定期送上世界各地最新、最地道嘅旅遊資訊!

【香港中秋好去處】八月十五去邊度?本地隱世賞月地點靜靜雞話你知!

九月尾就係農曆八月十五喇,提起中秋節當然係食月餅慶祝同去賞月啦!冇頭緒去邊度賞月好?唔緊要!今次小編為大家精選咗三大香港中秋好去處,本港隱世賞月地點一次過話你知,仲連埋附近酒店推薦!

 

📖延伸閱讀:【香港拍拖好去處】編輯嚴選!Top 6本地拍拖好去處連超抵住情侶酒店精選!

 

香港中秋好去處|本地賞月地點推薦|添馬公園

金鐘添馬公園位於新政府總部同立法會綜合大樓隔離,唔好以為起喺政府建築附近就冇咩特別,其實呢度係一個本地賞月好去處!公園面積達1.76公頃,有一大片綠油油嘅草地,公園仲對住維港景色,喺度仲可以遠望中環摩天輪,無論係睇夜景、影相定賞月都非常適合!

@Facebook

添馬公園嘅一邊可以睇到無敵大海景,而另一邊就可以睇到七彩霓虹燈、摩天大樓,望住萬家燈火嘅美景,真係令人忍唔住讚嘆原來香港係一個咁靚嘅地方!加上呢度啲櫈嘅物料係光面黑色瓷磚,只要捕捉好角度,影出嚟嘅相就可以有「天空之鏡」嘅效果,不妨試吓!

 

添馬公園
地址:香港金鐘夏慤道 (顯示地圖)
交通:地鐵金鐘站A出口步行10分鐘
開放時間:24小時開放

 

 

香港中秋好去處|金鐘酒店推薦JW 萬豪酒店

JW萬豪酒店位於太古廣場大樓頂層,可以欣賞到維港迷人嘅海景同太平山景觀!酒店非常近金鐘地鐵站,可以經太古廣場直達地鐵站,非常方便。

JW萬豪酒店嘅自助餐出名食物種類多而又質素高,第二日可以考慮嘆返個buffet lunch先走。

 

JW萬豪酒店
地址:香港金鐘道 88 號太古廣場 (顯示地圖)
星級 | ★★★★★  
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

香港中秋好去處|本地賞月地點推薦啟德郵輪碼頭公園

@timeless1124_kit

前身係舊啟德機場跑道嘅啟德郵輪碼頭公園,可以話係香港規模最大嘅空中花園!公園佔地二萬三千平方米,空間極大,最重要係呢度可以180度欣賞維港璀璨嘅動人景色。公園仲有多元化嘅設施,包括中央草坪、水景花園、噴泉廣場同觀景平台,觀景平台更加係最佳賞月地點,一大片草地配上香港島同九龍半島嘅夜景,加上八月十五天上嘅皎潔明月,呢個景一定冇得輸!

 

啟德郵輪碼頭公園
地址:香港九龍啓德承豐道33號啓德郵輪碼頭頂層平台 (顯示地圖)
交通:於地鐵觀塘站乘坐巴士5R或於地鐵牛頭角站乘坐小巴86號
開放時間:07:00 – 23:00

 

 

香港中秋好去處|觀塘酒店推薦如心艾朗酒店

如心艾朗酒店距離啟德郵輪碼頭公園只有4公里,大約10分鐘車程時間就可以去到,非常就腳。而且酒店就喺觀塘海濱花園附近,景觀相當唔錯!由酒店行去apm商場只係5分鐘路程,商場入面餐廳選擇非常多,賞完月去食返個宵夜先返酒店休息都冇問題。

 

如心艾朗酒店
地址:香港觀塘創業街38號 (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格

 

香港中秋好去處|本地賞月地點推薦|大尾篤堤壩

@hkcitywalker

大尾篤堤壩位於大埔區東面,喺水上而建嘅堤壩橫跨船灣同大尾篤,企喺堤壩上面,可以360度冇死角咁欣賞吐露港景致,非常賞心悅目!不過要留意一點,夜晚堤壩並冇街燈,四周漆黑一片,記得帶定枝電筒。大尾篤入面亦有好多BBQ場,八月十五同班friend燒完嘢食,再入去堤壩賞月就最Perfect啦!

 

大尾篤堤壩
地址:香港新界大埔汀角路大美督 (顯示地圖)
交通:於大埔火車站乘坐小巴20C
開放時間:24小時開放

 

 

香港中秋好去處|大尾篤住宿推薦白普理賽馬會青年旅舍

去堤壩嘅沿路會經過白普理賽馬會青年旅舍,呢間係大尾篤唯一一間住宿,喺堤壩賞月玩到夜又冇車出去,可以考慮喺度住返晚。青年旅舍設施同裝潢雖然唔可以媲美酒店,但勝在地點就腳方便,亦非常抵住。

 

白普理賽馬會青年旅舍
地址:大埔大美督大美督路66號 (顯示地圖)
星級 | ★☆☆☆☆  
位置 | ★★★★☆  
設施 | ★☆☆☆☆  
環境 | ★☆☆☆☆   
價格 | 查看價格

 

 

Hotels.com酒店優惠