定期送上世界各地最新、最地道嘅旅遊資訊!

【韓國紅葉預測2018】五大人氣首爾紅葉景點連秋遊首爾住宿推介!

每年十月到十一月,就係首爾紅葉盛開嘅季節,喺漫天紅葉紛飛嘅時分,最適合同另一半、好閨蜜或者屋企人一齊欣賞,感受秋去冬來嘅氛圍!小編今次為大家精選咗五大人氣首爾紅葉景點畀大家,想知首爾去邊到賞楓就唔好錯過喇!

 

📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

韓國紅葉2018|首爾紅葉景點|雪嶽山國立公園


@xelophon

如果問起韓國人睇首爾紅葉去邊好,相信唔少韓國人都會答你雪嶽山國立公園!雪嶽山係韓國知名嘅國家公園,亦係首爾最早有得欣賞紅葉嘅地方之一,每年大概九月尾至十月頭開始,樹葉就會開始染紅,去到十月中至尾就可以睇到遍山全紅嘅美景,所以每年都吸引唔少人上山欣賞紅葉!


@caleb.travel

雪嶽山亦被稱為「雪山」,因為冬天落雪嘅時候,連岩石都會沾上白雪,可以睇到白茫茫一片嘅雪景。企喺雪嶽山之上,除咗可以俯瞰腳下一大片紅葉林之外,仲可以一次過欣賞埋岩石、溪谷、瀑布等等嘅自然美景!

 

 

雪嶽山國立公園
地址:江原道束草市雪嶽山路雪嶽山國立公園 (顯示地圖)
交通:於首爾上鳳客運站乘搭往束草的直達巴士,於五色下車

 

韓國紅葉2018|首爾紅葉景點|景福宮

圖像中可能有山、天空、雲朵、戶外和大自然@Facebook

眾所周知景福宮係著韓服影相打卡嘅人氣景點,但其實呢度同時亦係觀賞首爾紅葉嘅人氣景點!景福宮除咗有紅葉睇,仲有金碧輝煌嘅銀杏!著住韓服去景福宮欣賞紅葉同銀杏,加上傳統韓式宮殿做背景,影返幾十張呃Like相都唔成問題!

 

景福宮
地址:首爾特別市鍾路區社稷路161 (顯示地圖)
交通:於3號線景福宮站5號出口步行前往
開放時間:09:00 – 18:00 (逢星期二閉館)

 

韓國紅葉2018|首爾紅葉景點|南怡島

圖像中可能有樹、植物、單車、戶外和大自然@Facebook

南怡島係另一個首爾人氣景點,每逢秋天時分,南怡島上嘅一整片木林都會染紅,加上好似遍地黃金嘅銀杏,影出嚟嘅相非常唯美!唔少韓劇曾經喺南怡島取景,包括當年風靡香港嘅藍色生死戀、冬季戀歌等等,去郊外呼吸新鮮空氣同時欣賞到美景,一舉兩得!

 

南怡島
地址:江原道春川市南山面芳荷里198 (顯示地圖)
交通:乘地鐡到清涼里地鐵站Cheongnyangni,再步行到清涼里火車站轉乘ITX火車至加平火車站 Gapyeong,到達後再轉乘官方循環巴士前往加平碼頭,後轉乘渡輪

 

韓國紅葉2018|首爾紅葉景點|首爾兒童大公園

圖像中可能有樹、植物、戶外、大自然和水@Facebook

首爾兒童大公園係首爾市內近近哋嘅賞紅葉好去處!公園總佔地達53萬平方米,呢度除咗可以睇到自然美景之外,仲有動物園、遊樂設施、兒童博物館等等,最適合帶埋小朋友一齊去,係首爾親子遊嘅好去處!公園入面都有一大片草地適合野餐,秋天最啱同埋三五知己一齊坐喺草地上,一邊賞楓一邊傾計!

 

首爾兒童大公園
地址:京畿道果川市大公園廣場路102 (顯示地圖)
交通:7號線兒童大公園站1號出口
開放時間:05:00 – 22:00

 

韓國紅葉2018|首爾紅葉景點|首爾天空公園

圖像中可能有植物、戶外和大自然@Facebook

秋天去首爾,除咗睇到紅葉之外,仲可以睇到金黃色嘅芒草!而講到首爾必去睇芒草地點,小編大推首爾天空公園!天空公園被譽為「首爾最接近天空嘅地方」,面積達19萬平方米,呢度有數以萬計嘅芒草,隨便影都可以影到風格相!想去天空公園,你先要經詔全長1.3公里嘅路程,當中需要行有接近三百級嘅樓梯,如果唔想行嘅朋友都可以選擇坐環保電動車上去。


@candyfloss.photo

亦有唔少人喺天空公園影結婚相,趁住黃昏日落之前嚟,仲可以影到magic moment!另外,每年10月中呢度會舉行首爾紫芒節,平時呢度夜晚唔會開放畀公眾,但紫芒節期間會特別開放夜晚時段,可以欣賞埋夜景!(今年嘅紫芒節實際日子尚未公佈。)

 

首爾天空公園
地址:首爾特別市麻浦區天空公園路95 (顯示地圖)
交通:地鐵6號線世界盃體育場站1號出口步行約20-30分鐘
開放時間:09:00 – 18:00

 

韓國紅葉2018|首爾住宿推介|明洞九樹 2 號頂級酒店明洞九樹 2 號頂級酒店, 首爾, 標準雙人房 (Bigger than most in Seoul), 客房

呢間酒店位於明洞附近,可以話係旺中帶靜,因為酒店並非位處明洞商圈,夜晚唔會太過嘈吵,但由酒店行去明洞只係大約10分鐘,非常方便!酒店客房空間寬敞,乾淨企理,無論一家大細定同親朋好友入住都非常適合。

 

明洞九樹 2 號頂級酒店
地址:28, Mareunnae-ro, Jung-gu, 中區, 04555 首爾, 韓國 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格

 

韓國紅葉2018|首爾住宿推介|首爾王子大酒店首爾王子大酒店, 首爾, 標準客房 (Twin Room A), 客房

首爾王子大酒店距離明洞地鐵站只有10米,正正就喺明洞購物街對面,地點非常方便!而且明洞好多商店、餐廳都開到好夜,部分餐廳更加通宵營業,無論幾點返到酒店都唔怕餓親!

首爾王子大酒店, 首爾, 套房 (Namsan tower view), 客廳

酒店房間空間非常大,部分房型仲有埋客廳,適合一家大細入住!

首爾王子大酒店
地址:130, Toegye-ro, Jung-gu, 中區, 04629 首爾, 韓國 (顯示地圖)
星級 | ★★★☆☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

 

Hotels.com酒店優惠