定期送上世界各地最新、最地道嘅旅遊資訊!

【釜山自由行】韓國釜山自駕遊必食、必玩、必去景點!

 

除咗首爾,韓國仲有好多好玩嘅地方,而去釜山自駕遊就係其中一個喇!就等小編同大家介紹韓國釜山自由行必食、必玩、必去景點,發掘下韓國其他好玩嘅地方!即刻上Blogshotels.com睇啦!

 

釜山自由行 | 韓國釜山自駕遊必食景點 | 札嘎其市場


@pin731104

釜山係韓國最大嘅海港都市,而札嘎其市場就係全韓國最具代表性嘅海產市場。札嘎其市場由19世紀末開始營業,而家30至50%嘅海產、海鮮、乾魚貨等都係經呢度流通至全韓國。漁民喺釜山附近沿海一帶捕完漁就會即刻喺札嘎其市場度賣,一年四季各種海鮮漁貨應有盡有!亦因為啲海產太新鮮,所以喺度幾乎聞唔到魚腥味!


@ yting01

一場嚟到緊係要試下啲海產有幾新鮮啦!喺札嘎其市場出面有一條小食街,販賣各式各樣嘅新鮮海產,好似刺身、烤魚、火烤鰻魚等等嘅美食同海產料理。由小食街食到入魚市場,包你食到捧住個肚走啊!啲海產好食到停唔到,想帶返香港慢慢食?咁就要去埋喺札嘎其市場附近嘅乾魚貨市場掃貨喇!呢度有深受香港遊客歡迎嘅紫菜、調味料、魷魚、乾元貝等各種乾魚貨,買返香港做手信,同朋友一齊分享就適合不過啦!

 

札嘎其市場
地址:釜山市中區南浦洞  (顯示地圖)
開放時間:05:00 – 22:00
交通:地鐵1號線札嘎其站10號出口/南浦洞站2號出口,步行3分鐘

 

釜山自由行 | 韓國釜山自駕遊必玩景點 | 五六島Skywalk

@釜山南區文化觀光網

位於韓國東海同南海交界嘅五六島上嘅五六島Skywalk係釜山當地其中一個非常有特色嘅必玩景點。五六島Skywalk位於高達35米嘅懸崖上面,呈馬蹄形狀。

企係全長15米嘅玻璃地面上面,你可以透過腳下嘅透明玻璃清楚見到蔚藍大海,直頭好似自己真係喺海上面行咁樣,非常刺激㗎!如果天氣好嘅時候嚟到,你仲有機會可以喺一望無際嘅五六島Skywalk眺望到日本嘅對馬島㖭!


@jesp_105

 

五六島Skywalk
地址 : 釜山廣域市南區龍湖洞山202番地 (顯示地圖)
開放時間:09:00 – 18:00
交通:27號巴士到總站
門票:免費

 

釜山自由行 | 韓國釜山自駕遊必去景點 | 海雲台觀光特區

@Flickr

海雲台係韓國其中一個最出名嘅海灘,亦都係韓國最具代表性嘅休閒度假勝地!海雲台呢度唔單只係韓國最大嘅夏日渡假聖地,連春、秋、冬季都會舉行好多大型活動,好似亞洲最大規模嘅影展釜山國際電影節、國際遊艇大賽同埋海雲台迎日節等等,係一個一年四季都咁多彩多姿嘅地方,當然係釜山必去景點啦!


@cheol.photodiary

海雲台觀光特區海雲台海水浴場為中心,呢度提供各式各樣嘅水上活動畀你享受陽光與海灘,吹吹海風,人都特別爽啊!另外,呢度最出名嘅活動仲有餵海鷗,你可以喺呢度餵下海鷗,同伴侶海邊漫步享受動人時光,好浪漫㗎!

除咗海雲臺海水浴場,觀光特區特區入面仲有美術館、水族館、海水溫泉、百貨公司、購物中心等,吃喝玩樂一應俱全,留喺度玩全日都唔怕悶啦!其中,最特別嘅可以數到海水浴場隔離嘅SEA LIFE釜山水族館,佢唔單止係全韓國最大嘅水族館,而且更加設有餵鯊魚呢個咁獨特嘅活動,等你可以近距離接觸館內嘅虎鯊,鍾意刺激嘅朋友一定唔可以錯過!

海雲臺觀光特區
範圍 : 海雲臺區佑洞、中洞、松亭洞、栽松洞Centum City地區

 

📖延伸閱讀:釜山自由行!釜山景點連海景住宿推薦

 

釜山自由行住宿推薦 | Aventree 釜山酒店

Aventree 釜山酒店

Aventree釜山酒店2

Aventree釜山酒店嘅位置非常優秀,一落樓下已經係商店街,要買乜嘢韓國手信都有!另外,你亦可以喺酒店房間裡面眺望著名觀光景點釜山塔,特別係夜晚嘅時候欣賞呢度嘅獨有夜景,別有一番風味㗎!

 

Aventree 釜山酒店
地址:KOR釜山12-1, Changseon-dong 1-ga, Jung-gu(6, Gwangbok-ro 39beon-gil) (顯示地圖)
星級 | ★★★☆☆   
位置 | ★★★★☆   
設施 | ★★★☆☆   
環境 | ★★★☆☆  
價格 | 查看價格

 

釜山自由行住宿推薦 | 釜山皇冠海港酒店

釜山皇冠海港酒店

釜山皇冠海港酒店2

想喺釜山住一間海景酒店,釜山皇冠海港酒店係一個好選擇!位處釜山港碼頭附近嘅釜山皇冠海港酒店坐擁無敵大海景,喺酒店房都可以享受到呢個令人陶醉萬分嘅景色!另外,酒店同釜山塔以及南浦洞商圈距離都只不過大約10分鐘腳程,往來釜山自由行必到景點都非常方便!

 

釜山皇冠海港酒店
地址:KOR釜山114, Jungang-daero, Jung-gu (顯示地圖)
星級 | ★★★☆☆   
位置 | ★★★★☆   
設施 | ★★★☆☆   
環境 | ★★★☆☆  
價格 | 查看價格

 

📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【韓國自由行】仲去首爾近郊?大邱一日遊景點連行程攻略!
📖延伸閱讀:【首爾自由行】編輯親試!五大傳統首爾韓屋入住報告連注意事項

 

Hotels.com 酒店優惠