定期送上世界各地最新、最地道嘅旅遊資訊!

【馬爾代夫自由行】一生至少去一次!Top 6天堂級嘆世界馬爾代夫酒店!

「椰林樹影,水清沙幼」嘅人間天堂馬爾代夫,一生人至少都要去一次!既然去得人間天堂,梗係要有帝皇式嘅享受,先至叫真正去過馬爾代夫啦!馬爾代夫由多個群島組成,而每一個島上只有一間渡假村形式嘅酒店,所以選擇酒店成為整個馬爾代夫之旅最重要嘅一環!當地酒店主要分為私人海灘屋同水上獨立屋,而水上獨立屋又分為沙灘底同珊瑚底,真係令人花多眼亂!唔緊要!小編已經為大家嚴選出Top 6天堂級馬爾代夫酒店,包你一定揀到至啱心水嘅酒店!

 

 

馬爾代夫酒店推薦|莉莉海灘全包式度假村

莉莉海灘全包式度假村Lily Beach可以稱得上係馬爾代夫最出名,最豪華嘅全包式酒店!為咗提供最高級嘅享受比大家,由你落機開始,就已經有酒店專人接送!佢地嘅All inclusive platinum plan已經包哂一日3餐連80多種唔同酒精飲品,仲包埋兩個水上活動!唔好以為包飲包食,質素就一般。呢到嘅餐飲都係絕對一流!所以你住喺呢度基本上都唔需要再有任何額外消費㗎啦!

@Lilybeachmaldives.com

小編推介大家入住水上獨立屋Deluxe Water Villa!Villa內設有玻璃地板,隨時隨地都可以欣賞水底世界!睡房唔單止有king size大床,仲要對住落地玻璃無敵大海景!設有按摩功能私人泳池,亦都有直接行落海嘅樓梯,任你想喺邊度暢泳都無問題!而且屋外就已經睇到珊瑚同熱帶魚,會唔會太夢幻呀?

 

莉莉海灘全包式度假村
地址:MDV胡瓦亨德胡Huvahendhoo Island顯示地圖
星級 | ★★★★★  
位置 | ★★★★☆  
設施 | ★★★★★  
環境 | ★★★★★
價格 | 查看價格  

 

馬爾代夫酒店推薦|海德維海灘渡假及水療酒店

海德維海灘渡假及水療酒店, 東納庫爾希, 海灘

如果鐘意私隱度較高,就一定要揀海德維海灘渡假及水療酒店Hideaway Beach Resort and Spa!因為Hideaway Beach坐落於馬爾代夫第二大島嶼,空間夠大,環境非常幽靜,除咗進出餐廳同酒吧,基本上都唔會撞見其他住客,包你可以享受寧靜舒適嘅假期!

海德維海灘渡假及水療酒店, 東納庫爾希, Deluxe Beach Residence with Pool, 客房景觀

入住呢間酒店最好揀海灘屋,因為海灘屋接近珊瑚層,方便浮潛同各種水上活動!而且海灘屋有專屬沙灘庭院,比你喺無人打擾嘅環境下享受日光浴!仲有千祈唔好忘記嘆下超大嘅戶外按摩浴缸!喺呢度即使連沖個涼都有帝皇級享受!

 

海德維海灘渡假及水療酒店
地址:MDV東納庫爾希Dhonakulhi Island Haa Alifu Atoll顯示地圖
星級 | ★★★★★  
位置 | ★★★★☆  
設施 | ★★★★☆  
環境 | ★★★★★
價格 | 查看價格  

 

馬爾代夫酒店推薦|馬爾代夫港麗度假酒店

馬爾代夫港麗度假酒店, 蘭加里島

馬爾代夫港麗度假酒店, 蘭加里島, 餐廳

酒店嘅設施完全會令你嘅旅程有不一樣嘅體驗,馬爾代夫港麗度假酒店Conrad Maldives Rangali Island呢間酒店最大特色,就係擁有係全世界第一間海底餐廳Ithaa!Ithaa位於海底5米以下,透明穹頂嘅天花板,比大家一邊用餐一邊以180度視角觀賞海洋生物!因為午餐時間會比較熱,而且出沒嘅魚類較少,建議大家喺度食晚餐,仲會好大機會見到魔鬼魚𠻹!

馬爾代夫港麗度假酒店, 蘭加里島, 別墅, 1 張特大雙人床, 非吸煙房, 客房

呢間酒店非常多元化,提供多種房型之外,無論係Spa設備、水上同沙灘上活動都極之奢華同完善。除咗海底餐廳,另外仲有7間餐廳同4間酒吧,有各種菜色任君選擇!另外,仲設有兒童俱落部同兒童專用泳池,最適合一家大細入住!

 

馬爾代夫港麗度假酒店
地址:MDV蘭加里島Rangali Island顯示地圖
星級 | ★★★★★  
位置 | ★★★☆☆  
設施 | ★★★★★  
環境 | ★★★★★
價格 | 查看價格  

 

馬爾代夫酒店推薦|大公園柯希帕魯酒店

大公園柯希帕魯酒店, 庫達瓦塔鲁

大公園柯希帕魯酒店, 庫達瓦塔鲁, 頂級套房, 2 間臥室, 海景, 客房

大公園柯希帕魯酒店Grand Park Kodhipparu落成於2017年6月,由國際知名嘅Hirsch Bedner Associates所設計,酒店無論係設備定係裝潢都極之奢華同獨特!最正嘅係!無論你住咩房型,都一定會睇到無敵大海景!住Ocean Pool Water Villa可以睇日出,而Lagoon Water Villa就可以睇日落!大家不妨住哂兩種房型,全方位體驗馬爾代夫美景!


@
Parkhotelgroup.com

呢度嘅潛水中心更加係非常出色,潛水專員都有PADI認證,夠哂專業!而且唔少住過嘅客人都大讚佢地嘅工作人員細心又有耐性,即使係初學者,都可以盡情地遊覽海底世界!呢間酒店一定比到你畢生難忘嘅體驗!

 

大公園柯希帕魯酒店
地址:MDV庫達瓦塔鲁P.O. Box 2168Kodhipparu, North Male Atoll顯示地圖
星級 | ★★★★★  
位置 | ★★★★★  
設施 | ★★★★☆  
環境 | ★★★★★
價格 | 查看價格  

 

馬爾代夫酒店推薦|索內瓦賈尼酒店

索內瓦賈尼酒店, 馬迪法魯

索內瓦賈尼酒店Soneva Jani可以稱得上係小編夢寐以求,一生點都想住一次嘅酒店!呢間酒店於2016年10月開幕,所有設施夠新淨之外,無論係房型、活動、設施、酒店設計同環境都無與倫比!當大家仲以為由酒店房直接跳落水係馬爾代夫最正玩法嘅時候,Soneva Jani已經掀起一個全新嘅體驗!就係直接由水上屋坐1.8米高嘅滑梯滑落海!


@Soneva.com

索內瓦賈尼酒店, 馬迪法魯, 標準客房, 客房
話明係小編夢寐以求嘅酒店,房間view靚、服務頂級同餐飲質素高都絕對係呢度嘅基本配備!除咗滑梯,最吸引嘅就係水上私人電影院,比大家可以喺水中心嘅大影幕上睇戲。而且Villa內嘅屋頂設有自動天窗,夜晚可以觀賞星星!呢度根本就係「人間天堂」!

 

索內瓦賈尼酒店
地址:MDV馬迪法魯Noonu Atoll顯示地圖
星級 | ★★★★★  
位置 | ★★★★★  
設施 | ★★★★★  
環境 | ★★★★★
價格 | 查看價格  

 

馬爾代夫酒店推薦|馬爾代夫藍德赫利白馬莊園渡假酒店

馬爾代夫藍德赫利白馬莊園渡假酒店, 藍德赫利, 別墅, 陽台
最後一間要介紹嘅馬爾代夫藍德赫利白馬莊園渡假酒店Cheval Blanc Randheli,係傳說中馬爾代夫最奢華嘅酒店!先講酒店設計已經係出自國際知名建築師Jean-Michel Gathy手筆,成間酒店以白色為主調,同馬爾代夫水天一色嘅風景互相映襯!每間villa都樓高7米,極富空間感!而且呢度由6個島嶼組成,淨係做spa都有一個專用島,認真梳乎!


@Chevalblanc.com

喺呢度你可以擁有度身訂造嘅體驗,除咗有私人管家同你打點一切,細緻到連你想瞓咩軟硬度嘅枕頭都可以揀!酒店內嘅毛巾同沐浴用品都係專貴品牌,成間酒店每一個細節都令你樂而忘返!

 

馬爾代夫藍德赫利白馬莊園渡假酒店
地址:MDV藍德赫利Noonu Atoll顯示地圖
星級 | ★★★★★  
位置 | ★★★★★  
設施 | ★★★★★  
環境 | ★★★★★
價格 | 查看價格  

 

 

Hotels.com 酒店優惠