定期送上世界各地最新、最地道嘅旅遊資訊!

【釜山自由行】韓國釜山必食、必玩、必去景點!

除咗首爾,韓國仲有好多好玩嘅地方,而釜山就係其中一個喇!就等小編同大家韓國釜山必食、必玩、必去景點,發掘下韓國其他好玩嘅地方!

 

釜山必食海鮮饗宴-札嘎其市場


@pin731104

釜山係韓國最大嘅海港都市,而札嘎其市場就係全韓國最具代表性嘅海產市場。札嘎其市場由19世紀末開始營業,而家30至50%嘅海產、海鮮、乾魚貨等都係經呢度流通至全韓國。漁民喺釜山附近沿海一帶捕完漁就會即刻喺札嘎其市場度賣,一年四季各種海鮮漁貨應有盡有!亦因為啲海產太新鮮,所以喺度幾乎聞唔到魚腥味!


@ yting01

一場嚟到緊係要試下啲海產有幾新鮮啦!喺札嘎其市場出面有一條小食街,販賣各式各樣嘅新鮮海產,好似刺身、烤魚、火烤鰻魚等等嘅美食同海產料理。由小食街食到入魚市場,包你食到捧住個肚走啊!啲海產好食到停唔到,想帶返香港慢慢食?咁就要去埋喺札嘎其市場附近嘅乾魚貨市場掃貨喇!呢度有深受香港遊客歡迎嘅紫菜、調味料、魷魚、乾元貝等各種乾魚貨,買返香港做手信,同朋友一齊分享就最啱!

 

札嘎其市場
地址:釜山市中區南浦洞 (顯示地圖)
開放時間:05:00 – 22:00
交通:地鐵1號線札嘎其站10號出口/南浦洞站2號出口,步行3分鐘

 

🏨Top 10釜山酒店住宿推介HK$246起 *安心價格保證*
[松亭亞甲酒店 HK$246起, 東橫 INN 釜山站 2 號 HK$312起, 廣安獵犬酒店 HK$504起]

 

釜山必玩體驗-五六島Skywalk

@釜山南區文化觀光網

五六島Skywalk位於韓國東海同南海交界嘅五六島上。五六島Skywalk位於高達35米嘅懸崖上面,呈馬蹄型,全長15米嘅玻璃道。企係玻璃道上面,可以透過腳下嘅透明玻璃,清楚見到海浪拍岸邊,好刺激㗎!天氣好嘅時候,仲可以喺五六島Skywalk望到日本嘅對馬島添!


@jesp_105

 

五六島Skywalk
地址 : 釜山廣域市南區龍湖洞山202番地(顯示地圖)
開放時間:09:00 – 18:00
交通:27號巴士到總站
門票:免費

 

🏨Top 10釜山西面街附近酒店住宿推介HK$401起 *安心價格保證* 
[海雲台 S 商務酒店 HK$401起, 理想酒店 HK$441起, 塔山酒店 HK$567起]

 

釜山必去景點-海雲臺觀光特區

@Flickr

海雲臺係韓國其中一個最出名嘅海灘,呢度唔單只係韓國最大嘅夏日渡假聖地,連春、秋、冬季都會舉行好多大型活動,好似釜山國際電影節、國際遊艇大賽、海雲臺迎日節等等,係一個一年四季都咁多彩多姿嘅地方,當然係釜山必去景點啦!


@cheol.photodiary

海雲臺觀光特區海雲臺海水浴場為中心,呢度可以玩各種水上活動,吹下海風,人都特別爽。除咗海雲臺海水浴場,觀光特區特區入面仲有美術館、水族館、海水溫泉、百貨公司、購物中心等,吃喝玩樂一應俱全,留喺度玩全日都唔怕悶啦!

 

海雲臺觀光特區
範圍 : 海雲臺區佑洞、中洞、松亭洞、栽松洞Centum City地區

 

Hotels.com 酒店優惠

睇到呢度,係咪想即刻book機票去釜山玩呢?點樣先可以用至抵價錢book酒店?上Hotels.com 攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!