定期送上世界各地最新、最地道嘅旅遊資訊!

【沙巴自由行】2日1夜沙巴神山行程攻略!(連神山攻頂注意事項)

沙巴自由行,其中必到嘅一站絕對係4095.2米高嘅沙巴神山。每年都有大量登山愛好者慕名而來,一嘗征服東南亞最高峰嘅滿足感。小編今次就同你分享沙巴神山自由行攻略懶人包,就算係登山初學者,都可以輕鬆安排神山行程。即刻上Blogshotels.com睇啦!

 

沙巴自由行 | 沙巴神山簡介

沙巴神山@flickr

位於沙巴嘅京那巴魯山,又稱神山,號稱全馬來西亞海拔最高嘅山。雖然神山係東南亞最高嘅山,但其實並冇想象中難爬,再加上愈嚟愈多旅客登山,所以神山嘅設備都更加完善。只要大家出發前做好準備,就可以放心登上海拔4059公尺嘅東南亞最高峰啦!
沙巴自由行 | 沙巴神山行程準備 | 預訂住宿

@flickr

攀登神山最基本嘅行程要2日1夜,所以第一件事就係要安排好住宿。神山上嘅住宿有幾間,但拉班拉塔休憩之家青年旅舍(Laban Rata Resthousel) 嘅設備係最完善,亦係唯一一間有熱水同暖氣供應嘅住宿,為咗有最好嘅休息,強烈建議大家都係訂Laban Rata Resthouse。

 

拉班拉塔休憩之家青年旅舍
地址:Laban Rata, Kota Belud, Sabah (顯示地圖)
位置 | ★★★★☆
設施 | ★★★☆☆
環境 | ★★★★☆
價格 | 查看價格  

 

沙巴自由行 | 沙巴神山行程準備 | 登山費用 (只供參考)
訂好咗住宿之後,其他嘅費用都係當日辦理入園手續嘅時候先繳交,包括入園票、登山證、保險、交通、導遊同登山證書。

入園票:RM15/成人,RM10/18歲以下
登山證:RM200/成人,RM80/18歲以下
保險:RM7
交通:來回公園辦事處到登山口來RM34
導遊:RM230
登頂證書:RM10.6

 

沙巴自由行 | 沙巴神山行程準備 | 裝備
-防水防風嘅外套
-防滑爬山鞋
-防寒衣物(上到海拔3000米以上,氣溫就開始下降,上到山頂會低過零度)
-頭燈(因為第二日行程凌晨2點30分就出發㗎啦!)
-零食(最好係可以增加熱量嘅零食,例如:朱古力同energy bar)
-個人梳洗用品
-應急藥物
-水樽(沿途有水供應比大家裝水)

 

沙巴自由行 | 沙巴神山行程準備 | 計劃路線


@i.pinimg.com

攻頂路線主要有兩條:
1)Timpohon trail >山頂
2) Mesilau trail >山頂

一般第一次登山嘅人都會揀Timpohon trail上到山頂,再行返Timpohon trail落山,因為路程較為短同易行。但如果有攀登經驗嘅人,都會選擇上山同落山行唔同路線,可以睇到唔同嘅景色,即係:

1) Timpohon trail >山頂> Mesilau trail
2) Mesilau trail >山頂> Mesilau trail

 

沙巴自由行 | 沙巴神山行程準備 | 沙巴神山交通攻略
亞庇市–>神山國家公國

亞庇市出發,大概兩個鐘車程就會抵達神山國家公園嘅山腳。但有唔少旅客為咗有足夠休息,都會選擇喺登山前一日喺山腳嘅酒店住一晚,養足精神先至登山。由亞庇市坐車去神山國家公園,可以喺Padang Merdeka乘搭小巴,價錢係RM15一個人。

 

住宿推介

京那巴魯公園酒店(Kinabalu Park)

京那巴魯公園酒店步行至神山公園入口只需要11分鐘,係最近景區嘅酒店,而且酒店嘅設備完善,膳食比同區嘅酒店有質素,登山前嘅晚上,可以係一個咁舒服嘅地方休息,第二日都更加有精力啦!

京那巴魯公園酒店

地址:Jalan Datuk Salleh Sulong,亞庇, Sabah, 88991,馬來西亞      HK$512起          

 

沙巴自由行 | 沙巴神山行程攻略

第一日行程:

@flickr

首先要去到神山國家公國嘅辦公室登記,辦理入園同住宿手續、分配導遊同午餐盒。

@flickr

然後導遊就會安排坐接駁車去到海拔1866公尺Timpohon Gate開始登山。大約行6公里就會到達住宿地點Laban Rata Resthouse。而因為Laban Rata Resthouse位於海拔3272公尺,所以就算第一日行程只係得6-8公里,都會覺得吃力。大家亦都要留意自己身體狀況,高山症狀一出現就要即刻話比導遊知!

 

由於第二日行程凌晨02:30就會開始,所以大家食完晚餐就要盡早休息啦!

 

第二日行程:

大家01:30就要起身梳洗同食早餐,02:30就要同導遊會合,準備攻頂!咁早起身,係為咗要喺神山最高峰Low’s Peak睇日出。因為天未光就要手腳並用爬山嘅關係,大家一定要預備好頭燈呀!由Laban Rata Resthouse去到山頂要行2.5公里,大概係兩個鐘頭就會到達。頭半段嘅路線主要都係樓梯同斜坡,但後半段就會開始愈嚟愈斜,要拉繩爬上去。呢個時候有好多登山人士,都會因為太難爬,又或者係出現高山反應而放棄,大家玩還玩,一定要量力而為呀!

@flickr

@flickr

雖然過程好辛苦,但登上頂峰,睇到絕美嘅日出,就會覺得一切都好值得!
睇完日出,大概07:30就會開始回程,返去Lahan Rata Resthouse休息一陣同食早餐。然後就會check out,再跟導遊開始落山啦,返到去公園辦事處領取證書之後,就完成神山攻頂之旅啦!

 

沙巴自由行 | 沙巴神山酒店推介 | 艾雅娜假日渡假村 (Ayana Holiday Resort)

艾雅娜假日渡假村 (Ayana Holiday Resort)想望住叢林享受晚餐?!渡假村更提供客房送餐服務,讓你可以足不出戶好好休息。

艾雅娜假日渡假村 (Ayana Holiday Resort)_2

艾雅娜假日渡假村被叢林包圍,私隱度極高!房間亦設有露台,可以感受鳥語花香,大自然嘅力量仲可以幫你放鬆身體。第二日出發闖神山叉足電!當中嘅家庭單棟房屋,有 3 間臥室連廚房,成棟你地住晒仲開心!

 

艾雅娜假日渡假村 (Ayana Holiday Resort)
地址:MYS拉瑙Tinompok National ParkKg. Kalanggaan, Mile 35 (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★★★  
價格 | 查看價格

 

沙巴自由行 | 沙巴神山酒店推介 | J 旅館 (J Residence)

J 旅館 (J Residence)

由J 旅館步行去神山公園入口只需三分鐘,咁近可以訓多十五分鐘先出發都得。房間內設計簡約,讓你身心靈都得以放鬆!

J 旅館 (J Residence)_2

J 旅館設施亦算齊備,不但有獨立浴室,仲有提供咖啡機同梳妝用品,山區來講算唔錯。想住得更舒適嘅話,更有高級別墅可供選擇。另外,旅館範圍更設有燒烤爐同花園,出發前或落返山後都可以同朋友燒烤談心。

 

J 旅館 (J Residence)
地址:MYS拉瑙Kinabalu NP, Nabalu, KundasangKg. Tinompok, Mile 35 (顯示地圖)
星級 | ★★★★☆
位置 | ★★★★★
設施 | ★★★★☆
環境 | ★★★★★  
價格 | 查看價格

 

 

 沙巴自由行 | 沙巴神山酒店推介 | 凱撒皇宮酒店 (Ceaser’s Place)

凱撒皇宮酒店 (Ceaser's Place)

小編最喜愛就係呢間凱撒皇宮酒店!雖然佢距離神山公園入口差23分鐘嘅路程,但重點係佢比之前兩間價錢更抵,而酒店內風景係小編覺得最靚嘅,打卡相最緊要靚呀嘛!

凱撒皇宮酒店 (Ceaser's Place)_2

呢度大部份客房都有露台,而開放式客房更有小廚房,方便你準備輕食。小編認為就算你唔打算行神山,都不妨黎凱撒皇宮酒店同朋友或者屋企人度吓假,遠離吓繁囂。

 

凱撒皇宮酒店 (Ceaser’s Place)
地址:Kundasang, Ranau, Sabah (顯示地圖)
星級 | ★★★★★
位置 | ★★★☆☆
設施 | ★★★★★
環境 | ★★★★★  
價格 | 查看價格

 

📖延伸閱讀:【沙巴潛水懶人包】馬來西亞沙巴local tour點樣揀?連超抵住沙巴villa推薦!
📖延伸閱讀:【檳城美食地圖】當地人教路:檳城美食、檳城壁畫打卡點、熱門檳城景點推薦!
📖延伸閱讀:【吉隆坡自由行】亞羅街夜市、茨廠街必食懶人包!馬來西亞吉隆坡美食特集
📖延伸閱讀:【馬爾代夫自由行】一生至少去一次!Top 6天堂級嘆世界馬爾代夫酒店!

 

Hotels.com酒店優惠Hotels.com酒店優惠