定期送上世界各地最新、最地道嘅旅遊資訊!

【香港拍拖好去處】情侶必睇!本地週末好去處排行榜!

想同honey嚟個小出走relax吓,但係唔知有咩香港拍拖好去處?Hotels.com大使就為大家介紹週末好去處,仲教你上Hotels.com下載最新訂房優惠代碼,用至抵價錢book酒店!即刻上Blogshotels.com睇啦!

 

📖延伸閱讀:【香港過夜】土地問題?十大特色香港情侶酒店推薦!(必試香港海景酒店)

 

香港拍拖好去處 | 週末好去處 | 香港嘉里大酒店 (Kerry Hotel, Hong Kong)

香港嘉里大酒店喺今年4月先開幕,所以酒店勁新淨。酒店位於紅磡碼頭隔離,樓高16層,設有546間客房,大部分酒店房都可以望到維港景色,想睇聖誕燈飾都唔怕要同人逼喇!如果喺12月31號晚入住,仲可以留喺房到欣賞除夕煙花,勁浪漫呀!

香港嘉里大酒店, 九龍, 室外泳池

酒店其中一個最吸引嘅設施,就係戶外無邊際暖水游泳池喇!因為係暖水池嘅關係,所以就算冬天去游水都唔怕凍親!亦因為酒店近海嘅關係,infinity pool同維港就好似連住咁,超正!喺度打卡,仲唔呃哂啲like?

香港嘉里大酒店, 九龍, 豪華客房, 1 張特大雙人床, 海景, 客房

 

香港嘉里大酒店 (Kerry Hotel, Hong Kong)
地址:香港九龍紅磡灣紅鸞道38號 (顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格

 

香港拍拖好去處 | 週末好去處 | Ovolo 奧華酒店 – 南岸 (Ovolo Southside)

Ovolo 奧華酒店 – 南岸係由舊貨倉改建而成,酒店房間行工業風路線,室內設計獨特,裝潢亦都好有feel。酒店房入面嘅設備亦非常high-tech,全部房間都設有Apple TV同埋高質嘅音響設備,仲可以借Xbox玩𠻹,真係隨時搞到你唔捨得訓啊!咁多好嘢玩,夜晚留喺酒店都唔洗怕悶,所以話留喺香港度假都絕對唔會無聊!

Ovolo 奧華酒店 - 南岸, 香港, 外觀

如果夜晚口㾗想食野,唔洗怕,你可以去酒店嘅Lo Lounge貴賓廳,享受免費嘅小食同咖啡。酒店頂樓仲有個rooftop bar,夜晚同honey上去飲返杯、傾下計,享受二人世界啦!
Ovolo 奧華酒店 – 南岸 (Ovolo Southside)
地址:香港香港仔黃竹坑道64號 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格

 

📖延伸閱讀:【香港聖誕搵食攻略】Top 5 香港米芝蓮餐廳搵食指南 2018

 

香港拍拖好去處 | 週末好去處 | 逸酒店 (Hotel sáv) – 九龍

逸酒店好近紅磡站同黃埔站,想去邊度玩都一樣咁方便!酒店附近仲有好多食肆,中、西、日、韓通通都有,一定有間啱你口味,而且附近嘅餐廳價錢都唔貴,CP值好高㗎!

 

逸酒店, 九龍, 客房

酒店房嘅燈光好特別,可以調教自己鐘意嘅顏色,好有情調!另外,酒店有一個好貼心嘅服務,就係可以延遲退房。只要預先同職員講聲,酒店就會視乎房間供應而作出調整,最遲可以下晝3點先check-out,夜晚玩到幾夜都唔怕啦!
逸酒店 (Hotel sáv)
地址:九龍紅磡蕪湖街83號 (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★☆☆  
價格 | 查看價格

 

📖延伸閱讀:【堅尼地城好去處】一篇帶你食盡隱世港島美食:西環、上環、中環、西營盤美食大全

 

香港拍拖好去處 | 週末好去處 | 香港寶御酒店 (Hotel Pravo Hong Kong)

香港寶御酒店位於尖沙咀北京道,好近海港城同地鐵站,而且酒店附近有好多餐廳,唔怕冇野食醫肚。部分房間仲可以望到維港景色,坐喺房度睇夜景,不知幾浪漫!另外,除夕晚仲可以落去尖沙咀海傍倒數同睇煙花,親身感受下除夕夜嘅熱鬧氣氛,倒數完就可以快人一步翻上酒店休息,正呀!

 

香港寶御酒店, 九龍, 總統套房, 浴室

 

香港寶御酒店 (Hotel Pravo Hong Kong)
地址:香港九龍尖沙咀北京道 10 號 (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格

 

📖延伸閱讀:【香港手信篇】 Top 10 香港必買手信推薦 2018!

 

香港拍拖好去處 | 週末好去處 | 九龍海逸君綽酒店 (Harbour Grand Kowloon)

九龍海逸君綽酒店 (Harbour Grand Kowloon)九龍海逸君綽酒店係香港本地相當有規模嘅五星級酒店,酒店設有接駁巴士,大約十分鐘車程就可以到達尖沙咀行街Shopping,非常方便!

九龍海逸君綽酒店 (Harbour Grand Kowloon)2同伴侶嚟到九龍海逸君綽酒店,又點可以唔去佢哋嘅露天無邊際泳池玩啊!呢個無邊際泳池雖然唔算好大,但係勝在同香港最靚嘅維多利亞港連成一線,淨係嗰Feel已經值回票價啦!如果你唔想落水,你亦可以坐喺池邊嘅沙灘凳上面嘆住池畔酒吧嘅Cocktail享受週末,正啊!

 

九龍海逸君綽酒店 (Harbour Grand Kowloon)
地址:香港九龍紅磡黃埔花園德豐街20號 (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★☆  
價格 | 查看價格

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!

 

香港拍拖好去處 | 週末好去處 | 香港黃金海岸酒店 (Hong Kong Gold Coast Hotel)

香港黃金海岸酒店 (Hong Kong Gold Coast Hotel)嚟到週末想遠離煩囂?小編推薦你同伴侶去香港黃金海岸酒店過翻一個寧靜假期!酒店位於屯門黃金海岸,空氣清新景色怡人,喺水清沙幼嘅黃金海岸沙灘漫步真係好浪漫㗎,絕對喺香港拍拖好去處!

香港黃金海岸酒店 (Hong Kong Gold Coast Hotel)2

香港黃金海岸酒店除咗出晒名風景靚,唔少人都好鍾意食佢哋嘅自助餐,食材用料質素有水準之餘,價錢亦相宜,你又點可以錯過!

 

香港黃金海岸酒店 (Hong Kong Gold Coast Hotel)
地址:香港屯門黃金海岸青山公路青山灣段 1 號 (顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★★  
價格 | 查看價格

 

📖延伸閱讀:【香港文青必去】美荷樓青年旅舍住宿報告 (連四十一冰室必點美食推薦)
📖延伸閱讀:【香港高鐵旅遊攻略】香港高鐵路線直達!汕頭、長沙、昆明、廈門景點逐個數!
📖延伸閱讀:【香港郊遊樂】香港行山路線懶人包(西貢、大嶼山、港島區) (連超抵住香港郊區酒店推薦)
📖延伸閱讀:【香港好去處】八月十五去邊度?本地隱世賞月地點靜靜雞話你知!

 

Hotels.com 酒店優惠