定期送上世界各地最新、最地道嘅旅遊資訊!

【韓國滑雪自由行2019】江原道滑雪一日遊!韓國滑雪渡假村、滑雪場推薦

 

韓國滑雪渡假村之中,以江原道滑雪場嘅娛樂設施最多!今次為大家準備咗韓國滑雪自由行Top 5 滑雪場攻略,準備去瘋狂滑雪啦!即刻上Blogshotels.com睇啦!

 

韓國滑雪自由行2019 | 人氣滑雪場 | 龍平渡假村滑雪場

龍平渡假村滑雪場
@龍平渡假村官網

韓國江原道平昌郡嘅龍平渡假村滑雪場因為享盡優越地勢同氣候條件,而成為韓國最早落成嘅現代化滑雪場,有「韓國阿爾卑斯山脈」之稱,更係電視劇《冬季戀歌》同《孤單又燦爛的神-鬼怪》嘅外景地,人氣歷久不衰!龍平渡假村滑雪場附近住宿選擇多,玩完可以即刻返酒店休息,非常之方便。

龍平渡假村滑雪場_2
孤單又燦爛的神-鬼怪

一邊滑雪,一邊感受《冬季戀歌》同《孤單又燦爛的神-鬼怪》嘅浪漫氛圍,別有一番體驗,令旅程倍加難忘。

 

韓國滑雪自由行2019 | 住宿推介 | 龍之谷龍平度假村酒店

 龍之谷龍平度假村酒店

龍之谷龍平度假村酒店一出門口就係滑雪場,啱晒一家大細嚟玩嘅朋友!另外,鄰近酒店有便利店,附近亦有Town Plaza,入面有咖啡店、炸雞pizza店等等,去到邊就食到邊!

龍之谷龍平度假村酒店_2

酒店布置整潔企理,床鋪舒適,當然房間內仲有暖氣同地熱,唔驚會凍親。

 

龍之谷龍平度假村酒店
地址:715, Olympic-ro, Daegwallyeong, 平昌, Gangwon, 232-950, 南韓 (顯示地圖)
星級 | ★★★★☆
位置 | ★★★★★
設施 | ★★☆☆☆
環境 | ★★★★☆
價格 | 查看價格  

 

韓國滑雪自由行2019 | 人氣滑雪場 | Alpensia滑雪渡假村

Alpensia滑雪渡假村
@Alpensia渡假村滑雪場官網

Alpensia渡假村滑雪場所在地高達海拔700米,可以眺望大關嶺嘅美麗風景,而且雪質勁好。六條滑雪道由初級到高級都有齊晒,啱晒唔同level嘅滑雪客!Alpensia滑雪場喺非滑雪季嘅時候,滑雪道下面嘅緩衝區域會設置成一個大約10萬平方米嘅野生植物花園,無論幾時嚟,都有靚景睇。

 

韓國滑雪自由行2019 | 住宿推介 | 亞洲阿爾卑斯平昌假日酒店

亞洲阿爾卑斯平昌假日酒店

Alpensia渡假村園區入面嘅假日酒店(Holiday Inn)結合咗SPA嘅元素,每間客房都備有高級嘅SPA設施。酒店仲有專業芳療師助陣,為客人提供貼心嘅護理同按摩服務,滑完雪去嘆一嘆,立即將攰嘅感覺一掃而空!

亞洲阿爾卑斯平昌假日酒店_2

客房色調平和簡約得來,又顯高貴,無不必要的裝飾品,而且設施非常新淨。

 

亞洲阿爾卑斯平昌假日酒店
地址:325, Solbong-ro Daegwallyeong-myeon, 平昌, Gangwon, 232-952, 南韓 (顯示地圖)
星級 | ★★★★☆
位置 | ★★★★☆
設施 | ★★★☆☆
環境 | ★★★★☆
價格 | 查看價格  

 

韓國滑雪自由行2019 | 人氣滑雪場 | 維瓦爾第公園滑雪世界

維瓦爾第公園滑雪世界
@維瓦爾第公園滑雪世界官網

維瓦爾第公園滑雪世界係韓國第一個夜間營運嘅滑雪場,所以好受年輕人歡迎㗎!滑雪道以Hip Pop、Techno、Funky等等嚟命名,滑雪道嘅彎度都經過特別設計,啱晒鐘意刺激感嘅朋友!

 

韓國滑雪自由行2019 | 住宿推介 | 慶州大明渡假村

慶州大明渡假村

維瓦爾第公園滑雪世界附近嘅慶州大明渡假村景觀開揚,旁邊仲有一條櫻花小徑,超有feel。而酒店房入面有個小廚房,烹煮設備齊全,可以一家大細一齊煮飯仔。酒店仲有咖啡店、超市,遊樂間、K房、餐廳等設施,好齊全呀!

慶州大明渡假村_2

房間景致開揚,仲有小揚台可以欣賞風景,喺風和日麗嘅日子又可以感受太陽溫暖,同家人一齊出遊感覺好溫馨。

 

慶州大明渡假村
地址:402-12, Bomun-ro, 慶州, North Gyeongsang, 南韓 (顯示地圖)
星級 | ★★★★☆
位置 | ★★★★★
設施 | ★★★☆☆
環境 | ★★★★★
價格 | 查看價格  

 

韓國滑雪自由行2019 | 人氣滑雪場 | High 1滑雪渡假村

High 1滑雪渡假村
@High 1滑雪渡假村官網

High 1滑雪渡假村有18條滑雪道,另有一條長4.2公里嘅緩坡滑雪道,初學者都可以搭空中纜車去山頂輕鬆滑雪!呢度仲有設計俾殘障人士嘅滑雪道,務求所有旅客都可以輕鬆享受滑雪嘅樂趣!

 

 

韓國滑雪自由行2019 | 住宿推介 | 江原樂園酒店

江原樂園酒店

無理由全個旅程都只係滑雪咁悶掛?江原樂園酒店入面就有好多娛樂設施,有賭場、戲院同餐廳,全日留喺酒店都唔怕悶親啦!

江原樂園酒店_2

房間內部設計就比較老派,不過勝在夠闊落,住得舒適。

 

江原樂園酒店
地址:265, High1-gil, Sabuk, 旌善, Gangwon, 南韓 (顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

韓國滑雪自由行2019 | 人氣滑雪場 | Elysian江村滑雪場

Elysian江村滑雪場
@Elysian江村滑雪渡假村

Elysian江村滑雪渡假村好近首爾,只需要一個鐘車程就可以去到,亦係韓國唯一一個可以搭乘電車前往嘅滑雪場,交通就最為方便!滑雪場有十條滑雪道,分為初、中、高級,而其中八條滑雪道係為初、中級者而設,初學者都大把樂趣呀!

 

韓國滑雪自由行2019 | 住宿推介 | 江村樂土酒店

江村樂土酒店
@江村樂土酒店官網

位置喺正滑雪場隔離,江村樂土酒店有部分房間仲有得望到雪景𠻹!酒店仲有接駁巴士,由白楊里車站直接車你到酒店,夠晒方便!小法國村、南怡島等景點只係離白楊里站幾個站,隨時去玩都好近㗎!

江村樂土酒店_2
@江村樂土酒店官網

 

江村樂土酒店
地址:688, Bukhangangbyeon-gil, Namsan-myeon, 春川, Gangwon, 200-914, 南韓(顯示地圖)
星級 | ★★★★★  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格  

 

📖延伸閱讀:【去旅行用韓國App】超實用!韓國旅遊app + 自由行首爾App推薦
📖延伸閱讀:【南怡島一日遊】首爾近郊 — 南怡島景點行程攻略 + 南怡島飛索Q&A!
📖延伸閱讀:【最新首爾cafe推薦】隱藏文青聚腳地!明洞cafe + 弘大cafe推薦列表2019!
📖延伸閱讀:【首爾市場搵食攻略】首爾廣藏市場美食大全 (當地人推薦首爾生牛肉、生章魚餐廳)

 

Hotels.com酒店優惠Hotels.com酒店優惠