定期送上世界各地最新、最地道嘅旅遊資訊!

【釜山景點】釜山行程、住宿懶人包 2019! (連甘川洞文化村交通指南)

次次飛韓國都係去首爾已經開始有啲悶?睇完《屍殺列車》有冇諗過去返轉釜山呢?釜山係韓國第二大嘅城市,同時亦係一個港口城市,所以呢度可以睇到一望無際嘅大海,同埋食到鮮甜美味嘅海鮮!今次hotels.com大使就帶大家一齊去睇下有咩必去釜山景點,介紹釜山行程同甘川洞文化村交通方法同埋海景釜山住宿推薦添!

 

釜山自由行攻略 | 釜山景點|南浦洞


@kanglilim

去到韓國,相信唔少女仔都會狂掃化妝品。就算去到釜山當然都唔例外,要大買特買啦!南浦洞就好似首爾嘅明洞,各式各樣嘅國際、本土韓國品牌雲集,無論係潮流服飾、化妝品定餐廳美食,呢度通通都有,係釜山最大嘅購物商圈。

 

南浦洞
地址:釜山廣域市江西區竹洞洞(顯示地圖
交通:地鐵1號線南浦洞站2號出口

 

釜山自由行攻略 | 釜山景點|龍頭山公園


@__06__13__

龍頭山公園就喺南浦洞附近,行完街可以沿住光復路一直行,會見到有扶手電梯帶你去到龍頭山公園。去首爾自由行好多人會上南山睇首爾塔,釜山都一樣有個釜山塔!高120米嘅釜山塔正正就喺龍頭山公園入面,係釜山重要嘅地標。上到觀景台,你可以從高處俯瞰釜山嘅景色,Hotels.com大使推薦大家夜晚先上嚟,咁就可以睇到璀璨嘅釜山夜景!

@riva_chen

夜晚上釜山塔可以睇到璀璨奪目嘅夜景,絕對值得一遊!

 

龍頭山公園
地址:釜山廣域市中區龍頭山巷37-55(顯示地圖
交通:從南浦洞下車,再從光復街搭手扶梯上龍頭山公園
開放時間:10:00 – 23:00 (釜山塔)

 

釜山自由行攻略 | 釜山景點|松島天空步道


@waicvenessa

松島天空步道喺2015年6月開放畀遊客參觀,但當時工程只係完成咗一半,直到2016年6月先正式全面開放,所以去釜山自由行就當然唔可以錯過呢個景點啦!呢條天空步道全長365公尺,目前係全韓國最長嘅海上步道。沿住步道行,可以一邊享受迎面吹嚟海風,一邊欣賞釜山湛藍嘅大海。

松島海水浴場 @kn____3jp


龜島 @seokheev

松島天空步道連接住松島海水浴場同龜島,松島海水浴場水清沙幼,沙灘上嘅沙呈純白色,海水清澈見底,食完飯散下步就最適合!而龜島長滿松樹,所以呢度亦被命名為「松島」。龜島有好多奇形怪狀嘅石頭,仲有石龜雕像,去到記得搵下呢個石龜雕像嘅位置啊!

 

松島天空步道
地址:釜山廣域市西區松島海邊路 (顯示地圖)
交通:從地鐵南浦站8號出口乘搭6、30或71號巴士
開放時間:06:00 – 23:00

 

 

釜山自由行攻略-釜山景點|甘川洞文化村


@tribaeast.com

甘川洞文化村可以話係必去釜山景點之一!呢度係釜山版嘅「馬丘比丘」,五顏六色嘅屋仔依山而建,呈階梯形狀,密密麻麻但亂中有序,好有特色!話明係文化村,你仲可以喺到參加村民舉辦嘅體驗活動,包括金屬工藝、環保袋製作、陶瓷工藝、木頭工藝、拼圖彩繪等等,有興趣嘅朋友可以上網預約!

@jojomokey

除咗喺首爾嘅小法國村可以搵到小王子嘅蹤影之外,呢度一樣可以!呢個小王子同狐狸雕像係甘川洞文化村嘅指定打卡位,坐喺小王子隔離一齊向下望住五顏六色嘅屋仔,都係另一種浪漫!

 

甘川洞文化村
地址:釜山廣域市沙下區甘川2路203 (顯示地圖)
交通:地鐵槐亭站6號出口,轉搭綠色小巴-沙下1、沙下1-1
開放時間:24小時開放
網址:http://www.gamcheon.or.kr

📖延伸閱讀👉【釜山自由行】韓國釜山必食、必玩、必去景點!

 

釜山自由行海景住宿推薦 | 1 號酒店

呢間釜山海景酒店簡直冇得輸!客戶有成大個落地玻璃都係對住個大海,望住咁靚嘅景觀,一生人真係要住一次啊!加上酒店裝潢走清新簡單路線,客戶以白色大理石為主調,配合埋出面藍色一片嘅景致,感覺非常放鬆!

 

每一日起身就望到呢個風景,真係人生一大樂事!

 

1 號酒店
地址:203, Gwanganhaebyeon-ro, Suyeong-gu, Suyeong-Gu, 48303 釜山 (顯示地圖)
星級 | ★★☆☆☆   
位置 | ★★★☆☆   
設施 | ★★★☆☆   
環境 | ★★★★☆  
價格 | 查看價格

 

釜山自由行海景住宿推薦 | 釜山海灘酒店

釜山海灘酒店同樣有超越無敵大海景,而且酒店就喺松島附近,偏離鬧市,所以夜晚非常清靜。對住個咁靚嘅大海同步道,黃昏日落之後,夜晚著咗燈更顯浪漫!情侶入住簡直一流!

喺酒店嘅天台花園食飯,享受屬於兩個人嘅寧靜時光,浪漫到暈!

 

釜山海灘酒店
地址:523-44 Nambumin-dong, Seo-gu, 釜山 (顯示地圖)
星級 | ★★★☆☆   
位置 | ★★★★☆   
設施 | ★★★☆☆   
環境 | ★★★★☆  
價格 | 查看價格

 

釜山自由行海景住宿推薦 | 釜山諾富特大使酒店

釜山諾富特大使酒店

釜山諾富特大使酒店2

釜山諾富特大使酒店鄰近地鐵站,去釜山唔同景點都一樣咁方便!由於隸屬連鎖酒店集團旗下嘅關係,釜山諾富特大使酒店嘅服務同埋設施都跟足Standard,泳池、健身室等等應有盡有,水準唔錯㗎!

 

釜山諾富特大使酒店
地址:KOR釜山Haeundae-gu292, Haeundaehaebyeon-ro (顯示地圖)
星級 | ★★★★☆   
位置 | ★★★★☆   
設施 | ★★★★☆   
環境 | ★★★★☆  
價格 | 查看價格

 

釜山自由行海景住宿推薦 | 海雲台華美達安可酒店

海雲台華美達安可酒店

海雲台華美達安可酒店2海雲台華美達安可酒店位於最多遊客鍾意去嘅釜山必到景點海雲台,由海雲台3號出口行到酒店都只不過需要大概5分鐘世界,相當便利!另外,3號出口附近一帶商店林立,而且更加有唔少餐廳選擇,翻到酒店都唔怕搵唔到好西食啊!

 

海雲台華美達安可酒店
地址:KOR釜山9, Gunam-ro, Haeundae-gu (顯示地圖)
星級 | ★★★★☆   
位置 | ★★★★☆   
設施 | ★★★★☆   
環境 | ★★★★☆  
價格 | 查看價格

 

釜山自由行海景住宿推薦 | 日落酒店

日落酒店

日落酒店2鄰近眾多受歡迎景點好似釜山水族館嘅日落酒店唔單止因為價錢相宜,而且佢哋嘅服務同埋房間亦令人非常滿意,所以係唔少旅客嘅釜山住宿選擇!此外,日落酒店嘅位置亦相當便利,5分鐘之內就可以到達地鐵站同埋巴士站,性價比極高啊!

 

日落酒店
地址:KOR釜山46, Gunam-ro, Haeundae-gu (顯示地圖)
星級 | ★★★☆☆   
位置 | ★★★★☆   
設施 | ★★★☆☆   
環境 | ★★★☆☆  
價格 | 查看價格

 

 

Hotels.com酒店優惠