定期送上世界各地最新、最地道嘅旅遊資訊!

【香港拍拖好去處】編輯嚴選!Top 6本地拍拖好去處連超抵住情侶酒店精選!

香港度度都人山人海,每個商場都一式一樣,平時出街拍拖係咪已經諗到冇地方好去呢?其實香港仲有好多拍拖好去處等你發掘,唔一定出國旅行,留喺香港都可以好好玩!今次小編就為大家精選咗六大香港拍拖好去處,連埋兩間抵住情侶酒店介紹畀你,今個周末仲唔快啲帶埋另一半去玩!?

 

📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

香港拍拖好去處|Top 1 拍拖地點|淺水灣秘密星球奇幻之旅

沒有自動替代文字。@Facebook

夏天咁熱,如果唔想出去室外但又覺得香港嘅商場一式一樣,冇咩新意?呢個室內拍拖好去處正正岩哂唔鍾意同陽光玩遊戲嘅情侶!「秘密星球奇幻之旅」將會喺淺水灣The Pulse同大家見面,到時會場會有8個區域,有彩虹隧道、螢光花園、扭曲時空等等,每個場利用唔同燈光效果,佈置成多個主題,同另一半一齊影下相探索下就至浪漫啦!

圖像中可能有夜晚@Facebook

呢個係其中一個場景 — 扭曲時空,黑暗嘅空間配合埋燈光效果,有種神秘嘅星空感覺!

 

📖延伸閱讀:【夏天好去處】香港室內好去處!盛夏香港親子遊玩攻略連住宿推薦!

 

香港拍拖好去處|Top 2 拍拖地點|鰂魚涌怪獸大廈


@zx1234567890d

香港人口密度高,摩天大樓起到周圍都係,亦都因為咁營造咗一個城市奇景,亦都係以下落嚟小編想推薦情侶去拍拖影相嘅地方—鰂魚涌「怪獸大廈」。「怪獸大廈」係由五座大廈相連而成:益發大廈、福昌樓、海山樓、海景樓同埋益昌大廈。企喺中間位影相,影出嚟感覺非常有氣勢,帶埋另一半一齊影相打卡,一定可以影到張霸氣十足嘅相!


@streetyee

 

鰂魚涌怪獸大廈
地址:鰂魚涌英皇道1028號 (顯示地圖)
交通:鰂魚涌港鐵站A出口步行約10分鐘

 

📖延伸閱讀:【香港文青必去】美荷樓青年旅舍住宿報告 (連四十一冰室必點美食推薦)

 

香港拍拖好去處|Top 3 拍拖地點|塔門


@mark.leung.ml

香港人生活步伐急促,城市車來人往,令人放假想去離島喘息,放鬆一下心情。香港有好多離島都非常適合拍拖,除咗南丫島長州等等,其實塔門都係一個唔錯嘅選擇!塔門喺西貢北面,島上設施、景點雖然唔算多,但勝在有一大片草地同無敵海景,帶張野餐墊喺草地野餐再欣賞日落,夠哂寫意又浪漫!

 

塔門
地址:香港塔門 (顯示地圖)
交通:於港鐵大學站B出口搭乘計程車至馬料水碼頭,再轉乘街渡或於西貢市中心搭乘94號巴士至黃石碼頭,再轉乘街渡

 

📖延伸閱讀:【復活節好去處】香港八大隱世度假住宿連本地遊玩攻略!

 

香港拍拖好去處|Top 4 拍拖地點|深水埗嘉頓山


@pakchannn

夏天想去行山睇靚景但又怕熱?唔怕!深水埗嘉頓山只需要大約15分鐘路程,就可以上山,欣賞璀璨嘅夜景!而且無論黃昏定夜晚上去都非常適合,黃昏睇到日落美景,夜晚就可以欣賞到夜景,地點又方便就腳,同另一半上去談心、影相就至適合啦!

 

嘉頓山
地址:深水埗嘉頓山 (顯示地圖)
交通:於港鐵深水埗站D2出口步行至美荷樓,於美荷樓後晨運徑上山

 

📖延伸閱讀:【香港情人節攻略】超浪漫情人節餐廳攻略連情人節禮物推薦!

 

香港拍拖好去處|Top 5 拍拖地點|屯門黃金海岸


@winkleboy

冇咁多假期去旅行,其實香港本地遊都可以好似去旅行一樣咁開心!屯門黃金海岸充滿異國風情,喺香港玩都可以好似去咗歐洲一樣!黃金海岸有個文化藝術廣場「黃金蒙馬特」,逢星期五、六、日同公眾假期仲會有假日市集,有唔同攤檔同埋音樂表演,最啱去過返個悠閒周末!

 

黃金海岸
地址:香港新界青山灣青山公路1號黃金海岸商場 (顯示地圖)
交通:於葵芳站巴士總站乘搭61M線巴士或於港鐵美孚站 A出口乘搭52X線巴士

 

📖延伸閱讀:【情人節小出走】四大香港情人節酒店優惠連浪漫活動推介!

 

香港拍拖好去處|Top 6 拍拖地點|愉景灣


@februaryeaters

愉景灣喺香港就好似自成一角咁,去到有種去咗歐洲小鎮嘅感覺,嗰度有美食、靚景又有沙灘,絕對係個拍拖好去處!嗰度仲有個情侶必去嘅景點—玻璃教堂 (海濱白教堂),係唔少新人結婚場地首選!唔少情侶會去影相打卡,影完相可以拖住手慢慢散步去沙灘,享受二人世界!

 

愉景灣玻璃教堂
地址:香港大嶼山愉景灣海澄湖畔路88號 (顯示地圖)
交通:於港鐵欣澳站乘搭巴士DB03P

 

📖延伸閱讀:【復活節好去處】香港八大隱世度假住宿連本地遊玩攻略!

 

香港拍拖好去處|情侶酒店精選|香港黃金海岸酒店

圖像中可能有室內和水@Facebook

黃金海岸遠離市區,如果唔想匆匆忙忙咁一日遊,小編建議可以喺個邊住返一晚,玩足2日1夜!香港黃金海岸酒店對正海邊,每間客房都可以欣賞到海景,而且靠近黃金泳灘,游完水返酒店都非常方便!而且酒店推出咗唔同主題嘅客房,包括森林主題、太空主題等等,夠哂特別!

圖像中可能有天空、雲朵、樹、戶外和大自然@Facebook

除咗黃金泳灘,酒店亦有露泳池可以畀你暢泳,夏天搵個周末同另一半去黃金海岸過返個快閃香港之旅啦!

 

香港黃金海岸酒店
地址:屯門黃金海岸青山公路青山灣段 1 號 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格

 

📖延伸閱讀:【週末小度假】香港四大週末渡假酒店優惠推介!

 

香港拍拖好去處|情侶酒店精選|帝景酒店

accommodations2@royalview.com.hk

位於荃灣嘅帝景酒店絕對係CP值極高嘅香港情侶酒店,有海景、有夜景睇,一晚價錢都只係大約HKD$600 – 800,絕對抵住!帝景酒店位於汀九橋隔離,客房可以飽覽汀九日與夜,景色一絕!而且酒店自助餐亦算抵食,一日三餐都可以喺酒店搞掂唔洗搭車出返去搵野食!


@cwo.foto

汀九橋都係出名嘅拍拖熱點,坐喺沙灘上欣賞汀九橋夜景再談下心,夠哂浪漫!

 

帝景酒店
地址:荃灣汀九青山公路353號 (顯示地圖)
星級 | ★★★★☆  
位置 | ★★☆☆☆  
設施 | ★★★☆☆  
環境 | ★★★★☆  
價格 | 查看價格

 

 

Hotels.com酒店優惠