定期送上世界各地最新、最地道嘅旅遊資訊!

【首爾文青景點】韓仔韓妹Look Ready!潮影首爾証件相 + 首爾剪髮體驗

一講起首爾,相信女士們都一定會心心眼!因為呢度又有得食,又有得買化妝品同靚衫,真係女士嘅天堂!今次就等我哋Hotels.com大使帶大家嚟一個韓國扮靚團,帶大家去影証件相、着韓服,做幾日韓妹喇!

 

📖延伸閱讀:【首爾文青一日遊】首爾影相好去處!(附文青打卡必去首爾Cafe之選)

 

首爾文青景點|首爾行程第一日|明星御用髮型屋-Leekaja Hair Bis

為咗之後兩日可以以新造型視人,首爾第一日緊係要嚟個大變身啦,我哋一於由「頭」開始,去剪個靚髮先!

 


@leekaja_company 

位於首爾清潭洞嘅Leekaja Hair Bis 開業45年,喺美國同中國分別都有分店。好多韓國當紅嘅明星都喺呢度剪頭髮,好似玄彬、Big Bang等,來頭絕對唔惹少!Leekaja Hair Bis除咗有得set頭、剪頭髮之外,仲有修甲同化妝服務提供,由頭執到落腳都得!雖然呢度嘅價錢唔平,但係職員對每個客人都好用心,剪個頭髮都有幾個職員服侍,完全係皇帝級嘅享受呀!

 

Leekaja Hair Bis
地址:首爾市江南區清潭洞 100-17 黛安娜大廈 2 樓 (顯示地圖)
營業時間:10:00 – 20:00 (星期日,春節、中秋休息)
交通:從清潭站 9 號出口步行約 10 分鐘
網址︰http://www.leekaja.co.kr/?ckattempt=1

 

首爾文青景點|首爾美食推介|清潭純豆腐 청담순두부

@menupan.com

剪完個靚髮就不如食返個靚飯,醫下個肚啦!同樣位於清潭洞嘅清潭純豆腐係一間當地人都大推嘅豆腐鍋名家,亦被人稱為豆腐達人。顧名思義,清潭純豆腐最出名嘅就係豆腐鍋,第一次嚟嘅朋友一定要試下喇!店內除咗豆腐鍋,仲有唔同種類嘅地道小食,好似煎餅、石頭鍋飯等等,都好好味㗎!

 

清潭純豆腐 청담순두부
地址:首爾市江南區新沙洞666-17 (顯示地圖)
交通:地鐵狎鷗亭羅德奧站5號出口步行8分鐘/江南區廳站3號出口步行10分鐘

 

📖延伸閱讀:【Hea遊韓國】5大首爾弘大、梨泰院呃Like靚Cafe!

 

首爾文青景點|首爾行程第一日|江南新沙洞‧林蔭道 신사동・가로수길


@yaaaamamon

食飽飯叉足電,係時候要去掃貨喇!新沙洞林蔭大道絕對係Hotels.com大使次次嚟韓國都必去嘅地方。雖然呢度嘅商品價位比較高,但係一分錢一分貨,呢度嘅衫褲鞋襪全部都勁高質,性價比都好高㗎!呢度仲有好多個性小店,商品多數只賣一兩件,正所謂物以罕為貴,珍貴之餘又唔怕同人撞衫!重點係呢度冇明洞、梨大咁多人,唔洗同人逼,行得舒服好多㗎!呢度除咗有好多個性小店,仲有好多高質靚cafe,行街行到攰都唔怕冇地方休息啦!

 

江南新沙洞‧林蔭道 신사동・가로수길
地址:首爾市江南區新沙洞 (顯示地圖)
營業時間:24小時營業
交通:新沙站8號出口

 

首爾文青景點|首爾行程第二日景福宮一日遊 x 韓服體驗

去日本會着和服,咁嚟到韓國就緊係要着韓服啦!嚟到首爾自由行第二日,就等Hotels.com大使帶你做一日mama同世子,着住韓服去參觀景福宮啦!


首爾文青景點|首爾行程第二日|韓服體驗-雲畫的韓服

@Flickr

雲畫的韓服喺2016年先開業,所以鋪入面嘅韓服全部都好新淨,仲有好多唔同嘅款式,淨係裙就已經有三行衣架,而且又新又靚,咩style都有,一定有款啱你心水!唔好以為呢度淨係得女裝有好多款,男士嘅選擇都有好多㗎!有世子服、使道、武士、學者、兩班同王服,絕對可以滿足哂女仔同男仔嘅願望!除咗成人韓服,仲有提供畀小朋友嘅韓服㗎!


@Flickr

喺度租韓服仲包埋set頭,由頭飾去到手袋,由頭幫你襯到落腳,啱哂有選擇困難症嘅朋友!雲畫的韓服嘅位置仲喺正景福宮對面,勁方便!重點係呢度唔洗預約同畀訂金,直接上去就ok㗎喇!以下係雲畫的韓服嘅價錢表,大家可以參考一下。

 

雲畫的韓服 구르미 한복
地址:首爾鍾路區孝子路5, 2樓 (顯示地圖)
營業時間:每日 09:30 – 19:00
交通:景福宮站4號出口步行3分鐘

 

首爾文青景點|首爾行程第二日|景福宮 경복궁

@Flickr

着完韓服之後,就要去下一個景點-景福宮喇!大家要留意,如果着住韓服去景福宮,入場費係全免㗎,所以記得要着好韓服先去景福宮參觀喇!景福宮係太祖李成桂喺1395年建造嘅朝鮮王朝皇宮。景福宮亦係韓國五大宮闕入面,規模最大、建築設計最靚嘅宮闕。景福宮入面最具代表性嘅建築物就係慶會樓香遠亭蓮花池,到而家都仲保留住當時嘅面貌,好值得一去㗎!


@meganliu1030

着住韓服,再加埋咁有歷史價值嘅建築物,就好似返到去古代咁,感覺好奇妙!大家嚟到記得要影多啲相,記念自己做咗一日mama同世子呀!

 

景福宮 경복궁
地址:首爾特別市鍾路區社稷路161 (世宗路) (顯示地圖)
開放時間:
1至2月,11至12月 09:00 – 17:00
3至5月, 9至10月 09:00 – 18:00
6至8月 09:00 – 18:30 (逢星期二休息)
交通:景福宮站5號出口/安國站1號出口

 

📖延伸閱讀:【首爾夜市特輯】東大門設計廣場、清溪川廣場最新市集連附近住宿推薦

 

首爾文青景點|首爾行程第二日|土俗村蔘雞湯 토속촌 삼계탕

@mini_stagramm_

行完景福宮,還埋韓服就係時候去食飯喇!嚟到韓國其中一樣一定要食嘅就係「人蔘雞」!講到人蔘雞,就一定要食土俗村蔘雞湯,佢係一間連韓國人都會去排隊嘅名店嚟㗎!土俗村蔘雞湯嘅雞入面除咗有糯米之外,仲加咗紅棗、銀杏、蒜頭等等食材,人蔘雞嘅主角-人蔘都好大條,勁足料呀!呢度嘅人蔘雞唔係太重中藥味,比較易入口,唔太鐘意中藥味嘅朋友都可以一戰!

 

土俗村蔘雞湯 토속촌 삼계탕
地址:首爾特別市鍾路區紫霞門路5街5 (體府洞) (顯示地圖)
營業時間:10:00 – 22:00(全年無休)
交通:景福宮站2號出口步行約3分鐘

 

📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

首爾文青景點|首爾行程第三日影韓式証件相 Sam Studio


@鐘閣Sam Studio官網

嚟到第三日,Hotels.com大使決定帶大家去鐘閣站影韓式証件相!位於鐘閣站嘅Sam Studio,價錢絕對唔係最平,但係呢度嘅服務同影出來嘅效果就絕對係數一數二!Sam Studio提供西裝上衣畀客人,大中細碼都一應俱全,唔洗自己拎衫去換。另外,亦有專業嘅化妝服務,即使唔預約化妝服務,呢度都有提供一啲化妝品同理髮用品畀你整理儀容,直髮器同捲髮器都有埋,勁貼心呀!


@yeeman1204

入到去攝影室,齋係打燈用嘅反光板都有幾塊,好專業㗎!攝影師會幫你影幾十張相,仲會教你點樣笑先影得自然啲,認真得嚟又好好玩!影完之後,攝影師仲會幫客人修圖,執到你滿意為止。喺等待攝影師執相同印相期間,可以喺休息室飲杯咖啡。全程大約1個鐘就完成㗎喇,但記得要先預預約,用英文send email去 provia3@naver.com 就得!

 

Sam Studio
地址:韓國首爾鐘路區鐘路區鐘閣站11號出口 (顯示地圖)
營業時間:平日10:00 – 19:30、假日10:00 – 18:00
證件相收費:₩30,000 / ₩70,000(附化妝服務)

 

📖延伸閱讀:【首爾購物】四大首爾必行地下街!江南、永登浦、蠶室、高速巴士站!

 

首爾文青景點|首爾行程第三日|仁寺洞 소개
@vietglobaltravel.com

影完證件相,不如去喺Sam Studio隔離嘅仁寺洞行下街啦!仁寺洞唔單止有好多野食,仲有好多野行添。仁寺洞喺朝鮮時代係官府同貴族兩班私宅密集嘅地方,有錢有地位嘅人先可以住喺呢度。喺日本佔領韓國期間,住喺呢度嘅貴族沒落,所以就將屋企最值錢嘅物品拎出嚟賣,好似字畫、瓷器等,慢慢呢度就演變成一條充滿古董店同畫廊嘅文化街喇!仁寺洞有好多橫街窄巷,入面充斥住好多特別小店,嚟到記得要去尋下寶喇!

 

仁寺洞 소개
地址:韓國首爾鐘路區仁寺洞 (顯示地圖)
交通:鍾路3街站步行5分鐘/安國站步行5分鐘。

 

首爾文青景點|首爾住宿攻略|首爾弗雷澤宮中心酒店
@Fraser Place Central Seoul Facebook Page

首爾弗雷澤宮中心酒店位於首爾嘅中區,去各區嘅景點都好方便。酒店房間好整潔同寬敞,買幾多戰利品都唔怕冇位擺!房間設備亦都好充足,又多設施,員工都好有禮貌,大推啊!

 

首爾弗雷澤宮中心酒店
地址:78, Tongil-ro, Jung-gu, Seoul, Korea (顯示地圖)
星級 | ★★☆☆☆  
位置 | ★★★★☆  
設施 | ★★☆☆☆  
環境 | ★★☆☆☆
價格 | 查看價格

 

首爾文青景點|首爾住宿攻略|沙威酒店

沙威酒店係一間性價比高嘅酒店,價錢唔貴,不過各方面都表現唔錯。喺地理交通上,酒店好近明洞地鐵站,步行5分鐘左右就到,想搭機場巴士行3分鐘就到,好方便!酒店有部分職員可以用英文同中文溝通,咁就唔怕雞同鴨講啦!

 

沙威酒店
地址:10, Myeongdong 8na-gil, Jung-gu, Seoul, Korea (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆
價格 | 查看價格

 

首爾文青景點|首爾住宿攻略|洛特 L7 明洞酒店

洛特 L7 明洞酒店設計好有現代感,感覺好年青好有個性!地理位置極佳,酒店好近明洞地鐵站,就係地鐵站旁邊。附近都有機場巴士站,去機場搭地鐵之外仲有多一個選擇!而且明洞大街就喺酒店附近,樓下又有便利店,行街買嘢食嘢方便到一個點呀!

 

洛特 L7 明洞酒店
地址:78, Tongil-ro, Jung-gu, Seoul, Korea (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆
價格 | 查看價格

 

首爾文青景點|首爾住宿攻略|明洞 28 號酒店

明洞 28 號酒店裝修風格帶點工業風,酒店嘅每一處設計都充滿風格!酒店房客只要拎住張key card去酒店部份餐廳同coffee shop消費都會有優惠。另外,酒店附近有好多24小時營業嘅舖頭、食肆,對面又有炸雞店,唔怕行街行得夜咗冇嘢食啦!

 

明洞 28 號酒店
地址:Jung-gu13, Myeongdong 7-gil, Seoul, Korea (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★★☆
價格 | 查看價格

 

📖延伸閱讀:【掃街地圖】冬季最新首爾必食美食排行榜2018
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【首爾文青一日遊】首爾影相好去處!(附文青打卡必去首爾Cafe之選)
📖延伸閱讀:【首爾自由行】編輯親試!五大傳統首爾韓屋入住報告連注意事項

 

Hotels.com 酒店優惠