定期送上世界各地最新、最地道嘅旅遊資訊!

【蘇梅島自由行】4日3夜蘇梅島行程大解構!必去蘇梅島景點、酒店攻略!

蘇梅島係泰國第三大島嶼,極富原始熱帶風情,島上有未被污染嘅查汶白沙海灘、有珊瑚礁,仲有天然瀑布同熱帶叢林。椰林樹影,水清沙幼,可以話係亞洲版嘅馬爾代夫?除此之外,仲有好多特色酒吧食肆,夜晚又可以行下夜市,由朝玩到晚都得!唔怪得知吸引到咁多歐美遊客啦!最正嘅係,呢到景點多、酒店靚,島上交通方便,最適合自由行!

 

 

蘇梅島自由行 | 蘇梅島酒店住宿攻略

蘇梅島上嘅酒店resort真係多不勝數!酒店嘅質素對整個旅程有決定性嘅影響!所以第一件事一定要精心挑選靚酒店,咁先可以玩得盡興!以下幾間酒店都係蘇梅島數一數二嘅優質酒店,入住過嘅旅客都有讚無彈㗎!

 

蘇梅島自由行 | 蘇梅島酒店推介|圖書館酒店

@Facebook

圖書館酒店位於蘇梅島最繁華嘅地段,附近就係多個熱門景點,蘇梅中央節慶購物中心同查汶沙灘都係5分鐘之內路程!夜晚肚餓,一出酒店就係食店同夜市,地理位置無得輸!圖書館酒店仲係查汶區最豪華,設計極具現代感嘅高級酒店𠻹!

@Facebook

呢度唔單止服務周到,設施一流。當中最具特色嘅一定係同藍天白雲玩撞色嘅紅色泳池,喺呢度游水真係別有一番風味,令人畢生難忘!

 

圖書館酒店

地址:THA蘇梅島14/1 Moo 2 Chaweng Beach (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★☆☆  
價格 | 查看價格  

 

 

蘇梅島自由行 | 蘇梅島酒店推介|蘇梅島艾美水療度假酒店

蘇梅島艾美水療度假酒店, 蘇梅島, 別墅, 海濱 (Pool), 客房

蘇梅島度假村形式酒店最受人歡迎,而小編心水之選就係蘇梅島艾美水療度假酒店!呢間酒店設計揉合咗中國古典同泰式復古風情,非常有特色!而且酒店好注重親近大自然嘅理念,四周圍都怖滿綠樹,就算喺房間入面都感受到大自然嘅氣色!

蘇梅島艾美水療度假酒店, 蘇梅島, 泳池

酒店除咗有海景游泳池同SPA,仲有yoga、拳擊同烹餁課程比住客報名參加!淨喺酒店嘅設備都夠大家玩到樂而忘返!

 

蘇梅島艾美水療度假酒店

地址:THA蘇梅島Maret146/24 Moo4 Lamai Beach (顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格

 

 

蘇梅島自由行 | 蘇梅島酒店推介|蘇梅島拉瓦娜安納塔拉水療渡假村

@Facebook

安納塔拉Anantara係泰國著名嘅酒店品牌,旗下酒店都極之奢華,想一試皇帝般嘅享受,就一定要入住蘇梅島拉瓦娜安納塔拉水療渡假村!酒店仲要最近先至重新裝修完,設施同環境更勝一籌!而且位於查汶區比較寧靜嘅區域,大家可以好好享受悠閑假期!

蘇梅島拉瓦娜安納塔拉水療渡假村, 蘇梅島, Anantara Seaview Pool Villa, 客房

酒店嘅豪華套房除咗可以睇到無敵海景,仲有私人游池、露天沐浴設備同按摩浴缸!想再豪啲?!仲可以請專人嚟幫你按摩,認真梳乎!

 

蘇梅島拉瓦娜安納塔拉水療渡假村

地址:THA蘇梅島North Chaweng Beach92/1 Moo 2 (顯示地圖)
星級 | ★★★★★  
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

 

蘇梅島自由行 | 蘇梅島景點推介 | 查汶沙灘 (Chaweng Beach)

@Flickr

蘇梅島以自然景觀聞名,而查汶沙灘就係呢度最享負盛名嘅沙灘,絕對係必去景點!4公里長嘅沙灘,被白色幼沙覆蓋,海水清澈湛藍。沙灘旁邊仲有好多海鮮餐廳、露天酒吧同高檔渡假村!日頭可以喺沙灘曬吓太陽,玩水上活動。

@Flickr

夜晚就去查汶嘅北邊,體驗呢到最五光十色嘅夜生活!無論係當地人,定係旅客,都好鐘意聚集喺呢度飲酒嘆美食,爽呀!

 

 


蘇梅島自由行 | 蘇梅島景點推介 | 納蒙瀑布 (Namuang Waterfall)

@Flickr

要玩盡蘇梅島就千祈唔好錯過位於蘇梅島內陸叢林中嘅納蒙瀑布。瀑布有成43米高,

泉水由高處飛瀉而下,氣勢磅薄!泰國人視之為靈氣聚集之地,所以四周都見到小祭壇,仲有泰國人嚟呢度靈修㗎!呢度仲吸引咗唔少泳客喺瀑布下游水,一邊欣賞瀑布美景,一邊暢泳!

@Flickr

瀑布附近仲有大象園同商店街!大家可以餵下大象,同大象合照,不過小編就唔建議騎大象啦!而商店街就賣好多有泰國特色商品,大家可以喺到盡情掃手信!玩足一整日!

 

 

 

蘇梅島自由行 | 蘇梅島餐廳推介 | 查汶大街人氣泰式餐廳 (Will Wait)

@Flickr

喺蘇梅島最熱鬧嘅查汶大街上,能夠脫穎而出,成為最受歡迎餐廳嘅Will Wait,絕對係蘇梅島之旅唔可以錯過嘅餐廳!呢間餐廳嘅泰國菜非常地道,而且價格唔高,CP值高!就連台灣人氣節目《食尚玩家》都推介過!

@Facebook

必食推介一定係呢度嘅菠蘿炒飯同泰式酸辣湯!菠蘿炒飯炒得好夠乾身,食落去粒粒分明,又好夠香口,食到令人停唔到口!而酸辣湯又非常足料,入面嘅海鮮多到數唔哂,成碗湯酸酸辣辣但又不失海鮮嘅鮮味!諗下都流哂口水!

 

Will Wait Restaurant Chaweng Beach Koh Samui

地址Chaweng Beach Tambon Bo Put, Amphoe Ko Samui, Chang Wat Surat Thani 84320 (顯示地圖)
營業時間:星期一至日 11:00-23:00

 

 

Hotels.com酒店優惠