定期送上世界各地最新、最地道嘅旅遊資訊!

【泰少人知】豪嘆三大隱世泰國小島推薦連住宿攻略!

泰國咁大,但係來來去去都係去曼谷、布吉、蘇梅、芭堤雅咁悶?今日就等小編同大家介紹泰國三大隱世小島同埋住宿攻略,帶大家去嘆世界,享受陽光與海灘啦!

 

泰國小島推薦|龜島

@Flickr

如果大家想去學潛水,咁就一定嚟有「世界潛水工廠」之稱嘅龜島啦!龜島係全東南亞考潛水牌最平嘅地方之一,考Open Water初階證只係二千幾蚊港紙,比起其他地方平成倍!


@Flickr

龜島附近有二十幾個潛點,一潛落去就好似去咗第二個世界咁,周圍都有大型珊瑚礁、小丑魚、小黃魚等等,就好似置身於「海底奇兵」嘅場面一樣!如果好彩仲可以見到鯨鯊、鯊魚同海龜𠻹,一生人一定要嚟一次呀!

 

龜島
地址:Ko Tao, Ko Pha-ngan District, Surat Thani, Thailand(顯示地圖

 

 

泰國小島住宿攻略|龜島小屋度假村

龜島小屋度假村好近沙灘,有個無敵大海景,景觀真係一流!每日都可以聽到海浪係你腳下拍打嘅聲,真係好relax㗎!而且酒店嘅地理位置好好,好近島上嘅餐廳同酒吧,夠哂方便呀!

 

龜島小屋度假村
地址:THA龜島16 Moo 1, Baan Haad Sai Ree(顯示地圖

 

 

泰國小島推薦|麗貝島

@Flickr

麗貝島係泰國最靚嘅島嶼之一,但係因為去麗貝島嘅交通唔太方便,所以少啲遊客,可以真真正正咁relax吓。雖然麗貝島一啲都唔大,成個島只係兩個長洲咁大,但係呢度無論食、玩、訓都一應俱全。

@Flickr

麗貝島沙灘嘅沙勁幼細,就好似踩落爽身粉咁,好神奇㗎!亦因為冇咩污染,所以有好多海底生物,可以睇盡90幾種珊瑚魚、軟珊瑚同埋水母。浮潛完仲可以去步行街度食吓小食,吹吓海風,絕對係一個度假同叉電嘅好地方!但係每年嘅4月至10月係麗貝島嘅淡季,所以好多酒店同餐廳都唔開門,所以去之前要查清楚啦!

 

麗貝島
地址:Ko Lipe, Satun, Thailand(顯示地圖

 

 

泰國小島住宿攻略|Mali Resort Sunrise Beach

Mali Resort Sunrise Beach同樣都係位於海邊,一出酒店就可以跳落水,啱哂好鐘意游水嘅朋友。喺酒店入面仲有一大片椰樹林,坐喺樹蔭下吹住海風睇書,放鬆一吓,絕對係人生一大樂事!

 

Mali Resort Sunrise Beach
地址:408 Moo 7, Sunrise Beach, 里樸島, Satun, 91000, 泰國(顯示地圖

 

 

泰國小島推薦|庫德島

@Flickr

庫德島位於泰國東部,係泰國最東面嘅島。雖然庫德島係泰國第四大嘅島嶼,但係成個島只係有2000幾個居民,所以比較清靜,係一個避世嘅好地方。雖然庫德島嘅沙灘都好靚,但係呢度最靚嘅景色係Klong Chao瀑布。Klong Chao瀑布係位於熱帶叢林入面,入到叢林行20分鐘左右就可以見到。瀑布下面仲有一個天然水塘,可以喺水塘度一邊游水,一邊聽住瀑布聲,體驗大自然嘅美妙!
庫德島有一個小漁村,村入面販賣各式各樣村民打撈上嚟嘅海鮮,全部都好新鮮㗎!村民仲會好熱情咁介紹村內嘅生活,可以了解到漁民日出而作,日落而息嘅生活,絕對係喺香港體驗唔到!

 

庫德島
地址:Ko Kut, Ko Kut District, Trat, Thailand(顯示地圖

 

 

泰國小島住宿攻略|海灘天然度假村

海灘天然度假村喺正沙灘隔離,仲有一個位於海中心嘅平台,俾住客可以喺度曬太陽。酒店仲有得借橡皮艇同電單車,俾住客可以自由咁探索成個庫德島。

 

海灘天然度假村
地址:THA庫德島47 Moo 5(顯示地圖

 

Hotels.com酒店