定期送上世界各地最新、最地道嘅旅遊資訊!

【解憂雜貨店電影】拍攝場地有咩爆點?東野圭吾 x新海誠團隊最高催淚神作!

日本人氣電影「解憂雜貨店」終於上映喇!電影內容話題性十足,其套戲亦令到好多人對福岡大分產生興趣!等小編帶你慢遊大分縣嘅景點,體驗當地復古氣息啦!

 

解憂雜貨店場景:時光倒流八十年 - 豐後高田市‧昭和之町


@boriko1763

大分縣豐後高田市係一個歷史悠久嘅地方,同時亦係一個畀你認識同接觸過去美好時光嘅地方。而昭和之町就係大分縣其中一條充滿復古氣息嘅商店街,亦係「解憂雜貨店」嘅拍攝地點。原本豐後高田市係國東半島中最繁榮嘅地方,隨住時代嘅轉變,人口外流,商店街開始變得越嚟越靜。但喺2001年,大分縣為咗令呢度起死回生,就成立咗「豐後高田‧昭和町」,每年仲吸引過40萬觀光客嚟旅遊添!


@pumpkin.8

豐後高田‧昭和町保留住昭和時代嘅風貌,仲有啲商鋪係由大正時代(1912-1926)、明治時期(1868-1912)、甚至係三四百年前嘅元祿時代(1688-1704)一直經營到而家,充滿住歷史痕跡!


@asanosally

逢星期六、日仲會有1957年代嘅免費巴士「昭和羅曼號」,帶你遊昭和町,車程大約15分鐘。想嚟個歷史遊嘅朋友,不妨去「豐後高田‧昭和町」散下步啦!

 

 

豐後高田‧昭和町
地址:〒879-0628 大分県豊後高田市新町989−1 昭和の町 (顯示地圖)
網址:http://www.showanomachi.com/

 

🏨Top 10豐後高田市酒店酒店住宿推介HK$127起 *安心價格保證*
[淡然賓館 HK$127起, 別府站前酒店 HK$301起, 湯布院民宿 HK$563起]

 

回到江戶時代 - 日田‧豆田町商店街


@unitemaki

日田‧豆田町係江戶時代江戶幕府嘅直轄地,有九州小京都嘅稱號。呢度集結咗好多江戶時代嘅商店同藏屋,淨係喺度散吓步,都會覺得自己好似穿越咗時空,返咗去江戶時代一樣。
呢一帶因為森林茂密、盛產木材,所以日田就成為咗日本最主要嘅木屐產地之一,亦因為呢個原因,所以喺豆田町好容易就可以買到各式各樣以木屐為主題嘅手工藝品,買嚟做手信就fit哂啦!


@cfrewqazx

除咗日田木屐,日田嘅人形娃娃(雛人形)都好出名㗎!每年2月中至3月底,豆田町都會舉辦天領日田女兒節(天領日田おひなまつり),市內各地將會展示約178個人形公仔,有興趣嘅朋友記得mark底到時去參觀喇!

 

 

日田‧豆田町
地址:大分縣日田市日田豆田町 (顯示地圖)

 

🏨Top 10大分縣酒店酒店住宿推介HK$282起 *安心價格保證*
[加賀屋日式旅館 HK$282起, 大分大和魯內酒店 HK$357起, 大分綠洲大廈酒店 HK$441起]

 

重拾童真 - Harmony Land


@___m30m

介紹完以上兩條復古商店街,係咪令你不斷倒帶,勾起童年嗰段美好又無憂無慮嘅時光呢?大分縣日出町就有Harmony Land,最岩重拾童真!Harmony Land係以Hello Kitty and friends為主題嘅樂園,好似My Melody、Little Twins Stars、玉桂狗Cinnamoroll等等,見到呢啲卡通人物,童年回憶返哂嚟,少女心爆棚!呢度亦都有唔同嘅娛樂設施,好似和諧摩天輪,小飛象,雲霄飛車等,大人細路都一樣咁啱玩!


@m____25a

樂園入面嘅商店仲有賣好多只有「Harmony Land」先有嘅限定商品,鐘意Hello Kitty and friends 嘅朋友記得儲定彈藥去瘋狂掃貨喇!除咗有得買,仲有得食!樂園入面嘅餐廳提供卡通人物餐點,真係靚到唔捨得食落肚!

@miinanookiniiri

 

Harmony Land
地址:大分縣速見郡日出町大字藤原5933 (顯示地圖)
門票:¥2,900 (4歲以上,4歲以下免費)
網址:http://www.harmonyland.jp/

 

Hotels.com 酒店優惠

睇到呢度,係咪想即刻book機票去慢遊大分,走入解憂雜貨店嘅拍攝場景呢?點樣先可以用至抵價錢book酒店?上Hotels.com 攞我哋最新嘅優惠代碼啦!只需要click入去呢個網站 https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!