定期送上世界各地最新、最地道嘅旅遊資訊!

【香港兩日一夜好去處】隱世香港渡假屋、酒店連本地遊玩攻略!

放假想留喺香港,但係又唔知去邊度好?咁就要𥄫實小編為大家準備嘅香港兩日一夜好去處推薦,帶大家去一啲隱世香港渡假屋、酒店,等你可以遠離都市壓力同親親大自然,仲教埋你用至抵價錢 book 酒店,慳番啲錢去玩!

 

📖延伸閱讀:【週末小度假】香港四大週末渡假酒店優惠推介
📖延伸閱讀:【香港度假】情侶小出走-四大聖誕除夕香港酒店優惠推介!

 

香港兩日一夜好去處|香港渡假屋住宿推介|銀鑛灣渡假酒店

香港渡假屋住宿推介-銀鑛灣渡假酒店

第一個要同大家介紹嘅香港本地酒店,就係位於梅窩銀鑛灣渡假酒店梅窩簡樸清靜,有古蹟又有美食,係香港兩日一夜本地遊嘅好去處!酒店對正銀鑛灣沙灘,一出酒店門口就已經係沙灘,鍾意幾點去沙灘玩唔成問題啦!喺沙灘度玩完,相信又攰又想沖身,入住呢間酒店最方便就係可以行幾步就即刻返到酒店沖涼同抖吓,勁方便啊!

香港渡假屋住宿推介-銀鑛灣渡假酒店-2

唔想去公眾沙灘唔緊要,因為酒店入面都有個游泳池,仲有健身室等嘅設施,可以話係五臟俱全!最特別嘅係有呢一個特大飛行棋玩,可以同朋友一齊玩,重拾童真!玩完水仲可以喺附近租架單車,遊覽成個梅窩,親親大自然!大家玩完水,踩完單車之後,體力消耗得咁上吓就梗係要食嘢填飽個肚啦,呢個時候就可以去酒店附近嘅燒烤場度 BBQ,一路燒烤一路睇日落,過一個悠閒假期!

 

銀鑛灣渡假酒店
地址:梅窩梅窩銀礦灣 D.D.2 地段 648 (顯示地圖)
星級 | ★★★☆☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格

 

📖延伸閱讀:【香港文青必去】美荷樓青年旅舍住宿報告 (連四十一冰室必點美食推薦)

 

香港兩日一夜好去處|香港渡假屋住宿推介|香港愉景灣酒店

香港渡假屋住宿推介-香港愉景灣酒店

愉景灣呢度比較多外國人居住,所以呢度畀人嘅感覺充滿異國風情,有山景又有海景,係避世嘅好地方!愉景灣仲有好多有特色嘅餐廳,等大家可以盡情咁吃喝玩樂,亦可以享受片刻慢活!

香港渡假屋住宿推介-香港愉景灣酒店-2

香港愉景灣酒店呢間四星級酒店,客房面積至少有30平方米,而且浴室都好寬敞,仲有特大落地玻璃可以畀你房到嘆海景。酒店隔離就係沙灘,可以去游水同曬太陽。講到酒店另一個賣點就梗係要數佢哋嘅 Spa 啦!酒店引入咗亞洲頂尖水療品牌-Spa Botanica,酒店內設有10間海景水療室,住客可以對住個無敵大海景一邊做 Spa 同按摩,絕對係本地遊嘅好去處!

香港愉景灣酒店
地址:愉景灣海澄湖畔路88號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格 

 

香港兩日一夜好去處|香港渡假屋住宿推介|長洲歐美式渡假旅館

香港渡假屋住宿推介-長洲歐美式渡假旅館

如果要去香港離島玩,相信絕大部分香港人嘅首選都係長洲!事關長洲除咗有好多特色美食,好似大魚蛋,糯米糍等等之外,仲有得去沙灘、張保仔洞度玩,吃喝玩樂通通都有齊,週末嚟呢度玩返一兩日就 fit 哂喇!

香港渡假屋住宿推介-長洲歐美式渡假旅館-2

長洲歐美式渡假旅館地理位置好好,位於長洲嘅中心位置,去邊度都一樣咁方便!而且渡假旅館仲包埋早餐,食完個早餐再去玩就啱哂啦!

 

長洲歐美式渡假旅館
地址:長洲長洲東灣路12-14號 (顯示地圖)
星級 | ★★★☆☆
位置 | ★★★★☆
設施 | ★★☆☆☆
環境 | ★★★☆☆
價格 | 查看價格

 

📖延伸閱讀:【夏天好去處】香港室內好去處!盛夏香港親子遊玩攻略連住宿推薦

 

香港兩日一夜好去處|香港渡假屋住宿推介|挪亞方舟度假村

香港渡假屋住宿推介-挪亞方舟度假村

挪亞方舟度假村位於馬灣,附近環境清靜,夠哂私隱!喺酒店隔離就係挪亞方舟,亦係全球首個根據聖經內記載一比一大嘅「挪亞方舟」。挪亞方舟係由香港幾個基督教團體一齊營運,入面嘅佈局就以聖經為藍本,入面有好多動物嘅模型,全部都好逼真,亦都係象徵住愛與和平。入面主要分為五個部分,分別係「方舟花園」、「方舟博覽館」、「跨越奇園」、「方舟生命教育館」同「珍愛地球館」,每個都好有教育意義,好啱帶一家大細嚟玩一日!

香港渡假屋住宿推介-挪亞方舟度假村-2

去完挪亞方舟玩,就可以去沙灘散吓步, 玩到攰就可以返酒店休息,過一個慢悠悠嘅週末!

 

挪亞方舟度假村
地址:新界馬灣珀欣路33號 (顯示地圖)
星級 | ★★★☆☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格 

 

香港兩日一夜好去處|香港渡假屋住宿推介|浪濤軒酒店

香港渡假屋住宿推介-浪濤軒酒店

南丫島係香港第三大島,島上居民唔算多,大概只有一萬人。如果你想嚟一個遠離都市煩囂嘅兩日一夜本地遊,揀南丫島就冇錯喇!浪濤軒酒店對正洪聖爺泳灘,一出門口就可以睇到個無敵大海景!所有客房都附設露台,可以畀你靜靜哋欣賞海景。除咗可以對住個海睇日出同日落,夜晚仲可以睇埋星星𠻹,真係勁浪漫啊!

香港渡假屋住宿推介-浪濤軒酒店-2酒店仲設有餐廳同酒吧,附近又有遠足徑、單車徑、仲有得玩滑浪風帆,真係留喺度玩足兩日一夜都唔夠喉,令人唔捨得走!

 

浪濤軒酒店
地址:南丫島榕樹灣洪聖爺泳灘28號 (顯示地圖)
星級 | ★★☆☆☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格 

 

📖延伸閱讀:【香港拍拖好去處】編輯嚴選!Top 6本地拍拖好去處連超抵住情侶酒店精選!

 

香港兩日一夜好去處|香港渡假屋住宿推介|香港數碼港艾美酒店

香港渡假屋住宿推介-香港數碼港艾美酒店

香港數碼港艾美酒店位於香港島南區,聽落去好似好隔涉咁,但係酒店每日都會有免費接駁車來往中環香港站,好方便㗎!酒店有170間客房同套房、5間酒吧同餐廳。另外,酒店全部範圍都有WiFi網絡覆蓋,無論客房入面定係游泳池邊,都可以隨時隨地咁上網,掌握最新資訊!

香港渡假屋住宿推介-香港數碼港艾美酒店-2

香港數碼港艾美酒店
地址:香港薄扶林數碼港道 100 號 (顯示地圖)
星級 | ★★★★★
位置 | ★★★☆☆
設施 | ★★★★☆
環境 | ★★★☆☆
價格 | 查看價格

 

香港兩日一夜好去處|香港渡假屋住宿推介 | 大澳文物酒店

香港渡假屋住宿推介- 大澳文物酒店

大澳係香港嘅特色漁村,保留獨特嘅風土文化,無論你鍾意影相、行山定掃街,呢度都一樣可以滿足到你!而大澳文物酒店由前警察局改建而成,坐落大澳海邊,房間以復古設計為主調,玩味十足。加上呢度有個以玻璃天幕為特色嘅餐廳,你可以盡情欣賞無邊無際嘅日落景色,帶畀你同愛侶一個火熱浪漫嘅兩日一夜小出走!

香港渡假屋住宿推介-大澳文物酒店-2

大澳文物酒店
地址:香港石仔埗街大嶼山 (顯示地圖)
星級 | ★★★★☆
位置 | ★★☆☆☆
設施 | ★★★☆☆
環境 | ★★★★☆
價格 | 查看價格

 

 

Hotels.com酒店優惠