定期送上世界各地最新、最地道嘅旅遊資訊!

【首爾自由行】編輯親試!五大傳統首爾韓屋入住報告連注意事項

煲開韓劇嘅你一定唔會對韓屋陌生,事關極多韓劇都會去韓屋村取景,由《冬季戀歌》、《鬼怪》到《個人取向》等,身為一個韓迷,去得首爾自由行,與其好似一般遊客咁樣齋參觀韓屋,緊係要入住埋傳統首爾韓屋,親身感受朝鮮時代嘅文化氣息先最正喇!

 

首爾自由行| 首爾韓屋推薦|蘇韓屋旅館

蘇韓屋旅館, 首爾

蘇韓屋旅館係四合院式設計嘅韓屋,距離景福宮同景福宮地鐵站都好近,而且客房都好乾淨整齊。最值得大讚嘅係民宿老闆娘高質服務態度,對房客照顧無微不至。每次返到韓屋,老闆娘都會提供果茶同埋傳統韓式零食,早餐仲會專登親自煮韓國年糕湯,非常之熱情好客!

 

蘇韓屋旅館

地址:KOR首爾13-4, Pirundae-ro 5ga-gil, Jongno-gu ( 顯示地圖 )
星級| ★★☆☆☆
位置| ★★★★★
設施| ★★★☆☆
環境| ★★★★ ☆
價格| 查看價格

 

首爾自由行| 首爾韓屋推薦|景福韓屋村24 號旅館

景福韓屋村24 號旅館, 首爾

景福韓屋村24號旅館喺2016重新裝修,可以話係5間韓屋入面最新淨嘅,呢度有客廳、廚房、飯廳,客廳仲有個超大嘅投影幕,佈置同設備都好有家的感覺!韓屋喺景福宮地鐵站附近,去景福宮、三清洞、北村、光化門、通仁市場等等嘅首爾景點都好方便,簡直係四通八達!重點係距離土俗村參雞湯只需3分鐘步程,去食埋超人氣參雞湯都好方便!

景福韓屋村24 號旅館, 首爾, 雙人房, 客房

 

景福韓屋村24 號旅館

地址:KOR首爾25, Jahamun-ro 5ga-gil, Jongno-gu ( 顯示地圖 )
星級| ★★☆☆☆
位置| ★★★★★
設施| ★★★★☆
環境| ★★★★☆
價格| 查看價格

 

首爾自由行| 首爾韓屋推薦|安博民宿

安博民宿, 首爾

安博民宿喺5間推介韓屋入面歷史最悠久嘅,由1912年落成到而家都keep得好好,堅係傳統韓屋!雖然有咁耐歷史,但係唔使擔心,一般設施好似冷氣、Wi-Fi、電視都好齊全。另外,韓屋負責人每日朝早8點半到10點仲會準時煮早餐俾我哋,唯一美中不足嘅係早餐係歐陸style。

安博民宿, 首爾, 家庭客房, 私人浴室, 客房

 

安博民宿

地址:KOR首爾Jongno-gu22-17 Samchung-ro ( 顯示地圖 )
星級| ★★☆☆☆
位置| ★★★★☆
設施| ★★★☆☆
環境| ★★★☆☆
價格| 查看價格

 

首爾自由行| 首爾韓屋推薦|Doo 民宿

Doo 民宿, 首爾, 住宿範圍

Doo民宿最特別嘅係提供韓服租借服務,可以俾小編著住韓服係傳統韓屋同花園瘋狂影相打卡,好正啊!而且由韓屋可以行去昌德宮同景福宮,一直沿路行去新村,行到尾段轉右就到景福宮,極之方便,難怪咁受遊客歡迎!


@dooguesthouse

 

Doo 民宿

地址:KOR首爾49-4, Gyedong-gil, Jongno-gu ( 顯示地圖 )
星級| ★★☆☆☆
位置| ★★★★☆
設施| ★★★☆☆
環境| ★★★★☆
價格| 查看價格

 

首爾自由行| 首爾韓屋推薦|西烏旅館

西烏旅館, 首爾

西烏旅館只有4間韓屋客房,環境清幽,旺中帶靜,而且提供獨立浴室同埋獨立起居室,比起一般要share廁所同客廳嘅韓屋私穩度更高。韓屋除咗近景福宮,去三清洞都好方便,可以係充滿文藝氣息嘅三清洞大街小巷裏面漫步,參觀小藝廊、咖啡店,體驗隱世首爾!

西烏旅館, 首爾, 豪華三人房(Ondol), 客房

 

西烏旅館

地址:KOR首爾16-5, Jahamun-ro 19-gil, Jongno-gu ( 顯示地圖 )
星級| ★★☆☆☆
位置| ★★★★★
設施| ★★★☆☆
環境| ★★★★ ★
價格| 查看價格

 

首爾自由行| 入住首爾韓屋注意事項

1.入住期間保持安靜,唔好高聲喧嘩、嬉戲或賭博
2.影相時避免使用閃光燈(特別喺韓屋民宅密集處)
3.最好喺日落前訪問,以免為周圍居民同其他訪客造成不便
4.愛護韓屋,妨止損壞洗手間、浴室等設施原型
5.注意明火或者吸煙等用火行為,因為大部分傳統韓屋都係由木造,需要極力避免火災發生

 

Hotels.com酒店優惠