定期送上世界各地最新、最地道嘅旅遊資訊!

【The Package法國景點】帶你遊走必去韓劇The Package拍攝地點!

韓劇The Package喺香港熱播,劇中大部分場景都係喺法國拍攝,觀眾除咗可以欣賞錯綜複雜嘅劇情之外,仲可以欣賞法國迷人嘅景色。今次小編就帶大家一一細數The Package第1-4集出現過嘅法國景點!

(鄭容和飾演單馬陸 李沇熹飾演尹笑笑)


📖延伸閱讀:
【巴黎自由行】巴黎Outlet攻略!La Vallée Village必買特輯!
📖延伸閱讀:【巴黎美食地圖】朝聖人氣法國巴黎必食甜品店


韓劇 The Package拍攝地點|The Package 第一集|巴黎市區一日遊

第一集,單馬陸因為佢個名同一個曾經喺法國性騷擾人嘅罪犯同名,搞到成個旅行團嘅團友都要等佢,所以令到導遊尹笑笑冇得帶佢哋去凱旋門香榭麗大道行街街。不過唔緊要,就等小編帶你嚟個巴黎市區一日遊啦!


韓劇 The Package拍攝地點|巴黎市區一日遊|香榭麗舍大道

@Flickr

香榭麗舍大道係巴黎著名嘅景點之一,由凱旋門嘅西面一直延伸到巴黎嘅商務區。香榭麗舍大道除咗係巴黎其中一條最主要嘅道路之後,亦係一條名店街,你講得出嘅名牌都有,絕對係女士們嘅天堂呀!

 

香榭麗舍大道
地址:Av. des Champs-Élysées, 75008 Paris, France (顯示地圖)


韓劇 The Package拍攝地點|巴黎市區一日遊|凱旋門

@Flickr

凱旋門係為咗迎接拿破崙凱旋回歸而起嘅門。但係好可惜,凱旋門未起好,拿破崙就已經過咗身,只係留低呢個舉世聞名嘅建築物。凱旋門嘅頂樓有個觀景台,夜晚上去就可以影到巴黎鐵塔同巴黎市夜景嘅靚相喇!

 

凱旋門
地址:Place Charles de Gaulle, 75008 Paris, France (顯示地圖)


韓劇 The Package拍攝地點|巴黎市區一日遊|巴黎鐵塔

@Flickr

一講起法國,最具代表性嘅一定係巴黎鐵塔巴黎鐵塔建於1889年,除咗係法國為咗迎接世界博覽會同埋紀念法國大革命100週年而建,背後仲有一個好浪漫嘅故事。相傳巴黎鐵塔嘅設計師-艾菲爾先生,應承過佢太太要起一座高塔,企喺離天堂最近嘅地方同佢講「我愛你」,而呢個咁浪漫嘅愛情故事亦令巴黎鐵塔成為一個愛情嘅象徵。到咗夜晚,巴黎鐵塔仲會亮燈,成個鐵塔閃嚇閃,勁浪漫呀!

 

雖然巴黎鐵塔係巴黎嘅地標之一,但係原來當時建造嘅時候,好多巴黎嘅藝術家十分反對喺呢度起一座咁高嘅鐵塔,特別係作家莫泊桑。但係巴黎鐵塔起好之後,佢竟然成為左巴黎鐵塔餐廳嘅常客,啲人都覺得好奇怪,就問佢點解當時咁反對依家仲要來呢度,之後佢就話係全巴黎,見唔到巴黎鐵塔嘅地方只係得呢度,所以佢就成日呢度喇。

 

巴黎鐵塔
地址:Champ de Mars, 5 Avenue Anatole France, 75007 Paris, France (顯示地圖)

 

📖延伸閱讀:【Grad Trip窮游歐洲】法國巴黎景點、巴黎博物館慳錢大法!
📖延伸閱讀:【Grad Trip玩到盡】歐洲之星倫敦、巴黎、布魯塞爾景點懶人包! (連票務行李全攻略)


韓劇 The Package拍攝地點|The Package 第二集|夜遊塞納河、蒙馬特高地

第二集講到單馬陸同尹笑笑兩個人夜晚喺巴黎街頭撞到,之後尹笑笑就帶咗單馬陸去夜遊塞納河

 

韓劇 The Package拍攝地點|夜遊塞納河、蒙馬特高地|塞納河

@Flickr

「巴黎,一切從塞納河開始」塞納河係法國第二大河。到16世紀中期為止,塞納河上面只係得兩座橋,因為呢兩座橋太舊同埋太過擠迫,所以就另外起咗一座橋,叫做新橋,亦係巴黎歷史最悠久嘅橋。塞納河流經巴黎同埋魯昂,流向英佛海峽,總長776公里,平均水深8米,淨係喺巴黎都已經有37座橋喺塞納河畔上面,而大部份嘅橋都可以直接嚟到河邊,所以嚟巴黎嘅遊客全部都會以塞納河作為背景影相打卡㗎!

 

韓劇 The Package拍攝地點|夜遊塞納河、蒙馬特高地|蒙馬特高地

@Flickr

蒙馬特本來係巴黎嘅一個外交村,喺1870年嘅時候被編入成為巴黎地界。蒙馬特被指定為免稅地區之後,好多低收入人士都聚集喺呢度,之後亦都成為左娛樂之地。紅風車、磨坊、狡兔酒吧等等嘅夜總會好出名。19世紀嘅時候,馬奈、莫內、梵高、塞尚、畢加索等貧窮落泊嘅印象派畫家通通都湧咗嚟呢度,喺度畫畫同賣畫嚟維持生計,所以好多藝術家依然都會係呢度活動,呢度亦都成為咗而家嘅藝術之街。

 

@Flickr

蒙馬特高地有一間聖心堂,係為咗紀念為巴黎公社運動犧牲嘅人而建立嘅。聖心堂同其他教堂嘅外表好唔一樣,聖心堂係拜占庭建築風格,係同土耳其伊斯坦布爾嘅聖蘇菲亞大教堂一樣。

另外,蒙馬特高地有一個免費觀景台,可以望晒成個巴黎。如果嚟到一定要來呢度睇哂成個巴黎呀!


蒙馬特高地

地址:Montmartre, 75018 Paris, France (顯示地圖)

 

📖延伸閱讀:【法國自由行】慢活法國南部—尼斯、蔚藍海岸必食、行程懶人包
📖延伸閱讀:【巴黎酒店點揀好】$600蚊有找!巴黎住宿推薦(巴黎住宿安全常見問題)


韓劇 The Package拍攝地點|The Pacakge第三集|梵高墓地


@Flickr

第三集尹笑笑就帶咗團友去瓦茲河畔歐韋,參觀梵高嘅墓地。梵高係一個荷蘭畫家,佢有一個好傳奇嘅人生。梵高嘅細佬係一個賣畫嘅人,佢細佬用盡佢一生嘅時間,想將梵高嘅作品可以宣揚開去,但係始終都係冇人認受。雖然梵高嘅作品,喺佢死後變為神作,但係好可惜佢冇機會可以睇到自己成功嘅一日。瓦茲河畔歐韋呢度有好多梵高作品嘅參考場地,好似「奧貝爾教堂」、「有烏鴉的麥田」等等,梵高嘅fans記得要嚟啦!


梵高墓地
地址:Rue Emile Bernard, 95430 Auvers-sur-Oise, France (顯示地圖)

 

韓劇 The Package拍攝地點|The Package第四集|聖米歇爾山兩日遊

第四集所有場景都喺聖米歇爾山度拍攝,聖米歇爾山係法國西北面嘅一個岩石小島,島上有多個文化遺產同宗教建築,所以係天主教徙嘅朝聖之地,同時亦喺1979年被聯合國列為世界文化遺產。

 

韓劇 The Package拍攝地點|聖米歇爾山兩日遊|特拉斯布拉德酒店

@ Facebook

第四集一開始,單馬陸安慰完尹笑笑之後,佢哋去咗一間酒吧拎酒飲,其實嗰間石牆嘅屋仔並唔係一間酒吧,而係一間位於聖米歇爾山心臟地帶嘅酒店。酒店外牆以石頭堆砌,外表恰似一間古老大屋,難怪套劇都喺酒店門口取景。酒店達三星級,客戶佈置簡單而溫馨,比到住客一個家嘅感覺,係聖米歇爾山住宿嘅其中一個好選擇。

 

➡特拉斯布拉德酒店⬅
地址:Grande rue BP 18,聖米歇爾山, Manche, 50170,法國HK$682起


📖延伸閱讀:
【柏林自由行】必去柏林景點推介!Top 3人氣柏林打卡精品咖啡店連美食推薦!
📖延伸閱讀:【法蘭克福景點攻略】家品控必買!三大法蘭克福家品店

 

韓劇 The Package拍攝地點|聖米歇爾山兩日遊|聖米歇爾山修道院

@ Flickr

聖米歇爾山修道院係聖米歇爾山嘅必去景點之一,亦係法國第一個被聯合國教科文組織指定為世界遺產嘅地方。修道院非常壯觀,四周並無任何建議物,喺一望無際嘅大海同藍天白雲襯託之下,修道院更顯宏偉!修道院已經有1300年歷史,喺法英百年戰爭期間,呢度係唯一一個冇被英軍佔領嘅地方,所以呢度對法國人而言,係聖地中嘅聖地。

 

@ Flickr

修道院嘅屋頂有一個大天使米迦勒嘅銅像。其實修道院背後,有一個故事:大天使米迦勒多次出現喺奧貝爾主教嘅夢入面,下令要興建修道院,但主教認為只係一個夢境,不以為然;米迦勒後嚟多次出現喺主教嘅夢入面,其中一次更加用手指壓他的額頭,話佢不可教化,主教從夢中驚醒,之後就下令興建修道院。

 


@Instagram

大家可以學The Package旅行團,未行去修道院之前喺外面影張全景相先!

聖米歇爾山修道院
地址:Mont Saint-Michel, 50170, France (顯示地圖)


韓劇 The Package拍攝地點|聖米歇爾山兩日遊|La Mere Poulard Restaurant


@takeo_n 

The Package去完修道院之後,去咗La Mere Poulard Restaurant 食午餐。奶酥雞蛋餅係餐廳必食之選,雞蛋餅口感香滑,包你一試難忘!不過餐廳價錢略貴,一個人大約要25-35歐元,但難得去到法國旅行,貴少少都要試下聞名嘅雞蛋餅!


La Mere Poulard Restaurant
地址:Grande Rue, 50170 Le Mont-Saint-Michel, France (顯示地圖)

 

韓劇 The Package拍攝地點|聖米歇爾山兩日遊|杜蓋斯克蘭故居

View this post on Instagram

😆🤣🤣😂😂 Drama: #ThePackage (working title) Revised romanization: #DeoPaekiji Hangul: #더패키지 Genre: drama Director: Writer: Chun Sung-Il Network: #JTBCDrama Episodes: 12 Release Date: 2017-Oct-13 — Runtime: Language: Korean Country: South Korea Plot & Cast Yoon So-So (#LeeYeonHee) works as a travel guide in France. She leads a group of tourists on a package tour. The travelers all have their own stories. San Ma-Roo (#JungYongHwa) joined the tour after being dumped by his girlfriend. Kim Gyung-Jae (#ChoiWoSik) has been dating for the past 10 years. A mysterious man (#YoonPark) seems to follow Yoon So-So. Jung Yeon-Sung (RyuSeungSoo) joined the package tour with a partner, but he will not reveal what kind of relationship they are in. Han So-Ran (#HaShiEun) is a web designer and agonizes over staying single or marriage. Oh Gab-Soo (JeongGyuSu) is extremely stubborn. Han Book-Ja (LeeJiHyeon) spent most of her life taking care of her husband. Na Hyun (ParkYooNa) is a woman whom other people cannot guess her age. They all do not want to become involved in each other's personal lives, but, while they travel together, they become closer and develop relationships. Cast Main Cast Lee Yun Hee as Yoon So So Jung Yong Hwa as San Ma Roo Choi Woo Shik as Kim Kyung Jae Yoon Park as mysterious man Ryu Seung Soo as Jun Yun Sung Others Ha Si Eun as Han So Ran Jung Kyu Soo as Oh Gap Soo Park Yoo Na as Na Hyun Choi Kwang Je Production Credits Production Company: JYP Pictures (JYP픽쳐스), Dramahouse Director: Jun Chang Geun Screenwriter: Chun Sung Il Sss #lsg_ThePackageDrama #lsg_JungYongHwa @jyheffect0622 #lsg_LeeYeonHee #lsg_ChoiWoSik @dntlrdl #lsg_YoonPark @jjongharmonyhappyyoonibagi #lsg_HaShiEun @haase428 #lsg_Video #lsg_VideoThePackage //// #LSG_FUNNYSCENE #LSG_BESTSCENE ##lsg_romanticscene #KoreanStar estDrama NewDrama #KoreanDrama #kdramascenes #KDramas #DramaFever #Drama #KoreanDramas allkdrama #dramas #DramaKorea Cr: #DramaFever #lsg_bestmoment

A post shared by Korean Drama Official (@kdrama.official) on

第四集最令人深刻嘅情節,相信係單馬陸帶上貞操帶除唔返嘅一幕!其實嗰度係伯特蘭杜蓋斯克林騎士嘅屋企,以中國古代嚟計即係當時嘅將軍。故居維持中世紀嘅面貌,好多當時用嘅物品都保存得好好,喺度可以一探當時法國人生活嘅面貌。而劇中提及嘅貞操帶,當時戰爭期間,男士要出征抵抗外敵入侵,為咗防止老婆會出軌,所以會叫佢哋帶上貞操帶,直至老公凱旋歸來先會解鎖。好奇害死貓,單馬陸因為好奇而帶上,搞到除唔返,最後更加要苦等五個鐘,等鎖匠從巴黎搭車趕嚟為佢開鎖,非常爆笑!

 

📖延伸閱讀:【德國遊記】此境只應天上有!德國國王湖交通、住宿攻略!
📖延伸閱讀:【迪士尼城堡藍本】德國必去!舊、新天鵝堡交通行程攻略懶人包!

 

韓劇 The Package拍攝地點|聖米歇爾山必住酒店|綠色方程式酒店

一行入呢間位處聖米歇爾山嘅酒店就好似行咗入一幅畫咁,因為酒店櫃檯同早餐區都運用咗好多七彩嘅顏色去佈置,如果你坐喺大堂入面影張相,喺色彩繽紛嘅傢俱襯托底下,你就好似油畫中嘅主角一樣,成為藝術嘅一部份。


@hotels qantas

色彩豐富亦都延伸到酒店房內,牆身、櫈同埋地氈唔同顏色嘅matching,令房間更加有層次感,加上房內掛上唔同嘅油畫,增添藝術氣息,難怪法國成為文藝發展嘅重心之地。酒店床身乾淨又夠大,米九都唔會畀牆頂到腳,大字形攤喺張床度都冇問題,非常舒適!

綠色方程式酒店
地址:Route du Mont Saint-Michel, La Caserne, 50170 Le Mont-Saint-Michel, 法國 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆
價格 | 查看價格  

 

韓劇 The Package拍攝地點|聖米歇爾山必住酒店|勒布朗羔羊酒店
@Hotel le Mouton Blanc official Website

勒布朗羔羊酒店係一間保留舊式建築嘅酒店,由外面石牆身你已經可以見到酒店嘅招牌羔羊,而入到大堂就會見到淡黃色嘅油漆牆,再配合埋大理石同木嘅設計,復古味濃厚。而喺餐飲區更加可以欣賞到勒蒙聖米舍嘅畫作,完全感受到聖米歇爾山嘅地道藝術文化同氣息。

@Hotel le Mouton Blanc official Website

酒店房喺古舊嘅環境之下裝修得好現代化,喺床頭會見到聖米歇爾山嘅掛畫,配合埋柔和嘅燈光,充滿現代設計感。房間空間亦都恰到好處,酒店勝在喺聖米歇爾山修道院附近,去附近景點都非常方便。


勒布朗羔羊酒店

地址:Grande Rue, 50170 Le Mont-Saint-Michel, 法國 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格 

 

韓劇 The Package拍攝地點|巴黎必住酒店|巴黎泡沫酒店



@Facebook

小編介紹完兩間聖米歇爾山必住酒店,接落嚟就介紹一間巴黎市中心嘅酒店。呢間酒店正如佢個名一樣,係以酒精嘅氣泡做主題,玩味十足之餘又不失高貴優雅嘅感覺。酒店大堂用咗紅黑做主色,亦都會喺櫃檯見到一個女人飲香檳嘅畫作,帶出酒店風格。


@Facebook

呢間酒店亦都好特別,可能同氣有關,佢有個自家桑拿室。


@Facebook

「 Life was like a box of chocolates. You never know what you’re gonna get.」酒店房方面就好似抽獎一樣,因為呢度有唔同顏色嘅主題房,同樣每間房都係以氣泡作為主題,酒店主題貫徹每個角落。而且房嘅床頭畫仲會有泡泡特效,甚至廁所都有!

巴黎泡沫酒店
地址:32 Rue des Écoles, 75005 Paris, 法國(顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格

 

📖延伸閱讀:【意大利自由行】意大利五漁村遊記-必去景點彩色小屋逐個捉!
📖延伸閱讀:【西西里島自由行】帶你去意大利行街市!連西西里手信攻略!
📖延伸閱讀:【倫敦必食精選】三大靚景倫敦餐廳推介!
📖延伸閱讀:【羅馬自由行】$600有找!意大利羅馬住宿酒店推薦!
📖延伸閱讀:【英國自由行】廢棄公廁改造人氣倫敦餐廳酒吧


Hotels.com
酒店優惠