥汁」自然發酵,最終變咗做啤酒,並將佢作為四旬齋餐飲嘅替代品。教皇飲過一次覺得好好飲,就俾修道院繼續釀造,慢慢演變成依加嘅Augustiner啤酒啦!Augustiner啤酒不苦不澀,酒味唔太重,仲帶一啲麥香。Augustiner係唯一一間仍然採用傳統木桶嚟存放酒嘅廠家,想飲最源始嘅啤酒,嚟呢到就冇錯啦!

 

🏨慕尼黑Top10人氣酒店住宿推介HK$451起 *安心價格保證*
[霍爾伯格霍夫酒店HK$302起,里沃利酒店HK$538起,沃爾夫伊甸酒店HK$945起]

 

慕尼黑啤酒節食玩推介
嚟得慕尼黑啤酒節,緊係要試盡各種地道美食啦!喺啤酒節最常見到、最有特色嘅小食就係心型薑餅-Lebkuchen Herz。啲心型薑餅上面會用糖霜畫嘅圖案,或者唔同嘅祝福字句,啱哂買返香港做手信,夠哂特別呀!有好多德國人會將寫上我愛你」嘅心型薑餅掛喺另一半身上,用嚟宣示主權咁話!

@Flickr

另外,呢度仲有德國傳統嘅烤雞(Wiesn-Hendl),巨型椒鹽捲餅(Brezn),梆係棍上面嘅烤魚(Steckerl),德國腸(Weisswurst)等等,全部都係必食呀!

 

唔好以為係啤酒節會場淨係有得食同飲呀,呢度仲有好多野玩㗎!慕尼黑啤酒節,就好似一個超大型嘅嘉年華會。除咗有各式各樣嘅大小啤酒帳篷,美食同埋紀念品攤檔之外,仲有好多刺激又好玩嘅遊樂設施。由旋轉木馬到過山車都有,啱哂貪玩嘅你,不過記得飲酒前玩呀!

@Flickr

 

慕尼黑啤酒節住宿推介 |拜耳韋瓦第酒店 (Vi Vadi Hotel Bayer 89)
小編上次去慕尼黑就係住呢間酒店,一個字形容-正!員工都好友善,有問必答!酒店離啤酒節會場同中央車站都係大約7分鐘路程,去啤酒節嘅參加者必選!酒店裝潢充滿現代簡約風,設計簡潔舒適。

➡拜耳韋瓦第酒店 (Vi Vadi Hotel Bayer 89)
地址:Bayerstr. 89, 慕尼黑, BY, 80335, 德國                             HK$608起

 

慕尼黑啤酒節住宿推介 |巴伐利亞精品酒店 (Bavaria Boutique Hotel)
呢間酒店係正啤酒節會場隔離,玩到幾夜都唔怕!酒店附近有好多餐廳,又有超市同雜貨店,唔怕會冇野食啦!

➡巴伐利亞精品酒店 (Bavaria Boutique Hotel)⬅

地址:Gollierstr. 9, 慕尼黑, BY, 80339, 德國 HK$771起

 

Hotels.com 酒店優惠