定期送上世界各地最新、最地道嘅旅遊資訊!

【香港郊遊樂】香港行山路線懶人包(西貢、大嶼山、港島區) (連超抵住香港郊區酒店推薦)

香港畀人印象係一個非常城市化嘅地方,實際上香港地形多山,有超過300座山峰。其實唔洗遠赴外國先睇到靚景,喺香港都一樣可以欣賞到風光旖旎嘅美景!今次小編就精選咗幾條沿途可以睇到美景嘅香港行山路線,連埋幾間附近抵住酒店推介,周末留喺香港行山都一樣有去旅行嘅感覺!

 

香港郊遊樂|香港行山路線懶人包|西貢|蝦山篤

@samsinhcaa

蝦山篤係「三尖之一」釣魚翁嘅其中一個部分,難度唔算高,上到山之後,清水灣沙灘全景一覽無遺。若果天氣好,有藍天白雲嘅襯托,輕易就可以影到靚相!行蝦山篤有好多條路線可以選擇,簡單啲可以由大坳門道開始,亦都可以選擇行哂成個釣魚翁郊遊徑,一樣會途經蝦山篤。呢條行山路線有多個出入口,可以因應體力而選擇起點終點。

 

蝦山篤
地址:香港清水灣清水灣道釣魚翁郊遊徑 (顯示地圖)
交通:乘坐九巴91號至清水灣或乘坐專線小巴103/103M至清水灣下車
難度:★★★☆☆
所需時間:2-3小時 (因應出發點)

 

 

香港郊遊樂西貢酒店推介The Pier Hotel

Photo gallery ng accommodation na ito

The Pier Hotel 位於西貢白沙灣,酒店隔離就係西貢碼頭,搭街渡去附近嘅三星灣只需5分鐘時間,非常方便!三星灣可以話係一個隱世沙灘,因為冇車可以直接去到,一定要搭船,所以嗰度人煙稀少、水清沙幼,絕對係一個渡假天堂!

酒店上面嘅平台可以欣賞到白沙灣海景,淨係坐喺度吹下海風都已經夠 Chill 啦!

 

The Pier Hotel
地址:新界西貢白沙灣街9號 (顯示地圖)
星級 | ★★★☆☆  
位置 | ★★☆☆☆  
設施 | ★★★☆☆  
環境 | ★★★★☆  
價格 | 查看價格  



香港郊遊樂|香港行山路線懶人包|大嶼山|梅灣到愉景灣

@Facebook

由梅灣起行到愉景灣,沿路背山靠海,可以欣賞到無敵大海景;正值夕陽西下,仲可以睇到金黃色光線灑落喺海面同山上嘅美景,分分鐘影到magic moment!呢條行山路線係由銀礦灣泳灘開始,開始行山之前你可以喺沙灘吹下海風,短暫休息先正式出發。呢條行山路線唔算難行,不過當中一大段路都要行樓梯,可能吃力少少,但為咗成功登山後睇到嘅美景,幾辛苦都值得啦!

 

梅灣到愉景灣
地址:香港大嶼山梅窩東灣頭路 (顯示地圖)
交通:由中環6號碼頭乘搭渡輪前往梅窩再步行前往銀礦灣泳灘
難度:★★★☆☆
所需時間:2小時

 

 

香港郊遊樂愉景灣酒店推介香港愉景灣酒店

想入住無敵海景酒店,小編一定首選推介香港愉景灣酒店!酒店面向三白灣,入住海景房可以感受被大海包圍嘅感覺,朝早起身一打開眼就可以見到蔚藍嘅大海!而且愉景灣有歐陸小鎮嘅感覺,非常適合周末去渡假玩返兩日一夜。

對住個無敵大海景浸浴,簡直係最爽嘅沖涼體驗!

 

香港愉景灣酒店
地址:新界愉景灣海澄湖畔路88號 (顯示地圖)
星級 | ★★★★☆  
位置 | ★★★☆☆  
設施 | ★★★★★
環境 | ★★★★★
價格 | 查看價格  

 

香港郊遊樂|香港行山路線懶人包|港島區|龍虎山

@slashwatchhk

上山頂睇香港全景,除咗搭山頂纜車或者坐巴士,其實仲可以行山上去!龍虎山行山徑係一條沿住克頓道一直到山頂纜車站嘅行山步徑,一路慢慢上山,可以將維港嘅動人景色盡收眼底,都可以一併欣賞埋香港密集而有規劃嘅摩天大樓城景!上到山頂之後,可以參觀埋山頂上嘅景點,最後搭返巴士或者纜車落山。

 

龍虎山
地址:香港島中西區龍虎山 (顯示地圖)
交通:港鐵香港大學站經克頓道開始上山
難度:★★☆☆☆
所需時間:2.5-3小時

 

 

香港郊遊樂港島區酒店推介香港數碼港艾美酒店

香港數碼港艾美酒店, 香港

香港數碼港艾美酒店位於數碼港,客房同樣可以飽覽無敵大海景!而且由酒店搭車去淺水灣只需大約20分鐘車程,方便快捷,可以過淺水灣e游返個靚水,同時淺水灣都係睇日出/日落嘅好地方。

香港數碼港艾美酒店, 香港, 泳池

唔想搭車去淺水灣又想游水都唔緊要,因為酒店有個露天泳池,方便住客隨時暢泳!

 

香港數碼港艾美酒店
地址:香港薄扶林數碼港道 100 號 (顯示地圖)
星級 | ★★★★★  
位置 | ★★☆☆☆  
設施 | ★★★★★
環境 | ★★★★★
價格 | 查看價格  

 

Hotels.com酒店優惠