定期送上世界各地最新、最地道嘅旅遊資訊!

【莫斯科自由行】莫斯科景點大全連市內住宿推薦 (莫斯科地鐵IG攝影攻略)

世界杯就嚟喺俄羅斯度舉行,想知道莫斯科有咩玩?就等小編帶話你知必去莫斯科景點,開啟一個浪漫又充滿文化氣息嘅莫斯科自由行啦!仲會教你點樣喺舉世聞名嘅莫斯科地鐵,影IG吸like相!

 

莫斯科自由行景點大全 | 紅場

@Flickr

點解小編會揀紅場作為莫斯科自由行嘅第一個地點呢?係因為呢度係莫斯科最古老嘅廣場,紅場以石塊鋪成,被聖瓦西里大教堂、克里姆林宮、國家歷史博物館、莫斯科大劇場等等具代表性嘅建築物包圍。呢度好大,又有濃濃嘅歷史氣息,嚟呢個廣場就可以一次過了解俄羅斯嘅歷史,同埋去哂大部分嘅必去景點。

@Flickr 俄羅斯重大歷史事件、大型慶典和閱兵活動都是在紅場舉行!

另外,好多大型活動好似大型慶典同閱兵活動,都會喺度舉行。廣場隔離仲會有小型市集,販賣各種紀念品同軍用品,無論你係想趁熱鬧定係懷古鑑今,呢度都係首選!

 

紅場

地址:Red Square, Moskva, Russia, 109012 (顯示地圖)
交通:坐地鐵至革命廣場站(Пло́щадь Револю́ции)下車後步行5分鐘即可到達

 

莫斯科自由行住宿推薦 | 莫斯科麗思卡爾頓酒店莫斯科麗思卡爾頓酒店, 莫斯科, 外觀

莫斯科麗思卡爾頓酒店絕對係呢度最高級嘅嘅酒店之一,低調高雅,歐巴馬總統訪俄嘅時候都喺呢度嘅餐廳食過飯,就知道呢間酒店一啲都唔野小!酒店距離紅場劇院等,行路唔洗五分鐘就到,而且門口仲有地鐵站,地理位置一流!另外,酒店所有服務人員都好親切,有求必應。酒店設備應有盡有,包括健身室、泳池、Spa、會議室等等,無論係商務或純旅遊都

莫斯科麗思卡爾頓酒店, 莫斯科, 客房房間寬敞高雅,裝潢融合傳統俄羅斯特色與美式風格。

 

其中一個酒店必去嘅地方,就係酒店屋頂嘅酒吧啦!夜晚,酒吧嘅氣氛好好,仲可以睇到莫斯科嘅浪漫天空美景,到時記得要去頂樓度欣賞一下呀!

莫斯科麗思卡爾頓酒店, 莫斯科, 豪華客房, 城市景, 陽台頂樓酒吧景觀一絕,經典嘅俄式建築同美夜色交織成又靚又夢幻嘅景色。

莫斯科麗思卡爾頓酒店, 莫斯科, 室內泳池酒店入面嘅泳池奢華低調,充滿現代感!

 

莫斯科麗思卡爾頓酒店

地址:125009RUS莫斯科Tverskaya Street 3 (顯示地圖)
星級 | ★★★★★
位置 | ★★★★★
設施 | ★★★★★
環境 | ★★★★☆  
價格 | 查看價格

 

莫斯科自由行景點大全 | 莫斯科大劇院


@bolshoi_theatre

莫斯科大劇院紅場附近,劇院建於1776年,曾經發生過兩次火災,1856年落成之後就改建成為一座乳白色嘅古典主義建築,呢度亦係莫斯科最出名嘅芭蕾舞同歌劇劇院。


@bolshoi_theatre

淨係因為劇院嘅建築藝術,就已經值得你去參觀。劇院門口前面嘅古希臘圓柱,令整體風格更加雄偉壯麗。劇院表演亦相當有實力,技巧同文化底蘊兼具,喺度欣賞他們嘅招牌表演-天鵝湖芭蕾舞劇就最啱啦!另外,除咗傳統芭蕾舞表演之外,劇院仲有好多唔同嘅表演,一定可以滿足鐘意藝術嘅朋友,不過嚟之前一定要記得買定飛啦!


@bolshoi_theatre

 

莫斯科大劇院

地址:Theatre Square, 1, Moskva, Russia (顯示地圖)
交通:地鐵到紅場站(Кра́сная пло́щадь)即可到達
開放時間:11:00-20:00 (售票處開放時間)
票價:表演最低票價1000盧布起
網址:https://www.bolshoi.ru

 

莫斯科自由行住宿推薦 | 聖瑞吉莫斯科尼克爾斯卡亞酒店

聖瑞吉莫斯科尼克爾斯卡亞酒店, 莫斯科, 皇室套房, 客房

呢間金光閃閃嘅豪華酒店同樣位於市中心,離小編推薦嘅必去景點都只係需要15分鐘嘅腳程。酒店裝潢奢華,所有客房都有豪華浴缸,行完成日街返到酒店可以浸下浴,真係正到爆呀!

聖瑞吉莫斯科尼克爾斯卡亞酒店, 莫斯科, 皇室套房, 浴室皇家套房浴室,空間寬敞,間間房都有豪華浴缸!

 

酒店房間空間好大,適合一家人嚟體驗皇家之旅!另外,酒店除咗有24小時room service、SPA 服務外,購票服務同多國語言嘅服務人員,仲有提供24小時來回機場接駁車同區內接駁車服務,勁方便呀!

 

聖瑞吉莫斯科尼克爾斯卡亞酒店

地址:109012RUS莫斯科12, Nikolskaya Str. (顯示地圖)
星級 | ★★★★★
位置 | ★★★★★
設施 | ★★★★☆  
環境 | ★★★★☆  
價格 | 查看價格

 

莫斯科自由行景點大全 | 克里姆林宮


@Flickr

俄羅斯有句諺語「莫斯科大地上,唯見克里姆林宮高聳;克里姆林宮上,唯見遙遙蒼穹」,克里姆林宮南面就對住莫斯科河,東面就對住紅場,就好似一座美麗嘅城中之城。克里姆林宮嘅建築特色融合咗拜占庭、俄羅斯、巴洛克同希臘羅馬等唔同嘅風格,金碧輝煌,設計精巧。紅色城牆所包圍嘅克里姆林宮,由四座宮殿、大教堂同十九座塔樓所組合而成。另外,仲有軍械庫同磚石館,存放咗歷代沙皇嘅稀世珍寶,絕對可以行足一日,喺呢度尋覓俄國皇室嘅歷史同奢華。


@mrsn.o

克里姆林宮唔單只被譽為世界第八奇景,對於俄羅斯人嚟講呢度仲係佢哋嘅地標𠻹!佢輝煌莊嚴嘅城牆同宮入面俄羅斯嘅民族史詩同真實生活寫照,就正正代表咗國家本身。另外,呢度曾經係沙皇嘅皇宮,亦一直見證着俄羅斯嘅百年歷史,係莫斯科一個不可不去嘅景點之一!

 

克里姆林宮

地址:Moscow, Russia, 103073 (顯示地圖)
交通:搭乘地鐵至列寧圖書館站(Библиоте́ка и́мени Ле́нина)即可到達
開放時間:10:00-17:00 (每週四公休); 售票時間為9:30-16:30
入場費用:伊凡大帝鐘塔250盧布; 教堂廣場建築群500盧布; 武器庫博物館700盧布
網址:https://www.kreml.ru/

 

莫斯科自由行住宿推薦 | 莫斯科四季酒店

莫斯科四季酒店, 莫斯科, 尊貴套房, 景觀, 客房酒店180間套房都有落地窗與,不同嘅房間格局都一樣可以欣賞到俄國嘅詩意風景

 

莫斯科四季飯店2014年開幕之後,就躍升成為當地最高級嘅酒店首選。呢度嘅旅客評價超高,們除咗服務周到,餐廳嘅水準都好高。

莫斯科四季酒店, 莫斯科, 餐廳酒店嘅Quadrum餐廳非常出名,以意大利風味餐為賣點,餐廳裝潢高貴大方又富有現代感,嚟到記得試下啦!

 

酒店所有房間都有落地窗,唔同嘅房間格局都一樣可以欣賞到俄國嘅詩意風景。房間設備就配備定制嘅睡床同鑲嵌鏡子入面嘅電視、iHome音響基座、iPad等等高科技設備。浴室用品清一色使用莫斯科限定款Roberto Cavalli,喺呢度你絕對可以體驗現代皇家生活嘅首選!

莫斯科四季酒店, 莫斯科, 室內泳池酒店泳池奢華低調,充滿現代感!

 

莫斯科四季酒店

地址:109012RUS莫斯科2 Okhotny Ryad Street (顯示地圖)
星級 | ★★★★★
位置 | ★★★★★
設施 | ★★★★★  
環境 | ★★★★★  
價格 | 查看價格

 

莫斯科自由行 | 莫斯科地鐵IG攝影攻略

莫斯科嘅地鐵裝潢,靚到成為一個觀光地點!就等小編教你要去邊幾個站影,同埋點影先最吸睛啦!

 

莫斯科地鐵IG攝影攻略|共青團站(Komsomol’skaya)

@sabrina_travel_photography

金光閃閃而且富麗堂皇嘅共青團站(Komsomol’skaya)絕對係影相首選!佢亦被譽為世界上最靚嘅地鐵站。企站兩旁嘅八角形大理石柱間,以拱門頂端古典嘅吊燈作為中心點影,咁你就可以將地鐵站入面嘅宮廷氣息一次過影低。不同嘅幾何圖案都可以交織成美麗嘅畫面,就算平時拍照手殘,跟着以上攻略影相打卡都可以輕鬆吸like!

 

莫斯科地鐵IG攝影攻略|基輔站(Kievskaya)

@moscow_metro_architecture

再嚟就係彰顯烏克蘭歷史壁畫嘅基輔站(Kievskaya)。其中一個必影位就係車站內面嘅大古典吊燈。另外,呢個地鐵站最特別嘅就係有24幅壁畫,描繪蘇聯時期各種職業人民嘅生活,每幅都唔同,係車站第二個必影位!車站入面全部都係白色嘅大理石,仲有彩色嘅陶瓷同烏克蘭民間飾品,各個角落都有各種細節,等住你嚟影!


@moscow_metro_architecture

 
 @shmeva44

 

莫斯科地鐵IG攝影攻略|馬雅可夫斯基站(Mayakovskaya)


@sovietvisuals官網

最後一個站就係舖滿貴重紅白大理石嘅馬雅可夫斯基站(Mayakovskaya)啦。站入面嘅地面以白色大理石為主,中間鑲有紅色大理石點綴,企大廊中間影,就可以形成對稱嘅構圖,超靚呀!車站整體嘅顏色線條,簡約得嚟又富有美感,另外大廳兩旁嘅柱,以及上面獨特嘅照明燈具,都係必影位。

 

Hotels.com飯店優惠