定期送上世界各地最新、最地道嘅旅遊資訊!

【首爾夜市特輯】東大門設計廣場、清溪川廣場最新市集連附近住宿推薦

今時今日韓流當道,好多人一年唔去一次韓國自由行就會唔自在!去得韓國旅行,當然唔可以錯過夜市啦,韓國大部份嘅人氣小食都可以喺首爾夜市一次過搵到,所以今次就嚟一個首爾夜市特輯,推薦東大門設計廣場清溪川廣場嘅最新夜市比大家啦!

 

首爾夜市特輯 | 東大門設計廣場DDP

Image may contain: night and outdoor@DDP Facebook

東大門設計廣場前身係東大門運動場,經過改建之後,2014年正式開幕。東大門設計廣場更曾獲選紐約時報「2015年全球必去的52個旅遊景點」。銀灰色不規則流線型嘅外觀,睇落去好似一艘巨型太空船。

Image may contain: flower, plant and outdoor@DDP Facebook

東大門設計廣場入面有藝術廳、文化中心、創意市集,仲有商店、咖啡店等,集合咗文化活動、商務同購物休閒空間於一體,主館旁邊仲有LED燈玫瑰花海添。「來自星星的你」、「她很漂亮」等人氣韓劇曾經係度嘅取景,影相打卡一流!

 

東大門設計廣場DDP
地址:首爾市中區乙支路281 (顯示地圖)
開放時間:和諧廣場24小時開放
公休日:館內展覽 星期一休息
交通:地鐵2號線東大門歷史文化公園站1號出口

 

📖延伸閱讀:【首爾自由行】編輯親試!五大傳統首爾韓屋入住報告連注意事項

 

首爾夜市特輯 | 東大門 DDP 青春跑道市集

Image may contain: one or more people and outdoor@DDP Facebook

Image may contain: food and indoor@DDP Facebook

東大門平日夜晚都有好多小食攤檔,基於東大門係韓流服飾批發之地,嚟辦貨嘅人都係夜晚出動,所以到深夜周圍都會搵到嘢食醫肚。而由依家起到10月尾,「夜貓子夜市」再度回歸!會聚集更多街頭小食攤檔、文化活動演出,間中仲會有DJ 音樂表演㖭!

 

東大門 DDP 青春跑道市集
地址:首爾市中區乙支路281 (顯示地圖)
舉行日期:2018年3月30日-10月28日
舉行時間:星期五、六 6:00pm-11:00pm
交通:地鐵2號線東大門歷史文化公園站1號出口

 

📖延伸閱讀:【韓國自由行】仲去首爾近郊?大邱一日遊景點連行程攻略!

 

首爾夜市特輯 | 清溪廣場


@Flickr

清溪川是首爾市中心的一條人工河流,全長5.8公里。以前朝鮮太宗時代係用嚟疏導河水,不過到1950年代,清溪川就逐漸被覆蓋成暗渠。直到2003年7月被重新修復,令清溪川重見天日。而清溪廣場係清溪川水流嘅起點,經常舉辦文化活動,成為相當受歡迎嘅休息同文化空間。

 

@Flickr

燭火噴泉係清溪廣場另一個景點,有3色燈光照射嘅噴水同高4米嘅2段式瀑布,尤其係夜晚形成超夢幻嘅景觀。另外,仲有一個具代表性嘅Spring象徵塔座落係度,值得一睇!

 

清溪廣場
地址:首爾市鐘路區瑞麟洞14 (顯示地圖)
開放時間:24小時開放
交通:地鐵5號線光化門站5號出口

 

📖延伸閱讀:【Hotels.com大使推介】玩盡首爾新景點2018(附3日2夜行程推介)

 

首爾夜市特輯 |清溪廣場夜市


@首爾夜貓子夜市Official Website


@Korea Tourism Organization Official Website

「夜貓子夜市」今年亦都有嚟到清溪廣場!夜市主要係沿住清溪川兩旁嘅市集,同樣以美食車組成,當然仲有手作攤位啦!另外,清溪廣場定期仲會有季節市集,只係5月、8月、9月、10月舉行換季特賣市場,唔同季節有唔同嘅主題,真係可遇不可求!

 

清溪廣場夜市
地址:首爾市鐘路區瑞麟洞14 (顯示地圖)
舉行日期:2018年3月30日-10月28日
舉行時間:星期六 4:30pm-10:30pm,星期日 4:00pm-9:00pm
交通:地鐵5號線光化門站5號出口

 

清溪廣場季節市集
地址:首爾市鐘路區瑞麟洞14 (顯示地圖)
舉行日期:
2018年5月19-21日 – 噢!閃亮市集
2018年8月18-20日 – 夏! 閃亮市集
2018年9月15-17日 – 秋! 閃亮市集
2018年10月13-15日 – 你! 閃亮市集
舉行時間:星期五至星期日 6:00pm-11:00pm
交通:地鐵5號線光化門站5號出口

 

首爾東大門住宿推薦 | 東大門設計師酒店

酒店係2015年開幕,屬於同區比較新嘅酒店,外牆時尚感十足。酒店距離地鐵站只係3分鐘路程,仲要近東大門商區同東大門設計廣場,夠晒方便

 

東大門設計師酒店
地址:首爾市中區退溪路306 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆
價格 | 查看價格

 

📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!

 

首爾東大門住宿推薦 | 韓國酒店

酒店位於光化門廣場同清溪川附近,樓下就有機場巴士站,而附近又有地鐵,唔洗多講就知位置極佳啦!

 

韓國酒店
地址:首爾特別市中區世宗大路135太平路1街 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★☆☆
價格 | 查看價格

 

Hotels.com酒店優惠